(1)

المقدم :- السلام عليكم ورحمة الله وبركاته ، أهلاً بكم مشاهدينا الكرام أينما كنتم ، كل عام وأنت بخير ، رمضان جديد ، وها نحن نطل عليكم من جديد مع برنامجكم "فتاوى رمضانية" من دمشق وفي توقيته المعتاد قبيل أذان المغرب ومع فضيلة الشيخ الدكتور أكرم الماجد ، أهلاً بكم فضيلة الشيخ.
- أهلاً بك وبالمشاهدين وكل عام وأنتم بخير والحمد لله الذي بلغنا رمضان وأسأل الله أن يمن علينا من فضله وبركاته ويستجب دعواتنا ويغفر خطاينا إنه هو السميع المجيب.
- آمين ، نبدأ بأول اتصال ، معنا الأخ مساعد أحمد من السعودية ، أخ مساعد أهلاً بك.
- السلام عليكم.
- وعليكم السلام.
- كل عام وأنتو بخير.
- وأنت بخير أخي الكريم.
- فضيلة الشيخ يسمعني؟
الشيخ: - نعم أخي الكريم أنا أسمعك تفضل.
- كل عام وأنت بخير فضيلة الشيخ.
- وأنت بخير أخي الكريم.
- كيف حالكم؟.
- الحمد لله.
- أيش أخباركم؟
- بخير والحمد لله.
- عساكم طيبين؟
- طيبون ولله الحمد.
- وش علومكم؟
- بخير.
- عساكم طيبين؟
المقدم: - يا أخي الكريم هناك أخوة آخرين ينتظرون اطرح سؤالك لو سمحت.
- أيش؟
- اطرح سؤالك أخي الكريم الوقت ضيق.
- سؤال؟ لا لا ما عندي سؤال أنا بس حبيت أسلم عليكم.
- طيب شكراً لك أخي الكريم سلامك وتحياتك وصلت ، معنا الآن من سوريا الأخ ماهر سليم ، تفضل يا أخ ماهر، وأرجو الاختصار لو سمحت.
- السلام عليكم.
- وعليكم السلام.
- أول شي كل عام وإنتو بخير ، وما بدي أطول عليكم ، وعندي سؤال واحد لفضيلة الشيخ.
- تفضل.
- شو حكم التجليخ برمضان؟
- .......
- ألو؟
الشيخ: - يا ابني صحيح أنه لا حياء في الدين ولكن لا تستخدم هذه الكلمات العامية ، قل العادة السرية وليس تلك الكلمة التي قلتها.
- آه؟.. إيه إيه عفواً عفواً.. والله هلق عرفت إنو هيك اسمها الشرعي...
- هذا الفعل في نهار رمضان يُفطر.
- إيه بس أنا لما بجلّـ.... قصدي لما بعمل العادة السرية .. آه يعني..ما بنزّل .. يعني بالأخير بحبسا ..
- يا ابني بالنسبة للمتزوج فبمجرد حصول الإيلاج فقد أفطر ، فقياساً عليه فبمجرد ما إنك بتبدأ بهالشي هاد بتفطر.
- طيب يا شيخ.. أنا .. يعني اليوم أنا ساويتها .. آه... وما .. وما كنت بعرف إنو رح يفطرني ، فشو أنا معذور ولا لأ؟
- غير معذور.
- طيب في شي كفارة؟
- عليك القضاء أخي.
- كيف يعني؟
- يعني تصوم يوم بدل الذي أفطرت فيه.
- إيه بس هلأ الدنيا رمضان .. آه يعني قصدك بعد رمضان ما هيك؟
- نعم.
- بس إذا هيك بيجوز إني إفطر يوم العيد وأأجل القضاء لليوم اللي بعدو؟
- نعم بني يجوز ذلك بل لا يجوز أصلاً صوم يوم العيد.
- إيه يعطيك العافية ، سلام عليكم.
المقدم: - وعليكم السلام ورحمة الله وبركاته ، معنا من حمص الأخ فادي ، تفضل يا أخ فادي.
- ألو السلام عليكم.
- وعليكم السلام ورحمة الله.
- ممكن تعطيني الشيخ بالله؟
- الشيخ يسمعك تفضل أخي.
- فضيلة الشيخ إنت سامعني؟
الشيخ: - نعم أخي الكريم تفضل بسؤالك.
- فضيلة الشيخ عن جد إنت سامعني؟
- نعم نعم تفضل.
- فضيلة الشيخ شو حكم بلغ الريق يستر عرضك؟
- أخي السائل الإسلام دين يسر ولا داع لهذا التشدد والشك في أي شيء ، بلع الريق لا يفطر.
-...... أخيراً بلعت ريقي.
المقدم: - شكراً لك أخ فادي ، معنا من دمشق الأخ مجدي حمدو ، تفضل يا أخ حمدو:
- ألووووووووووو.
- أيوة تفضل.
- ألووووووووووو.
- تفضل يا أخي نحن نسمعك.
- ألووووووووووو.
- إذا كنت تسمعنا من التلفاز أرجو أن تطفـ.....
- ألووووووووووو.
- يا أخ حمــ....
- ألووووووووووو.
- يبدو... يبدو أن هناك مشكلة في الصوت ، سنعود إلى الأخ حمدو حالما يتم إصلاح الخلل...
- ألووووووووووو.
- معنا ... معنا من الأردن الأخ سليم الخصاونة ، تفضل يا أخ سليم.
- السلام عليكم.
- وعليكم السلام.
- كل عام وإنتو بخير.
- وأنت بخير أخي الكريم تفضل.
- أنا شفت رؤيا طقع وبدي من الشيخ إنو يفسرلي ياها، وحاسس إنو الرؤيا فيها بشارة للمسلمين.
الشيخ متحمساً: - خير إن شاء الله تفضل أخي الكريم.
- يا شيخ رأيت فيما يرى النائم إني راكب بباص خط عمان الرزقا وإني أنا الكنترول وكان في راكب إلو راسين ، ولما وصل الباص عالمجمع الجديد نزلوا كل الركاب إلا أبو الراسين وقال أنا بدي عالمجمع القديم ، قلتلو يا ابن الحلال هاظ آخر الخط ، قلي حتى لو هيك بدكم تاخذوني عالمجمع القديم ، قلتلو يفظح عرظك شو شايفني خدام ببيت أبوك والله غير ما آخذ منك إجرة راكبين على هالراسين هظول والله لإمعسك معس هسه ، وبدون سابق إنذار ما شفته غير عاطيني راس مزدوج ومن قوة الظربة طرت من الباص ودخلت بطيارة خط عمان دمشق وصرت أنا كنترول الطيارة ، وأنا قاعد بلم الأجرة من ركاب الطيارة شفت واحد إلو راسين كمان وطلع ابن عمه ، فقلتله بعرظ أختك عطيني راس ورجعني عالزرقا ، فعطاني راس ، بس ما رجعت عالزرقا ، دخلت بطيارة ثانية كانوا كلهم رايحين يعملوا عمرة ، وكلهم كان إلهم راسين ، فسألت واحد منهم : إنتو شو قصتكم؟ ، فقلي نحن جنود الله، وراح يحكي معي بس نسيت أيش قال غير هيك ، بس بالأخير قلتلو بعرظ أختك عطيني راس مزدوج يرجعني عالزرقا ، فعطاني راس.. بس هالمرة كمان ما رجعت عالزرقا ، فقت من النوم ، وأخذتلك حبتين بندول من وجع الراس ،يفظح عرظه أبو راسين هاظ حتى وأنا صاحي ما سلمت منه! ، فأيش تفسير هاظ يا فظيلة الشيخ؟.
الشيخ:- هذه ليست رؤيا ، الشيطان كان بيتخوّت عليك!.
المقدم: - شكراً لك يا أخ سليم ، ... آه... يبدو أن المشكلة التقنية مع الأخ حمدو قد تم حلها ، مرحباً بك أخ حمدو.
- ألووووووووووو.
- أخ حمدو تفضل.
- ألووووووووووو.
- أخ حمدو ألا تسمعني؟
- ألووووووووووو.
- أخ حمدو رجاءً....
- ألووووووووووو.
- يا أخـ....
- ألووووووووووو.
- يا رجل....
- ألووووووووووو.
- يا كنترول مشان الله!.... طيب.. خلص؟...حسناً.... آه معنا من مصر السيد حسب الله حسنين ، تفضل يا حسب الله.
- السلامو عليكو.
- وعليكم السلام.
حمدو: - ألووووووووووو.
المقدم: - آه... أعزائي المشاهدين نأخذ فاصل ونواصل بعده.
وما إن ابتدأ الفاصل ، حتى ضرب المقدم بيده على الطاولة صائحاً:
- لك شو هاااااد ، متصل حمار وكنترول أحمر منو إيه شو هالحظ لك يا كنترول مو قلتلي إنك شلتو لك شو إعمل بحالي أنا يعني ناقصني فوق الأسئلة السخيفة تبع التانيين هلق جاييلي واحد متل حمدو ومتل هالكنترول لك يا....
الشيخ: - صلي عالنبي أخي ، الرسول صلى الله عليه وسلم قال: ليس الشديد منكم بالصرعة ولكن الشديد منكم من يملك نفسه عند الغضب.
الكنترول: - لك المشكلة مو من عندنا المشكلة من عندو و.....
المقدم: - طيب ليش ما لغيتوه كلو على بعضه ما شفت كيف رجعلي متل الخازوق "ألووووووو" لك......
المخرج -: خلص خلص يا جماعة خلص ، غلطة وصارت...
المقدم: - يا جماعة ارحموا أعصابي بقى والله ما بعرف كيف مسكت حالي عالهوا!.....
المخرج:- خلص أخي مشّيها بقى ، رح نرجع من الفاصل بعد دقيقة هدي حالك شوف شلون وشك محمر إهدى بلا ما تطلع هلأ هيك!.
المقدم: - بدي ياك تمنع كل المكالمات الجاية من سوريا ، أو ما بكمل بالرنامج ترى ها!.
المخرج:- خلص خلص مشي ، رح امنعهم كلن.
(بعد الفاصل)
- أهلاً بكم مشاهدينا الكرام مرة أخرى مع برنامجكم "فتاوى رمضانية" ، نعود إلى المتصل من مصر الأخ حسب الله ، تفضل.
- السلامو عليكو.
- وعليكم السلام.
- أنا عندي حتة سؤال صُغَيَّر أد كده أهو!.. أنا يا بيه لما كنت صُغَيَّر كنت بلعب كورة كتير مع ولاد الجيران ، واخد بال حضرتك؟ ، ومرة كنت أنا حارس المرمى ، وجت شوطة قوية على يميني ورحت ناطط لها فضرب راسي بالقائم ، وأنا لحد دلوقتي بعاني من آثار الضربة دي ، واخد بال حضرتك؟ ، وأنا يا بيه كل ما بسرح شعري عاليمين المشط بيوجعني جامد ، فإزاي حلتزم بسنة الرسول اللي كان بيسرح شعره عاليمين؟ مقدرش أعمل كده ، في مشكلة إني أسرح شعري عاليسار؟
الشيخ: - لا حرج عليك.
- يا نهار أبيض! بس أنا سألت إمام المسجد بتاعنا فقلي إنو أنا إذا تمسكت بالسنة فأنا بغيظ الكفار أولاد الكلب!.
- يا أخي ما هذه القشور إذا أردت أن تغيظ الكفار كن من العلماء ساهم في النهضة العلمية لأمتك قم بعمل يخدم مجتمعك المسلم!.
- طيب خلاص أنا من النهاردة حابتدي أدرس الآركيولوجي والفسيولوجي والكوزمولوجي عشان أحط نظرية جامدة في تأثير كرة القدم على تطور الحركة الاجتماعية.

(يُتبع)

lol
فعلا حاجة مستفزة و حرقة اعصاب و كل سنة نفس الاسئلة
كمل يا ابنى:aplaudit:

Array

المقدم: - شكراً لك أخ فادي ، معنا من دمشق الأخ مجدي حمدو ، تفضل يا أخ حمدو:
- ألووووووووووو.
- أيوة تفضل.
- ألووووووووووو.
- تفضل يا أخي نحن نسمعك.
- ألووووووووووو.
- إذا كنت تسمعنا من التلفاز أرجو أن تطفـ.....
- ألووووووووووو.
- يا أخ حمــ....
- ألووووووووووو.
- يبدو... يبدو أن هناك مشكلة في الصوت ، سنعود إلى الأخ حمدو حالما يتم إصلاح الخلل...
- ألووووووووووو.

[/quote]
تحفة
يتكرر هذا المشهد كثيرا , و بالرغم من ذلك , فانني اسقط من السرير ضحكا كلما حدث
فنحن مبدعون
نتخيل اننا لو ابدلنا ( الو ) ب ( السلامو عليكو ) سيصل صوتنا
مبدع انت :redrose:

نص اكثر من رائع بدون الدخول في التفاصيل

وبحرفية يحسدك عليها المخضرمين

نصيحة لا تتوسع بالكتابة المجانية و من الممكن ان تبحث عن شركة انتاج تلفزيوني وهم كثر هالايام