+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: الحوار الديني (http://www.nadyelfikr.com/forumdisplay.php?fid=58)
+--- الموضوع: بالمصري أبو هريرة والمبروك (/showthread.php?tid=51183)
بالمصري أبو هريرة والمبروك - فارس اللواء - 05-22-2014
مين فاكر فيلم.."الغرقانة"..لنجمة مصر الأولى/ مش التانية.."نبيلة عبيد"..؟..امرأة بدوية في قبيلة معزولة وسط الصحرا، وطفل صغير اسمه المبروك، كله كرامات ومعجزات، مجتمع صحراوي قائم على الخرافة، راجل عجوز متجوز اربع نسوان، وعاوز يخلف مش عارف.
راحت الست نبيلة حكت له على كرامة المبروك/ اللي هو الطفل الصغير، وقالت هو اللي هايخليك تخلّف ، سمع كلامها وصدقها، راحوا للعجوز وقالت له ع الطريقة العبقرية، المبروك هايشرب مية ويروح للأربع نسوان بالتوالي..واحدة بعد واحدة، واللي المية تحصره في خيمتها تبقى ربنا داعي لها وهي صاحبة الفرج..والليلة ياعمدة..
راح للأربع نسوان وشرب مية، وكل واحدة تدعي انها تفوز وتبقى ليلتها، لغاية ما خلص لفّ على الأربعة وماحصلش حاجة، قامت وهي في خيمة الزوج العجوز ومعاها المبروك قامت المية حصرته هناك وفتح الدش ع الراجل، احتاروا شوية وقالوا دا معناه إيه؟؟؟؟!!!!.....راحوا لراجل تاني في القبيلة قال دا معناه إن الزوج العجوز لازم يجامع الاربع زوجات في ليلة واحدة، ودا مطلب صعب إن لم يكن مستحيل، دا الواحد بيخلص مع واحدة بالعافية لما يضربه الدم يبقوا اتنين، لما يكون مفتري وصحته حلوة يبقى تلاتة، ولكن أربعة؟؟؟؟؟..ههههه دا أوفر أوي..
سمع الكلام الراجل العجوز وفعلاً بقت كل واحدة تزغطه إيشي حمام وإيشى خروف عشان يقدر يكمل، عند الأولى كان عادي..عند التانية وبدأ يتعب..دخل ع التالتة كان مطلّع لسانه، دخل ع الرابعة- سعيدة الحظ- سمعوا صويت ع الفجر..إيه اللي حصل؟..الراجل مات...يالهوي..دا إيه اللي ورّطه الورطة دي، وفيه حد يعمل العملة المنيّلة دي..
المهم إيه علاقة دا بأبي هريرة ؟
أبو هريرة بقى ماعجبوش الكلام دا..وقالك اربعة؟؟؟!..إيه العالَم السكّة دي ؟..قام مطلع حديث عن سيدنا سليمان عليه السلام ، وقال انه لف على نسائه في ليلة واحدة، ولكن مش تلاتة ولا اربعة ، دول العالم الفرافير اللي بتاكل مولتو...إسمع كدا الرقم وما تتخضش...قال انه لف على 100 من نسائه في ليلة واحدة..(أيوة مائة زوجة وملك يمين ياناصح)..ولكن عشان بس ما قالش.."إن شاء الله"..مفيش والا واحدة ولدت لسيدنا سليمان إلا واحدة بس ولدت نصف إنسان، ومش عارف يعني إيه نص إنسان..يعني ناقص إيد ولا رجل ولا دماغ.
اسمعوا الراوية..قال البخاري في صحيحه:
حدثني محمود حدثنا عبد الرزاق أخبرنا معمر عن إبن طاوس عن أبيه عن أبي هريرة قال : قال سليمان بن داود لأطوفن الليلة بمائة امرأة تلد كل امرأة غلاما يقاتل في سبيل الله فقال له الملك: قل إن شاء الله فلم يقل ونسي فأطاف بهن ولم تلد منهن إلا امرأة نصف إنسان قال النبي لو قال إن شاء الله لم يحنث وكان أرجى لحاجته. .
يعني ابو هريرة والبخاري ماشيين بطريقة..12 كيلو بسبوسة ماعملوش حاجة ، ولكن حتة قشطة قاااااد كدا هي اللي قتلته، يعني لما يلف على 100 واحدة في ليلة واحدة طبيعي، ولكن مش طبيعي إنه ينسى ذكر المشيئة، دي جريمة..دا استهتار..ازاي يلف على 100 واحدة وما يقولش ان شاء الله، طب أنا اقطع دراعي ان لو واحد دخل نافوخه الحدوتة دي إنه يكون بيلف على اتنين..!!
المهم ان صديق دافع عن الحديث وقال ان ابو هريرة ماغلطش لما قال ان سيدنا سليمان هيجامع 100 مرأة في ليلة واحدة، انت ماتعرفش المعجزة والا إيه ؟!...دي معجزة ودول أنبياء يعني مش زينا..
قلت: ان المعجزة ياصديقي هي ما يجريها الله من الخوارق على أيدي الصالحين لتكون دليلاً على الله، يعني لها وظيفة محددة وهي.."التدليل على الله"..وإقناع ذوي العقول من الكافرين وحملهم ألا يتعرضوا بأذى للأنبياء..
قولي بأة..إيه علاقة قدرة سيدنا سليمان الجنسية بالدعوة إلى الله ؟!!!!!
هما الكفار مش هايؤمنوا الا ما يكون النبي 64 حصان، ولا يكون فاتح له مركز علاج طبيعي يعالج المؤمنين بينما الكفار لأة ؟!......واشمعنى موضوع الجنس مسيطر على نسبة كبيرة من الأحاديث حتى وهمت ان ماكانش فيه سيرة غير الموضوع دا يتكلموا فيه ..!
الرد على: بالمصري أبو هريرة والمبروك - الوطن العربي - 05-23-2014
هذا اللي يقرفني في الشيعة.