حدث هذا الموقف من عامين

كنت بشتغل وقتها أعمال حره

ويومها كان لدى تكسير سيراميك حمام ومطبخ وانزال المخلفات من الدور الخامس وانجزت المهمه فى وقت قياسى 6 ساعات وفى نفس المكان قمت بالأستحمام ولبس الملابس نفسها التى كنت أعمل بها واستلمت أجرى ( 60 جنيه )

ومررت على أبو أشرف ضربت عنده سندوتشين كبده واتنين فول وبعد كده حبست بعصير قصب

وبما أنى أسكن فى قريه لا يوجد بها كافى نت فكنت لا أدع فرصه أذهب فيها إلى الأسماعليه ولا أجلس إلى الأنتر نت

وذهلت أمنيه ( الكاشير ) حينما دخلت الأنترنت حاملا شنطة العده وجاروف وملابسى على غير ما يرام ثم ضحكت من شكلى وقالت عايز كام ساعه

قلتلها مفتوح

وقعدت على الجهاز ودخلت شات ( لم أكن تعرفت على نادى الفكر وقتها )
وبعد مده قصيره تعرفت على فتاه وجدتها من الأسماعليه أيضا بعد ساعه من التثبيت طلبت أنها تشوفنى
ــ أنت قاعد فين

فى كافى نت فى شارع الحريه , وانتى

ــ فى كافى نت فى شارع السلطان حسين

أوكى نتقابل فى ميدان شامبليون

وهكذا خرجت من الكافى وانا بقول لأمنيه وشك حلو النهارده يا أمنيه

قالت لى ميرسى بس ليه

قلتلها لما أرجع هحكيلك

وقد كان ركبت الدراجه ( عرفتوها أنتم من المره اللى فاتت )
والدراجه دى ليها حكايات كتيره معايا سنحكيها لا حقا

المهم عرفت منها انها لابسه طقم زيتى ونزلت أنا من على العجله ومعايا العده والجاروف وأتجهت رأسا إلى كشك الورد فوجتها تنتظرنى

وأسقط فى يدى :o أيه اللى أنا عملته فى نفسى ده

بأختصار البنت وحشه خالص :( سناء يونس أحلى منها بكتير

وكمان متدينه :baby::baby:

لابسه طويل يكاد يلامس الأرض , وقفازات وخمار :nocomment:

قلت فى سرى قليل البخت يلاقى العظم فى الكبده

طأطأت رأسى وتباطئت فى سيرى , وأنا أبحث عن مخرج حولى فالممشى خاليا مما سواى وينتهى بكشك الزهور وهى تنتظر فى نهايته

لو متدينه وحلوه , ممكن الواحد يبتدى علاقه رومانسيه معاها ويضحى بجزء من الحريه نظير جمالها

, لو وحشه وسبور ممكن الواحد ياخدها حته ضلمه ( سينما مثلا ) وكما قال أحدهم , لما النور بيطفى الحلوه والوحشه سواء :23:

لكن وحشه وكمان متدينه كنت حينها قد وصلت إليها فأبتسمت وقالت أزيك:D

فوضعت العده على العجله مره أخرى وركبت العجله وقلت لها مساء الخير يا حاجه وتركتها مسرعا

فأحتقن وجهها ثم صرخت الحاجه دى تبقى أمك

لك فارس؟

مين مفكر حالك آه؟؟

كيف بتقول ل"ست" مقدرة بتطلع قد أمك "حمقاء"

ياعيب الشوم

بس صحيح اللي اختشوا ماتوا........

أنا أطالب الآن وفورا بفصل العضو فارس لتطاوله على امرأة بتطلع قد جدته.........

