+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60)
+--- الموضوع: 8 7 6 (/showthread.php?tid=48095)
8 7 6 - fares - 04-19-2012
شيرين ثابت
ﻗﺮﺭﺕ ﺃﺣﺮّﺽ ﻛﻞ ﺻﺎﺣﺒﺎﺗﻲ ﺍﻧﻨﺎ ﻧﻜﺘﺐ ﺑﻤﻨﺘﻬﻰ ﺍﻟﺼﺮﺍﺣﺔ ﻭﺍﻟﻮﺿﻮﺡ ﻋﻦ ﻳﻮﻣﻴﺎﺕ ﺍﻟﺒﻨﺖ ﻓﻲ ﺷﻮﺍﺭﻉ ﻣﺼﺮ ﻭﻣﻊ ﺍﻟﻤﺘﺤﺮّﺵ ﺍﻟﻤﺼﺮﻱ. ﻗﺮﺭﺕ ﺃﺣﺎﻭﻝ ﺃﻗﺮﻑ ﺍﻟﻨﺎﺱ ﻋﻠﻰ ﺍﻟﻔﻴﺴﺒﻮﻙ ﻭﺗﻮﻳﺘﺮ ﺑﺤﻜﺎﻳﺎﺕ ﻓﻲ ﻏﺎﻳﺔ ﺍﻟﻘﺮﻑ ﻭﺍﻟﺴﻔﺎﻟﺔ، ﻣﺎﻫﻪ ﺇﺣﻨﺎ ﻣﺶ ﻫﺎﻧﺸﻴﻞ ﺍﻟﻬﻢ ﻟﻮﺣﺪﻧﺎ ﺑﺄﻩ. ﺷﻜﺮﺍً ﻟﺴﻌﺔ ﺻﺪﻭﺭﻛﻢ ﻭ ﺣﻔﻈﻬﺎ ﺍﻟﻠﻪ ﻣﻦ ﺍﻻﻳﺎﺩﻱ ﺍﻟﻄﻮﻳﻠﺔ.
#ﻫﻞ_ﺗﻌﻠﻢ ﺍﻥ ﻏﺎﻟﺒﺎ ﺍﻱ ﺭﺍﺟﻞ ﻃﻮﻳﻞ ﻋﺮﻳﺾ ﻳﺸﻮﻑ ﺑﻨﺖ ﺑﺘﺘﻤﺴﻚ ﻣﻦ ﺃﻱ ﻣﻜﺎﻥ ﻓﻲ ﺟﺴﻤﻬﺎ ﺑﻴﺘﻔﺮّﺝ ﻭ ﻣﺎﺑﻴﺤﺎﻭﻟﺶ ﺣﺘﻰ ﻳﻘﻮﻝ ﻛﻠﻤﺔ ﻟﻠﻤُﺘﺤﺮّﺵ؟
#ﻫﻞ_ﺗﻌﻠﻢ ﺍﻥ ﺍﻟﺒﻨﺖ ﻣﻤﻜﻦ ﺟﺪﺍً ﻭﻫﻲ ﻣﺎﺷﻴﻪ ﻓﻲ ﺍﻟﺸﺎﺭﻉ ﺗﺴﻤﻊ ﺍﻱ ﻋﺒﺎﺭﺓ ﻋﻦ ﺍﻱ ﺗﻔﺎﺻﻴﻞ ﻓﻲ ﺟﺴﻤﻬﺎ ﻭ ﺣﺘﻰ ﻋﻦ ﺃﻋﻀﺎﺋﻬﺎ ﺍﻟﺘﻨﺎﺳﻠﻴﺔ؟
#هل_تعلم ان ممكن جداً واحدة (منقبة) تبقى واقفه في اوتوبيس و فجأه يتم التحرش بيها جسدياً و بكل الطرق الممكنة؟ و #هل_تعلم ان ماحدش بيتحرّك غالباً؟
#هل_تعلم انه من الغريب ان البنت تخرج وتروّح بيتها من غير ماتسمع كلمتين تلاتة عن اراء المواطنين في صدرها؟ وبكل الألفاظ الممكنة؟
#هل_تعلم ان لو لبس البنت مش عاجب سيادته بيعتبر التحرّش بيها حق مكتسب له؟ والغريب هو ان الناس تحاول تمنعه؟
#هل_تعلم ان في واحد غبي على تويتر بيسألني دلوقتي انتي واثقة من الكلام ده؟ و عرفتي منين؟
#هل_تعلم ان سواق الميكروباص مرة طلع نص جسمه من الشباك و شتم البنت كل الشتايم الأبيحة هي و أهلها عشان زرارين الشيميز بتاعها مفتوحين؟ ولما اتخانقت معاه شتمني وكان هايضربني و الرجاله اللي في الميكروباص مانطقوش؟
#هل_تعلم ان مرة واحد على سلّم المترو كان نازل جنبي بيقولي أقذر الألفاظ ولما شتمته كان هايضربني و اتلموا الناس يلوموني انا عشان صوتي عالي؟
#هل_تعلم ان في خان الخليلي شباب بيعاكسوا 24 ساعة بمنتهى قلة الادب ولو اتخانقت معاه هايبجّح و يقل ادبه اكتر ؟؟ عن تجربة
