[quote] عربية كتب/كتبت
[CENTER]أستاذ ابراهيم

بإمكانك تحميل كتاب " طبائع الإستبداد و مصارع الإستعباد " للكواكبي من هنا :

http://www.alsakher.com/books/kawakibi.zip

(f)



منتدى الساخر , من اجمل المنتديات واكثرها ثراءآ .

شوفت يا ابراهيم , وجهة نظرى لا تزال وتثبت نفسها كل يوم بعد يوم .

الكتب الدينية لها جيوش مؤيدين , فلا تقلق .

جيوش مؤيدين مين بس يا بهاء؟ أكثر الكتب الدينية المنتشرة على النت إما مراجع تاريخية أو كتب سلفية أو شيعية.. ماذا عن كتب أحمد أمين مثلا؟ هو يقدم عرض أكثر من جميل للإسلام و بشكل أدبي و منمق و كتبه يجب أن يقرأها كل قاريء بالعربية في نظري.. من على النت سينشر كتب أحمد أمين في "فجر الإسلام" مثلا؟ و لا واحد.. ستجد كتب من شاكلة ديدات و الرد على النصارى و الصهاينة و كلام لا يودي و لا يجيب. لو أن الناس يا بهاء تركز على ما هو إيجابي و تعرضه فالجمال حتما يفرض نفسه. عندك أحمد أمين و عندك الأستاذ الشيخ محمد عبده و عندك شيخي المفضل أحمد حسن الباقوري.. أين كتب هؤلاء على النت؟ لن يتحمس لهم أحد لأن أغلبنا يتحرك في ضوء أجندة.. ما رأيك أن تتبناهم أنت؟ ;) صدقني هما أحسن من أنيس منصور و الشلة بتاعته.. على الأقل و لا واحد فيهم كان حلاق السادات و لازق في ### السادات على طول. هاتجيب الباقوري أو أحمد أمين زي أنيس منصور ؟ I don't think so (f)

اقتباس:  إبراهيم   كتب/كتبت  
 
جيوش مؤيدين مين بس يا بهاء؟ أكثر الكتب الدينية المنتشرة على النت إما مراجع تاريخية أو كتب سلفية أو شيعية.. ماذا عن كتب أحمد أمين مثلا؟ هو يقدم عرض أكثر من جميل للإسلام و بشكل أدبي و منمق و كتبه يجب أن يقرأها كل قاريء بالعربية في نظري.. من على النت سينشر كتب أحمد أمين في "فجر الإسلام" مثلا؟ و لا واحد.. ستجد كتب من شاكلة ديدات و الرد على النصارى و الصهاينة و كلام لا يودي و لا يجيب. لو أن الناس يا بهاء تركز على ما هو إيجابي و تعرضه فالجمال حتما يفرض نفسه. عندك أحمد أمين و عندك الأستاذ الشيخ محمد عبده و عندك شيخي المفضل أحمد حسن الباقوري.. أين كتب هؤلاء على النت؟ لن يتحمس لهم أحد لأن أغلبنا يتحرك في ضوء أجندة.. ما رأيك أن تتبناهم أنت؟ ;) صدقني هما أحسن من أنيس منصور و الشلة بتاعته.. على الأقل و لا واحد فيهم كان حلاق السادات و لازق في ### السادات على طول. هاتجيب الباقوري أو أحمد أمين زي أنيس منصور ؟ I don't think so (f)

كل واحد بيحب كاتب له .

انا فى واحد النهاردة قالى " انا بحبك فى الله " . لمجرد انه اخبرته بوجود كتب جديدة مطلوبة له .

يا ابراهيم , مشكلتك انك معقد

avery complex person

مش عارف بس انت ايه اللى مزعلك من انيس منصور ... وكان النيل من الرجل هيرفع المثقفين .

فى واحد يبحث عن المعلومة , وفى واحد يقدر يبسطها ويوصلها لجماهير .

انا لا ادافع عن الرجل , ولكن ادفع عن وجهة نظر افراد متيمين به .

اتمنى ان تفهم هذا يومآ , وبعدين يا حبى عندك كتب " محمد الغزالى " كلها على النت .

بلاش عقد :10:

اقتباس:مش عارف بس انت ايه اللى مزعلك من انيس منصور ... وكان النيل من الرجل هيرفع المثقفين .

أنيس منصور كان صحفي السادات و جيهان.. كل الجيل بتاعنا ما كانش يعرف من الثقافة غير أنيس منصور و كأن الثقافة في مصر و القراءة و العلم تم اختزالهم في رجل كان يتملق السادات و يتكلم عن حكمة السادات و مش عارف إيه... عندما يصير الصحفي صحفي الرئيس من الصعب أن تعتبره محايد.. أيضا هو في الأصل وجودي و يتمسح في الدين و يعمل فيها شيخ و هو أصلا حتى في تأملاته الدينية تافه. بصراحة تافه من وجهة نظري. سامحني بس ده شعوري.

