Array
صباح الخير ياليلى

الجدع اللى فيص ده كان له برنامج أسبوعى شهير إسمه "Meet the press" يوم الأحد صباحا وتشعرى معه أنك لاتشاهدى حوار تلفزيونى ولكن تحقيق مع متهم بكل ماتحمله الكلمة من معنى ولامجال للكذب لأنه بيواجه ضيوفه بمستندات بصوتهم وصورتهم وعليهم أن يبرروا ويشرحوا أى تناقض فى مواقفهم وأخر موقف أتذكره له كان مع كولن باول وغالبا حد من الstaff بتاع كولين باول شعر أن كولين باول مزنوق فى كورنر وهيتبهدل راح فاصل الميكروفون والكاميرات وأتكشف الملعوب ومنظر باول بقى أزفت وأضطر إنه يعتذر كما أنTim Russert كان له ضلع فى قضية فاليرى بليم التى دخل فيها سكوتر ليبي مساعد تشينى السجن بسببها وهو أحد المتسببين فى هذا بسبب شهادته فى المحكمة ورغم كل هذا البعض يعتبره متساهل مع السياسيين كما لو كان من المفروض إنه يضرب ضيوفه بمطواة علشان يقروا بكل حاجة!!

طبعا قيمة Tim Russert لايعرفها إلا من يعرف أشكال سمير رجب وإبراهيم نافع ودهاقنة الصحافة المصرية.... تلاقى عنوان بالبنط العريض فى الأهرام; الأستاذ إبراهيم نافع يجرى حوارا تاريخيا غدا مع الرئيس مبارك وتنفرد الأهرام بنشره- كما لو كانت الصحف العالمية مقطعة نفسها حتى تحصل على نسخة من هذا الحوار التاريخى!!-

تانى يوم تجدى بالفعل الحوار منشور بالأهرام وهذا فى حد ذاته شئ إيجابى وأنهم صدقوا ولو مرة واحدة فى حياتهم ثم تجدى الحوار كالتالى:

إبراهيم نافع: سؤال سيادة الرئيس, إيه الحلاوة دى?
الرئيس مبارك يجيب متواضعا: والله ياأستاذ إبراهيم كله بأمر الله والفضل يرجع أيضا لنشئتى فى مصنع الرجال بالقوات المسلحة.

إبراهيم نافع: سؤال أخر وأرجو ألا أرهق سيادتك بكثرة أسئلتى ولكن سيادتك تعلم جيدا أن مهنتنا هى مهنة البحث عن المتاعب

مبارك متواضعا: أتفضل ياأستاذ إبراهيم
إبراهيم نافع: إيه الطعامة دى?
مبارك : والله بالنسبة للطعامة فالفضل فيها يرجع للشعب المصرى العظيم الذى كافح وناضل من أجل مستقبل مشرق وأسرة صغيرة = حياة أفضل

إبراهيم نافع: سؤال أخر ياسيادة الرئيس, إيه الجمال ده?
مبارك: بالنسبة للجمال فإن الله جميل يحب الجمال وبعدين ياعم إبراهيم بالطريقة دى التمثيلية اللى أنا وأنت بنعملها على الشعب مهروشة وشكلنا هيبقى وحش فشوفلك سؤال عدل شوية أبوس إيدك متفضحناش وأوعى تقولى إيه الشياكة دى بدل ماأديك على قفاك

إبراهيم نافع: طيب سؤال ذو طبيعة خاصة أهو
مبارك متأففا:ورينى أبو طبيعة خاصة بيقول إيه, أنا عارف هتودونى فى داهية بغباوتكم!

إبراهيم نافع: ماهو السر وراء كل تلك الإنجازات التى قمت بها على الصعيد المحلى والإقليمى والدولى والمجموعة الشمسية فى فترة قصيرة جدا لاتتجاوز الربع قرن?

مبارك: هو ده أبو طبيعة خاصة! وبعدين إيه موضوع ربع قرن ده, أنا مش عايز الناس تفتكر إنى في السلطة بقالى ربع قرن , متفتحش العينين علينا جتك داهية فيك وفى اللى مشغلينك.

إبراهيم نافع: ماأنت ياريس اللى مشغلنى!
مبارك: أخرس ياكلب, وكمان بترد عليه! صحفيين أخر زمن

إعلان فى الأهرام
نستكمل غدا الجزء الثانى من الحوار التاريخى

أخبار متفرقة;

الصحف العالمية ووكالات الأنباء تنشر حديث الرئيس مبارك فى صدر صفحاتها

قادة العالم يشيدون بحكمة الرئيس مبارك

سيدة أمريكية تطلق على مولودها إسم مبارك إعجابا به

قبيلة فى أحراش الأمازون تبايع الرئيس مبارك قائدا لها مدى الحياة

مومس تشيكوسلوفاكية تضع تاتو للرئيس مبارك على مؤخرتها

جمل بمملكة الظلام يولد بمكة ومكتوب على جبهته مبارك

العالم الكبير زغلول النجار يتوجه بنفسه إلى مملكة الظلام لمعاينة الجمل وإجراء الفحوصات والدراسات اللازمة عليه لتحديد أوجه الإعجاز.

السيدة سوزان مبارك تحصل على الدكتوراه الفخرية من جمعية شلحنى وشوف لحمى البلغارية المناهضة للإنسان والحيوان والنبات والجماد.
[/quote]
:lol:

ويلكم باك يا نيوترال(f)

ووردة للمتوفى(f)

Arrayسيدة أمريكية تطلق على مولودها إسم مبارك إعجابا به[/quote]

هذة الحركة حقوقها محفوظة لصدام حسين .. كل يوم في الاخبار سيدة روسية تضع مولوداً ذكراً وتسمية صدام حسين ؟. سيدة أردنية وضعت مولوداً وسمته صدام حسين وهكذا ..

جنون عظمة بعيد عنك..

محارب النور

:redrose:

http://www.nadyelfikr.net/index.php?s=&...st&p=490677



:lol::lol::lol:

شايف البخل يا نيوترال. دا حتى وردة ببلاش ما حطيتش.

أنا ناوي أبعت أكل عالاربعين.

طول بالك خيو الله يوفقك.

الصور ما عم بتطلع عندي. فقلت لنفسي الكتابة أحسن.

تحياتي ألك بلا غيظ