حدثت التحذيرات التالية:

Warning [2] Undefined variable $newpmmsg - Line: 24 - File: global.php(958) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /global.php(958) : eval()'d code 24 errorHandler->error_callback /global.php 958 eval /printthread.php 16 require_once Warning [2] Undefined variable $unreadreports - Line: 25 - File: global.php(961) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /global.php(961) : eval()'d code 25 errorHandler->error_callback /global.php 961 eval /printthread.php 16 require_once Warning [2] Undefined variable $board_messages - Line: 28 - File: global.php(961) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /global.php(961) : eval()'d code 28 errorHandler->error_callback /global.php 961 eval /printthread.php 16 require_once Warning [2] Undefined property: MyLanguage::$bottomlinks_returncontent - Line: 6 - File: global.php(1070) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /global.php(1070) : eval()'d code 6 errorHandler->error_callback /global.php 1070 eval /printthread.php 16 require_once Warning [2] Undefined array key "time" - Line: 2 - File: printthread.php(211) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /printthread.php(211) : eval()'d code 2 errorHandler->error_callback /printthread.php 211 eval Warning [2] Undefined array key "time" - Line: 2 - File: printthread.php(211) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /printthread.php(211) : eval()'d code 2 errorHandler->error_callback /printthread.php 211 eval Warning [2] Undefined array key "time" - Line: 2 - File: printthread.php(211) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /printthread.php(211) : eval()'d code 2 errorHandler->error_callback /printthread.php 211 eval Warning [2] Undefined array key "time" - Line: 2 - File: printthread.php(211) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /printthread.php(211) : eval()'d code 2 errorHandler->error_callback /printthread.php 211 eval Warning [2] Undefined array key "time" - Line: 2 - File: printthread.php(211) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /printthread.php(211) : eval()'d code 2 errorHandler->error_callback /printthread.php 211 eval Warning [2] Undefined array key "time" - Line: 2 - File: printthread.php(211) : eval()'d code PHP 8.1.2-1ubuntu2.19 (Linux) File Line Function /inc/class_error.php 153 errorHandler->error /printthread.php(211) : eval()'d code 2 errorHandler->error_callback /printthread.php 211 eval

كأنك مفيش ..شعر لأحمد فؤاد نجم - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3) +--- المنتدى: حول الحدث (http://www.nadyelfikr.com/forumdisplay.php?fid=64) +--- الموضوع: كأنك مفيش ..شعر لأحمد فؤاد نجم (/showthread.php?tid=39592)

