هذه الرسالة وصلتني منذ بضعة أيام وطلب مني ترجمتها
والحقيقة وجدت بها صور اثارة مرعبة
كنت قد شاهدتها وربما معظمكم أيضا على النت كانت عن السحل والقتل سواء بايران أو العراق تخص تلك البلدين تحديدا
وليست صور تمت بمصر ,,, أي نعم تمت أمور افظع بمصر للسياح ولكن لم تحصل للأقباط المصريين
وللعلم هذه الرسالة ليست هي الأولى ولا أعتقد أنها ستكون الأخيرة
بدأت اسمع أن هناك من يطلب ويناشد بعض الجهات بأوروبا من كنائس ومنظمات حقوق الانسان التي أرسلت لي هذه الرسالة
قد يكون هناك مشاكل بين شباب حتى على كورة القدم أو حتى على أرض زراعية
ولكن الاستنجاد بالآخر ليست من مصلحتنا وقد تتطور الأمور وتأخذ منحنى مرعب ولنا بالعراق أسوة
أرجو أن تمدوني برأيكم بكيفية التصرف ...؟؟ <_<
هذا نص الرسالة
أول تهديد أسلامى لى


من دقايق أتصلت بيا نمرة غريبة على الموبيل ( 0120259539 ) ... رديت عليها .... كان صوت شاب ، و سألنى أنت مايكل ؟ فقلتلة أيوة ... سألتة أنت مين ؟ فقاللى أنة صديق مسلم ... أيوة يعنى مين ؟ مرضيش يقول .... طيب أنا أقدر أساعدك بأية ؟ .... فقاللى أنة أتضايق جدا من الكلام اللى قراة على مدونتى ، و قاللى بدل ما تتكلم على الأسلام روحوا بصوا فى دينكم أنتم .... أنتم أصلا بتعبدوا تلاتة ... فالمفروض توحد باللة .... أنتم راضيين أن ستتاتكم ماشيين عريانين فى الشوارى ، فبلاش تتكلم عن النقاب تانى ... ثم الكلام اللى أنت كاتبة عن مكة و المدينة أنا مقبلهوش ، و ماتتكلمش عن الأسلام تانى ، لأن الأسلام أشرف منكم كلكم ، و أشرف من دينك أنت يا كافر
دى تقريبا الكلمات حسب ما أنا فاكرها ، و طبعا بعد كدة قفل السكة فى وشى .... خلفية الصوت كانت هادية ، و كان واضح أن فية واحد جنبة بيفكرة بالكلام .... اللى حسيتة برضة أن الشخص كان مرتبك جدا و أنة أول مرة يتكلم بالشكل دة ، و كأنى اللى جنبة هو اللى مسلطة و جايبة يقول الكلام دة .... أنا حبيت أنشر الكلام دة بسرعة علشان أكون لسة فاكر الكلام كويس ، و كمان علشان أبقى لحقت الموضوع من أولة .... أنا حاليا مش عارف أعمل أية ، بس تقريبا بكرة الصبح هعمل محضر فى القسم





