bassel
عضو رائد
![]()
المشاركات: 2,109
الانضمام: Jan 2005
|
لمن يرغب بزيارة الشام ... تعلم أولاً
لكل من يرغب بزيارة الشام عليه معرفة هذه المصطلحات :D
كلمات شامية احفظها يستر عرضك
اتكل,زمر عالكوع, هوينا: يعني فرقنا بريحة طيبة .
أرصة مفلفلة: يعني أرصة ماكنة يتدرج لونها من الأحمر للأزرق بعدين لأخضر .
أشكرة: يعني مبينة .
اصحك تنبرء, حاج تطول وتقصر, اصحا يطقلك شي عرء: يعني لأوي .
آظااان: يعني الهيتر يا عمري أو السخان .
آكل كم: يعني آكل بحالو مقلب .
آلب عالطابة, آلب شحار: يعني متوسخ .
أنبز, تناوأ, مط راسو, نبّأ: يعني تطلع .
بأ: يعني كان عم يشرب مي و بأ يقلب الكاسة "يع عليه ".
بالمشرمحي, بالألم نشرح: يعني بالعربي الفصيح .
التدع: يعني احترق من طرفو .
تدندل: مد راسو من مكان عالي .
تمر تينة: شغلة بتلزق "ما بعرف بس بيقولو لزق متل التمر تينة "
تنح عبدك يا ربي: لما يسكر مخو للواحد وما عاد يفهمو غير ربو "متل حالنا يعني".
حندء بندء: يعني عازك وعوازك .
خطوف رجلك: يعني روح عالسريع ورجاع .
غطّي: بالحرام .
درخوشة, زابوءة, خلع: يعني حارة ضيقة مكنكنة, بس الخلع بيتميز أنو سد .
رايح بالعبطة : يعني رايح بالعجقة مو مبين .
يعني كانو يكون في عجقة والكل عم يحكي تقوم انت تلحش شي مسبة عالماشي بتقوم بتروح بالعبطة .. المسبة طبعا مو انت .
رايح بالعرض : يعني سمين .
رايح نيفا : يعني خالص سلامتك .
زرنئ : شرب المي من تم الواعة سواء كانت قنينة او غيرا بشرط ما يدق تمو فيا .
سءّ : يعني تمسيح المي يلي بتنكب بخرئة ناشفة .
سرنوة : وحدة وشا ململم وسلالة من تحت لتحت .
سكبة : يعني
شوية اكل من عند الجيران .
سكملة : الطربيزة الزغيرة يلي بحطو عليا الضيافة من شاي وغيرو .
سلحب : يعني زمط انسحب بهدوء .
سنادة خاصرتو : يعني واحد وين ما راح بياخدو معو ..
شمع الخيط ، فركا : يعني هرب .
شوية لخر ، شوية رخر : يعني شوي تانية( هي ميدانية ) .
شويط : هي الريحة يلي غالبا منشما لما تكون الام عم تطبخ وعم تحكي بالتلفون
مع بنتا او اختا .
طجونة ، ششنية ، تبنية : يعني واعة معدن زغيرة .
طلع بالعالي : يعني عيط بصوت اعلا من صوت يلي عم يحكي معو .
عاطس القرد بوشو: يعني مو رايء وعم يخانء دبان وشو .
عاطسو من مناخيرو : يعني بيشبهو كتييييير .
العجولي : ما بعرف بس شغلة حمرا لانو بقولو لما يكون الواحد بردان ومناخيروحمر بيقولو مناخيرو متل العجولي .
عفارم عليك : يعني برافو عليك .
على حيس رئّة : يعني شوي شوي سلحبة .
عملك موشة : يعني جولة .
غاسل ايدي منو : يعني قاطع الأمل منو
غرفة ماشية ، آيمة آعدة : يعني منكوت كرارا .
فئّر حناكك : يعني طق حنكك بايدي
فش نيعك : يعني حط ايدي جوات تمك لحتا ينملخ نيعك .
لاب : يعني دار .
لألوء : يعني تبع .
مأرّح : يعني مو قليل .
مدجون : يعني عالموضة بس مو بسنو .
مربع ، أوضة : غرفة الضيوف بالبيت العربي .
نتع : حمل .
ندف ، لطش ، سفئ : يعني اخد سلبطة .
يرح رح : يعني شي في بسفلو مي
.
يردح : يعيط ويندب .
يكش ، يبيض ، يسحب ، يقشط : يعني يكزب ويحكي قصص ومفكر العالم مصدقة .
يوك : جورة بالحيط بحطو فيا الفرش .
فاينة : يعني الزاحلة او الشغلة المو تمام.
لأوي تشد إيدك: يعني لا تعتمد عليه كتير .
لابس وشو عالمألوب : يعني مو رايق وما عم يتحاكا .
مأطع موصل: يعني بيلعب على كل
الحبال .
مدهرن : يعني عالموضة اكبر من سنو .
النء : طلب الشغلة بشكل متكرر باوقات متقاربة يعني تعيف سماه للواحد .
النبيرة ، الدنكورة : وهي دعبولة بتطلع براس الواحد بعدما ياكلو شي طرءة على راسو .
يرغي : يحكي حكي بلا طعمة . عم يحفر
و بيض الله وشكن ... لح نفرئكن هلئ .. بدكن شي يابي
:D:97:
|
|
| 04-28-2006, 02:02 PM |
|
{myadvertisements[zone_3]}
{myadvertisements[zone_3]}
{myadvertisements[zone_3]}
بحث
قائمة الأعضاء
التقويم
وثائق المساعدة
/
لمن يرغب بزيارة الشام ... تعلم أولاً
