خواطر زكريا السقال - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5) +--- المنتدى: قــــــرأت لـك (http://www.nadyelfikr.com/forumdisplay.php?fid=79) +---- المنتدى: مواضيـع منقــولة (http://www.nadyelfikr.com/forumdisplay.php?fid=25) +---- الموضوع: خواطر زكريا السقال (/showthread.php?tid=43672)

خواطر زكريا السقال - بسام الخوري - 06-05-2011 Zakaria Al Sakal صباح الخير يا وطن عمي حنظلة شو قصة الأحزاب الكردية اللي جامعها ابن الأسد عنده .!!! حنظلة شوف عمي ، هذا شعبنا الكردي تاريخ طويل من همنا وفقرنا وتعتيرنا وشحارنا وياما انظلم وياما انقهر مثلنا ، مثلنا بالضبط بدو الحرية والكرامة وما بيقبل حدى يبيع ويشتري فيه شعب أصيل منعرفه ومجربينه تخفش ، بيطلع نقبهم على فاشوش ، !!! Zakaria Al Sakal صباح الخير يا وطن خيا شو ها اليافطات والأعلانات اللي حاملها وين رايح فيها !!! حنظلة : خيتا هاي بدي ارشم فيها كل ها الوطن وأقول : اذا بدنا نكنس حزيران ونمحي أثره ، وأثر اللي جابوه ، وخلفوه و أبدوه عنا ،لازم شعبنا ينجرش ، لدسائس هذا النظام التافه المجرم بجرنا لحمل السلاح وتفريقنا بحيله الطائفية الخبيثة ، أصحى يا شعبنا الحبيب ،، أصحى ،،اصحى الرد على: خواطر زكريا السقال - بسام الخوري - 06-06-2011 Zakaria Al Sakal في بلادي التي تسمى بلاد يتطاول الطغاة ويكبرون تبنى صروحهم من الجماجم والأذرع المبتورة والأعين المفقوءة تزدان بالأطفال المنحورين فوق بطون أمهاتهم في بلادي يدخل الطغاة عقولنا يعبثون هناك ونحن نرقص أو نراقص شيئا ملتبسا شيئا بين الخرافة والوهم الطغاة ، طغاتنا لايموتون ، ولا يقهرون مثل الآلهة تحاصر قطيعها من عل وتحرس نفسها بالقطيع الرد على: خواطر زكريا السقال - بسام الخوري - 06-06-2011 Zakaria Al Sakal صباح الخير يا وطن عمي حنظلة فيك تقولي ، ليش ها الشهداء سقطوا امبارح على شيك الجولان بعد اربعة واربعين عاما ، معقول ها النظام زاق على دمه ، وليش ها الوقت , ؟؟؟ ولك يا حبيبي ، والله كثير زعلت على ها الشباب ولازم نترحم علىيهم وندعي للجرحى بالشفاء ، بس هذا العهر والحذلقة كان كثير مكشوف من ها النظام المصدي ، عمي هضول حزيران وهزيمته شغلهم وعيشتهم ، وبس وحياتك مكشوفة ، ومش مارقة على الشعب ، اللي بيعرف كيف يحرر أرضه !!! Zakaria Al Sakal صباح الخير يا وطن شو القصة صارلك يومين مبوزم ، ووجهك ما بتفسر !!! حنظلة : ولك بتعرفش أنه قدام هالكذب والدجل ، وصفاقة إعلام ها النظام البجح ،، اكتشفت إنه هذا النظام التافه معتبر كل واحد مننا نحن المشحرين والمعترين ،، اللي بينادوا وبيصرخوا للحرية والكرامة ، سلفي وأصولي وعصابة ،، والمشكلة انه نحنا مشان الحرية والكرامة ، صعاليك مأصل فيها الحرية ،، وفيها كرامة !!! الرد على: خواطر زكريا السقال - بسام الخوري - 06-07-2011 Zakaria Al Sakal صباح الخير فلسطين خيا شو هذا اللي عملوه هضول التافهين ، بتاجروا بدم الشباب ، بقتلوا القتيل وبيطلعوا بجنازته بدها خجل ملا قلة حيا ،،!!! حنظلة : خيتا تخفيش كل اللي بيحصل بها الوطن ، وكل ها الورد المفتح ، مشان فلسطين ترجع ست الصبايا ، وتكنس كل المزاودين ، والتافهين ما شعبنا عارفهم ومجربهم !!! الرد على: خواطر زكريا السقال - بسام الخوري - 06-10-2011 Zakaria Al Sakal صباح الخير يا وطن شو عمي حنظلة ، شايفك مهموم وبتقاتل بحالك ، شو اللي غامك !!! حنظلة : اسمع يا ابو علي البارحة كانوا ها الشباب مثل الورد وكله متحمس وعاشق حرية وكرامة ، وسألوني سؤال كثير كبير ، قالوا شو منساوي وبعدين شو ها الأجرام اللي عم يساويه النظام ، عم يقتل وينكل بالشباب بالأطفال بكل شي شو منساوي .؟؟؟ وانا بعرف هذا النظام بدو يجرنا ، قلتلهم ، أصحوا بالصدر العاري منطلع ، سلمية وهيك بينخ وبطاطي مثل الأرنب مافي غير سلميتنا ووحدتنا ، تنسوش تسبوا على ها المترددين التافهين والأحزاب الخايبة هاي !!