#هل_تعلم ان مافيش اي فرق بين قذارة المتحرشين مع المحجبة و قذارة المتحرشين مع الغير محجبة؟ وماينفعش حد يفتي في ده غير بنت جربت الحالتين.
#هل_تعلم ان ممكن جداً كل فترة تقابل واحد في الشارع قرر يفتح بنطلونه ويفرّج البنات على عضوه الذكري بالعافية؟
#هل_تعلم ان مافيش بنت فاتها أي لفظ أبيح في شوارع مصر؟؟؟ كلنا بنسمع كل الكلام اللي ممكن أي حد يتخيله؟؟؟ وبنحمد ربنا انها جت على قد الكلام ومامدّش ايده؟؟؟
#هل_تعلم ان لو بنت مشيت في الفجالة هاتتعاكس بمعدّل كلمة مش محترمة كل 3 ثواني؟ و #هل_تعلم ان حصل مشكلة كبيرة بسبب كده من اسبوعين لإن اصحاب المحلات هرّبوا المتحرش اللي ضرب البنت لما شتمته؟
#هل_تعلم ان في واحد تاني على تويتر بيقولي مدام البنت لابسه محزّق يبقى التحرش عمل ايجابي؟
#هل_تعلم ان بعد عملية التحرّش بتفضل البنت متوترة و اطرافها ساقعة وفاقده القدرة على الكلام لمدة تعتمد على طريقة التحرش؟
#هل_تعلم ان أكتر من نص المُتحرش بهم بيتكسفوا يحكوا لأهلهم من كتر البشاعة؟ يعني لو حد قالك ترضاها لاختك وقلت اختي بتلبس محترم، لا يا بأف اختك بتتعجن بس انت اللي ماتعرفش.
#هل_تعلم ان في انسان على تويترا تعليقاً على موضوع خان الخليلي بيقولي: يبقى انتي عايزة كده ليه بتروحي هناك وانتي عارفة؟
#هل_تعلم ان اي بنت هاتقف في الشارع مستنية تركب او مستنية حد ، عادي جداً يعدي عليها عربيات تفتحلها الباب و البأف اللي جوة يدعوها للدخول؟ على اعتبار انها اكيد عاهرة الى ان يثبُت العكس؟ خصوصا في شارع خاتم المرسلين هرم
#هل_تعلم ان لما صديق حكالي على جرأة حرامي في سرقة الموبايلات في المترو جاتلي هيسترية ضحك؟ باعتباري مُت موتات احسن من دي بكتيييييييير !!! مستغرب من جرأته في سرقة موبايل. مش في سرقة قفشة!