كأنك مفيش ..شعر لأحمد فؤاد نجم - AhmedTarek - 10-16-2010 09-10-2010 كأنك مفيش .. برغم إن صورك فـ كل الدواير وكل المداخل وكل المحاور ومليا الشوارع على كل حيط .. مطنش علينا وعامل عبيط .. كأنك مفيش .. *** يا فرحة قلوبنا رئيسنا ظريف .. فُكهي .. إبن نكته ودمه خفيف فـ عهدك سيادتك فَرَشنا الرصيف وآخر مُنانا الغُموس والرغيف وكل أمَّا تُخنُق ندوَّر .. مفيش !! *** مسيِّب علينا عصابة حبايبك فضايح وسرقة ونهب بسبايبك مابين حزب نجلك .. وهانم جلالتك وجيش الغوازي إللَّي داير يجاملك وناملك وقاملك .. وحارسك وأمنك شبعنا مهانه .. شبعنا لطيش ..! وأنت .. مفيش !! *** باعونا فـ حضورك .. ببركة عِبـيدك وغالي وسرورك باعوا الأراضي .. وكل المصانع وباعوا البنوك .. وقدَّام عِنيك .. صوتنا إتـنبح .. ننادي عليك .. إلحق يا ريس : ده باعوا الحديد !! وأنت منشِّف دماغك عنيد !! .. كأنك مفيش !! *** دوشتوا دماغنا ” بجمال ” طلعتك ومن يومها وإحنا عَبـيد حضرتك ما تزعلش إني مواطن أبيح ورافض كلابك فـ شعبك تطيح فسادهم يا ريِّس واضح .. صريح قوم بينا صلّح وفتَّش .. وثور ح نكتب تاريخك ياريِّس بنور مش تبقى عايش كأنـَّك مفيش !! *** ورحمة أبوك .. مادام أنت قاعد عيب لمَّا عُصبة نَـوََر يسحبُوك م تُقبض عليهم .. م تقطع إيديهم .. م تعمل عليهم يا ريِّس شاويش بدل م انت ساكت وقاعد مفيش *** ياريس علىّ الطلاق تعبانين !! ياريس علىّ الحرام كفرانين !! صبرنا سنين .. سيادتك مسلطن وشعبك وناسك بتاكل مسرطن وتشرب مجاري وميت سم هاري .. ومش دريانين !! ما تنهض يا ريس تلم الديابه ؟!! ده شعبك غلابه .. ومليان طيابه .. وهوَّ الشفاعة ف يوم الحساب وهما البطانة الحُثاله الكلاب ما يملاش عنيهم غير التراب وليهم ضوافر وميت ألف ناب وواقفين لشعبك ورا كل باب لإمتى ح تسكت وليه الغياب ؟ ده ياما ممالك طواها التراب حياتنا ياريس تعب فوق عذاب يا ريس ” شريفك ” ماهوَّاش شريف !! ” نظيفك ” يا ريس ماهوَّاش نظيف !! وحتى ” حبيبك ” ماهواش حبـيب !! وأنا غصب عني .. خلاص إستويت .. بـ غـُلبي إنحنيت .. وطلعان عنيا .. وصعبان عليا بحسبة بسيطة ومن غير خريطه .. وكونك مفيش .. لقيت متساويش ومش فارقه أعيش .. نويت أشتكيك للِّي فوقي وفوقك وأصلي الفرايض ..عسى يفـُك طُوقـك قالولي إللي يسجد عدو النظام !! حاولت أحكي حالي ..!! قالولي الحكاوي نميمة وحرام !! فكرت أكتب .. لقيتكم سيادتك منعتوا الكلام !! فقررت أحلم .. هاحلم سيادتك وأفُك اللِّجام ولو مش هيعجب سيادتك يا فندم وصِّي العساكر .. تاخُدني أمَّا انام !! *** حلمت إني شعب ..! حلمت إني شعب ومصلوب بطولي على أرض سمرا ودمي بينـزف ومليان جروح وفوق صدري جمرة يميني مربّط على أرض طابا شمالي ممسمر فـ “أولاد علي” ورجلي على جزع نخلة فـ “حلايب” ومرتاح براسي على حِجْر مصر وشوفتك ياريس ..كأنك ولي .. كأنك نبي .. فـ إيدك عصاية وليك معجزات وانا فـ جنَّه خضره .. وتحتي جداول .. ومن فوقي نور .. وريحة بخور .. همست ف ودانك بآخر وصيّة : إنسى إللي فاتك .. هننسى الأسية .. !! أمانه عليك .. حُط الوطن جُوَّه نِنِّي عينيك كرامة عيالنا أمانة ف إيديك بحق إللي بينّا يا ريِّس وبـينك وحَق اليَمِين و” الكتاب ” فى يمينك بحق الشهيد .. إللي رافع جبينك وجيش إنتصارك فى يوم العبور وجيل حُر طالع .. وعدته بدور لملم عيالك .. وجمَّع فـ مالك وإسحب ” جمالك ” وسيبنا وغور RE: كأنك مفيش ..شعر لأحمد فؤاد نجم - handy - 10-16-2010 أحلى كلام أرشح عم نجم الأديب الكبير لجائزة نوبل فى الأدب الرد على: كأنك مفيش ..شعر لأحمد فؤاد نجم - قطقط - 10-16-2010 حلمت إني شعب ..! حلمت إني شعب ومصلوب بطولي على أرض سمرا ودمي بينـزف ومليان جروح وفوق صدري جمرة ------------- كلام مظبوط ينطبق على الفلاح ، وعلى إقتصاد مصر المستنزف من قبل أولاد المدارس الجانى هم أولاد المدارس وليس حسنى مبارك ، فهو واحد من ضمن أولاد المدارس ، وهم يعدوا بالملايين قاعدين ينموا الخراب والديون فى راحة وسعادة ولا على بالهم وربنا موجود الرد على: كأنك مفيش ..شعر لأحمد فؤاد نجم - SH4EVER - 10-17-2010 رااااائع ...... فعلا قصيدة صادقة و ساخرة .... يذكرني بالشاعر العراقي أحمد مطر ... فكلاهما يسخر من الطواغيت بشعره . مشكور على القصيدة RE: كأنك مفيش ..شعر لأحمد فؤاد نجم - العلماني - 10-17-2010 رائع الفاجومي - كالعادة- ... ميرسي "أحمد طارق"، إختيار موفق .. واسلموا لي العلماني RE: كأنك مفيش ..شعر لأحمد فؤاد نجم - بسام الخوري - 10-17-2010 لو كان سوري وكتب هيك على الرئيس كانو #### أم يلي نفضو عيشو بهالنعمة يا مصريين .....على الأقل يحق لكم الصراخ من الألم