طيب أنا بتهم مين ؟؟ .... أحب أحلل خلفية كلامة .... الشخص دة علق على مقال " مكة و المدينة لا تضيئان " ، و على بعض المقالات المتعلقة بالحجاب .... الفكرة أن المقالات دى مش موجودة حاليا على الصفحة الرئيسية على مدونتى ، و بالتالى الوصول ليهم صعب جدا .... كمان الراجل دة جاب تليفونى منين ؟ .... السؤال دة مالهوش غير أحتمال من أتنين ، يإما أخدة من حد يعرفنى ، يإما اخدة من حد واصل ، و بكدة يبقى قدامى خطين واضحين
الخط الأول : فى أجازة نص السنة اللى فاتت أخدت دورة فى الجامعة بنقول عليها الباثواى Pathways ، هى بتعلم مهارات التفكير و الأدارة ، و أنا كتبت عنها قبل كدة فى مقال " درع أفضل متدرب - باثواى شتاء 2008 " .... بعد ما الدورة أنتهت قالولى أن خريجى الدورة دى كل سنة عاملين جروب على الياهوو علشان يحافظوا على التواصل ما بين خريجى المشروع ، و لأن العلاقات كانت سمن على عسل ، و لأنهم كانوا أختارونى قبلها أفضل متدرب فى المشروع ، فأنا ماخفتش من الموضوع .... فى أول رسالة ليا على الجروب دة عرفتهم بنفسى و حطيت لينك مدونتى .... اللى حصل أن فية ناس أعترضت على الموضوعين نفسهم اللى أعترض عليهم الأرهابى اللى لسة مكلمنى فى التليفون .... حاولت أتفاوض مع الناس و أراضيهم ، لكن ردود أفعالهم كانت ضخمة جدا ، و أتقال عليا كلام كبير أوى من نوع أنى عميل و خاين و بتعامل مع أقباط المهجر ، و أنى بسئ للأسلام و بشتم المسلمين على مدونتى ، و كلام كتير من النوع دة .... المهم آخر الكلام معاهم رسى على أنهم طردونى من الجروب .... بعد ما طردونى حصلت معاهم أزمة تانية بسبب أنى عيدت عليهم بمناسبة عيد المولد النبوى ، و كان مع نفس المعايدة معايدة تانية للبهائيين بمناسبة رأس السنة البهائية ، و أنا كتبت الموضوع دة فى مقال " المولد النبوى و أغرب معايدات " .... الفكرة أن الجروب دة فية ناس كتير معاها رقم تليفونى ، و فية ناس كتير متطرفة جدا و عايشة بعقلية العصر الحجرى و ممكن أوى تطلع منها حركة زى دى ... دة غير أن فية زميل ليا جوا الجروب دة كان حزرنى مرة من الكتابة فى الموضوعات دى لأنة حسب كلامة " عارف زمايلة كويس ، و عارف أنهم ممكن يهيجوا الدنيا و يعملوا فتنة ، و يطلعوا بمظاهرة و يعتدوا على "
الخط التانى : من فترة قريبة برضة كتبت مقال بعنوان " فضيحة بالصور : كيف يجمع الحزب الوطنى أعضاؤة ؟ " ، و نشرت فية فضيحة بالصور للحزب الوطنى جوا جامعة أسيوط .... المهم المقال دة أتنشر فى أماكن كتير جدا ، و المصريين بمختلف تياراتهم أهتموا بية لدرجة أنة أتنشر فى منتدى الوسط ، و على موقع حزب العمل الأسلامى .... بعد المقال دة أستدعانى وكيل الكلية ( مفيش أى سابق معرفة بيننا ) و قاللى أن فية واحد مش فاكر أسمة ( مفهوم أنة أمن الدولة ) قاللة أنى مهتم بعلم المصريات ( أنا مكتبتش غير خمس مقالات بس فى علم المصريات ) ، و قعد يدردش معايا و كان بيكلمنى بذوق و أحترام شديد جدا ، و قاللى أن لو فية أى مشكلة معايا فى الكلية أنى ألجألة علطول و هو فى الخدمة .... من كلامة كان واضح أنة كان بيمهد ليا أنى أنا اللى أطرح موضوع الحزب الوطنى ، و لكن أنا مافتحتش الموضوع ..... فهل الأمن لما حس أنى مارضيتش أحل الموضوع مع وكيل الكلية وديا ، راح بعتلى حد تانى يشاكل فيا ، و يشغلنى عن أى كتابة فى غير صالح الأمن و الحزب الوطنى ؟ .... هو بصراحة الأحتمال دة وارد ، و إن كنت أنا برجح الأحتمال الأولانى أكتر
طبعا الموضوع ممكن يكون بعيد عن الأحتمالين دول خالص .... بس طالما أنا كدة مش ضامن حياتى ، و طالما فرصة أنى أقعد على الكيبورد مرة تانية مش شرط تكون مضمونة ، فأنا حبيت أحط قدام الناس كل حاجة ، علشان لو حصلت حاجة بعد كدة يبقى الناس عارفة كل حاجة



ردى على الأرهابى اللى كلمنى : أيوة أنا كافر ، و بفتخر أنى كافر ، و أشرفلى ألف مرة أنى أموت كافر عن أنى أعيش أرهابى أهدد الناس فى تليفوناتهم علشان أنا مفلس فكريا و مش عارف أرد على الحجة بالحجة .... اللى عملتة سيادتك عادى جدا و متوقع من البداية .... زى ما أتعمل مع فرج فودة ، و زى ما أتعمل مع نجيب محفوظ ، و زى ما أتعمل مع الرئيس الراحل أنور السادات .... ضرورى يد الأرهاب الظلامى تحاول تطعن أى محاولة للتنوير أو الحوار أو تطوير المجتمع .... هو دة المعتاد أن الأرهاب بيدبح أى واحد بيفكر ، حتى لو كان الأنسان دة دافع عن حقوق الأسلاميين زى ما أنا عملت قبل كدة فى مقالات " حينما دافعت عن الأسلاميين " و " عشرون سببا تجعلنى أوافق على وجود الأحزاب الدينية "