معقول كتب الشيخ محمد الغزالي كاملة على النت؟ متأكد؟ فين؟ شكرا جدا على الخبر الحلو ده.. لي صديق هنا يحبه و هذا الصديق أحترمه جدا فياريت لو فيه موقع لكتب الشيخ محمد الغزالي. ألف شكر.

شوف انيس منصور اصلا لا يفهم فى السياسة , ولا حتى فى بطيخها .

لكن من حق الرجل علينا ,ان نشهد ان كتب الرحلات بتاعته كتاب رائعة , وله كتب تبسط بعض الكتب العلمية .

عمومآ , مش كل من كلمنى على الله - بقى نبى ولا شيخ .


اتفضل يا سيدى , كتب الشيخ محمد الغزالى " امام العصر الحديث , وتلاميذ شيخ شيوخ الازهر الامام محمد عبده " .

http://www.al-mostafa.info/books/htm/index1.htm

عشان تعرف انا بحبك اد ايه

وعشان اكمل معاك الواجب , خد كمان موقع صوتيات له , ولشيخ الشعرواى
http://www.al-mostafa.info/


مش بقلك " جيوش مؤيدين ".

ألف شكر لك يا بهاء على كتب الشيخ الغزالي و زاد إعجابي به بعد أن كلمني عنه صديقي آنتي فيروس و أعرف أنه رجل موسوعة و لذلك أحترمه جدا.. ألف شكر. :h:
هل فعلا كان تلميذ الأستاذ محمد عبده؟


و شكرا كذلك على حاجات الشعراوي.

يا ابوانا ابراهيم انت تأمر .

شوف يا سيدى , محمد عبده هو تلميد شيخ شيوخ مصر" جمال الدين الافغانى " .

الامام محمد تعلم على يده حاجات كتير " فلسفة , ودين "..يعنى دين ودنيا .

لم لعبت الايدى المتخلفة , واصحاب المصالح ..اخرجت جمال الدين الافغانى من مصر بتهمة " الهرطقة " .

حاليآ , صاحبنا ايهما بيقولوا عليه شيعى ....:mad:

فضل محمد عبده , وتقريبآ " كل الشيوخ اللى خرجوا من الازهر كلهم تلاميذه .

حتى انى سمعت العبقرى " محمد عمارة " بيتكلم عنهم هم الاثنين , وبيقول نتمنى ان تقوموا بنشر اعمالهم , حتى نتمكن من مواجهة العنف والتطرف .

الازهر فى المائتان سنة الاخريين , خرج جهبزة .... غطى عليهم وهابين السعودية والاردن .

صحيح , الشعب غوغائى مهما فعلت .

وعجبى

اقتباس:شوف يا سيدى , محمد عبده هو تلميد شيخ شيوخ مصر" جمال الدين الافغانى

جمال الدين الأفغاني؟ إممممممممممم :what:

صدق أو لا تصدق، قرأت في كتاب، أظن لسلامة موسى، أن جمال الدين كان صديق لرينان أو حاجة زي كدة و رينان Ernest Renan الفيلسوف و العالم الشهير قال إنه لا ديني أو ملحد أو حاجة زي كدة.. هل فيه كتب دينية لـ جمال الدين الأفغاني؟ لكن الشيخ محمد عبده فـ ده طبعا أستاذ و شيخ الشيوخ.

اقتباس:لم لعبت الايدى المتخلفة , واصحاب المصالح ..اخرجت جمال الدين الافغانى من مصر بتهمة " الهرطقة " .

و إيه المانع فعلا أن الناس تكون "شمت ريحة" أو سمعت و شافت حاجات؟ مافيش حريقة من غير دخان.. و كل ما الناس بتزيد في العلم كل ما ربنا بيهديها و تبقى....:emb: تميل أكتر إلى السكة التانية اللي بتزعل الشعب و عوام الناس و احنا يهمنا رضا الجامهور.. الجمهور بلغة عبد الفتاح القصري الممثل.



إمضاء:

أمنا الغولة :kiss2:

هل تعرف يا هيما , ان المؤرخ والعبقرى " عبد الرحمن الرافعى كتب كتاب عن جمال الدين الافغانى تأريخ لسيرة حياته ...."

سمعت عن هذا الكتاب ؟.

سمعت خفيف عن عبد الرحمن الرافعي بس ما سمعتش عن الكتاب اللي بتقول عليه.. أول مرة أسمع به. مفروض أقراه. شكرا أنك قلت لي عليه. نهارك فل.(f)