نادي الفكر العربي / الســـــــــاحات الاختصاصيـــــة / لغـــــــة وأدب v / اكتب

{myadvertisements[zone_1]}
 
تقييم الموضوع:
  • 0 صوت - 0 بمعدل
  • 1
  • 2
  • 3
  • 4
  • 5
نظام المشاركات
اكتب
koji2010 غير متصل
عضو فعّال
***

المشاركات: 95
الانضمام: Mar 2007
مشاركة: #1
اكتب
اكتب واضرب بالحروف خوفك
اكتب ورجع م الخرس صوتك
اكتب واوهب الحياة لقلمك
اكتب تصلب بالقلم عودك

اكتب وكسر بالحروف قيدك
امسك فيها وبايدك
دمر بيها اشباحك
واحرق كل اوجاعك
اكتب ولو الزمن باعك
حروفك شارية مبتغدرش

اكتب وارسم بالحروف لوحة
"عصابة عالربوع فاردة
جناحها بدبابة وصوت الحق
فوق صوتها مابيسمعش "

اكتب وارسم بالحروف لوحة
"دقون على دين بيتلموا
بيكسبوا فيه وبيتاجروا
باعوا الاخرة بالدنيا
لصوت الحق ما انضموا"

اكتب وارسم بالحروف لوحة
"رصاص القهر فى عيون مصر مترشق
وبرضه شايفة وبتعشق"

اكتب تصحى فيك ضمير ميت
مغطى عليه ضمير الناس
اكتب ولو حرف هايعيط
غيره هتلقى البسمة منه اساس

اكتب وولع فى غيطان اليأس
لهيب الولعة يصبح شمس
تضوى فى ضلام الخوف
يعود النور والأمل للنفس

اكتب ولو خلص القلم منك
بدمك يكمل اللى بدأت
اكتب ولو ابتعد الجميع عنك
حروفك تعوض اللى فقدت

حروفك صحبة مبتزهقش
حروفك غنوة مبتخلصش

حروفك صرخة مكبوتة
عُقدة جوا حدوتة
حُرة بس مربوطة

وفك رباطها فى كتابتك
وتربيتها فى رقبتك

اكتب
(تم إجراء آخر تعديل على هذه المشاركة: 12-06-2011, 11:33 AM بواسطة koji2010.)
12-06-2011, 11:22 AM
عرض جميع مشاركات هذا العضو إقتباس هذه الرسالة في الرد
{myadvertisements[zone_3]}


الانتقال السريع للمنتدى:


يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}
إتصل بنا | نادي الفكر العربي | العودة للأعلى | | الوضع البسيط (الأرشيف) | خلاصات التغذية RSS