جيل قليل التربية

:emb:

العزيزه دينا اللى مايعرفك يجهلك

انا كنت مفكر عمرك 20 /21 على أساس أنك لسه عروسه جديد

معرفش أنك كبيره أوى كده :o

لك كل الأعتذار

والأسف





وطلب الصفح والغفران





















50 شمعه بعدد سنين عمرك

وفوقهم ورده من بتوع نسمه عطره :97:

هلأ سامحتك

فقد تزوجت متأخرة...........عانس بعيد عنك

كنت عانس طبعا لكن الحظ ابتسم لي ووجدت ابن الحلال الذي رضي بي بعيوبي وشيبات شعري (هي حسنة سيلاقيها يوم ينتقل لرحمته تعالى وسيكتب اسمه في سجل المحسنين في الدنيا فيحسن إليه في الآخرة الله يطولي عمره ياحق)

إيه يافارس إيه

هو أكثر موقف محرج في حياتي
عندما قبل بي زوجي ............:D
أصلي ماكنتش مصدقة نفسي عندما وافق على عرضي

فبعد هذا العمر من البحث عن الشريك المناسب أو بالأصح بعد عمر من اليأس في أن يراك شريك مناسب تجد المرأة نفسها تطلب يد الرجل

وتطبق المثل الذي يقول اخطب لنفسك قبل ابنك :D (صح المثل؟)

لالن أخبرك عن الموقف المحرج
أصله محرg أوي خالص

:emb:

طبعا أنتم دلوقتى عرفتم أمنيه الكاشير بتاع الكافى نت اللى دايما بقعد فيه

هعرفكم النهارده على العجله ( الدراجه ) وبلال

العجله دى جابها لى ابويا لما نجحت فى الأعداديه كانت بتاعت واحد صاحبه فى الشغل والراجل زهق منها فاشتراها ابويا بثمن بخس , والحقيقه العجله دى لها معايا من المواقف المحرجه كتير أوى , عجله ربنا لا يوريكم من بتاعت المخبرين أكبر حجم ( المصريين عارفين يعنى أـيه عجلة المخبرين )

اول أسبوع جبنا فى العجله حصل فيه من المواقف المحرجه ما يكفى لعام قادم

كنا لسه بنتعلم جديد وكنا نطلع منحدر وننزل من أعلاه أنا واخويا كل واحد مره كنا لسه بنتعلم أزاى بس نحافظ على توازن العجله
والمنحدر بينتهى بصف من اشجار الليمون ودوران وكان دور أخى وركب الدراجه من اعلى المنحدر واخذ فى التبدل بسرعه وفى نهاية الشارع لم يتدارك الموقف ويقوم بالدوران وكانت النتيجه أنه دخل فى اشجار الليمون , العجله توقفت عندما أصدمت بحجر وهو طار من عليها ونزل زرع بصل فى وسط الشجر الشائك
:lol2::lol2::lol2::lol2:

وقعد يصرخ وانا مش قادر أطلعه واتلمت الناس وطلعوه بعد ما جسمه كله اتهرى من شوك الليمون

بلال ده صاحبى قوى هو أصغر منى ب3 سنين ومكنش صاحبى انا كان صاحب اخويا وليد ( بتاع الليمون)
ولما اخويا دخل الجيش بدأ بلال يشبك معايا انا ولما لقى الفرق فى الخبره والثقافه بينى وبين وليد لزق فيا ومن يومها بقينا صحاب خالص على الرغم من غباؤه غالبا ونذالتى أحيانا إلا نه يظل واحد من الناس اللى بعتز فيهم :angry:

الأنترنت وبلال أتعرفت عليهم تقريبا فى نفس الوقت وبعد شهرين من تجوالى فى الأنترنت أخدت بلال معايا

مساء الخير يا أمنيه

_ مساء النور

(أمنيه بنت خمريه ولذيذه حتة سكر بس فيها عيبين انها رفيعه زى السحليه وقصيره زى القرد )

همس بلال مين المزه دى ( طبعا أمنيه سمعته )
دى يا بلال المدير العام للوكاله الدوليه للطاقه الذريه
_ هما شالوا البرادعى
ايوه وقريب هيشيلوا أمنيه ويحطوا أمك بدالها
ــ متجبش سيرة أمى :angry:

