+- نادي الفكر العربي (http://www.nadyelfikr.com)
+-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3)
+--- المنتدى: فكـــر حــــر (http://www.nadyelfikr.com/forumdisplay.php?fid=57)
+--- الموضوع: طالب يقاطع كلمة نظيف فى احتفالية جامعة القاهرة (/showthread.php?tid=5421)
طالب يقاطع كلمة نظيف فى احتفالية جامعة القاهرة - عاشق الكلمه - 04-22-2008
![[صورة: get-4-2008-tpn759hb.jpg]](http://o9o9.net/up/get-4-2008-tpn759hb.jpg)
الأثنين، 21 أبريل 2008 - 19:32
كتب السيد خضرى:
فاجأ أحد الطلاب، الدكتور أحمد نظيف رئيس مجلس الوزراء، أثناء كلمته فى لقاء أساتذة وطلاب جامعة القاهرة الاثنين، بمقاطعته صائحا: "ياريس، التعليم والجامعة زى الفل، ورغيف العيش حلو، لنا طلب واحد، إنكم تفرجوا عن زملائنا المعتقلين"، وعلى إثرها خيمت حالة من السكون على اللقاء الذى تم فى إطار احتفالية الجامعة بمرور مائة عام على إنشائها.
الدكتور نظيف امتص المفاجأة سريعا ووجه حديثه للطالب قائلا:"طريقة الكلام المفروض ماتبقاش كدة، المفروض إنك تستأذن"، وأضاف:"الديمقراطية هى التى أتاحت لك الفرصة أن تتواجد، وتتكلم، وتقول رأيك بمنتهى الحرية".
الطالب بلال دياب، بالفرقة الرابعة بكلية الآداب، عضو حركة "حقى"، والذى قاطع الأسئلة المطروحة على رئيس الوزراء، تم احتجازه بمكتب قائد حرس الكلية عقب اللقاء، والإفراج عنه بعد تجمهر عدد من زملائه، وتدخل أحد أعضاء لجنة الحريات بنقابة المحامين.
اليوم السابع اتصلت هاتفيا ببلال فور خروجه من مكتب الحرس، فقال: "بعد كلمتى لرئيس الوزراء، فوجئت بمجموعة من الأمن فى ملابس مدنية يجلسون بجوارى، وعند خروجى من القاعة، حاولوا الإمساك بى، إلا أن الطلاب دافعوا عنى، وعند ذهابى إلى مبنى الكلية المجاور لمبنى الجامعة الرئيسى فوجئت بأربعة أمناء شرطة وملازم أول وأستاذ جامعى يحاصرونى وحملونى من حزام البنطلون زى المجرمين ودخلونى مكتب الحرس".
http://www.youm7.com/News.asp?NewsID=21732...5&IssueID=0
تعليـــــــــــــــــــــــــــــــق.....
شفتوا الديمقراطيه بتاعتنا شكلها ايه؟؟؟
لكن اللى انا مش فاهمه , كيف تسلل بلال هذا الى القاعه واستطاع ان يلقى كلماته؟
عاده فى مثل تلك الاحتفاليات فانهم يقومون باختيار الطلبه الموالين , حتى لا يحدث موقف كهذا , تماما كزيارات السيد الرئيس للمصانع اللتى يتم افتتاحها, فانهم يعطون العاملين اجازه ويجلبون مكانهم افراد امن لزوم التصوير مع الرئيس , فكيف تسلل هذا المتسلل؟؟؟
طالب يقاطع كلمة نظيف فى احتفالية جامعة القاهرة - يجعله عامر - 04-22-2008
مساء الخير يا عاشق
أولاً الطالب قليل الأدب عديم الإتكيت ، هو في حضرة من هم أكبر منه سنًا وعلمًا وهم محاضروه ، فلا بد من أن يحترم قاعة المحاضرة حتى ولو كان من يحاضره شارون أو بوش أو صاحب فيلم فتنة .
ثانيًا تصرف الطالب حمق معهود على طلاب اليوم ، وما يقوله لا قيمة له ، إذ يسخر من أوضاع البلد : "ياريس، التعليم والجامعة زى الفل، ورغيف العيش حلو، لنا طلب واحد، إنكم تفرجوا عن زملائنا المعتقلين " أمام من يرأس حكومتها ..
من الطبيعي جدًا ومن الواجب أن يتم تأديبه لأنه غير محترم ، عيل وغلط لازم يتأدب عشان ميعملهاش تاني .
ثالثًا ربنا يحرق الجامعه باللي فيها اليومين دول ..
