+- نادي الفكر العربي (http://www.nadyelfikr.com)
+-- المنتدى: الســـــــــاحات الاختصاصيـــــة (http://www.nadyelfikr.com/forumdisplay.php?fid=5)
+--- المنتدى: المدونــــــــة (http://www.nadyelfikr.com/forumdisplay.php?fid=83)
+--- الموضوع: وشوشااات (/showthread.php?tid=6132)
وشوشااات - ليلاء - 03-12-2008
بحب قصة لجبران باختصار بتحكي عن كم وردة مزروعين ببستان وراء هاد البستان في جبل في وردة من هالوردات كان نفسها دايما تروح وراه الجبل ..يوم من الايام تمردت عالوضع اللي عندها واللي هي فيه وراحت وراء الجبل بس راحت لهناك فش شوية ولا الريح هب كتير ومن شدته رجعها لمكانها
رجعت تعبانة كتير بس حاسة براحة كبيرة رغم كل شي صار معها
قالولها صديقاتها الوردات شايفة يا وردة الله ستر ولا كان متي؟
قلتلهم صح ممكن كان متت؟
بس انا لو اموت بموت وانا عارفة شو وراء الجبل
بس انتو رح تعيشو هون وتموتو وانتو نفسكم تعرفو شو في وراء الجبل
طبعا بأسلوب جبران اروع واجمل بكتير من اسلوب وحدة متل حكايتي بس حبيت اوصلك الفكرة منها
اللي بيحكي عن الشي مش متل اللي بيحسه وبيعيشه.. اللي بتكلم عن الحب مش مثل الذي يعيشه ويتنفسه
الحب الطاهر الصادق بنظري تماما كجنين في رحم امه.. كطفل في المهد .. هو دوما في طور الولادة لا يهرم ابدا
تماماكمن يقارن الخلود بالفناء؟
كمن يقارن الارض الخضراء المعطاءة بالبور والصحراء
بحياتي قط ما شعرت ان الحب والاشتياق هو رغبه فقط
انما هو انتاج وابداع
طاقة لا تشبه اي طاقه اخرى
هي جدا بعيدة عن الابتذال والخنوع والتهريج والانحطاط
هي اسمى من ذلك بكثير اشبه ما تكون باتساع لمدارك العقل والحياة وألق رائع وهاج للقلب والمشاعر
هي نار لا يطفؤها الماء كغيرها من النيران
هي نار تشتد وتشتد وتستعر كلما مررت من ذكر اسم من تحب او لامسته او لمحته من بعيد او قريب او جاء من يذكرك به
حتى في احلامك ومنامك
وفي صحوك فهو له طيف اشبه بالحقيقة رغم انشغالك واعمالك الكثيرة المتعبه الا انه لا يفارقك
هو من اجمل مراحل الحياة رغم متاعبه
ويحضرني هنا ابيات لشاعر لا اعرفه ولا اظنني احفظها تماما ولكن من معناها انه المحب هو اشقى الناس هو دائما في حاله بكاء اما من الفراق او الاشتياق
هو ذلك الشعور الذي لا تستطيع ان تصفه بأي من الكلمات ربما يجعلك تحب اشياء ما كنت تحبها بهذا القدر من قبل
كالموسيقى والشعر والأدب والفنون على اختلافها
هو ذلك الذي يثبت لك انه لا يزال على الارض طهارة ونظافة ومعنى لذيذ للصفاء والبراءة مهما كان المحب
هو من يشحنك بذكريات تصبح اشبه بمحطة وقود تشحنك وتزودك بما يلزمك من وقود ومن بنزين الحياة لتتابع اعمالك ويومك ولو بقليل من النشاط
او ربما هو اشبه ببحر ما ان تنظر الى صفاءه وروعة زرقة ماءه حتى تشعر بالغبة في كتابة بعضا من الشعر او النثر في بالك او على صفحات دفتر الشط ورماله هناك
هو كبحر يستدرجك رويدا رويدا حتى يغريك بالسباحة والغوص حتى ان كنت غير قادر على فعل ذلك يبتعد بك عن الغدر والكدر وزبد البحر ويقذف بك في اعماق اعماقه لتفقد احساسك بطريقة واعية ناضجة لذيذة شهية
ليس كما يقول بعضهم سحابة صيف او فترة تمر وتذهب كما اتت
حتما هو لا فمن صدقه نتعرف عليه اكثر
يقنعك انه كل الفصول التي تتعاقب بطريقة سريعة غريبة حتما ليس شمس حارقة ولا زهرة ذابلة في الربيع
وعمره ابدا لن يكون ورقة شجر تسقط من عالشجرة في فصل الخريف
ولا يمت بصلة للجليد ولبرد الشتء
هو مزيج متناغم متجانس منها جميعها
لا دمعة ولا ضحكة
بل هو احساس راقي رقيق ناعم ناعم
انعم من رمال شاطئ البحر
اظنه كملك او حاكم له جبروت وجلاله ورغم ذلك تعجبنا أنفته ويعجبنا غروره ونحب كبرئاءه القاسي اللين معا في ان
مش مهم وين انت هلأ المهم لوين رح تروح وكيف رح تتحرك
