مبارك يعلن يوم الأثنين أجازة رسمية - نسخة قابلة للطباعة +- نادي الفكر العربي (http://www.nadyelfikr.com) +-- المنتدى: الســــــــاحات العامـــــــة (http://www.nadyelfikr.com/forumdisplay.php?fid=3) +--- المنتدى: قضايا اجتماعيــــــة (http://www.nadyelfikr.com/forumdisplay.php?fid=60) +---- المنتدى: ملعب الرياضـــة (http://www.nadyelfikr.com/forumdisplay.php?fid=17) +---- الموضوع: مبارك يعلن يوم الأثنين أجازة رسمية (/showthread.php?tid=6764)

مبارك يعلن يوم الأثنين أجازة رسمية - بهاء - 02-08-2008 من وكالات خيالى فى سابقة تاريخية لم تحدث فى أى دولة فى العالم , ما بالك فى دولة من العالم الثالث .. قرر سيادة الرئيس مبارك أعلان يوم الأثنين اللى جاى عطلة رسمية عشان الناس تسهر وتتفرج على المتش براحتها , وتنزل تحتفل بالكأس فى الشارع . فبعد ان كسر الفراعنة عبارات الفشل والتبرير , بعد المر اللى شربناه .. جاء فرعون اسمه " حسن شحاته " وبنى جيشه , وأستعدى أفضل الفرسان من كل فج عميق . وقاد أهم أمم أفريقية , وأحسن مبارايات كرة قدم رأيتها فى حياتى القصيرة لفريق المصرى من ناحية التنظيم واللعب بالأوراق , وضمن الكأس لأول مرة مرتين متتاليين . وفى رصدنا لفرحة الشعب بالنصر الكسيح , خرجت الجماهير الأسكندرية على طريق البحر , والطرق الرئيسية فيها بعربيات نصف نقل محملة بالناس وبالطبل والدفوف , وهاتفوا " مصر , مصر , مصر " . على طول خط البحر من المندرة الى الميناء , وقد أوقفوا طريق البحر بأعداد هائلة من البشر . وقد لفت نظرنا وجود المواطن " محدود الدخل " فى أحدى تجليات الأحتفال , وقد وقف فوق عربية ملاكى يهتف " أبو تركية يا أبو تركية " فيما يبدو أنه سيصبح السلام الوطنى الجديد . وأقتربنا من " محدود الدخل " , وحاولت بعلو صوتى أن أنادى عليه : يا محدود , أيه رأيك فى اللى حصل ؟ محدود : أربعة , أربعة , أربعة . ويبدو أن " محدود " نسى جلساته الدائمة مع رئيس الوزراء , والوزراء وخرج يحتفل بهزيمة قاسية جدا على منتخب ساحل العاج , ونسى طابور العيش والسوق ومشاكل البطالة , نسى كل شئ وليس فى باله غير " أربعة واحد " * ملحوظة : على الرغم من أن ضباط المرور , وأقسام أسكندرية كلها كانت فى الشارع لحد الفجر , الا أنهم سابوا الناس تتظاهر وتعبر عن فرحتها . البلد كانت أمبارح " واقفة " , ويوم الأحد " هيكون العيد " . لحسن شحاته , وفرسان مصر واحد واحد (f)(f)(f)(f) مبارك يعلن يوم الأثنين أجازة رسمية - -ليلى- - 02-08-2008 :D Arrayمحدود : أربعة , أربعة , أربعة . [/quote] :bouncy::bouncy::bouncy::bouncy: مبارك يعلن يوم الأثنين أجازة رسمية - dally - 02-09-2008 Array ويوم الأحد " هيكون العيد "[/quote] ربنا يستر وان شاء الله المصريين يشرفونا مبارك يعلن يوم الأثنين أجازة رسمية - بهاء - 02-09-2008 Array ربنا يستر وان شاء الله المصريين يشرفونا [/quote] الأحتمالات كلها فى صفنا ومنتخبنا أثبت أنه منتخب رجالة ليلى (f)