+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: فكـــر حــــر (http://www.nadyelfikr.com/forumdisplay.php?fid=57)
+--- الموضوع: النكبة (/showthread.php?tid=5067)
النكبة - نزار عثمان - 05-15-2008
على الرغم من قيام عدد من الاحباء بنشرها في غير مكان، يبقى لهذه التحفة قيمتها التي نسجت من شرايين وجع الشاعر الفلسطيني الشعبي يوسف حسون، وسببت له السجن عام 1950.. وإذ تتأكد قيمة هذه القصيدة - التحفة في هذه الايام التي تشهد احتفال إسرائيل بالذكرى الستين لتأسيسها، يكفيها مجدا، أن نقوم باستبدال بعض الاسماء الماضية بأخرى معاصرة حتى تتجاوز زمانها لتتطابق مع زماننا، وكأن يد القدر التي تقلب عابثة صفحات السنين والأعمار قد تيبست أمام بيانها إجلالا وإكبارا..
أترككم مع الحروف المسبوكة بنزف سمو كلمات، وطهر الوجع.. وحرقة الالتياع، مهداة من صديق فلسطيني رضع الذكرى مع العز، وجرى ألم النكبة في عروقة متوارثا كابرا عن كابر
مرسال يا ممتطي شملال كالسرحان = تسبق نسيم الشمالي حين ترخيها
حثّ المطية وسير برفقة الرحمن = وفي أقرب السبل يا مرسال مشّيها
وخذ هالرسالة وفيها من الدما عنوان = ودمع الحزانى مطرّز عا حواشيها
ومضمونها منتهى النكبات والأحزان = أسرع بها ولملوك العرب ودّيها
***
اقصدْ سليل النبي (الهاشمي) بعمان = وقللو على لسان قاصيها ودانيها
يا صاحب التاج هيك الأمل ما كان = تفنى فلسطين وعيونك تراعيها
يِخْوي عليها الدويري وحولها عقبان = وينوشها الذيب والآساد حدّيها
فلسطين مهد المسيح ومعرج العدنان = عَمّال تبكي على حالة أهاليها
الجوع والبرد والتشريد والحرمان = وأمراض عميعجز الدكتور يشفيها
حيفا ويافا وصفد والناصرة وبيسان = وعكا وبلدان لا أحصي أساميها
صارت أسيرة وفيها تحكموا العدوان = ورايات صهيون رفّت في أعاليها
يا حيف يا حيف يا حسرة ويا خسران = يا للأسافة ويا خيبة أمانيها
***
مرسال من بعد هذا الجهر والإعلان = عرّج على مصر أم الخير وافيها
إذهب (لفاروق) راعي مصر والسودان = وانعي فلسطين للفاروق وابكيها
وقلوا أيا من بذكرك سارت الركبان = وأزهر بلادك علوم الدين حاويها
أطفالنا تْذبّحت بالسيخ كالخرفان = وسالت دماهم على البيداء ترويها
كم مرضعة طفلها قدّام منها عيان = أردوه للموت لم يرعوا ترجّيها
وكم من حبالى عليها حوّمت غربان = لا خبر لا ستر؛ بل لا ما يُواريها
وشيوخ تقتّلت عا مذبح الطغيان = أما الفضايح فإن الله يدريها
يا حامي النيل عنا ما السبب غفلان = معهود منك مواعيد توفيها
جدّك (محمد علي) بيصيح بالأكفان = فلسطين حدّك وكيف الخصم يؤذيها
***
مرسالنا لحمى بغداد سير الآن = نادي على ملكها وراعي نواصيها
وخبّر سمو الوصي وعرّفو ما كان = لا بدّ هامو لِهول الخطب يحنيها
إشكي الذي صار بالرملة من النكران = واللد يا حسرتي واللي محاذيها
و(طيره) الشهيرة (وترشيحا) غدوا قيعان = و(لوبيه) الشهيدة رياح الظلم تذريها
