نادي الفكر العربي
كيف تعرف المصري ؟ - نسخة قابلة للطباعة

+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: كيف تعرف المصري ؟ (/showthread.php?tid=47486)

الصفحات: 1 2


كيف تعرف المصري ؟ - بهجت - 03-03-2012


كيف تعرف المصري من 1000 واحد ؟.

- لو سألت سواق تاكس على عنوان وبدل ما يدلك قالك امشي ورايا .. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...
- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري
- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين
- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر
- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين
- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.
- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.
-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري
- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري
- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة
-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصريه- لما يكون عندنا ضيوف ويسلموا عشان هيمشوا ويقفوا على الباب يتكلموا
ساعه يبقوا مصريين مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر....



الرد على: كيف تعرف المصري ؟ - * وردة * - 03-04-2012

من زمان وانا باسمع وصف للمصريين بإنهم (بياعين كلام Bigsmile) ويمكن سر الوصف هو كثر حلاوة لسانهم وأسلوبهم
في الدخول إلى لغاليغ الواحد حتى يكلفتوه ويريحوه ويخلوه يألفهم ويأمنهم ويحبهم وهو مغمض من غير ما يفكر ..23

ويمكن ما أستغرب لو قيل بأن الشعب المصري من أكثر الشعوب عفوية وود تجاه الآخر أياً كان , وأنه شعب يحب الحياة ويبتسم في أقسى
الأحوال , وشعب مضياف حتى مع ضيق الحال وربما أتذكر الفيديو والذي كان مؤثر جداً بالنسبة لي
الذي عرض
عن قرية حاجر الدهسة المعدمة وكيف إن الأهالي كانو يعزموا "على فضل ربنا " ويلحوا في العزيمة رغم أحوالهم الصعبة .. بالإضافة
إلى مقاطع فيديو كثيييرة شاهدناها أيام الثورة عكست صورة واضحة عن طبيعة المصريين وروحهم الباسمة البسيطة ولسانهم الحلو الخطير


تحية ود لكل المصريين New97




الرد على: كيف تعرف المصري ؟ - فارس اللواء - 03-05-2012

المصري هايفضل مصري..النيل رواه..وجمهوره غواه...


RE: الرد على: كيف تعرف المصري ؟ - بهجت - 03-06-2012

(03-04-2012, 10:51 PM)* وردة * كتب:  من زمان وانا باسمع وصف للمصريين بإنهم (بياعين كلام Bigsmile) ويمكن سر الوصف هو كثر حلاوة لسانهم وأسلوبهم
في الدخول إلى لغاليغ الواحد حتى يكلفتوه ويريحوه ويخلوه يألفهم ويأمنهم ويحبهم وهو مغمض من غير ما يفكر ..23

ويمكن ما أستغرب لو قيل بأن الشعب المصري من أكثر الشعوب عفوية وود تجاه الآخر أياً كان , وأنه شعب يحب الحياة ويبتسم في أقسى
الأحوال , وشعب مضياف حتى مع ضيق الحال وربما أتذكر الفيديو والذي كان مؤثر جداً بالنسبة لي
الذي عرض
عن قرية حاجر الدهسة المعدمة وكيف إن الأهالي كانو يعزموا "على فضل ربنا " ويلحوا في العزيمة رغم أحوالهم الصعبة .. بالإضافة
إلى مقاطع فيديو كثيييرة شاهدناها أيام الثورة عكست صورة واضحة عن طبيعة المصريين وروحهم الباسمة البسيطة ولسانهم الحلو الخطير


تحية ود لكل المصريين New97
وردة الشعر المتألقة .New97
هل تعرفين أني أرى العكس تماما ،و أن المصريين لا يجيدون الكلام ولا المجاملة ،و أن معظم العرب لديهم لسان احلى ، طبعا اللبنانيات هن رقم 1 ، ثم اللبنانيين و السوريين .... الخ .
حلاوة اللسان من حلاوة الروح ، وهذا يختلف عن التملق و المداهنة و الرياء فهي مكشوفة دائما .
يمكن يكون المصري أفضل في معاملته لغير المصري ، وهذه آفة و ليست ميزة ( نيران صديقة ) . عموما أفضل أن نتعامل كبشر بلا تمييز لجنس او لون أو دولة ... الخ ، فالبشر معدن نفيس جدا لو أعدنا اكتشافهم كبشر .
شايقك يعني مبطلة شعر ، ايه الحكاية هل هذا تعزز الأساتذة و الشعراء المتألقين .2141521
تمنياتي .



