في صباح يوم إستيقظ قرص مرن ( فلوبي ديسك ) من نومه العميق ليجد الحياه وقد تغيرت وتبدل حالها , فلقد كان نائما بداخل مشغل القرص المدمج , وظل نائما لما يزيد عن 10 سنوات , ليستيقظ ويجد نفسه بداخل المشغل ولكن بخارج جهاز الكمبيوتر , وجد نفسه مرمي في حجرة مكتب بدون كيسه تحميه , وجد نفسه في العراء وقد غطاه الغبار من كل جوانبه , فذهب يبحث عن الكيسه التي كان بداخلها يوما ما , فوجدها عاطلة , ومهملة , ولكنه بحث فوجد الأمر وقد تبدل بكيسه أجمل وأحدث , وجحظت عيناه عندما لم يجد مكانا له في هذه الكيسه , ولكنه وجد مشغل الأسطوانات في مكانه كما هو , ووجد شيئ أخر مثبت بداخل الكيسه , وجد شيئ يشبه ولاعة السجائر كما كان يري صاحبه وهو يشعل بها السيجارة , وبدأ يتابع الأمر عن كثب وإهتمام , فوجد هذا الشيئ الشبيه بولاعة السجائر يومض ومضات ما تلبس أن تختفي , وتعيد الكره ثانية وهكذا .. ودار هذا الحوار :
الفلوبي ديسك : نهارك سعيد .
الفلاش ميموري : صباح النور .
الفلوبي ديسك : ممكن أتعرف بحضرتك .
الفلاش ميموري : أنا فلاشة ثمانية جيجابايت .
الفلوبي ديسك : عفوا .. يعني ده إسمك ولا وظيفة حضرتك .. أنا معلش مش فاهم لأني بقالي 10 سنين نايم علي جنب .
الفلاش ميموري : فلاشة .. ده يبقي إسمي , أما 8 جيجا فدي تبقي سعتي , يعني أقدر أخزن بيانات بسعة 8 جيجابايت .
الفلوب ديسك : يااااااااااااااااااااه 8 جيجابايت , ده إنتي تعملي ملايين زيي , وإنتي بقي بتعيشي لحد كام سنه ؟
الفلاش ميموري : بعيش علي طول , فبمجرد أن يتم ملئي بالبيانات ونقلها من مكان لآخر , يتم مسح هذه البيانات وإعادة تحميلها ببيانات أخري جديدة .
الفلوبي ديسك : فعلا ده أنا نمت كتير جدا , بس يا تري في حد بيهتم بيا دلوقتي , انا عاوز أكون مساهم ومؤثر في الحياه ؟
الفلاش ميموري : للأسف لأ يا والدي .. بس في ناس بتهتم بالآثار وبيهتموا بالفراعنة وعاوزين يرجعوا عصورهم , هما مش بعيد عن هنا , ممكن اوصف لك مكان واحد منهم , يمكن ومش بعيد علي ربنا تلاقي مكانك عنده .

الفلاش ميموري الـ8 جيجا دلوقتي مابقاش ليها لازمه..احنا دخلنا عصر البلو-راي والفيلم الواحد بيوصل حجمه الي 14 جيجا