#هل_تعلم ان تلت تربع رجالة تويتر منقسمين لنص شايفني ببالغ خصوصا على التحرش بالمحجبات ونص شايف ان البنت هي اللي غلطانة بسبب لبسها؟ وواحد عايز يوصفلي احساس الراجل لما بيشوف لبس ضيق؟
#هل_تعلم ان رداً على كلامي عن التحرش بستقبل بعض التحرشات على تويتر والفيسبوك حالاً؟
#هل_تعلم اني في ظل تلك الظروف العصيبة كل الذكور اللي قابلتهم في حياتي في اي مكان و في اي ظروف قالولي نفس الجملة؟ : انا عمري ما عاكست بنت
#هل_تعلم ان ممكن الناس تعدّي للمتحرّش الفاظه السافله و كلامه عن أكثر أجزاء جسم البنت خصوصية وتقفيشه كمان بس لو البنت قالتله #احا يبهدلوها؟
#هل_تعلم ان بسبب صديقنا المتحرّش مكن بنات ماتخرجش من بيوتها اساساً و مايمارسوش حياتهم بصورة طبيعية؟
#هل_تعلم ان صديقتي مابتلبسش غير اللون الاسود بسبب التحرش ويوم ماتلوّن بيبقى يوم اسود عليها؟ مأتم إجباري
#هل_تعلم ان البنات ممكن تحكي حكايات التحرش دي للأبد ومش هايخلّصوا؟
#هل_تعلم ان الملايين من الشباب اللي بيتحرّشوا بالبنات دول هم نفس الناس اللي دخلت فيلم شارع الهرم هم هم اللي انتخبوا الحرية والعدالة؟
#هل_تعلم ان ربنا طلب منك تغض البصر؟ #هل_تعلم ؟ سؤال لمرضى تويتر
#هل_تعلم ان صديقتي اللي معاها اليكتريك في شنطتها سوّاق التاكسي اعجب بيها وقرر يخطفها في عز الضهر ووسط البشر والزحمة و ماسابهاش غير لما ضربته؟
#هل_تعلم ان في حد بيرد على موضوع ربنا قال غض البصر و بيقول، ماهه طلب من البنت برضه الاحتشام قولي الحقيقة كاملة؟ طيب اولاً التحرش بيطول كل انواع الملابس ثانيا وده الأهم، وانت مالك هي مابتسمعش كلام ربنا انت رايح تجيبله حقه يعني؟
#هل_تعلم ان التحرش الجنسي وصل كمان لمرحلة ان في بنات بتتحرش بالولاد؟ الحق يقال يعني.
#هل_تعلم ان في واحد على تويتر رده على موضوع الألفاظ السافلة في الشارع ان البنات كمان على تويتر بأوا بيشتموا براحتهم؟
#هل_تعلم ان لمسة إنسان لجسم فتاة مايعرفهاش بدون إرادتها بقت مسألة وجهة نظر؟
#هل_تعلم ان أول حادثة تحرّش كبيرة حصلتلي ومش هاقدر انساها ابداً كان معايا اتنين صاحباتي وكنّا في رابعة ابتدائي؟
#هل_تعلم اني اتعلمت الشتيمة على ايد المتحرشين؟
#هل_تعلم ان انا نفسي يبقى عندي اليكتريك؟ و اي سلاح ادافع بيه عن نفسي؟
#هل_تعلم ان أي حظيرة حيوانات فعلاً أكثر تحضراً من شوارع مصر المحروسة؟
#هل_تعلم انه راجل عنده 60 سنة ودقنه قد كده و بيفصص جسمها حتة حتة بمنتهى الوقاحة و بعدين يبصلها بقرف ويبص الناحية التانية؟
بطنكوا وجعتكوا؟ معلش، #هل_تعلم ان عادي جداً ان المتحرّش يضرب البنت من ورا في وسط الشارع متخذاً في ذلك تامر حسني قدوة و يضحك و يجري ولا كإنه عمل حاجة؟