RE: الرد على: كيف تعرف المصري ؟ - بهجت - 03-06-2012

(03-05-2012, 12:31 AM)فارس اللواء كتب:  المصري هايفضل مصري..النيل رواه..وجمهوره غواه...
2141521
تعبير جميل فعلا .
هل تعرف اني بعد هذا العمر لم اعد قادرا على الحكم على المصريين .
يغلب علي الحب تجاههم و ليس الإعجاب !.



RE: كيف تعرف المصري ؟ - vodka - 03-06-2012

موضوع جميل في ظل الاوضاع التي نمر يها تشكر عليه عم بهجت

اما انا فاعرف المصري عندما يقول عن الترعة يحر

وينادي الشاويش سيادة اللوا

واي حد باشا

وعندما يسمي ابنه محمد وابنه الثاني محمدين وحسن وحسنين وعوض وعوضين

وعندما يسمي سمكة السردين حوت




RE: الرد على: كيف تعرف المصري ؟ - * وردة * - 03-06-2012

(03-06-2012, 11:00 AM)بهجت كتب:  وردة الشعر المتألقة .New97
هل تعرفين أني أرى العكس تماما ،و أن المصريين لا يجيدون الكلام ولا المجاملة ،و أن معظم العرب لديهم لسان احلى ، طبعا اللبنانيات هن رقم 1 ، ثم اللبنانيين و السوريين .... الخ .
حلاوة اللسان من حلاوة الروح ، وهذا يختلف عن التملق و المداهنة و الرياء فهي مكشوفة دائما .
يمكن يكون المصري أفضل في معاملته لغير المصري ، وهذه آفة و ليست ميزة ( نيران صديقة ) . عموما أفضل أن نتعامل كبشر بلا تمييز لجنس او لون أو دولة ... الخ ، فالبشر معدن نفيس جدا لو أعدنا اكتشافهم كبشر .
شايقك يعني مبطلة شعر ، ايه الحكاية هل هذا تعزز الأساتذة و الشعراء المتألقين .2141521
تمنياتي .

متألقة ؟! مش قلت لك المصريين شربات New97
يمكن يكون معك حق بالنسبة للمصري مع غير المصري لأني مش مصرية ولكن لي صديقات مصريات ما بيغلبوش في حاجة وأي كلمة سهلة ومتسرسبة على لسانهم .. وهذا يظهر الفرق ما بينهم وما بين السوريين واللبنانيين لأن لكل منهم أسلوب مختلف فاللبنانيين لهجتهم صعبة وأسلوبهم لا يروق لي أحياناً واما السوريين فمعروفين بإنهم حلوين اللسان واللهجة العذبة عندهم من أحلى ما يمكنك سماعه من لهجات لكن أسلوبهم واندماجهم مع الآخر يختلف عن المصريين في أمور كثيرة ..

مثال : المصري الدكتور لما تخش عليه وانت عندك مغص حتموت يقوم ويكشف ع بطنك وهو مبتسم وبيمازحك ويقولك إيه ده إيه ده ؟! ده انت زي الفل يا بني مافيكش حاجة خالص هي شويه ادوية حاتاخدها وتدعي لي.. وبس تقوم تاخذ الروشته وتطلع من عنده وانت مبسوط وناسي المغص وأكل بعقلك حبتين دوا 25






RE: كيف تعرف المصري ؟ - بهجت - 03-07-2012

(03-06-2012, 02:59 PM)vodka كتب:  موضوع جميل في ظل الاوضاع التي نمر يها تشكر عليه عم بهجت