فية مشكلة أخيرة عايز ألفت النظر ليها قبل ما أخلص .... أنا هنا عايش فى الصعيد لوحدى ، و ممكن أوى أنة يحصلى حاجة ولا حد فى الدنيا يحس بيا .... علشان كدة أنا محتاج كل الدعم اللى تقدروا تقدموة .... أنا كل اللى بطلبة أن حد يبقى متابع معايا تليفونيا بأنتظام ، و أنة يبقى قادر فى حالة لو بلغتة أنى فى خطر أنة يعمل حملة ألكترونية و أعلامية تضغط على المجتمع كلة للحفاظ على حياتى .... و أكيد طبعا كل واحد هايقدملى خدمة وقت زنقتى ، أنى هردهالة وقت زنقتة
مايكل نبيل سند
http://ra-shere.blogspot.com/

Array

ردى على الأرهابى اللى كلمنى : أيوة أنا كافر ، و بفتخر أنى كافر ، و أشرفلى ألف مرة أنى أموت كافر عن أنى أعيش أرهابى أهدد الناس فى تليفوناتهم علشان أنا مفلس فكريا و مش عارف أرد على الحجة بالحجة ....

[/quote]


يا ابنى اتلم شويه وطاطى للموجه لحد ما تعدى ومتولعهاش اكتر ما هى والعه , يعنى عامل فيها دكر اوى ؟؟

منتا عارف اهو ان فرج فوده والسادات ماتوا بايدى الارهاب الظلامى , وعمك نجيب كان على الطريق ... يعنى عاوز تحصلهم؟؟؟

اتلم شويه وابعد لحد ما ينسوك.

Array

أنا كل اللى بطلبة أن حد يبقى متابع معايا تليفونيا بأنتظام ، و أنة يبقى قادر فى حالة لو بلغتة أنى فى خطر أنة يعمل حملة ألكترونية و أعلامية تضغط على المجتمع كلة للحفاظ على حياتى .... و أكيد طبعا كل واحد هايقدملى خدمة وقت زنقتى ، أنى هردهالة وقت زنقتة
مايكل نبيل سند

[/quote]

وهيفيد بايه؟؟
هيكون سبق السيف العزل .

وبعدين الحمله القوميه اللى هيعمولهالك لحمايتك دى هتستمر لحد امتى؟؟ لابد انها ستبدا بقوه ثم ينتابها الفتور بعد فتره, والساده المتربصين سينتهزون فرصه الفتور ثم .. طاخ .. تيخ .. طاخ .

العالم كله شغال تقطيع فى الاسلام حاليا , فهيبقى من بره ومن جوه؟؟ خليك انت يا بتاع جوه على جنب شويه لحد الموجه ما تعدى , وبعد كده ابقى شغل محاولات التطوير والتنوير بتاعتك دى.

متولوعهاش اكتر ما هى والعه الله يخرب بيوتكم.

ما تخليك رجال برضو ....ولتمت في سبيل مخلصنا يسوع المسيح ابن الله الوحيد ....جنة النصارى أجمل من جنة المسلمين فنساؤها أجمل ونبيذها أطيب وغير مغشوش وماؤها أعذب .....كفاية ولولوة زي العيال الصغيرين ....

شكرا يا عاشق الكلمة ويا بسامو
بس لم أصل الى نصيحة رجوتها ..
الصور المرفقة غاية بالقرف والقسوة ويصورها كأنها ستتم له حتما ..
والناس هنا عقلها صغير وما بتصدق جنازة وتشبع فيها لطم
الله يخربيت دي عيشة الواحد بقى قرفان ومحبط الى درجة مزعجة :angryrazz:

http://ra-shere.blogspot.com/2008/03/blog-post_26.html

this fotos are from iraq and maybe gaza

برافو عليك يا بسام :thumbup:
هي كده وصلتني
بس الصورة الأولى بالضفة وليست من غزة ..لاحظ الحجارة للبناية بغزة البناء ليس من الحجر
أما الآخرين فمنها من ايران ومنها من العراق وليست من مصر بأي شكل من الأشكال ...