أهداء لـ بسام الخوري

ما اجتمع رجل وإمرأة إلا وكانت محاولة اصطيادها له كعريس..ثالثهما !
"مقابل اهتزاز"
..........
هل الأنثى المصرية مثقفة؟
لا اعتقد هذا..إلا نادراً..
أما لو أردت إجابة سؤالي هذا بــ: بالطبع المرأة المصرية مثقفة..فلن أقلق أبداً..لأني سأعتبر أن قصدك وقتها..أن الثقافة التي تعنيها هي محاولة المرأة المصرية لتحويل الرجل إلى زوج..
هي ثقافة..لكن من نوع خاص..
فالمرأة -أي مرأة- ستجدها على دين من تريده زوجاً..ويندر –أقول يندر لا لا يوجد- أن تجد أنثى مصرية لها آراء في تقبل الحياة تختلف فيها عن فكر زوجها أو من تريده كذلك..
قد يبدو مدخل المقال نوعاً من الترف الغير مقبول على الإطلاق..
أراء ايه؟..
وفكر ايه؟..
اللي انت جاي تقول عليه؟..
والناس بتموت بعض دلوقتي على 20 جنيه..
لكنك لو توغلت أكثر في المقال ستعرف أن مقصدي منه ليس بعيداً عنا..
.......
كنت أعتقد أثناء طفولتي- وأعتقد أني لا أزال أشعر بطفولة مستمرة- أن لكل شخص حبيبة لن تحب ولن تتزوج لو لم يُوجد هو في الدنيا..وقد تكون هذه الحبيبة في الصومال أو ألاسكا أو حتى نجع أبوشجرة بسوهاج..لا تهم المسافة..لكني صدمت بعدها عندما علمت أن أي حد ممكن يتجوز أي واحدة..طالما الظروف تسمح..أي أن الإنسان ماهو إلا مجموعة من المعطيات..
(وظيفة – شقة – عربية – رصيد بنك – رصيد محمول)
وانهارت الرومانسية..
ومع اقتصاد مصري بايظ وزي الفل..
ونظام قذر ولذيذ يحكمنا..
أصبحت الرومانسية نوعاً من الخيال العلمي..
وأصبح الشيئ الوحيد الباقي هو الزواج..
لا يهم الحب..
واقتربنا من طباع الحيوانات..
حط أي دكر مع أي نتاية في أي خرابة..هيجيبوا غيرهم..وأهي الدنيا ماشية..
وعن طرق الأنثى المصرية في الإيقاع بفريستها يدور هذا المقال..
..................... عريس يا بوووووي طخو بس متعوروش يا بوي!
من فيلم "البحث عن فضيحة"
.........
"مشوفتش في مصر إلا بنات بيضحكوا على رجالة بالحب عشان يتجوزوهم ورجالة بتضحك على البنات بالجواز عشان ياخدوا غرضهم منهم"
من فيلم "قص ولزق"
.........
"ياختي ده مش بتاع جواز"
"هو فيه راجل أصلاً بتاع جواز..ده إحنا اللي بنتجوزهم"
من فيلم "غاوي مشاكل"
...............
"كلهم بيقولوا كدة في الأول والكلام الحلو بيتحول"
أيمن بهجت قمر على لسان عمرو دياب
.............
"سيظل الناس يتزوجون للأبد طالما كل واحد يعتقد أن حظه سيكون أفضل من الآخرين"
من كتاب "للكبار فقط" لأستاذ فن الكتابة الساخرة في تاريخ مصر "محمد عفيفي"
................. 1
التسويق لنفسها قبل الحب
.................
1- بموت في الأطفال
.................
2- ماما بتتعصب عليا بس مش برد عليها عشان مش عايزة ولادي يعاملوني كدة بعدين
............
3- بحب الطبيخ..بطبخ كل حاجة حتى كباية الشاي
..............
4- عن طريق الملابس:
مؤخرات لعوب مختبئة خلف بناطيل متحرشة..مع نهود مترجرجة..قد يوافق عليها الأب..ربما لأن الأم أقنعته أن الابنة يجب أن تفعل ذلك حتى تصطاد عريس مليان بدل السناكيح قرايبنا والمقاطيع جيراننا..
"تتدلع دلوقتي وتتلم بعد الجواز"
"إذا مكانش أبوها يدلعها..مين هيدلعها"
وغالباً الأب لا يعترض لأن عينه قد تكون مكسورة أمام زوجته..لسبب ما!
.................
