دمه يلطش طبعاً
ومن أسخف من شاهدتهم..
ولكن شر البلية ما يضحك.

حرام لو كملنا المعيشة بسيد حمدي ودكتورة ملك والمحاضر العالمي الفقي و عمرو خالد بدون أن يسخر منهم أحد على الأقل لنشعر أننا لسنا في عالم تنصيب الجهال رؤوساً على البشر.
لهذا نضحك، نضحك على عزب شو - ( show ) وليس "شوق" يا يجعله عامر - لأنه يقول لنا أنه لا زال هناك إحساس ساخر بوجود البلاهة ، وأن البلد يمكنها أن تفغر فمها وتضحك على هذه البلاهة حتى وإن سالت بعض الريالة من شفتها السفلى من أثر الجنون ...

شرذمة من الدجالين يبيعون الوهم..لا يختلفون عن دجالي الأعشاب التي تحيي العظام و هي رميم..و مشعوذي الاحلام..ووو...

قال : (( أيقظ العملاق النائم داخلك))...إي حل عن طي** أحسنلك

سيسبان
لو علقت لن أزيد على ما قاله "ألبير" :

اقتباس:دمه يلطش طبعاً
ومن أسخف من شاهدتهم..
ولكن شر البلية ما يضحك.

حرام لو كملنا المعيشة بسيد حمدي ودكتورة ملك والمحاضر العالمي الفقي و عمرو خالد بدون أن يسخر منهم أحد على الأقل لنشعر أننا لسنا في عالم تنصيب الجهال رؤوساً على البشر.

ألبير
شكرًا على التصحيح عزب شو - ( show ) أنا أساسا لا بشوف عزب ده ولا غيره ، ونادرا ما بتفرج ع التلفزيون دهيه جت كده معايا وانا قاعد في ساعة صفا ولعبت في السرش بتاع اليوتيوب باسم "الفقي" تصدق وتؤمن بالله كلام الفقي نفسه بيهلكني م الضحك أكتر من اللي بيقلده
طيب أحكيلك حكايه طالما القعده حلوه

قبل وقت عدّى (مش عارف كام سنه أو كام شهر) أخت فاضلة قالت لازم لازم تيجي تحضر معانا كورسات التنمية البشرية .. يا ستي تنمية بشرية إيه صلّي ع النبي أنا مش لاقي آكل وبعدين دي ناس نصابين .. قالت طيب هو انت شوفتهم لازم تحضر .. المهم بعد جدل ليس بالطويل قلت هروح بس الشهاده لله أنا قلت هروح عشان اهو نروح عن القلوب ويمكن نتعرف على ناس حلوه فبدل مخرج اقعد على قهوه وارغي مع واحد مش فاهم حاجه وعامل انه ابو المثقفين نشوف ناس جديده .. القصد روحت
قول تقريبا محدش موجود في القاعة مش معاه عربيه ده طبعا كلام حلو مش حقد طبقي ولا حاجه
تقريبا مش بتشم رغم العدد اللي في القاعة لا ريحة بصل ولا آثار لحد واكل فول الصبح أو محشي كرنب وده مهم بردوه
تقريبا عدد الشابات يفوق عدد الشبان بكثير ، وده كويس بردوه
تقريبًا عدد قليل من البنات اللي شعرهم مكشوف
تقريبا نادرا متجد بنت من المحجبات مش حاطه مكياج أو بلغة المحفلطين ميك آب
طبعا القاعة مكيفة وما في كرسي مش عليه حد
أنا بقى قعدت في الصف قبل الأخير عشان لو حبيت أمدد شوية ألاقي فرصه
بدأت المحاضرة قمت مطلع كشكول شكله حلو كده يليق بالقاعه من مكتبة جرير وقمت فاتحه
بسم الله الرحمن الرحيم
ما في جمله قاله الطربوش اللي بيحاضر إلى وتناقض سابقتها مش مشكله يمكن انا اللي مش فاهم
طبعا كل اللي قاعدين مصريين لغتهم الأصلية "اللغة العربية" طبعا الطربوش عشان يثبت إنه "مفكر كبير ومحاضر عظيم" قليلة هي الكلمات العربية التي استخدمها في المحاضرة قول بعد ساعه وربع مجاش علبالي استغفر ولا شيء كل اللي في بالي اسبله هو واللي جابوه ويدونا فسحه أو بريك عشان اخرج اولع سيجاره
قول أنا سجلت في كشكولي كل شيء قاله المحاضر العلامة وانتهت المحاضرة
خرجت الأخت منها لله اللي جابتني في المكان ده ومعاها مجموعه من الشابات
واو جامده قوي المحاضرة وقعدوا يرطنوا شويه بعد معرفتهم عليّ
قلت معلش طيب ممكن ملخص للي قاله العلامه واللي فهمتوا على ما افتكر قلت شيء زي كده
قعدوا يهرتلوا في الامثله اللي قالها
يعني لو حد زنّق عليك بالعربية وانت ماشي في الطريق ابتسم له وهتلاقي رد فعله اتغير لو حد شتمك مثلا وهو مدايق حاول تعرف الأول حالته النفسية عاملة ازاي لو انت بتاخد مرتب عشرة آلاف جنيه ههههه وحابب تطور من نفسك وتحصل على مرتب أكبر في نفس الشركه تعمل ايه
كلام كده ما شاء الله مينفعش تُعقب عليه
خدت بالي من شيء مهم إن أغلب الحضور متابعين بس الموضوع عشان فلان اللي بيحاضر
مش في دماغهم إيه اللي هيتقال
مش في دماغهم لا شغل وانتاج ولا اي بزرميط
حضورهم مجارة للعصر وأحداثه زي بالظبط لما كانوا عاملين زحمة وأغلبهم رقصات في حفل "يوسف" اللي بيغني أغاني دينية لما نزل مصر من باب الموضه وبس
زي بالظبط مكانوا الشباب بيروحوا مسجد الحصري للباشا عمرو خالد بعد سهرة محترمة رافعين فيها كام ربع خمر ومصهللين
كله موضه وبس
والموضه هي الجهل
واستغلال الجهّال للجهّال
تعرف أنا مش صعبان عليا الفلوس اللي دفعتها لأني كنت حاجز محاضرتين قد منا صعبان عليا إن شوية نصابين زي دول يتحسبوا ناس بتفهم وعباقرة وهم ولا يسوا والله .
أسوأ شيء أن تعيش في مجتمع ميت وانت نفسك وأمنية حياتك تحيا ولو لعدة أيام
معلش رغيت بدون فايده

تجربتك شبيهة بتجربة نيوترال لما راح يسمع الشعر الحداثي

أنا برضه مرة صديقة عرضت علي قالت إيه:

- ما تيجي تدفع 300 جنيه معايا
- ليه ؟
- علشان نروح كورس كيفية صناعة الشمع
- صناعة الشمع ازاي
- الشمع ، ازاي تعمل شمع ، كورس لزيز أوي
- طيب مهو بيتباع عند البقال في كيس ب 2 جنيه ادفع 300 جنيه ليه علشان اعمله بنفسي وانا اصلا معنديش وقت؟
( تضحك ضحكة ساخرة من جهلي وتغير الموضوع بعدما فقدت الأمل في رجعيتي )

في النهاية رحت انا على كورسات ميكروسوفت وهي غيرت رأيها وأخذت كورسات في تعلم العزف على العود وباعت البيانو الذي كانت تمتلكه لأنها ملت من عزف نفس النوتة المملة للتدريب عليه كل يوم