#هل_تعلم ان ده اكتر يوم رجالة تويتر قلوا ادبهم عليا فيه؟ فعلاً الحقيقة بتوجع وكل واحد باين عليه جداً هو انهي نوع من البشر
#هل_تعلم ان انا مش ناوية اسكت؟ دوّر انت على حل انا مش عارفة اعمل غير اني ارغي
#هل_تعلم ان جملة التحرير وحش عشان فيه تحرش دي أكتر جملة كوميدية في الدنيا؟؟؟؟
#هل_تعلم اني في مرة من المرات بطرد الرجالة من عربية السيدات و عشان يغيظني نزل من الباب اللي انا واقفه عنده مع ان الباقي مفتوحين لمجرد انه يزنق نفسه فيا وهو نازل و يجري؟
#هل_تعلم ان المعاكسة الرقيقه اللي هي كلمة بسيطة حلوة وخلاص بقت رفاهية دلوقتي وانقرضت اساسا؟ واحدة صاحبتي فرحت جدا عشان واحد قالها شعرك زي موج البحر
#هل_تعلم ان رمسيس مكان مرعب ليا لإن اكيد اكيد هاتعرض للمعاكسة والتحرش هناك؟
#هل_تعلم انها مش محروسة ولا اللي فيها آمنين ولا اي حاجة من الأحلام دي من سنين طويلة؟
هو انت كنت فاكر الأمن مستتب؟ طب #هل_تعلم ان مرة واحد راكب موتوسيكل وقف قدامنا زماااان عند المدرسة واحنا بنات في اعدادي وفتح زراير القميص ولقيناه لابس تحته براه وبيضحكلنا ويشاورلنا واتفزعنا؟
#هل_تعلم ان التحرش الجنسي ده بيعتبر اغتصاب علني للبنت؟ عارف اختك اغتصبوها كام مرة؟
#هل_تعلم ان كل مابيعدي جنبي ولد في الشارع ايدي بتتحوّل لوضعية البوكس أوتوماتيك وضربات قلبي بتزيد؟
#هل_تعلم ان سن المتحرش بيكون 12 سنة فيما فوق؟
#هل_تعلم ان التحرش في الشارع و الجامعة والفيسبوك و تويتر و التليفون و الموبايل؟
#هل_تعلم ان انا ماعنديش حل للمشكلة دي؟ ماحدش يسألني تاني بأه !!! ماهه لو عندي حل ماكنتش قرفتكوا كده
#هل_تعلم ان كلهم في الشارع بقوا بالنسبالي شبه بعض؟
#هل_تعلم ان كونك متحرش وحيوان ده بيفقدني أنا جُزء من إنسانيتي؟؟ انا ممكن أعمل مصيبة بسببك!
#هل_تعلم ان الكلام في الموضوع ده مكانش فكرتي؟ انا قررت كده لما لقيت اتنين من صاحباتي بالصدفة البحتة قدامي عالتايم لاين بيتكلموا عن التحرش وواحدة منهم في حالة انهيار؟
http://free-women.tumblr.com/
مشروع لا يتبع شخصا بعينه، ولا يتبع أي مؤسسة أو جمعية .. وقائم على مجهود مجموعة من الأفراد ولا يهدف للربح
الرد على: 8 7 6 - وليد غالب - 04-19-2012
ستصبح مصر قريباً مثل السعودية؛ في السعودية إذا أرادت المرأة أن تضمن عدم التحرش بها فهي تلبس لباساً يجعلك تظن بأنها ذاهبة إلى مفاعل نووي؛ حيث تسدل خيمة على نفسها بحيث لا يظهر أي تفصيل من جسدها سوى الطول ومثلث بسيط في الأعلى زواياه الثلاث هي الرأس والكتفين، تفصيل ثالث وأخير يظهر من الجسد وهو الكفان، ولكنهما أيضاً مغلفان بقفازات سود – ألم أقل لكم أنها ذاهبة إلى مفاعل نووي؟ - ، وطبعاً لا ترى عينيها، أي لا تتبرقع بل الوجه مغطى بالكامل، فالبرقع خطير جداً في السعودية فهو بمثابة كرت دعوة علنية للشباب.