واشكي انسحاب (الجليل) وتلكم البلدان = وحالة بلدنا (شعب) واللي جرى فيها
مرسال قل للوصي ولا تكن خجلان = أجدادك الصيد فعلك ما بيرضيها
ما كان شعب العراق فيما مضى كسلان = مالو عيونه عن فلسطين مغضيها
بغداد بغداد وين رجالك الشجعان = من غفلة القلب يا مرسال وعّيها
واشكي لفيصل وغازي في حمى رضوان = واشكي لهارون والمأمون ثانيها
***
مرسال زور الحجاز وحرّض الفتيان = وجوز (المدينة) وتجوّل في ضواحيها
ونادي (السعودي) وقللو يا رفيع الشان = صارت فلسطين شعلة نار طفّيها
ولّعتها ونمت عنها ليش يا سلطان = وخليت صهيون بالويلات ترميها
و(صخرة) نبيك تهددها بنو الشيطان = بْزَتّ القنابل تهدّم من مبانيها
البترول حق امتيازو سيفك الرنان = سِلّوا بوجه الأعادي ولا تداريها
ويغنيك مولاك من أموال لمريكان = واللي نَشَا الناس، يطعمها ويسقيها
وأنجالك الغرّ حولك كلهم فرسان = إبعث بهم والعدى نيران تصليها
وانكان ما جيتنا في الحال بالأعوان = ما عاد نرضى الكعبة تكون حاميها
***
مرسال خوذ الرسالة لليمن تبيان = للشيخ (أحمد) أبو الإيمان إعطيها
وقلله فلسطين صفى شعبها تلفان = جيعان عريان آلامه يقاسيها
كم من يتامى أصابتها يد الحدثان = آباءها بالموت والإمّات طاويها
لا لبس لا أكل مثل الناس والنعسان = ما عاد يأمن عويناته يغفيها
واللي بْعيونه رمد بيصيح والعيان = بشكي وْجاعه وهات اللي يداويها
يا ملك (أحمد) سكوتك حيّر الأذهان = هيا أغثنا وخفف من بلاويها
ستين مليون عندك ذهب بالخزان = مالك ورثته عن المرحوم محييها
في جزء منها علينا لا تكن بخلان = المال يفنى وأما الحمد باقيها
***
مرسال للشام عود وفوت عالديوان = نادي الرئاسة (شكري) الكان واليها
وقللو أيا ذا الفخامة فِعْلكم ما بان = وين الخطابات هللي كنت تلقيها
في الجو طارت هباء ومالها حسبان = يا ريت ما كنت يا (شكري) بتحكيها
ويا زعيم بدنا جيوش منظمة من شان = تنقذ فلسطين وتحرر بواديها
فلسطين من سوريا قطعة وإذا بتنهان = معنى الإهانة لسوريا وأهاليها
***
مرسالنا نادي (بشارة) في حمى لبنان = قلله فلسطين خلّصها ونجّيها
يا شيخ جيشك تركها وزاد بالنسيان = وحدودها ظل محجم عن تخطيها
وانكان عندك عذر بيّن لنا برهان = يقنع إلى الناس ويبرّر مساعيها
لبنان لبنان نحنا كلنا إخوان = لا فرق ما بين مسلمها ومسيحيها
نحنا منأسف على رياض الصلح من كان = يلقي بيانات تحيي نفس قاريها
وبعدين ظهر النشيط وبيّن العجزان = وعرفت فلسطين مبغضها وهاويها
فلسطين أبناءها يا أمة العربان = لاقوا إهانات شتى ما منخفيها
ما بيسمعوا غير كلمة ((هيه يا خوّان = يا بايعين الأراضي للْ يشتريها))
يا قوم معروف من باع البلاد وخان = لا تاخذوا اللي مطيع بذنب عاصيها
سرسق يبيع الأراضي ويقبض الأثمان = وكتير مثلو ونحنا ننتهم فيها
***
يا قادة العرب يا سادات يا أعيان = هذي فلسطين بدها جيوش تحميها
أما السياسة تياسة وضحك عالأذقان = لا تتبعوها وخافوا من دواهيها
ودولة بريطانيا أمكر من الثعبان = والموت في نابها ساعة تِلَوّيها
اللوم كلّو عليكم يا ذوي التيجان = هذا اعتقادي ونفسي لا أبريها
نحنا طلبنا وصيحنا بفرد لسان = حتى نسلح فلسطين ونقويها
قلتم لنا اطمئنوا أيها السكان = نحنا فلسطين عنا جيوش تكفيها
عدنا انتظرنا وبقينا نرقب الميزان = ونفوسنا في معونتكم نمنيها
وف بالنا ملوك سبعة عندنا يا فلان = انكان ثارت بني صهيون تفنيها
ما جال باْفكارنا (شرتوك) أو (ويزمان) = يربح على ملوكنا السبعة ويرديها
وانكان ضغط السياسة حجة الغلبان = ظلي دموعك أيا فلسطين صبيها
لما بيرضى المستر (بيفن) و(ترومان) = في إم عينِك فعايلنا تشوفيها
من بعد ما تهدمت عاروسنا الحيطان = ومن بعدما رواحنا وصلت تراقيها
ومن بعدما يسيل دم ولادنا طوفان = واكبادنا الجوع يقتلها ويهريها
ومن بعدما يصير ثلاث رباعنا بليان = بدها ملوك العرب تنقذ بواقيها
نشكي ملوك العرب لله والقرآن = وللهاشمي وصاحب الإنجيل نشكيها
نشكي حياة الهوان وفرقة الأوطان = شكوى أليمة ومين اللي يراعيها
واللي بياكل على جسمو عصي وقضبان = ما هو شبيه الذي بالعد يحصيها
***
راح الرسول ورجع قللي إنِتْ غلطان = أرسلتني للملوك وقلت انخيها
لاقيتهم كل منهم بالذهب طمعان = ونكبة فلسطين في صهيوني ناسيها
وحب الزعامة مرضهم ضيّع الإيمان = فيهم وضاعت عروبتنا ومباديها
تخمين ضاع الضمير الحي والوجدان = وتبعوا الزعامة وما فهموا معانيها
جار الزمان وعلينا سادت العبدان = سودا ليالي الشقا الله يجازيها
يا ريت عشنا بأمة عمر أو عثمان = أو كان حيدر أو الصدّيق بانيها
***
مرسال نادي الشعوب تْْجُول بالميدان = بلكي بقية نخا للحرب تدعيها
هذي ملوك العرب ما في عليها ركان = والأجنبي مسيطر عليها وطاغيها
وختام قولي تحية خالصة وشكران = لا كل مخلص بلاد العرب يفديها
أترككم مع الحروف المسبوكة بنزف سمو كلمات، وطهر الوجع.. وحرقة الالتياع، مهداة من صديق فلسطيني رضع الذكرى مع العز، وجرى ألم النكبة في عروقة متوارثا كابرا عن كابر
مرسال يا ممتطي شملال كالسرحان = تسبق نسيم الشمالي حين ترخيها
حثّ المطية وسير برفقة الرحمن = وفي أقرب السبل يا مرسال مشّيها
وخذ هالرسالة وفيها من الدما عنوان = ودمع الحزانى مطرّز عا حواشيها
ومضمونها منتهى النكبات والأحزان = أسرع بها ولملوك العرب ودّيها
***
اقصدْ سليل النبي (الهاشمي) بعمان = وقللو على لسان قاصيها ودانيها
يا صاحب التاج هيك الأمل ما كان = تفنى فلسطين وعيونك تراعيها
يِخْوي عليها الدويري وحولها عقبان = وينوشها الذيب والآساد حدّيها
فلسطين مهد المسيح ومعرج العدنان = عَمّال تبكي على حالة أهاليها
الجوع والبرد والتشريد والحرمان = وأمراض عميعجز الدكتور يشفيها
حيفا ويافا وصفد والناصرة وبيسان = وعكا وبلدان لا أحصي أساميها
صارت أسيرة وفيها تحكموا العدوان = ورايات صهيون رفّت في أعاليها