5- طالبات الجامعة..
لو كنت ترى في بعضهن التزمت والتأخون (نسبة إلى الإخوان)
"مع العلم أن إخوانية الصعيد تعادل سلفية بحري..وذلك لمعرفة الفروق الجغرافية"
"مابسلمش على رجالة"
لكن..
في آخر سنة دراسية (لو لم يطرق أحد أبوابهن)..تجدهن أصبحن اجتماعيات فجأة..يشاركن في الأنشطة الاجتماعية..واللي بنقاب تبقى بخمار..واللي بخمار تبقى بحجاب..وهكذا..
وهذا يحدث على الأخص في كليات القمة..حيث لا ترضى الفتاة بأن تتزوج بمؤهل أقل منها مخالفين بهذا قول "ريكو"
"راحت عليكي يا دنيا وراح زمن الشهادات"
تشعر أن أهلها يشددون عليها:
"إنتي دكتورة..مش هينفع تتجوزي غير دكتور..اِعملي اللي تقدري عليه"
....................
6- "نفسي اعرف كل حاجة عنك"
............
7- بنات الناس في الكافيهات
لانه طبعاً معروف إن عيب البنت تطلب حاجة..المفروض إن عينيها مليانة!
لما تسألها..
"تشربي إيه؟"
هترد..
"مليش نفس"
"انتي مكسوفة ولا ايه؟"
"لا والله مليش نفس بجد"
"ماهو أنا مش جايبك في تكية اللي خلفوني..اخلصي..تشربي ايه"
"خلاص أي حاجة"
"شيشة جوز هند ماشي؟"
"لا طبعاً..ايه ده؟"
"تشربي ايه يا أمي..متخلنيش اتجنن عليكي"
"اشرب زيك"
.................
8- تضليل الصورة:
وهذا خاص باللي بيتعرفوا من النت..بما يتضمنه شات او فيسبوك..
تجد الفتاة تضع بدل صورة البروفايل..صورة "ياسمين عبدالعزيز"..
وبعد زمن طويل..تكون علقتك بيها..على أساس إنك هيكون صعب عليك تُفك يعني..
هتوريك صورتها..لتكتشف انها لا تشبه "ياسمين عبد العزيز"..
بل تشبه "عبد العزيز" ذاته!
.................
9- عارفة مصلحتها من غير لف ولا دوران..
وهي التي تكثر من أسئلة على طراز..
إنت شقتك إيجار ولا تمليك؟
عربيتك دي ولا عربية باباك؟
انت بتصيف كل سنة؟..وبتروح فين؟
....................
10- هتلاقيها بتكتر من..
"أنا محترمة"
"أنا بنت ناس"
"خالي عمر أفندي"
...............
2
التسويق لنفسها بعد الحب
.....................
1- لما تلاقيك بطل أرقام قياسية بالنسبالها وتبدأ تعمل تصنيفات
انت أول واحد ( ارتاحله- يمسك ايدي- يبوسني- ينام معايا-...........)
ممكن تقول لك..
"إنت بجد تاني واحد يمسك ايدي"
عشان تبان مختلفة عن اللي بيقول إنت الأول وبالمرة لو قفشت عليها حاجة هتقولك ماهو ده الوحيد..
..............
2- اقناع النفس وتضليلها..خاصة لو كنت تعرف ماضيها:
"أنا اكتشفت إن التسعة اللي حبيتهم قبلك مكانوش حب حقيقي"!
...............
3- لما تبعتلك SMS بتقول فيها:
(وحشتني ياحبيبي خلي المقابلةبكرةالساعة9)
هتقول مش مهم إن الرسالة فيها مصلحة ورومانسية في نفس الوقت..مصلحة مزدوجة..
لكن اللي يغيظ..إنك لما تستغرب م الكلام اللي لازق في بعضه وتطاوع مخك الشكاك بإنه يعيد إرسال نفس الرسالة مع إضافة حرف..هتلاقي إشارة إنك دخلت في الرسالة التانية..يعني صباح التدبير الزيادة..
ربما هو تدبير مقصود إيصاله..
"عشان تعرف إني هبقى ست بيت شاطرة"
...............
4- لما ترقق في صوتها باستهبال وسماجة الثعابين وهي معاك ع الموبايل..وأول ما أمها تندهلها..تسمع جعورة
"أيوااااااااا يا مااااااااماااااااااا"
...................
