الكريم عاشق الكلمة
كلام يزعل
فعلا عودنا نفسنا نحل مشاكل غيرنا و دى اخرتها
ولادنا يتقتلوا لا لشىء غير انهم بيحرسوا حدودنا
شىء محزن


حميد العزيز
النظام المصرى مش كل يوم برأى بالنسبة للقضية الفلسطينة


الكريم على نور الله
شاكرة لك قرأة القصة
و شاكرة جدا لك التوضيح
فلسطين يا سيدى الكريم تشترى سلاح من اسرائيل نفسها بكميات اكبر من اللى بتهربه من الانفاق عبر مصر
دخل فلسطين من المواد عبر الانفاق لا يتجاوز 5% من احتياج اهل غزة
الحكايه كلها سياسة فى سياسة و بيدفع تمنها الشعوب
الانفاق تدر ربح بالملايين يوميا على من يؤجرها و الضرائب اللى بتخدها الحكومة الفلسطينية منها
مصر طلب منها قفل الانفاق من جهاتها و رفضت و قالت عايزين تقفلوها اقفلوها من الجهة الفلسطينة
معناه ايه دا؟
رفضها للمساعدة؟
من حقى احمى حدودى لو هيجيلى منها خطر و مش من حق اى حد يحاكمنى انى بحمى نفسى
مش معنى انى اسمح لأخويا انه يستخدم حدودى بشكل غير شرعى و اغض الطرف عنها انى اسيبه يصدر لى الخطر و كمان لما احمى نفسى يقتل لى اولادى تحت اى مسمى كان
مين يقبل دا؟
اهل غزة على عينى و راسى من فوق
انا كنت ضد الجدار الفولاذى
لكن بعد الاحداث الاخيرة فلا طبعا
لما توصل للتخريب و القتل يبقا كل واحد يلزم حدوده و كل شىء يبقا رسمى
تتقفل الانفاق و يطالب بفتح المعابر بشكل دورى
اعتقد كلام ما يزعلش حد
اتمنى تزول الغمة دى بسرعة لأنها مش من مصلحة اى حد
كلمة اخيرة
صدق الأمام علي وهو يسأل الله جلً جلاله
اللهم نجني من أصدقائي وأنا كفيل بأعدائي


شاكرة الجميع على المشاركة
و تفضلوا بقبول فائق الاحترام و التقدير

ايه يا مخيمر

انت عاوزاني أزعل منك وأفض الشراكة في التنظيم الإرهابي بتاعنا والا إيه؟

من حقك تزعلي على الجندي الشهيد، لكن تيك ات ايزي يا عزيزي، الله أعلم عدد الجنود المصريين والأردنيين والسوريين إلخ إلخ إلخ اللي بيتقتلوا كل يوم على الحدود وما حدش بيدرى بيهم، وكلهم نحسبهم شهداء ولا نزكي على الله أحدا ...

لو أننا فقط نفكر بشكل موضوعي، ما هي مصلحة الفلسطيني من قتل هذا الجندي المصري الغلبان؟؟؟ ... يعني هم ناقصهم مشاكل حتى يستعدوا المصريين كمان؟؟؟؟؟ وهل اعترفت حماس (بحكمها الجهة المسيطرة في القطاع) بمسؤوليتها عن قتل هذا الجندي؟؟؟؟، لا أظن ذلك أبدا ...

لا أنفي أن القاتل قد يكون بنسبة كبيرة فلسطينيا، لكن ما هي أجندته مثلا؟؟؟ وما كان هدفه من هذه الفعلة؟؟؟ الله وحده أعلم (إلى الآن)، قد يكون فعلها بدافع القهر مثلا (أعتقد كما يعتقد كثيرون بأن هذا الجندي هو جزء من النظام الذي يضيق الخناق على أهل غزة، فقرر الإنتقام من النظام ككل بأخذ روح هذا الشاب المسكين الذي لا ذنب له سوى أنه مجبر على تأدية الخدمة العسكرية)، أو قد يكون مدفوعا من جهة معينة!!! لماذا لا نفترض مثلا أنه مدفوع من حركة فتح لتأجيج الخلاف بين حماس ومصر ودفع مصر لتضييق الخناق أكثر على حماس؟.؟؟؟ لماذا لا نفترض أنه مدفوع من إسرائيل لنفس الأهداف تقريبا؟؟؟ لماذا لا نفترض أنه مدفوع من الحكومة المصرية؟؟؟؟ إلى آخره من الإفتراضات التي لا ولن تنتهي ...

