لحّق لحم ولحّق دمْ
عشرة، مية، مين اهتم ؟
مجلس أمن بفيتو تفركش
ودولتنا بكرا بتهتمْ


بس فهموني معنى الفيتو
وشو طعمة تعبه وتصويته
لأ، كل واحد يبقى ببيته
لا مجلس أمن ولا همّْ


إسرائيل وشافت حالا
بتعمل كل شغلة بتحلالا
وبتقتل كل مين ببالا
إيمتى نوقفها ونتلمْ ؟


موقفنا صرنا حافظينه
كل واحد ماشي على دينه
وأتباعه خلفه لاحقينه
عم يغنوا له ترلمْ


ترلم لم يا حبيب القلبْ
عيشتنا أرخص م الكلبْ
عم نستنى دول الغربْ
تتوقف حمام الدمْ


وموقف جامعة العربانْ
استنكار وبكرا النسيانْ
وكم دولار لهالغلبانْ
اللي عم يشرب م السمْ


هاجرت وما نسيت الناسْ
عم اتمنى كسر راسْ
كل فاقد دم وإحساسْ
جايب لعروبتنا الغمْ


إيدك فوراً حطها بإيدي
تنعمرها دولة جديدة
فيها كل دين وعقيدة
محرم فيها سفك الدمْ


(f)

(f)

واسلم لي
العلماني