وأبشطركم يا بني فرعون بأن أولادكم الصغار سيصبحون قريباً هم من يتلقى المعاكسات من الرجال، أما البنات فسيتولى أمرهن البنات.
والإسلام هو الحل ومفيش حل تاني خالص مالص واللي يقول غير كده يبقى كافر ابن دين كلب علماني ديوث عرص مستعرص يريد أن يفتن الأمة عن دينها كي يستمر اليهود في تدنيس الأقصى ولكن هيهات هيهات نحن قادمون يا إسرائيل فأنعمي وتنعمي بآخر أيامك فاليوم نقيم شرع الله وغداً يفتح الله علينا نعمه فتغتني الأمة ويقوى اقتصادها حتى يقارع اقتصاد اليابان فنصنع الطائرات والدبابات ونصدرها إلى الدول الإسلامية ثم ننقض على تل أبيب وينصرنا الله عليهم ونسبي نساءهم ثم نفتح أوروبا ونسبي نساءها ثم نفتح أمريكا ونسبي نساءها ثم أمريكا الجنوبية ونسبي نساءها، وهكذا مع مئات الملايين من السبايا سنحل مشكلة الكبت الجنسي في مصر ويعوض الله بذلك على شباب مصر سنواتهم العجاف، مش قلنالكم من الأول يا علمانيين يا بهايم إنو الإسلام هو الحل؟؟؟
الرد على: 8 7 6 - ATmaCA - 04-19-2012
التحرش سببه الفقر والجهل والتخلف اللى نص شعبنا الحبيب واقع فيه. واحيانا يكون سببه التحفيز الجنسى سواء من البنت او من المجتمع او من الاصدقاء .لما كنت بقعد مع شلة من الاصدقاء فى مصر مكونة مثلا من 10 افراد كنت بلاقى كذا نوع من الشباب منهم الشاب المؤدب المحترم ابن الناس اللى ابوه مدير ادارة طلمبات فى شركة بترول واخته فى كلية اداب او حقوق وبتقابلك بشعرها او بشورت قصير لانك اصغر منها بخمس ست سنين ولاتجد ادنى مشكلة فى ذلك ..ووالدته سيدة عاملة ومنتجة ،وهو فى الجامعة الامريكية او جامعات بنفس المستوى، كان دايما الشاب ده عندما تجلس معه كان من الصعب جدا ان يحكى لك انه تحرش من قبل بفتاة او عاكسها ، واقصى شىء يفعله هو الدردشة على النت مع فتاة لايراها او يحب جارته حب عذرى او حب من طرف تالت! ويتنظر بفارغ الصبر ان يجلس مع صديقه ليشرح له هيامه بها وحبه الشديد لها .
النوع الثانى هو الشاب الفقير المنخرط وسط المجموعة ليربح مكاسب من وراء الشلة فيستطيع ان يجلس فى كافيه او مطعم لساعات بدون ان يدفع مليلم او يذهب لشراء ملابس وينتظر ان يسترجل شاب من الشباب ليدفع له تلاتين اربعين جنية ثمن القميص .. وعندما لايجد استرجال يقول ان القميص وحش ومش عاجبنى .. وعندما تحدث خلافات فى المجموعة تجده دائما فى الصف الغنى الذى سينال منه مصلحة ان عاجلا او اجلا .. مثل هذا النوع هو اكثر الانواع الذى يروى لك تحرشاته بالفتيات ويبرر ذلك بانه مش طايل لاجواز ولا وسائل ترفيه تغنيه عن التفكير فى شهوته ..