لكن الأكيد، ومهما حصل، فهذه الفعلة لا تتعدى كونها خطوة فردية من شخص (أو مجموعة) غبي أو جاهل، سمه ما شئتي ...

على العموم، رحم الله الشهيد، وأنا شايف أن الموضوع أعطي أبعادا غريبة عجيبة جدا جدا جدا ومستغرب جدا جدا من ردة فعل الإخوة المصريين!!!!! مش معقول يا جماعة!!! يعني لماذا لم تقم الدنيا وتقعد هكذا عندما مات من مات خلال قصف إسرائيل العشوائي لغزة والذي راح ضحيته (على حد علمي) مصريون على الجانب المصري من رفح؟؟؟؟

أنا ليه قلبت الموضوع سياسة؟؟؟؟

على العموم، قصتك جميلة، وهي دليل آخر على أن متابعة الأخبار والجرائد لا فائدة ترجى منها بتاااااااااااتا، وأرجو فعلا من كل قلبي أن نتوقف جميعا عن متابعة نشرات الأخبار لأنه لا فائدة ترجى منها، بدل تضييع ساعة على الأقل من وقتك يوميا على ما لا يسمن ولا يغني من جوع، قومي طالعي كتاب والا حاجة، يا عمي تعلمي طبخة جديدة بدل البرطعة كده لا شغلة ولا عملة

ماليش نفس اطبخ حاليا يا عبد الفتاح
مش فاضية بتابع قضية الكفاح الحلمنتيشى
صحيح ايه اخبار القنبلة
لسه معاك؟
كل حاجه بتقلب دلوقتى سياسة يا عبد الفتاح
حتى لو رحت تشترى فول هتلاقى نفسك دخلت فى السياسة
و خالوا الواحد يقول كلام مالوش اى معنى و مش مقتنع بيه من الاساس
كلامك صح و مقبول و انا قلت فوق ان الشعوب هى اللى بتدفع تمن السياسة ((الله يخرب بيتها))
وبعدين الكارثة ان حماس صحيح ما اعلنتش مسؤوليتها ولك كمان ما اعترضتش و قالت حتى عيب
لكن الدنيا فعلا دايما بتقوم و تقعد فى مصر لما اهل غزة بيحصل لهم اى حاجه
و عندك الغزازوة نفسهم يثبتوا دا
الاعلام عبارة عن سوس بينخر فى الشعوب
لكن ما انكرش ان فى جزء منه صحيح و بيوضح امور كتيرة
لكن من ناحية تانيه فى خطر فعلا لازم يتوقف له وقفة صحيحة
مصر مستهدفة من فتره و معروف للكل مين اللى ورا كل مصيبة بتحصل لنا
سواء لتشويه علاقتها الخارجية او الامن الداخلى
و الاحداث كترة فى الفترة الاخيرة ، من كترها بنلف حوالين نفسنا من كل صدمة و التانية
مابقاش ليا حتى اى نفس للكلام فيها
و للاسف بالنظام الحالى لا عارفين نثبت حقوقنا و لا عارفين ندافع عن نفسنا صح
بس ايه مصلحة مصر فى افتعال مشكال مع فلسطين؟
احنا ناقصين
عندنا مشاكل اكبر داخليه محتاجه كل وقتنا و جهدنا
علشان نقفل باب هيجيب مشاكل فالافضل يبقا كل شىء فى النور
تتقفل الانفاق و تتفتح الحدود بشكل منظم
ايه يزعل فى دا؟
و الحدود من الناحيتين "عرب"

يخرب بيت كل الانظمة الحكومية من اكبرها لأصغرها(عفواً)