5- لما تلاقيها عايزة تحيكلك كل حاجة في حياتها فتقول إنها مرة اتكأت بدون قصد على يد زميلها في العمل لتكتشف في النهاية أنها فعلت ذلك وهي تنهض من جواره من على السرير!
..................
6- لما تكلمك وهي بتبكي بانهيار..وأول ما أختها تدخل عليها الأودة..يتوقف صوت النهنهة والنحيب ثم تنهرها في حزم أن تخرج..فتعود إليك ثانية باكية منتحبة..
تحكم إرادي عظيم في المشاعر..
...................
7- إنت شكلك هيبقى زي القمر ببدلة الفرح
...................
8- أنا بحبَك وانت ساكت ومش لاقي كلام تقوله..
يعني "شفت واحدة هتبقى زوجة مثالية اكتر مني؟!"
..................
9- "إمبارح طلع واحد في البيت بيتك قال انه بيحب يكتب شعر فافتكرتك
"على أساس إن البلد فيها 10 بس بيكتبوا شعر"
..................
10- "أنا قلقت عليك لما مكلمتنيش امبارح"!
"طب متصلتيش ليه؟"
يخدمها الكذب السخيف: "مكانش معايا رصيد"..
أو البراءة القذرة: "كنت نايمة"..
..............................
11- لو الحبيب متدين: يبقى..
"بحبك في الله"
أو تبدأ هي بتحية الإسلام الأول لما يبقى يطلبها ع الموبايل..
أو "إنت عارف يا حبيبي إن كلمة "باي" حرام عشان معناها "في حفظ البابا؟!"
لو متحرر: يبقى..
"مجتمعنا ده بجد غريب يا حبيبي"..
أو "إحنا مالنا ومال الناس"
أو -إمعانا في السذاجة- "إنت عارف رغم إني مختلفة مع أفكارك إلا اني معجبة بيها"!!
..................
12- وإن أخبرها أنه لا ينوي الزواج من الأساس..
"وأنا كمان يا حبيبي بَكره الجواز"
وهذا خاص بمن يتميزن بالصبر ويضعن خطط طويلة الأمد..حتى لو اقسمت لك بكراهيتها للزواج ستجدها تحاصرك في كل شيئ وكأن لسان حالها يقول:
"ملكش دعوة إنت وهتلاقيك متجوزني يا أهبل"
أما لو كن كارهات للصبر وللخسارة..فستشهد محاولات الشد والرخي
"يا تتجوزني يا مفيش"
"طب مفيش"
"إخص عليك..ده أنا بهزر معاك"
..................
13- "مش هنتجوز بقى؟..مش كفاية طلعت معاك الشقة ونمت معاك؟!!" أو
"انا خايفة لأسقط من نظرك بعد اللي عملته معاك ده..ومترضاش تتجوزني"
- (فيرد عليها ببرود) متخافيش يا حبيبتي أنا مش هتجوزك عشان أنا أصلا مش عايز اتجوز مش عشان حاجة تاني!
"يا فرحتي..أمال خلتني أعمل معاك كدة ليه يا زبالة"
لو لاحظت..ستجد هنا أن الخطيئة معمولة بحساب..
يعني البنات هنا مش بتذنب بسبب هفوات شيطان..
بل بسبب ملاك بيعمل مصلحة!
...................
14- عن العاهرة التي ترفض مضاجعة صاحب ديانة تختلف عنها..
أي عاهرة تحلم حلم مستحيل وهي في حوزة كل زبون..
أن يشتهيها بصورة زائدة..فيغفر ماضيها ويتزوجها..
فلو ربنا كرمها باختلاف واحد ونادر ورضي الزبون يتجوز واحد منحطة..يبقى خير وبركة..
لكن مستحيل تلاقي في واحد اختلافين..إنه يناسب واحدة منحطة ومختلفة عنه-كمان- في الديانة..إلا لو كان مختل عقلياً..
يعني مضاجعة صاحب دين مختلف ستكون بلا أمل!
.......................
3
التسويق عبر الآخرين
.................
1- هناك البنت المكسوفة..ذات النظرة الخجول..اللي بتتمشى مع أمها في الشوارع المكتظة بالشباب الراكن على النواصي..
الأم -غالباً- ذات نظرة شرسة كأنها تقول بعينيها
"بنتي للجواز مش للمعاكسة يا كلاب"
والفتاة-غالباً- ذات نظرة منكسرة توحي إليك إنها طهقت وقرفت من عصبية أمها..وعايزة تخلص..