الانواع الاخرى عديدة فتجد الشاب صاحب النظارات العريضة الذى يأتى لك باقوال الفلاسفة والمفكرين فى اى موقف ،وينسحب فورا لو لم يعجبه اجتماع على الذهاب لمكان ليس على هواه ويبرر ذلك بالجهل وانكم عمركم ما هتبقوا بنى ادمين ابدا ..
وفيه بقى الشخصية الدينية التى تكبت غرائزهاو التى تسمى عادة بالشيخ فى المجتمع المصرى، الشيخ فلان راح الشيخ فلان جه، مع ان هذا الشيخ تخطى منذ قريب سن المراهقة وشعر ذقنه لسه طالع، التى تحدثك فى الحلال والحرام ويكون كلامه بمثابة نكت لباقى الشلة .
RE: الرد على: 8 7 6 - * وردة * - 04-19-2012
(04-19-2012, 05:00 PM)وليد غالب كتب: ستصبح مصر قريباً مثل السعودية؛ في السعودية إذا أرادت المرأة أن تضمن عدم التحرش بها فهي تلبس لباساً يجعلك تظن بأنها ذاهبة إلى مفاعل نووي؛ حيث تسدل خيمة على نفسها بحيث لا يظهر أي تفصيل من جسدها سوى الطول ومثلث بسيط في الأعلى زواياه الثلاث هي الرأس والكتفين، تفصيل ثالث وأخير يظهر من الجسد وهو الكفان، ولكنهما أيضاً مغلفان بقفازات سود – ألم أقل لكم أنها ذاهبة إلى مفاعل نووي؟ - ، وطبعاً لا ترى عينيها، أي لا تتبرقع بل الوجه مغطى بالكامل، فالبرقع خطير جداً في السعودية فهو بمثابة كرت دعوة علنية للشباب.
وأبشطركم يا بني فرعون بأن أولادكم الصغار سيصبحون قريباً هم من يتلقى المعاكسات من الرجال، أما البنات فسيتولى أمرهن البنات.
هل أنت من أهل السعودية حتى تقول مثل هذا الكلام بكل هذه الثقة ؟
حرام عليك تسيء مثل هذه الإساءة لنساء شعب بأكمله
الرد على: 8 7 6 - coptic eagle - 04-20-2012
اهلا
للاسف الحجاب جزء من المشكله
وقد أباح الإسلام كشف الوجه واليدين وأمر بستر ما عدا ذلك .
ومعلوم أن الممنوع مرغوب وأن ستر مواطن الفتنة يزيدها جاذبية .
وبين القبائل البدائية وبسبب العري الكامل يفتر الشوق تماما وينتهي الفضول ونرى الرجل لا يخالط زوجته إلا مرة في الشهر وإذا حملت قاطعها سنتين .
وعلى الشواطئ في الصيف حينما يتراكم اللحم العاري المباح للعيون يفقد الجسم العريان جاذبيته وطرافته وفتنته ويصبح أمرا عاديا لا يثير الفضول .
ولا شك أنه من صالح المرأة أن تكون مرغوبة أكثر وألا تتحول إلى شيء عادي لا يثير .
http://www.eltwhed.com/vb/showthread.php?t=1472&p
وفي الاخر اتفرج على هذا الفيديو انا مش هتحجب وانت هتتادبعشان من ساعة الحجاب ما دخل مصر والناس اصبحت تنظر الى المراءه على انها عورة وفتنه
واصبحت تنسى ان هذه المراءه من الممكن ان تكون اختا لصديق او لو ست كبيره ممكن تكون اما لاي فرد
فلو كل واحد افتكر ان له اخته ممكن تتعاكس وان اخته ممكن تتعرض لنفس الموقف الناس هتبطل تعاكس لو كل الناس بدأت تحاسب نفسها وتفهم ان اللي بتعمله غلط ما حدش هيعاكس
وادي رابط الفيديو ان مش هتحجب
http://www.islameyat.com/post_detail...d=2087&scat=27