شكرا على مشاركتك و اتمنى تتفهم وجهة نظرى زى ما انا متفهمة وجهة نظرك و معاك مش ضدك

---

اقتباس:فليخرج ممثل وزارة الخارجية الأمريكية من بيننا
فلتمتلك إدارة نادي الفكر العربي الشجاعة التي لم تمتلكها حكوماتنا يوما وتطرده من بيننا
على الأقل، لا تجمعونا مع ممثل للإرهاب في منتدى واحد ... أرجوكم

وتصبحون على وطن

ماعرفناش نسيطر على جزء نملكة افتراضياً و نفرض فيه رغبتنا
تفتكر هنقدر نتحكم فى اراضينا؟
مش بناقش امور ادارية لكن مجرد تذكير بحالنا

(01-09-2010, 12:51 AM)-ليلى- كتب:  

عجبني "البحر الأبيض المتوصط" في الخريطة

والله يا ليلى أنا ما ليش في السياسة ولا عاوز يكون لي فيها أي حاجة إلا إن صرت قادر على إحداث فرق ...

أنا أنظر للموضوع ك"مواطن" وكمواطن أكيد بيعز علي كل ما حصل ويحصل وسيحصل في قطاع غزة والضفة الغربية وما حصل ويحصل وما سيحصل على الحدود بين قطاع غزة ومصر ... أحس بأن مشاعر الأخوة اختفت بين أبناء الوطن الواحد (الفلسطينيين) فوالله لا أستغرب لو أنها اختفت بين الفلسطينيين والمصريين، والدليل ما حصل مؤخرا والقيامة اللي قامت بعده، لكن ما يقهرني والله هو لماذا لم يتم تضخيم أحداث مشابهة حصلت بأيدي إسرائيلية ضد أبناء مصر والأردن وسوريا ولبنان، لم يحصل ذلك بتاتا!!!!

للأسف، تعودنا أن نستأسد ضد بعضنا البعض، ربما لأننا قادرون على مواجهة بعض لكن ليس لدينا القدرة على مواجهة إسرائيل ...

(01-10-2010, 08:29 PM)-ليلى- كتب:  

---

اقتباس:فليخرج ممثل وزارة الخارجية الأمريكية من بيننا
فلتمتلك إدارة نادي الفكر العربي الشجاعة التي لم تمتلكها حكوماتنا يوما وتطرده من بيننا
على الأقل، لا تجمعونا مع ممثل للإرهاب في منتدى واحد ... أرجوكم

وتصبحون على وطن

ماعرفناش نسيطر على جزء نملكة افتراضياً و نفرض فيه رغبتنا
تفتكر هنقدر نتحكم فى اراضينا؟
مش بناقش امور ادارية لكن مجرد تذكير بحالنا

ما هو عشان كده ضفت تحت التوقيع القديم اقتباس من علي بن أبي طالب على ما أظن:
"أما أنا فأعيش على الأمل، وأموت على الأمل، فإن تحقق فالحمد لله، وإن لم يتحقق فقد عشت فيه حينا من الزمن"

وأنا ووخم والزمن طويل

(01-11-2010, 02:56 AM)العلماني كتب:  

(01-09-2010, 12:51 AM)-ليلى- كتب:  

عجبني "البحر الأبيض المتوصط" في الخريطة

أنا "أعطرض" على هذه الغلطة ربما استخدم حرف ال"إص" للتفخيم، يعني بيعطي وزن أثقل للبحر

مش بقول لك الواحد بقا يقول كلام مش مقتنع بيه اصلا
من كتر الهم و كتر اللى بيحصل فى المصريين من كل ناحية فى الفترة الاخيرة
للاسف جات المرة دى فى فلسطين
شىء يغم والله
ماتقلقش
غمة و تنزاح و هيرجع كل شىء تانى احسن من الاول
بس اصبر لحد 2011
يا الحال هيتعدل يا هيتعدل برضو

هو وخم لسه عايش؟


ما اخدتش بالى من البحر
ركزت فى الارض
يعنى حتى الخرايط مش عارفين نعملها
شكرا للمرورك علمانى و الحمد لله ان فى شىء عجبك فى الموضوع