يا حيف يا حيف يا حسرة ويا خسران = يا للأسافة ويا خيبة أمانيها
***
مرسال من بعد هذا الجهر والإعلان = عرّج على مصر أم الخير وافيها
إذهب (لفاروق) راعي مصر والسودان = وانعي فلسطين للفاروق وابكيها
وقلوا أيا من بذكرك سارت الركبان = وأزهر بلادك علوم الدين حاويها
أطفالنا تْذبّحت بالسيخ كالخرفان = وسالت دماهم على البيداء ترويها
كم مرضعة طفلها قدّام منها عيان = أردوه للموت لم يرعوا ترجّيها
وكم من حبالى عليها حوّمت غربان = لا خبر لا ستر؛ بل لا ما يُواريها
وشيوخ تقتّلت عا مذبح الطغيان = أما الفضايح فإن الله يدريها
يا حامي النيل عنا ما السبب غفلان = معهود منك مواعيد توفيها
جدّك (محمد علي) بيصيح بالأكفان = فلسطين حدّك وكيف الخصم يؤذيها
***
مرسالنا لحمى بغداد سير الآن = نادي على ملكها وراعي نواصيها
وخبّر سمو الوصي وعرّفو ما كان = لا بدّ هامو لِهول الخطب يحنيها
إشكي الذي صار بالرملة من النكران = واللد يا حسرتي واللي محاذيها
و(طيره) الشهيرة (وترشيحا) غدوا قيعان = و(لوبيه) الشهيدة رياح الظلم تذريها
واشكي انسحاب (الجليل) وتلكم البلدان = وحالة بلدنا (شعب) واللي جرى فيها
مرسال قل للوصي ولا تكن خجلان = أجدادك الصيد فعلك ما بيرضيها
ما كان شعب العراق فيما مضى كسلان = مالو عيونه عن فلسطين مغضيها
بغداد بغداد وين رجالك الشجعان = من غفلة القلب يا مرسال وعّيها
واشكي لفيصل وغازي في حمى رضوان = واشكي لهارون والمأمون ثانيها
***
مرسال زور الحجاز وحرّض الفتيان = وجوز (المدينة) وتجوّل في ضواحيها
ونادي (السعودي) وقللو يا رفيع الشان = صارت فلسطين شعلة نار طفّيها
ولّعتها ونمت عنها ليش يا سلطان = وخليت صهيون بالويلات ترميها
و(صخرة) نبيك تهددها بنو الشيطان = بْزَتّ القنابل تهدّم من مبانيها
البترول حق امتيازو سيفك الرنان = سِلّوا بوجه الأعادي ولا تداريها
ويغنيك مولاك من أموال لمريكان = واللي نَشَا الناس، يطعمها ويسقيها
وأنجالك الغرّ حولك كلهم فرسان = إبعث بهم والعدى نيران تصليها
وانكان ما جيتنا في الحال بالأعوان = ما عاد نرضى الكعبة تكون حاميها
***
مرسال خوذ الرسالة لليمن تبيان = للشيخ (أحمد) أبو الإيمان إعطيها
وقلله فلسطين صفى شعبها تلفان = جيعان عريان آلامه يقاسيها
كم من يتامى أصابتها يد الحدثان = آباءها بالموت والإمّات طاويها
لا لبس لا أكل مثل الناس والنعسان = ما عاد يأمن عويناته يغفيها
واللي بْعيونه رمد بيصيح والعيان = بشكي وْجاعه وهات اللي يداويها
يا ملك (أحمد) سكوتك حيّر الأذهان = هيا أغثنا وخفف من بلاويها
ستين مليون عندك ذهب بالخزان = مالك ورثته عن المرحوم محييها
في جزء منها علينا لا تكن بخلان = المال يفنى وأما الحمد باقيها
***
مرسال للشام عود وفوت عالديوان = نادي الرئاسة (شكري) الكان واليها
وقللو أيا ذا الفخامة فِعْلكم ما بان = وين الخطابات هللي كنت تلقيها
في الجو طارت هباء ومالها حسبان = يا ريت ما كنت يا (شكري) بتحكيها
