س : جمال مبارك ,,, هل هو الأجدى والأحق لحكم مصر .؟؟ !!
ج : نعـــــــــــــــــمٌ

ابن الإله إله مثله ، وله أن يحكم ويتحكم في رقاب عبيده وهو أحق من خلقه بالحكم .

شاب ابله لا هو مثقف ولا له كاريزما ولا له شخصيه ولا حزم ولا فكر ولا اي ميزه واحده

شاب عبيط فشل انه يزور انتخابات في المره الوحيده اللي تولى ناصية امر وطلع الاخوان ب20% من كراسي المجلس من اول جوله....في حد في الدنيا يفشل في تزوير انتخابات!!! وفي مصر كمان

شاب متخلف حاول يلمع نفسه فطلعلنا بموضه النووي وهوبا في اسبوع كان الموضوع نام تاني

ناهيك عن تجميع مجموعه من العن انواع البشر(رجال اعمال ولاد حراميه معندهمش ذره رحمه ولا عدل ومش بيشبعوا ابدا ابدا) وفشله التام في السيطره عليهم او حتى السيطره على الحرس القديم اللي هو اصلا مش محتاج سيطره .... في حد في الدنيا بالفشل ده؟!!

مصر على ايد ابو المحروس اتدمرت تماما .... لا تعليم ولا ثقافه و البلد بقى طعمه ماسخ ملوش هويه .... مصر اسمها مطلعش على السي ان ان ولا مره في حرب لبنان الاخيره والاردن والسعوديه طلع بتاع عشرين مره

اذا كان مبارك اللي تتلخص فتره حكمه في كلمه واحده "لا شئ" ..قلت اذا كان مبارك كده....فابنه اللي حتى معندوش حزم ابوه حيعمل ايه؟!!

حرام عليكم يا ناس جمال مين والناس نايمين....حرام بجد عليكم

ملحوظه: مش عايز حد ظريف يطلع يقلي "لا شئ" كلمتين مش كلمه واحده

تحياتي