طالب يقاطع كلمة نظيف فى احتفالية جامعة القاهرة - -ليلى- - 04-22-2008
ربنا يزيد و يبارك :aplaudit:
عقبال ما نلاقى و لو 50 مليون "بلال دياب " و زى زمايله فى مصر
:thumbup:
طالب يقاطع كلمة نظيف فى احتفالية جامعة القاهرة - Serpico - 04-22-2008
اهو ده بقى يا يجعلة عامر هو قمة الاي كلام
لما نعاتب على الاخطاء الصغار ونطالب بمعاقبتها واصحاب الاخطاء الكبار محدش بيكح معاهم يبقى احنا لمؤاخذه بنهرج
الطالب ده لو كان اتربى في بلد تحترم القانون كان هو لوحدة اتعلم الالتزام بالقانون
طالب يقاطع كلمة نظيف فى احتفالية جامعة القاهرة - سيسبان - 04-22-2008
عقبالى كده انا كمان لما اتصرف زى الطالب ده:lol22:
ههههههههههههههههههههههه
لا بجد الطالب ده ولد ميه ميه :thumbup:
طالب يقاطع كلمة نظيف فى احتفالية جامعة القاهرة - Beautiful Mind - 04-22-2008
بعد سنوات طويلة من الخنوع و الخضوع و الإستكانة
أصبحت طولة اللسان و قلة الذوق و ضعف العقل بطولة يصفق لها الجميع ..
أي تصرف ضد الحكومة هو صواب على طول الخط ..
حتى لو كان عشوائي أو فوضوي أو بلا معنى ..
طالب يقاطع كلمة نظيف فى احتفالية جامعة القاهرة - سيسبان - 04-22-2008
بيوتفل
لو انت شايف اللى عمله بلال دياب طولة لسان و قلة ذوق و ضعف عقل
فأنا شايفه اللى عمله ده جرأه يحسد عليها بغض النظر عن الكلام اللى قاله لزعافة الوزاره
طالب يقاطع كلمة نظيف فى احتفالية جامعة القاهرة - يجعله عامر - 04-22-2008
Array
اهو ده بقى يا يجعلة عامر هو قمة الاي كلام
لما نعاتب على الاخطاء الصغار ونطالب بمعاقبتها واصحاب الاخطاء الكبار محدش بيكح معاهم يبقى احنا لمؤاخذه بنهرج
الطالب ده لو كان اتربى في بلد تحترم القانون كان هو لوحدة اتعلم الالتزام بالقانون
[/quote]
رُفع عن أمتي الخطأ وانا مسامحك يا احمد ، ومش هعري راسي وادعي عليك
الموضوع عن الطالب صح
قول صح
موضوع اخطاء الكبار ده موضوع تاني صح واللا مش صح
الطالب غلط كونه قام من غير اذن واللا لأ غلط
موضوع انه مترباش في بلد تحترم القانون وإن الكبار حرامية وولاد ستين كلب ده موضوع تاني
نفاق الكبار للكبار هو ما أضاع الكبار والصغار .. وسرقة الكبار للكبار والصغار لا ينبغي أن نقتدي بها يا مولانا
وكلمة الحق تتقال
لو قاعد ع القهوة وسمعت الواد بيكلم الراجل اللي نضّف البلد هقول يسلم فمك ، وهيساوي خطابه خطاب القرموطي لبوش في معلش احنا بنتبهدل ... تحب تحركنا عواطفنا ولا نفكر بعقولنا يا باشمهندس
انت عزيز عليا ومش عاوز حاجه تضيع العزومه (f)
طالب يقاطع كلمة نظيف فى احتفالية جامعة القاهرة - Beautiful Mind - 04-22-2008
يا ستي هو أسد و سبع رجاله في بعض ..
أستفاد ايه .. هو أو غيره ؟
ايه فايدة التصرف بالطريقة ديه غير إنه بقا نجم و الناس صفقت له ؟
مش التصرف يكون له معنى و لا أي كلام ؟
طالب يقاطع كلمة نظيف فى احتفالية جامعة القاهرة - سيستاني - 04-22-2008
عمدما توصد الطرق امام تبليغ الاحتجاجات رسميا تتبقى وسائل اخرى غير مألوفة مثل الانتحار بسكب البنزين في الشارع العام على طريقة المعارضين الاكراد او التاميل او قذف السياسيين المغضوب عليهم بالبيض الفاسد و الطماطم او حتى رفض المصافحة مثلما فعل المزارع الفرنسي مع الرئيس ساكوزي .
احيي سلوك الطالب بلال الذي افسد احتفالية مصطنعة على المقاس .