ويا زعيم بدنا جيوش منظمة من شان = تنقذ فلسطين وتحرر بواديها
فلسطين من سوريا قطعة وإذا بتنهان = معنى الإهانة لسوريا وأهاليها
***
مرسالنا نادي (بشارة) في حمى لبنان = قلله فلسطين خلّصها ونجّيها
يا شيخ جيشك تركها وزاد بالنسيان = وحدودها ظل محجم عن تخطيها
وانكان عندك عذر بيّن لنا برهان = يقنع إلى الناس ويبرّر مساعيها
لبنان لبنان نحنا كلنا إخوان = لا فرق ما بين مسلمها ومسيحيها
نحنا منأسف على رياض الصلح من كان = يلقي بيانات تحيي نفس قاريها
وبعدين ظهر النشيط وبيّن العجزان = وعرفت فلسطين مبغضها وهاويها
فلسطين أبناءها يا أمة العربان = لاقوا إهانات شتى ما منخفيها
ما بيسمعوا غير كلمة ((هيه يا خوّان = يا بايعين الأراضي للْ يشتريها))
يا قوم معروف من باع البلاد وخان = لا تاخذوا اللي مطيع بذنب عاصيها
سرسق يبيع الأراضي ويقبض الأثمان = وكتير مثلو ونحنا ننتهم فيها
***
يا قادة العرب يا سادات يا أعيان = هذي فلسطين بدها جيوش تحميها
أما السياسة تياسة وضحك عالأذقان = لا تتبعوها وخافوا من دواهيها
ودولة بريطانيا أمكر من الثعبان = والموت في نابها ساعة تِلَوّيها
اللوم كلّو عليكم يا ذوي التيجان = هذا اعتقادي ونفسي لا أبريها
نحنا طلبنا وصيحنا بفرد لسان = حتى نسلح فلسطين ونقويها
قلتم لنا اطمئنوا أيها السكان = نحنا فلسطين عنا جيوش تكفيها
عدنا انتظرنا وبقينا نرقب الميزان = ونفوسنا في معونتكم نمنيها
وف بالنا ملوك سبعة عندنا يا فلان = انكان ثارت بني صهيون تفنيها
ما جال باْفكارنا (شرتوك) أو (ويزمان) = يربح على ملوكنا السبعة ويرديها
وانكان ضغط السياسة حجة الغلبان = ظلي دموعك أيا فلسطين صبيها
لما بيرضى المستر (بيفن) و(ترومان) = في إم عينِك فعايلنا تشوفيها
من بعد ما تهدمت عاروسنا الحيطان = ومن بعدما رواحنا وصلت تراقيها
ومن بعدما يسيل دم ولادنا طوفان = واكبادنا الجوع يقتلها ويهريها
ومن بعدما يصير ثلاث رباعنا بليان = بدها ملوك العرب تنقذ بواقيها
نشكي ملوك العرب لله والقرآن = وللهاشمي وصاحب الإنجيل نشكيها
نشكي حياة الهوان وفرقة الأوطان = شكوى أليمة ومين اللي يراعيها
واللي بياكل على جسمو عصي وقضبان = ما هو شبيه الذي بالعد يحصيها
***
راح الرسول ورجع قللي إنِتْ غلطان = أرسلتني للملوك وقلت انخيها
لاقيتهم كل منهم بالذهب طمعان = ونكبة فلسطين في صهيوني ناسيها
وحب الزعامة مرضهم ضيّع الإيمان = فيهم وضاعت عروبتنا ومباديها
تخمين ضاع الضمير الحي والوجدان = وتبعوا الزعامة وما فهموا معانيها
جار الزمان وعلينا سادت العبدان = سودا ليالي الشقا الله يجازيها
يا ريت عشنا بأمة عمر أو عثمان = أو كان حيدر أو الصدّيق بانيها
***
مرسال نادي الشعوب تْْجُول بالميدان = بلكي بقية نخا للحرب تدعيها
هذي ملوك العرب ما في عليها ركان = والأجنبي مسيطر عليها وطاغيها
وختام قولي تحية خالصة وشكران = لا كل مخلص بلاد العرب يفديها