نادي الفكر العربي
هاقولك ايه ياحياة ، الوهم ، الدموع والدم - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: لغـــــــة وأدب (http://www.nadyelfikr.com/forumdisplay.php?fid=78)
+--- الموضوع: هاقولك ايه ياحياة ، الوهم ، الدموع والدم (/showthread.php?tid=46136)

هاقولك ايه ياحياة ، الوهم ، الدموع والدم - koji2010 - 12-04-2011

لا البشر فى عنيا
من نسل خلقه الله
ولا للسما فيه طريق
مترصفش بزيف
بدون السما قلبى
فقد اعز صديق

هاقولك ايه ياحياة

الوهم مات مقتول
برصاصة جت فى القلب
كل اما افكر فيه
بشتاق لعيشة الكدب

هاقولك ايه يا حياة

ما بين حروف فى كتاب
وبين سؤال وجواب
الفكر فيا تاه

هاقولك ايه يا حياة

معادش ويايا
غير كلمة بكتبها
تطلعلى شعر حزين

هاقولك ايه ياحياة

لا انا فى المقام فارس
ولا انتى قمر الليل
ولا عادش فيه حارس
يحرسلى نن العين
من كتر مانا خايف
الخوف قسمنى اتنين
بين حضنك الدافى
ياما نفسى اناملى يومين
يتولد الأمل تانى
من بين لوقا جسدين
وان متولدش خلاص
يكفينى حب روحين
يكفينى نتاج عقلين
يكفينى ابوس خدك
تردى ببوسة عالخدين


(2) الوهم

اللى ابتدع الاله شاعر
واللى قتل الاله شاعر
وانا قلبى مش شاعر
الا بشعور انسان
ماتله حبيب مقتول
وقاعد وقت الأدان يبكى

ياسيل من مشاعر
للحزن شاهر
على ايه حزين
على وهم فاضى؟
ده حزن داعر
ياوهم عاجز
ابعد وسيبنى
وسيبنى قادر
اعيش حياتى
بفكر طاهر
بعقل ناظر
لنور الحقيقة
بدون ارتباك
بدون خوف هلاك
هتفارق فى الشروق
هتفارق فى الغروب
المهم انك هاتمشى
وتطلع بقى من دمى
يامطلع عين امى
انا بلعن اللى جابوك



(3) الدموع والدم

متكتف ايوة انا وعاجز
قصادى رقبتك الطاهرة
مدبوحة بايد أندال
طالعة الدماء منها
طالعة ولا الشلال
بيضرب وشى وهدومى
بلونه اتلونوا دموعى
دبحتنى جملة قولتيها
قبل الدبح بثوانى
"بابا انا بكرهك بابا"
بنتى لا خوفتى ولا هونتى
من سكين على رقبتك
حاطه خسيس وجبان
ايوة لأن أنا دبحتك
قبل الدبح ده بزمان

ياشوية كلاب اوساخ
يادابحين الفجر
وسايبنى فى ليل على طول
ياغاويين الظلم
قطعوا لحمى انا وارموه
لكلاب السكك ياكلوه
ايه فى الحياة يسوى
ايه بعد الدموع والدم.