................
2- تساهل الأهالي وتعاميهم عن متابعة الابنة الدميمة..
"يمكن ربنا يكرم"
...............
3- الأم الاجتماعية لما تدلل: تتصادق على أسرة تفخر بمصاهرتها..هناك شاب خجول بمرتب جيد..
فلا بأس من زيارة هذه الأسرة -بصورة دورية- مع ابنتها الخجول الساذج..
..................
4- الاب الخائف:
"ما تتجوز بنتي وامسك (الدكانة – المحل - حتة الأرض – الشركة – أعصابك)"
....................
5- في الأفراح: هتلاقي البنت حافظة كويس أوي النصايح دي..
-لو محجبة ممكن تقلع الحجاب..عادي جداً..
-حاولي تتصوري أكبر عدد ممكن من الصور حتى لو قعدتي تترجي في المصورين..لأن الناس بعدين هتشوف الصور..مش هتشوف ذُلك للمصورين..كل الشباب الأيام ديه بيتجوز م الصور..
-متاكليش من البوفيه عشان تباني بت شبعانة كدة وخاصة الفيديو ممكن يلقطك وانتي بتلهطي..
-ابقي ارقصي كويس وخاصة في أماكن تجمع الشباب في الفرح..
-حاولي تستعبطي على اي شاب يعجبك "ممكن كرسي لوسمحت"
...................
6- صاحبتها..
لو كانت عينيها من أخو صاحبتها..فمفيش مشاكل انها تديها كليب ليها وهي بترقص مثلاً بالبلوتوث..وعشان تضمن إن صاحبتها هتفرج الكليب ده لأخوها..هتقول لها "خلي بالك من الكليب ده..متورهوش لحد"..
...................
7- الشغل..
البنت بتشتغل في الأول باستمتاع عشان توقع واحد للجواز..
بعد الجواز..بتكمل شغل بس بقرف عشان مصاريف ما بعد الجواز..
.................
8- بلطجية..
تقوم بإغواء شاب ساذج..وعندما يختلي بها..يظهر أخوها أو ما شابهه..
"يا تكتب عليها يا تندبح"
زمان..كانوا النصابين شرفا..آخرهم يغووك بواحدة عشان يقلبوا محفظتك..
دلوقتي..باصين لفوق..إحنا عايزين حياتك..عايزينك تتجوزها!
..................
9- سخافة عائلية
لأن العائلتين لا يريدوا أن يقلقوا على مستقبل زيجة أبنائهم..فتحدث عملية وأد للاتنين تحت شعار..
"من وانتو صغيرين..وانتوا محجوزين لبعض"
....................
10- خاطبة
"ده عريس لقطة..تصوري أنه كل سنة بيجيب شريط عمرو دياب الستريو أبو 20 جنيه"
..........................
.............
مرحبا بك في الدنيا .....
ستصرف وتدان..
وتقابل أب قّلِق..وأم شكاكة..وأخوة مستفزين..
وتصرف وتتبهدل وتدان..
وتعزم وتفرح..
ستصرف وتدان..
وتنجب وتتفياجرا..
وتصرف وتتبهدل وتدان..
تبتسم وقت الغضب..
تغضب وقت الابتسام..
ستصرف وتدان..
وترهق وتمرض..
وتموت..
كل هذا "مقابل اهتزاز"

...............
ألا سحقاً للـــVIBRATION!

http://3asoryat.blogspot.com/2009/05/3.html

هاهاها، رائع الموضوع ... رائع جداً (رغم نزعته المناوئة للمرأة، وللمرأة العربية المصرية تحديداً) ...

ميرسي فارس ...

واسلم لي
العلماني

روعة............واقعية مرة

فارس

البنت لما تفكر بالجواز (أو بالاصح اصطياد العريس) فهي تفعل ذلك ليس بدافع الجنس فقط, بل بدافع الإحتياج لشريك (عاوزة راجل يملا عليها حياتها) حتى لو كانت تعلم مسبقا بأن هذه الحياة التي سيملأها هذا العريس لن تكون مثالية. (زي ماتقول ظل راجل ولا ظل حيطة) أي نعم هي حيطة مايلة .. بس إسمها حيطة

هي تفكر بالمستقبل, لاتود أن تعيش وحيدة حين يتقدم بها العمر

الوحدة صعبة .. للمراة وأيضا للرجل