اما انا فاعرف المصري عندما يقول عن الترعة يحر

وينادي الشاويش سيادة اللوا

واي حد باشا

وعندما يسمي ابنه محمد وابنه الثاني محمدين وحسن وحسنين وعوض وعوضين

وعندما يسمي سمكة السردين حوت
2424
من الصعب أن تعرف المصري حتى لو كنت مصريا .
ربما أوضح ما يفرز المصري حتى عن اشقائه العرب ، بما في ذلك عرب المشرق ، هو التفاوت الطبقي الإجتماعي الهائل ، حتى ان المصريون يفاجئون مثلا بنوعيات ميدان التحرير ( الآن ) و شارع محمد محمود و غيرها .
أيضا رخاوة الطبقة المتوسطة و هشاشتها وحتى ( علوقيتها ) ، فتجد أن المهندسين يستخدمون مصطلحات العمال و الأسطوات ، و أبناء تلك الطبقة يتلونون بالشكل الذي يعتقدونه " المطلوب " ولن يجلب لهم النقد ، دون التعبير بقوة عن معتقداتهم هم ، او ما نسميه " غدة النفاق " فأكثر الناس استكانة و غلبا حتى يصعب ع الكافر يدعي الثورية و انه ثائر و ( ابن ميتين ثائر كمان ) ، ثم يبحث عن حد يعرفه و يسقط عليه غلبه و يقول " يا فلول .. يا عابد الفول .. المفلول )24 بينما بلده تحترق فلا يفتح فمه بكلمة حتى لا يشوه صورته أمام السوقة و الأغبياء و الشبيحة .
يعني و الله ناس طيبين.15215



RE: الرد على: كيف تعرف المصري ؟ - بهجت - 03-07-2012

(03-06-2012, 06:06 PM)* وردة * كتب:  ..........................

متألقة ؟! مش قلت لك المصريين شربات New97
يمكن يكون معك حق بالنسبة للمصري مع غير المصري لأني مش مصرية ولكن لي صديقات مصريات ما بيغلبوش في حاجة وأي كلمة سهلة ومتسرسبة على لسانهم .. وهذا يظهر الفرق ما بينهم وما بين السوريين واللبنانيين لأن لكل منهم أسلوب مختلف فاللبنانيين لهجتهم صعبة وأسلوبهم لا يروق لي أحياناً واما السوريين فمعروفين بإنهم حلوين اللسان واللهجة العذبة عندهم من أحلى ما يمكنك سماعه من لهجات لكن أسلوبهم واندماجهم مع الآخر يختلف عن المصريين في أمور كثيرة ..

مثال : المصري الدكتور لما تخش عليه وانت عندك مغص حتموت يقوم ويكشف ع بطنك وهو مبتسم وبيمازحك ويقولك إيه ده إيه ده ؟! ده انت زي الفل يا بني مافيكش حاجة خالص هي شويه ادوية حاتاخدها وتدعي لي.. وبس تقوم تاخذ الروشته وتطلع من عنده وانت مبسوط وناسي المغص وأكل بعقلك حبتين دوا 25
بالمناسبة حكاية متألقة حقيقية .
و خذي حكمي عن ثقة .
أهم ما يميز المصري أيضا هو تقديره لخفة الظل (الدم) خاصة في جيلي ، فلم يكن نادرا ان ترفض الفتاة عريسا لأن دمه ثقيل يلطش ، حتى لو كانت صفاته الباقية ممتازة ، يعني المهر كان كام نكتة و باقي الحياة تمضي هزار و قفشات مرحة ، ثم تنتهي عند المأذون مرة أخرى .23



RE: كيف تعرف المصري ؟ - عاشق الكلمه - 03-07-2012

(03-07-2012, 06:36 AM)بهجت كتب:  من الصعب أن تعرف المصري حتى لو كنت مصريا .

مش للدرجة دى ,, يعنى كما قال فودكا هو بس يتكلم وأنا أطلعوا من وسط 100 مليون , المصرى اللى النيل رواه هو صاحب ثقافة مصرية أصيلة , وتقدر تميزه من خلال بعض الكلمات من مثل :

أستشوار
مشتشفى
منطلون
اللنضة
سكس بلف
سندوشتات
ديك النهار
شوباك
دبلون
بيستهيألى
أستغطى
عمناول " السنة اللى فاتت "
بمبز " بامبرز "
ميكروباظ
24



(03-07-2012, 06:36 AM)بهجت كتب:  يعني و الله ناس طيبين.15215

برضو مش كلهم ,,, طلع فيهم ناس ولا أبالسة 24