يا غبى هتكون مين يعنى الكاشير بتاع الكافى نت

طيب وانت تعرفت عليها ازاى وبعدين دى بتحترمك خالص ممكن تكلمها لى امشى معاها

حاضر بس المره اللى جايه مش من اول يوم

وقعدنا على جهاز وطبعا بدأت اعرف بلال على الوندوز وخلافه ظهرت نافذه فيها اعلان موقع جنس

وبلال شبط فى الصفحه وقالى لازم نعرف الدور كله

_ يا بنى متفضحناش وتبوظ برستيجى فى المنطقه

معلش فى الخباثه ومحدش هياخد باله أدخل انت وانا هراقب المنطقه
وطاوعت بلال ودخلت وشويه ولقيت صاحب الكافى نت بياخد الماوس من إيدى وبيقفل الجهاز
وبيسحبنى من ايدى بهدوء على بره

أمنيه حساب الأستاذ كام
_ ساعه يا دكتور محمد

أتفضل بره يا أستاذ ثم صاح منفعلا
أمنيه الزباله دى متدخلش هنا تانى :23:


فى موقف كهذا لا أرد بالكلام بل بالفعل

خلال 3 دقايق يكون الزبون متبعتر على الأرض والدم سايح منه

لكن انا فعلا غلطان وكمان الدكتور محمد ده ايه ضخم الجثه عريض المنكبين وطوله يقترب من المترين

اللى غاظنى اكتر ان السحليه امنيه كانت بتضحك

الله يسامحك يا بلال :angry:

طبعا بلال اصبح قدرى من يومها

بس غيرنا الكافى نت بعد الفضيحه , قعدنا شهر فى عدة اماكن مرتحناش فيها ورجعنا عند امنيه

وفى يوم كنت قاعد وبعمل شات مع بنت وبلال كان معدى فى الشارع شافنى من الزجاج راح داخل وقاعد جنبى

وكان مبهور بطريقة كلامى مع البنت وكمان سرعتى فى الكتابه واثناء ذلك اكتشفت ان الفتاه التى نتحدث معها تجلس خلفنا تماما

_ فهمست بلال

نعم

_ شايف الجثه ( المزه ) اللى قاعده ورانا

آه مالها حتة قشطه

_ دى اللى بكلمها دلوقتى

وبلال عرف كده وجاتله هيستريا وبقى مش مصدق روحه وقاعد على الكرسى عمال ينط زى القرد

_ يا بلال اسكت هتفضحنا :23:

وده مفيش فايده المهم فضل يتحنجل لغاية لما البنت اكتشفت المؤامره وقفلت جهازها وراحت رازعه كلمه وهى خارجه
كنت عايز وقتها اخنق بلال واخلص منه :angry:

فى يوم كنت راكب انا العجله وبلال راكب ورايا

وانا لما بركب العجله بعيش دور مايكل شوماخر ومغامرات ادهم صبرى

المهم فى شارع هادى بتتخله عدة شوارع فرعيه كنت ماشى فيه طياره وبلال عمال يصرخ ورايا

واللى بلال كان خايف منه حصل رحنا خبطنا فى بوكس شرطه من الجانب والباب بتاع البوكس خد شلوت وبلال وقع وانا عدلت العجله فى ثانيه ورحت فاكك وتركت بلال لنصيبه خد بوكس وصفعتين و3 شلاليت على الأقل من المخبر والعسكرى اللى كانوا راكبين السياره

ولقانى مستنيه على الناصيه:23:

فى مره برضه اتعرفت على بنت من خلال الانترنت وبعد اسبوع من المحادثات اتفقنا نتقابل :nocomment:

المهم غيرت ميدان شامبليون بحديقة قصر الثقافه

وقد كان ان تأخرت عن الميعاد حوالى نص ساعه ومع ذلك وجدتها لا زالت تنتظر

بنت فى منتهى الجمال والرقه سلمت على وانا بلمت ومنطقتش بكلمه


وبعد عشر دقائق من الصمت نفخت من الغيظ وانصرفت :flam:


قعدت اعاتب فى نفسى ليه مكلمتهاش

ليه


ليه


ليه :what:


كانت قصيره طولها أقل من 160 سم

وانا لن أقبل بفتاه أقل من 180 سم :no2: