أي مشهد وصلنا يا جماعة؟؟؟ :?:

أيوه!!! :hmm:

المشهد السابع: المواجهة!!!!!

تاتي: هاي جايز (guys)

الشلة: هاااااااااااااي ... تاتييييييييييييي ...لك أهلين حياتيييييييي (طبعا المد و المط بالحكي ليس لأنهم خلايلة بل لأنهم هيك بيحبوا يظهروا نوع من التفاجؤ حتى لو كنت غايبلك خمس دقائق عنهم ... بس شو نحكي لله في خلقه شؤون!!!)...

سهيلة تهمس في أذن حمودة: ففففففففففففففففف (سحبة النفس النسوانية الشهيرة -دلالة على الاندهاش-) ... ولك محِمااااااد!!! مين هظيك البنت اللي فاتت؟ و شو هاظ اللي كالته؟ بدها مَي؟ ... طب ليش أجت تطلب منتشم ما تروح لعند هظاك الزلمة اللي كاعد عند المِطبخ!!!!

حمودة ينظر بطرف عينه و يرد: يا حياتي يا سوسو هي ما حكت "مي" هي حكت "هاي" يعني مرحبا!!!!

سهيلة: و الله أهلين و سهلين و مرحبتين ياختي ... نور المحل

و تقوم سهيلة من مكانها و ت"نط" على تاتي و تنزل فيها تبويس عن جنب و طرف

سهيلة: و كيفك ياختي انشالله تمام؟ مع اني ما بعرفك بس و الله شكلي راح أحبك كثير و الله ... يا صبي هاتلك كرسي لظيفتنا!!!

الشلة قرفانة و تاتا يهمس في أذن حمودة: يااااااااااي شو مئرفة هالبنت هادي :confused: شفت كيف آمت و سلمت على تاتي بتريئة حفرتلية كتير ... عن جد مو معئولة :o

حمودة: إهدى حياتي إهدى لا تعسب ما بدنا مشاكل ... هلأ أنا بئوم و بهدّي الودع...

حمودة: إيييييييه سوسو حياتي بليز تئعدي إحنا بمكان محترم و ما بيسير اللي بتسوي إنتي :no2:

سهيلة: آآآآآآآآآآآه؟؟!!!! ... طيب ياخوي طيب ...و لاليش زعلان يا حبيب امك كل اللي سويته إني سلمت على هالوردة هاظي اللي دخلت!!!

حمودة مع نفسه: يا الله شو إنك مئرفة ... الله يسبّرني عليكي بس هاليوم!!!!

حمودة: إيييييييه ... تيّب حياتي بس انتي أئعدي هلأ بكفي سلامات...

تعود سهيلة إلى مكانها و تترك تاتي واقفة بذهول تام بسبب مناداة حمودة لسوسو ... قصدي سهيلة ب"حياتي" و بسبب تصرفات سهيلة ال"حفرتلية"...

تاتي مع نفسها: شوفو الحئييييييييير (الحقير قصدها) :mad2: كيف إِدِر ينساني هيك بسرعة ... و كمان بخون الزكريات مع وحدة حفرتلية هيك!!! ... و شو لابسة هي كمان؟ شو هاد الأميس المئرف؟ و من وين جابت الجينز تبعها شكله كتير low class :o

تاتي تفدّلي أئعُدي حياتي (يناديها ميزو)

تستيقظ تاتي من صدمتها و تجلس إلى جانب ميزو و في مقابلها يجلس حمودة و إلى جانبه سهيلة...

سهيلة في أذن حمودة: كَبَر عِزها هالمشحرة شو إنها حلوة!!! حللللللللللوة :devil:

حمودة: خلس حياتي خلس بلاش تفكرك عم تحكي عليها!!!

سهيلة: ليش و مين بتكون يعني؟

حمودة: ليش إنتي ما بتعرفي؟ ... هادي تاتي my ex-girl friend

سهيلة: يَسْ يَس ياخوي ... بس شو كلت آخر شي؟

حمودة بقرف: أسدي هادي كانت ساحبتي اللي تركتني!!!!

سهيلة تصرخ بدهشة: شووووووووووووووووووووووووو :o
هسّه هاظي هي تاتيييييييي :flam:

تبعا ... قصدي طبعا تاتي للآن مش عارفة شو الموضوع!!!

سهيلة تشمر عن يديها و....

















طررررررررراااااااااااااااااااااااااااااااااااااااااخ






سهيلة تخبط تاتي بعلبة السجاير اللي قدامها

سهيلة: ولِك يا حيوانة يا مكلعطة ... بدي أ################################ و ############## يا بنت ال###############

كل من في المحل يشهقون باستنكار غريب

شاب قريب يسأل صديقه: شو أسدها ب"يا بنت ال########"؟؟؟

يرد الصديق: و الله ما أنا عارف!!! شكلها كلمة مئرفة من كلامهم الوِسِخ ... لأن السبيّة (الصبية) شكلها حفرتلية و مش من المنتِئة لأنو أوّل مرة بشوفها....

شو راح يكون موقف تاتي؟ ... و شو راح يصير بعد هالخبطة؟

تابعوا معنا أحداث الحلقة الجاي من يوميات شب طنط

:D

مراحب (f)

اقتباس:  كمبيوترجي   كتب/كتبت  


توما أنا و الله بلشت أخاف عليك لتطلع فرفور و الا حاجة!!!! دير بالك تنعدي منهم يا بني أنا مش عاوز أي أعراض جانبية لموضوعي :23:
(f)

انا فرفور يا فافى يا مكلعط (( يعنى ايه مكلعط ؟ )) يا ....

:confused:

انا بئيت (( بيئه * )) اوى




:97:





===========

* : اى من بيئه مش عاليه باللغه الفرافيرى :10:

تعرف يا كومبيوترجي!؟

بدي أبلّغ عنّك يا مشحَّر

شو يعني، قاعد / قايم مسبيات وكلمات من "الذي منه" يعني؟!

بعدين تعال هون، لتكون مصاحب الإدارة من ورا ظهورنا يا اللخو؟!

بدي أشوف قصتك هاذي كلها من الإشارات هاذي ###

بس بالأحمر .... يعني هيك ... ###

فش حدا أحسن من حدا

كلمات كتير فزيعة هاي، ما بأدر من مرة أسمعها ولا أأراها (لا، لم أرتكب خطأ مطبعي :23:

يخرب عقلك يا كمبيوترجي، عصبتني من هالسآاااعة (برضه بدون خطأ مطبعي)

اسمع شو صارلي مرة

مرة ماشي بشارع من شوارع عمان (زماااااااااااان) قبل ما أسافر على مصر

ماشي أنا وتلاتة من صحابي بالليل.

أنا طبعا مش ماشي على الرصيف - الحيط بالحيط - زي ما بمشي هلأ. آل كنت يعني شاب وبدي أعمل زي الصايعين

المهم، فجأة، سيارة جاية من بعيد وضربت المراي بإيدي، ضربة خفيفة يعني - مش إشي

الزلمة ، شكله ما وقف -أو يمكن ما انتبه

أنا -معاي ثلاث من أصحابي- رحت عملت حالي زلمة وصرخت - "شوووووووووو"؟؟؟؟؟؟؟؟؟؟؟

راح الزلمة وقّف.

قلبي بدا ينبض

نزل من السيارة واحد طويل طول ... ضخم ضخامة ... لابس جاكيت جلد وعلى إيديه من هذول تبعون الجلد اللي عليهم دبابيس فضة.

يعني بالعربي: لشاب فافي / طنط زي حالاتي، أنا الصحيح خفت

قرب الشاب وأنا بطلّع على صحابي، يعني حالتهم كانت شبه استنفار

مسك إيدي الشاب بكل نعومة وقال: متأسف ، صارلك شي؟!

نااااااااعم !!!!!!!!!! :10:

ألتله: لأ، بسيطة . ما صار إشي من مرة.

أللي: متأسف.

وراح.

حسيت ساعتها إنّ فيه شي ناقصني

فكرت شوي

بعدين

تنفسّت.

بطّل ناقصني شي.

:D :D :D

الله يسعدو كمبيوترجي

يللا عمو * كمل لو سمحت
























* "عمو": ممكن يقولها الصغير للكبير
بس ممكن كمان الكبير يقولها للصغير


فلا تزعل عموكمبيوترجي، إذا ما عجبتك الأولى، خدها بالمعنى التاني :23:

تحياتي الألبية

توما خلص بما أنك أعلنت برائتك من الفرافير و أعلنت في المقابل انتمائك للدواوين أنا راح أسمحلك تكمل قراءة الموضوع :D

ابن العرب ياخوي على مهلك شوي انت كتير ... قصدي كثير بلشت تتأثر بالحكي المكتوب هون ... ولك يا مشحر الدنيا مش مستاهلة!!!

و ماشي عمو :devil:

(f)

المشهد الثامن: طَعّة و كايمة:

سهيلة رافعه صوتها بالسباب و الشتم و إيديها تكاد تصيب حمودة "بنص" نيعه من كثر التشبير ... تاتي قاعدة في المقابل مش عارفه لحد الآن شو اللي عم بيصير!!!! :o

تاتي: شو؟ وين؟ ليش؟ كيف؟ متى؟ :?:

ميزو بأذن تاتي: تاتي هادي سهيلة البنت الحفرتلية الي جابها حمودة مشات يئاهرك (قصده "يقاهرك") ... هو بدو ينتئم منك لأنه حاسس إنك أزيتييييييه كتييييييير :devil:

تاتي تصرخ بملئ صوتها: نعم نعم نعااااااااااااااااام :mad2:

طبعا ما لا تعرفونه أن تاتي ليست فرفورة أصلية ... تاتي تنحدر من أصول مخيّماتيّه وحداتية لكنها انتقلت إلى عبدون قبل أن تتشرب الشخصية كاملة (يعني لحقوها :23: ) ...

تاتي تصمت محاولة الهدوء حتى لا ينكشف ماضيها المؤلم: ياااااي!!! يا رب ما يكونوا سمعوني ... يا الله شو مئرف الكلام اللي أُلته هلأ :o

تاتي مخاطبة سهيلة: أنا أسلاً ما بنزّل مستواي مشان وحده مئرفة مجنونة متلك ...

سهيلة كان فيها عرق و طق!!!!

و فجأة سهيلة تقفز من بين الشلة و فوق الطاولة و أول شيء تحاول الإمساك به هو شعر تاتي لكن دون جدوى فالختيار كما يبدو حلقلها بوي كت!!!!

و لما شافت سهيلة أنو ما فيش أمل من شد الشعر توجهت إلى قدم تاتي و .....

تاتي: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ :cry: ... ولك إبعدي عني يا متوحشة Savage ... أي أي إجري إجري :cry: ... إهّئ إهّئ إهّئ إهّئ إهييييييييييييييييييييييئ (هيك بيبكوا شو أسويلكم يعني؟!!!) :cry:

ميزو هنا يحاول أن يعمل حاله زلمة و يتصدى للهجوم الكاسح من قبل سهيلة: ولك يا حيوانة (كلمة كبيرة كثييير عندهم) شيلي إيدك عنها ...

طبعا هو مش عارف شو خطورة الكلام اللي قاله!!!

سهيلة تلتفت و الدم يغطي شفتيها ما أقدام تاتي: شو كلت ولااااااااااا؟ ... أنا حيوانية؟ الله يشحّرها إمّك اللي جابتك و .....

طراااااااااااااااااخ

سهيلة تخبط ميزو بقفا رجلها و تجيبه كتاف للشب!!! ... و ميزو يتشقلب على الأرض من شدة الضربة ثم يسقط مغشيا عليه!!!

و فجأة يحاول حمودة أن يهدي الأوضاع و عندما يقترب....

سهيلة توقف و بدها تناول تاتي بُكس من اللي بحبه قلبكم ...و......


طرااااااااااااااااااااااااااااااااخ

سهيلة تشيل حمودة كوع في محجر عينه ... و حمودة يقع على الأرض مغشيا عليه و بدون أي حركة :no:

شو راح يصير بحمودة؟ ... و شو تصرف تاتي تجاه سهيلة .. راح اتظل ماسكه حالها؟

تابعوا معنا أحداث الحلقة الجاي من يوميات شب طنط

:D

واصل كتابه هذه اليوميات واعدك بان اجد لك فرصه لطباعتها وتوزيعها فى مصر بعد معالجتها باللهجه المصريه والاماكن المصريه .

هذا وعد منى بذلك :9:


محبتى يا زميلى " الموهوب المهضوم " . :97:

المشهد التاسع: شرطة و بوليس و عجقة

حمودة ملقى على الأرض يتأوه من شدة اللكمة ... و ميزو يضم تاتي في إحدى الزوايا و البكاء يملأ المكان من هول الصدمة :cry:

ميزو: ولك يا مجرمة شوفي شو سويتي بغرتي الله يئتعك (يقطعك) شو بدهم يحكوا عني الguys لما يشوفوني بهالمنزر؟!!! :angry:

ميزو ينطلق إلى الكاونتر حيث يقبع المحاسب المصري...

المحاسب: إنتا عاوز إش بَدَّك*؟؟؟؟

ميزو: بسرعة أعتيني الموبايل بدي أتّسل بالشرتة خليهم ييجوا ياخدوا هالحفرتلية ال.....

و قبل أن يكمل الجملة و إذا بيد تمتد من الخلف لتطيح به من طريق منفضة السجائر التي رمتها سهيلة في لحظة غضب جامحة ... و........

طررررررررررررراااااااااااااااااااااخ

تتحطم المنفضة مهشمة وجه أخينا المصري :o

المصري: أي ... الله يخرب بيوتكم واحِد واحد!!! ربنا ينتِئِم منكم يا ولاد الحرمِيّة :angry: و ..... 191** :mad2:

ترررررررررن ترررررررررن ... ترررررررن تررررررررررن

شرتة النجدة ... how can I help you؟

المصري: ألووووووو ... مصر؟ إييييييه قصدي البوليس؟!!! أنا عاوز أبلغ عن حالة 10 هنا في الstar bucks
(حالة عشرة تعني حالة حفتلة و انفلات صياعي من قبل غريب عن منطقة عبدون)

الشرطة: أوكي حياتي ... هلأ بعتنالكم patrol

حمودة: أي أي أي ... عيني كتير بتوجعني :cry:

سهيلة: الله يوخذني ... الله يشحرني!!! محِمد ... ولك يا محِمد يا حزين يا مسخمط ... الله ريتها إمّي عدمتني كبل ما أظربك ياخوي :cry:

حمودة: سوسو إزا مُتت إعرفي إني أنا سامحتك من كل ألبي يا حياتي...

سهيلة مستغربة من الكلام: ولك شو تموت ما تموت ... كَبَر عِزّك انشالله كله بُكس اللي أكلته و بتكلي بدك تموت؟؟؟ :o

ماذا سيحدث عند قدوم الشرطة؟؟؟ و هل سيتم التحكم بالوضع؟؟؟ ماذا سيكون مصير قصة الحب هذه؟؟؟

تابعوا معنا أحداث الحلقة الجاي من يوميات شب طنط :D

*: لغة هجينة نتجت عند اختلاط اللهجة المصرية بالأردنية عند الإخوة المصريين القادمين للعمل في الأردن حيث لم يستطيعوا التخلي عن أحد اللهجتين فنتجت هذه العبارة تبعا لذلك...
**: رقم شرطة النجدة الأردنية (و لنا مع نجدة عبدون قصة و حكاية :23: )

:D

المشهد العاشر: الشرطة تطوق المكان بحثا عن المجرم:

طبعا قبل أن نبدأ بالأحداث دعونا نتخيل سوية هيئة الشرطة في منطقة عبدون:
اللباس: pink موشح بقليل من السواد لإضفاء الهيبة، و تم تصميم اللباس عند جورجيو آرماني :cool2:
سيارات الشرطة عبارة عن سيارات مرسيدس CLK كشف مزوّده بSound system لتضخيم صوت المتحدّث لإضفاء هيبة إضافية
الحالة عشرة: يتم في هذه الحالة استئجار شباب من مخيم الوحدات تحسبا لخروج الموقف عن نطاق سيطرة الشرطة...

فيو فيو فيو فيييييييييييييييييييييووووووووووو (طبعا هنا لا يوجد صافرة، الذي يقوم بإصدار الصوت هو أحد شباب الشرطة)

الشرطة: المكان محاسر ... بليز سلمي نفسك و إتلعي و إيديكي ورا دهرك!!! (طبعا الصراخ يرافق الكلام) :angry:

سهيلة: ولكم مين اللي اتصل بالشرطة!!! الله يخرب بيوتكم فظحتوني و شحّرتوني!!! يا محِمّد اصحى شوف شلتك شو سوّت... :mad2:

تاتي: إهئ إهئ إهيييييييييئ ... أسلاً إنتي بتستاهلي لأنك وحدة مُئرفة و ما بسير أسلا تدخلي عبدون كلها!!! :cry:

سهيلة: إسُكتي انتي بلاش أناولك بكفا إيدي ها!!! :23:

تاتي: ياااااااااااااااااي شو خفرتلية ... من وين إجت هاي؟ مشان الله حدا يتلّعها من هون... :cry:

تمر دقائق معدودة من الحديث و تبادل الاتهامات بين سوسو ... قصدي سهيلة و تاتي ... مما يضطر الشرطة للاستعانة بشباب المخيمات للسيطرة على الوضع...

يقتحم 3 شباب من مخيم الوحدات المحل و هم : موسى الشفراوي، أبو قاسم المدحلة، و محمد المحرقة ...

موسى الشفراوي: وينو هاظ اللي نازل يديوِن* هان؟؟؟ و عرظ إمّي إذا ما بِطلع إلا أطبّش المحل باللي فيه... :angry:

تاتي و الدموع تنساب على وجنتيها: عمّو هديك الحفرتلية اللي هناك بالزاوية هي اللي عملت كل هاي المشاكل ... سَدِّئني و هاي كل الشلة شافوها ...

أبو قاسم: شووووووووو ... ولِك سُهيلة شو قاعدة بِصَّاوي (بتساوي قصده) هون؟؟؟ ألف مرة قلتلك تبعدي عن هالطنطات ... ولك الله يفظحِك على هالعملة فظحتينا...

سهيلة: و انت شو دخلك يا زِنِخ؟؟؟ أنا حرة و بصاوي اللي بِعجِبني.... :cool2:

محمد المحرقة: خلص طيب يللا انقلعي معانا لنشوف شو بيصير .... شو هالمناظر هاي؟؟
يخاطب تاتا ... بعرظ إمَّك هاظ منظر زلمة هاظ؟؟؟ ريتها إمّك خلّفت بِسّه و لا خلّفَت هالمناظر!!!

تاتا: و انتا شو دخلك يعني؟ this is a free country (على أساس يعني) :confused:

محمد المحرقة: وَط (قصده what)؟؟؟ شو بقول قاعد هاظ؟؟؟ ليكون سب علينا و احنا مش عارفين؟؟؟

أبو قاسم: لا يا زلمة شو فهّمك انت؟ هاظ بيحكيلك أنو آسف و مش قصده ... آآآآه هاظي شفتها بفلم مبارح... :cool:

موسى الشفراوي: يللا ولِه سهيلة ... بحكي معاكي بكل لُطُف ... يا بتيجي معانا يا بَطَبِّش وِجهِك... :saint:

سهيلة تخرج مع الشباب نحو سيارة الشرطة حيث ينتظرها شرطي للتفتيش...
الشرطي: يع!!! شو هاد؟؟؟ شوفي شو لابسة؟؟؟ مش راح أئدر أفتشها بخاف تتلع مئَملة!!! .... شو في معاكي؟ معِك سكينة؟

سهيلة: شو؟ لع يا حبيب امّك ما معيش إشي ... إكلب وجهك و افتحلي السيارة خلصني...

الشرطي: إحترمي حالك بليز ... إحنا شرتة مش أي كلام!!! ... بس أنا راح أمَرِّئلك ياها هالمرّة بس (تقول بيسترجي يحكي كلمة)...

ما هو موقف سهيلة؟؟؟ ... و هل ستمضي الزيارة للمخفر على خير؟؟؟

تابعوا معنا أحداث الحلقة الجاي من يوميات شب طنط

*يديوِن: تعني يعمل حاله زلمة بلغة الشارع المخيماتي في الأردن ....

:D

سوسو ... قصدي سهيلة تمشي في المخفر بين غرف التعذيب التي تشتهر بها المخابرات في كل مكان:

غرفة رقم 1 المحقق يصيح بأعلى صوته: بئُلّك اعترف ... إنت اللي جرحت مشاعر بوتشي والا لأ؟
المتهم: والله ما إلي دخل يا عمّو ... أنا كنت ماشي وبالغلت دعست علي ديلو!!!
المحقق: إنت ما بتعرف العجئة اللي ممكن تسير إزا جماعة السلام الأخدر دريوا بهالأُسّة هاي .... ياااااااااااي شو ممكن يسير، راح تشرشح سمعتنا بين الHigh class people ... يا مجرم يا حيوان، إحنا كلنا بنكرهك :mad2: ... خدوه احلِئوله غُرتُه، بسرعة!!
المتهم: لأ يا عموا، الله يخليك بلاش الغرة، والله سرلي 3 سنين عن ربّيها وكل أسحابي راح يتمسخروا علي :cry: إعمل أي شي، مستعد ما آكل تويكس لبكرة بس الله يخليك بلاش الغرة...

ترتعد فرائس الشرطي الذي يرافق سهيلة من الأصوات البشعة للتعذيب الذي يتم في الداخل!!!

سهيلة مع نفسها: ول شو مالو هاظ كاعد يرج جنبي؟؟ ليكون مفلوِز؟؟؟ ... والله عال على هالسجن اللي الواحد بدو يموت مشان

بصوت عالي: تشلب

سهيلة تستعجل وتضع يدها على كفها محاولة التظاهر بأنها تعطس!!!

المرافق: شو أُلتي؟

سهيلة: لا ولا شي يا خوي ... بس كنت بتنخّع :D

الشرطي: يع الله يئرفك، كيف بتعملي هيك في مركز الشرتة ... شو ما عندك احترام!!!

سهيلة ترد بكل استغراب: ليش انت بحياتك ما تنخعت؟؟؟؟ ... ولك وين بتروح بكل هالكرف اللي بثمك لعاد؟؟؟

المرافق: يع يع ... مش تبيعي شو إنك سوفاج ... شباب بليز حدا ياخدها من عندي لأني بتّلت أأدر أتحمّل أكتر من هيك :15:

سهيلة بغضب: أنا مكرفة يا حبيب اماااااك ... روح شوف حالك بالمراية ... روح وانت شبه السَلَمَنْدَر :angry:

يستلم سهيلة شرطي آخر ويستمر في مرافقتها إلى غرفة التحقيق...

غرفة رقم 5 ... أحد السجناء يصيح بكل ألم:
خلس خلس ما راح أعيدها بحياتي ... بس الله يخليكون جيبولي علبة جل مشان ... ما بئدر أتحمل أكتر من هيك، والبابا راح يرفع عليكن أديّة (قصده "قضيّة") بتهمة التعزيب ...

تصل سهيلة إلى غرفة التحقيق وتدخلها للانتظار...

بعد خمس دقائق يدخل المحقق وبيده مسدس شحنة كهربائية تحسبا للطوارئ...

المحقق: مرحبا .. أنا المُحئِّئ هون ... وأي حركة غلت راح أضربك بالمسدس اللي بإيدي هه ... فا بليز تجاوبي عالأسئلة بكل سراحة

سهيلة: والله ياخوي ما إلي دخل ... بس هظيك الحيوانة شو بكولولها تاتي كعدت تجاكرني

المحقق مع نفسه: يع شو حفرتلية، كيف بدي أتسرف معها هاي!!! يع

سهيلة: شو كلت؟؟

المحقق: إيييييييه لأ ولا شي ... إنتي يبدو فعلا مزلومة بهالأُسّة وإحنا راح نفرج عنك بس بليز لا تعيديها وتعملي مشاكل ... إحنا سامحناكي هالمرة وانتي شفتي شو بسير للي بعاندنا هه!!!

المحقق مع نفسه: ييي الحمد لله اللي خلست منها، والله أكتر وحدة هلكتني!!!

سهيلة: لا وعرظ أمي ما بعيدها يا معلم ... خلص خليني أروح وإلك ما أعيدها بحياتي كلها!!!

شو راح يصير يا فكركم؟؟؟ ... وشو موقف حمودة من سهيلة بعد اللي عملته فيه؟؟؟

تابعوا معنا أحداث الحلقة الجاي من يوميات شب طنط

:D