غريبين الناس مشان ارضيهم كلهم واثبت عكس القاعدة انه ارضاء الناس لا يدرك بقدر ارضيهم لما اكون فاشلة ومشان هيك خليهم مش رضيانين ولا اكون فاشلة حتى بحبي
ما تعلمت ولا حبيت طعم الفشل بأي شي بعمله وحلمي اللي بدافع عنه لاخر لحضة بقدر اعطي فيها
رح اضل دايما اتعلم وانا عايشة رح اضل دايما انجز حتى صمتي اله نكهة خاصة بكره اضيع عمري اني استنى سفينه ابصر ايمتى رح تيجي بدل ما اتعلم اني انا اسبح اتجاهها واحاول اوصل الها حتى لو بعرض البحر
اللي بيكسب هو فهلا اللي بيكون قادر انه يتحمل ويصبر ويمكن مشان هيك رب العالمين وصف المؤمنين بالصابرين الصبر كخلق متل الصبر اللي بالصحرا ء اله شوك وطعم الانتظار مر بس اللي بيعرف كيف يتعلم يتصرف حتى لو يستخدم ايساليب بدائية ويستخرج السكر من اي شيء كرمال يحلي هالمرارة كن واثق يا ماهر انه بقدر
لو بصير متل السبع او الذئب او ذوي الانياب والمخالب والي حق ويكون مشروع وانا صاحبته واحق الناس فيه موافقة بكون هيك مش بالضورورة تكون دايما غزال رشيق حلو والكل يتغزل فيك وحقك ضايع وحلمك مهدد انه يضيع بلحضة
بقبل اكون سلحفاة امشي المشوار ببطء ونونو نونو اشرفلي ماا اوقف وما امشي ابدا واعيب عالسلحفاة بطئها وروحها الطويلة
كلشي الله خلقه اكيد خلقه لحكمة وكلشي بيوقع تحت عيوني لازم اتأمله صح مشان اعرف بشو تميز عند ربنا عن غيره رغم اشياء سيئة كتير فيه حتى اضعف المخلوقات
انا يمكن بحلم وبتمنى ومرات بوصل للنجوم او للسما بس عمري عمري ما نسيت انه رجلي لساتها عالارض واني بلا اساس متل قصر شامخ بلا عمدان بلحضة بيوقع
الناس الها بالضاهر بالقشور بتحكم وبتحلف وبتقسم على شي ما شفته ولا سمعت فيه بس طول انا بحس انه عملي صح وحلال ومش عيب يبقى بتفرقش معي لو عاداني الكل لاحقين رح يعرفو بعدين انهم هنن الغلطانين مش انا
كلشي كبييييير ضخم عظيم وبيسرق النظر والكل بيحكي فيه بعرف انه اصله كان فكرة وبذرة زغيرة على ورقة مش اكتر بس لانه لاقى حدا يهتم فيه ويصمم على نجاحه صار وكبر وبين للناس كإنه اجى كبير ومبني ومأسس جاهز
ليه بستغرب لما اسمع او اقرا عبارة اياك ان تهوى امرأة؟
ليه يعني
للازم اللي كتبتها يحدد نوعية المرأة اللي ما بده حد يهواها
ما يعمم ليه بينسى انه نص المججتمع عمل مجتمع ولولا ادم وحوا ما كان حياة اصلا
ليه ينسى انه فرحة العمر وراحة البال اللي بيتمناها ما اجت الا من وراء امرأة
ونكهة الحب ونار الحب ولسعته اللي بتكوي كوي ما سببها الا امرأة
مين كان ام الوليد والايوبي والعظماء القدماء وحتى الجداد مش امرأة
كيف انا بدي احسسك انك رجل ازا ما اعترفت اني امرأة
يا ابني ويا زوجي ويا حفيدي انا بحب كوني امرأة وبعشق انوثتي وبعرف انه الها قدسيتها
بس معه حق بشغلة بس انه مش كل امرأة امرأة
ولا كل رجل رجل
ليلاء ( بذرة لا زالت تنمو)
وشوشااات - ليلاء - 03-13-2008
[quote]
اللي بيكسب هو فهلا اللي بيكون قادر انه يتحمل ويصبر ويمكن مشان هيك رب العالمين وصف المؤمنين بالصابرين الصبر كخلق متل الصبر اللي بالصحرا ء اله شوك وطعم الانتظار مر بس اللي بيعرف كيف يتعلم يتصرف حتى لو يستخدم اساليب بدائية ويستخرج السكر من اي شيء كرمال يحلي هالمرارة كن واثق يا( ماهر )انه بقدر
لو بصير متل السبع او الذئب او ذوي الانياب والمخالب والي حق ويكون مشروع وانا صاحبته واحق الناس فيه موافقة بكون هيك مش بالضورورة تكون دايما غزال رشيق حلو والكل يتغزل فيك وحقك ضايع وحلمك مهدد انه يضيع بلحضة
هنا فقط اود التوضيح منعا لأي لبس او فهما خاطئا للمعنى ان كلمة ماهر ما جاءت هنا كإسم علم اقصد شخص ولكن قصدت يا -غواصي الماهر- ذلك الغواص الذي بمهارته يستطيع ان يسبر غور بحر حياتي ويكتشف لآلئ ومرجان الصدق والعذوبـة في آن معا..
شكرا