سلفي متنور بدأ ولو جزئيا يستوعب ويفهم المفاهيم المعاصرة للدولة والفصل بينهاوبين الدين والمواطنة والمساواة بين المواطنين ومدنية الدولة

(06-30-2011, 01:50 PM)الحكيم الرائى كتب:  

و هوي الشيخ عم يحكي عن تجربته بالجامعة فعلاً كأنه بيوصف الأشياء اللي كنت أشوفها بالجامعة بالزات جوة المصليات

المصليات عنا بالجامعة كانت أكبر مكان لتفريخ الإخونجية و أغلبهم ممشاهم سياسي و عنصري أكتر منه ديني .. حتى بالمصلى نفسه بتلاقي مثلاً السلفيات ما بطايقوا كتير مع الإخونجية و برضه الطباعيات إلهم جوهم الخاص اللي ما بيمشي مع هدولاك كمان .. في بنات كانوا دين سكر خفيف يعني بفوتوا بصلوا و بيطلعوا بس طبعاً دايماً "الأخوات" كانوا بينظرولهم إنهم جماعة اللي "قلبهم طيب بس الله يهديهم"
لحد هلأ بتزكر نظرات صاحبة إلنا كانت لادينية بس كانت تفوت معنا مرات للمصلى لما بدنا نصلي .. هلأ بس أتزكر بقول عن جد كانت نظراتها بمحلها
المشكلة إنه المتدينين بشكل عام و الإخونجية بشكل خاص غازين حالهم بأماكن كتيرة بالكليات العلمية خصوصاً متل الهندسة و الصيدلة و الطب و طب الأسنان .. فمثلاً كتير منهم بيكتبوا ورا الدكتور و بنزلوا محاضرات للطلاب بالمكتبة و هيك و برضه كتير منهم بكونوا وقت تسجيل الطلاب الجدد فالأهل لازم كتير يديروا بالهم و يوصوا ولادهم كتير منيح لما يدخلوا الجامعة يبعدوا عن هالجماعات لأنه عن جد بخربوا الناس كتير كتير

أنا للأمانة ما كنت أطيق بناتهم حتى أيام ما كنت شيخة.. هيك في عندهم تقالة دم و بتكلفوا كتير بالكلام متل "أحبك بالله" و "الله يجزيك الخير" و الحروف هيك بطلعوها بطريقة زنخة و حاوجبهم بخلوهم كتير خمال .. و لما يشوفوا الواحد لازم يسلموا عليه سلام الإيد ..يعني بينتقدوا البنات كيف بس تطلع موضة بسيروا كلهم نفس الطرزة و بس و اللاوي همي كمان هيك
أنا دااااااااااااااااااريييييييييييييييي ..
أنا من هلأ خايفة على سيلين بصراحة