عن النسوان حدثونا
Array
بجد أشكر كل من ساهم في إثراء هذا الموضوع القيم الذي يجب أن يتم تثبيته وإدخاله في المناهج التعليمية حول العالم
يا عم ايه ده، دي العالم كلها مغلولة من النسوان، وانا كنت مفتكر اني لوحدي
لحد الآن، نفسي أشوف واحد متجوز من أصدقائي ينصحني بالزواج:lol22:كلهم بيقولوا جملة واحدة فقط: "أنا ايه اللي عملته بنفسي بس؟؟؟؟"!!!!
بالنسبة للتسوق، ومع احترامي لكل نسوان العالم وعلى رأسهم أمي حبيبة قلبي وقرة عيني، بس في الموضوع ده النسوان من أقرف ما يكون!!!!
أنا لما أكون في الأردن أحاول جاهدا أجيب لأمي كل ما يلزمها وما لا يلزمها، بس المشكلة ما أقدرش أقول لها "لأ" لو طلبت تروح معاي السوق أو المول:(وهنا عاد الكارثة!!! أنا ما بحبش اللفلفة من غير هدف، والحاجة الله يرضى عليها لازم تلف على كل قطعة في المول قطعة قطعة وتقارن أسعارها وتشوف سعر القطعة الفلانية أرخص هنا والا في المحل الفلاني أو العلتاني، وطبعا تبلش حسابات وتحس أنها بتحسب التضخم وتجيب توقعات أسعار النفط لخمسين سنة قادمة وتحليلات لا يفهم بها أبرع المحللين الاقتصاديين، لحد في الآخر ما تقرر، ودي تديها نص ساعة على كل قطعة تقريبا ... أنا طبعا وقتها يكون في عقل وطار، فا صرت آخذ إحدى أخواتي للمرافقة وأحطهم على باب المول وأروح أهيم في الشوارع لحد ما يتصلوا ويعلنوا انتهاء الغزوة المباركة وضرورة وجودي لتعتيل الغنائم
الله يحفظك يا أمي من كل مكروه
[/quote]
وانا صغير كانت امي تاخدني علي السوق عشان نبيع الدجاج ونشتري حبوب وعلف وما الي ذلك وطبعا كنت بموت من الغيظ وهي بتلف وبتفاصل في ربع جنيه وما دون وكانت تعمل روحها فهمانه وتحاول تتشاطر علي التاجر وتجيب بضاعه رخيصه وتكتشف بعد ذلك انها اكلت هوا والتاجر هو اللي ضحك عليها وما نابنا غير الخسارة ووجع رجلينا من اللف ولي معها صولات وجولات امتدت لسنوات في هكذا طلعات , وكان اكبر كمية غيظ انالها لما بروح معها نشتري ملابس العيد تلف السوق 10 مرات وتسأل وتفاصل عند كل فرش ولما نرجع للبايع اللي كان عنده شئ عاجبني الاقي اللون اللي عاوزه خلص او المقاس خلص وارجع البيت مكسور الخاطر والعن لها ميت دين وكل هذا كوم وما فعلته بي في احدي المرات كوم تاني .
كانت في زياره لجدتي واخوتها (اخوالي ) بالصعيد وطبعا ابويا لو دفعت له فلوس ميرضاش يطلع معاها مشوار وباقي اخوتي ما بين نزق ومعصب وموفاضي , ووجدت نفسي متورط معاها في زيارة اهلها بالصعيد (والمسافه بين الاسماعليه وجنوب سوهاج اكثر من 800 كم) يتحرك القطار من الاسماعليه 12,30 ويصل القاهره 14,00 وتجري له الصيانه ويزود بالوقود ويتحرك من القاهره 16,00 ليصل مركز جرجا جنوب سوهاج في الساعه 5,00 من فجر اليوم التالي وتبحث عن سياره اجره تنقلك لذلك النجع البعيد قرب الجبل لتصل في تمام الساعه 6,00 صباحا (ميعاد رائع للزيارة) :lol: وطبعا العودة لمسقط رأسي لا بأس بها وخاصة لو تخللها مغامرات مثل العمل في تقطيع وتحميل القصب او حصاد القمح او جني القطن او حتي حش البرسيم حسب الموسم اللي رايح تزور فيه ولا مشكله في ذلك , واليوم المزعج الوحيد هو اليوم اللي بتروح تزور فيه قبر ابوها واخوها (جدي وخالي ) وكل هذا محتمل والمشكله تكون في العوده وبما ان والدتي لها ميراث لا تستطيع الحصول عليه فهي تعمل منذ اليوم الاول لوصولها علي تجهيز زيارة تعود بها الي الاسماعليه كخلاصة حق وتظل ترص في صناديق وجولات وكل ما تطاله يدها ( جبنه قديمه , جبنه قريش , عسل ابيض , عسل اسود , عيش شمسي , فايش , منقوش , بطانيات وملابس , قصب , بلح ابريمي , سمن بلدي ) حموله لا تقل عن 120 كجم وطبعا هي ولا في دماغها مش جايبه معاها حمار هيشيل .:roll:
وفي آخر مره رحت فيها معاها جهزت الحموله وخدنا سيارة وصلتنا لمحطة القطار وكالعاده اتأخرنا ملحقناش القطار بتاع بورسعيد واضطرينا نركب قطر لغاية القاهره ,ومن القاهره نركب قطر تاني لغاية الاسماعليه , والمشكله ان قطارت الصعيد من علي رصيف 11,12 وقطارات الاسماعيه وبورسعيد من علي رصيف 5 يعني 6 او 7 ارصفه يجب ان اتخطاهم وانقل الحموله علي 3 مرات ( وبالراحه يا فارس علي بلاص العسل ) :no2:
ولما ركبنا القطار الاول اللي هيوصلنا لغاية القاهره , قعد في الكرسي المقابل لينا واحد ومراته وطول السكه يسب لها الدين هي واليوم اللي شافه فيها وكان مشوار منيل بستين نيله ورحنا وخسرنا مصاريف علي الفاضي ويخرب بيتك وبيت اهلك ( اكتر من 5 ساعات علي هذا المنوال ) ومراته شوية تعيط يصالحها وبعدها ترازي فيه يقوم معصب عليها .... الخ :2talk:, المهم انا فهمت انه كان رايح يقضي مصلحه لقي نفسه متورط في فلوس ومش معاه ربع جنيه حتي وتذكرته تخلص في القاهره وهو ساكن في القناطر وانا كان معايا 35 جنيه غير تذكرة القاهره وقلت انا 20 جنيه توصلني مرتاح من القاهره لغاية الاسماعليه ورحت عاطي الراجل 15 جنيه يروح بيهم , ولما وصلت القاهره نقلت الحموله علي 3 مرات وقابلني علي اول الرصيف كمسري ابن دين كلب قلت له تذكرتين تانيه اسماعليه راح قاطعلي تذكرتين تالته اسماعليه وابن الكلب خط دين امه تقولشي دكتور ودخلت الحاجه في القطر وكنت اول راكب فيه وكانت الساعه 5 الفجر والقطر بيطلع الساعه 6,30 وصدقت ما حطيت الحاجه في اول عربيه درجه تانيه بعد المكيف علي طول واشتريت جريدة الاهرام وفطار وفضل معايا 4 جنيه وبعد كده القطر بقي زحمه موت ( يعني ناس واقفه في الطرقه وبين الكراسي ومتشعبطه علي الباب من بره وجاني الكمساري بعد القطر ما طلع من بنها ولما اديته التذكره
قالي دي تالته يا تدفع الفرق يا ترجع تالته ورا
قلتله انا قاطع تانيه
قالي لأ دي تالته
والله قايل للكمساري اللي علي الرصيف 2 تانيه
قالي يا حبيبي 2 تانيه ب16 جنيه ودول 2 تالته ب13 جنيه
يا عم انا اعرف من فين ان 2 بكذا وتالته بكذا دي اول مره اركب القطر ده
قال لي مش مشكلتي يا تدفع الفرق يا تطلع قدام
قلت مش مشكله ادفع الفرق
قالي الفرق 7 جنيه
يا عم انت مش بتقول ان الفرق 3 جنيه
قالي اه و2 جنيه غرامه علي كل تذكره يبقي 7 جنيه
قلت له مش معايا 7 جنيه قال خلاص ارجع ورا , قلت له ارجع فين في الزحمه دي وانا معايا والدتي وشيله
قال خلاص ادفع الفرق
بصيت لأمي لقيتها عامله هبله وطرشه في وقت واحد :97_old:
قلت لها بالراحه وبشويش عشان منطري برضه ( يعني شب طول بعرض ومش معايا 10 جنيه ) ودي برضه مصرة تعمل طرشه وطبعا انا بقيت في نص هدومي وخاصة ان فيه 2 بنات قاعدين في الكرسي اللي مقابلنا
يا أم محمد مينفعش كده
قالت لي ايه اللي خلاك تدي الراجل اللي كان قاعد معانا في القطر فلوس , طيب اديه 2جنيه اديه 5 جنيه ليه رايح تديه نص اللي معاك , اه رد عليا ( واضافت مثل شعبي ) اللي ميسمعش كلام كبيره يا تعتيره
يا ام محمد مش وقت حساب دلوقتي هاتي 5 جنيه والكمساري راح مزعق خلصني يا حضرة
راحت قايله لي انت عارف انا مش معايا فلوس , واقسمت برحمة ابوي انها مش معاها فلوس
وحاولت اني اقنع الكمساري ان ده مش غلطي وانا كنت اول راكب في القطر وان القطر كله كان فاضي وان معايا والدتي ومعايا حاجات مش هعرف اتحرك بيها في الزحمه
مش مشكلتي يا كابتن
طيب اديني فرق لوالدتي وهرجع انا درجه تالته , مينفعش يا تدفعوا الفرق انتم الـ2 يا ترجعوا انتم الـ 2 لأنكم علي تذكره واحده
وطبعا حرصا علي ما تبقي من ماء وجهي بدأ ت اشيل في الحاجه المعبأه في 8 صناديق وبلاص عسل وارجع بيها 4 عربات مزدحمه واحاول ان اجد لها مكان في الدرجه الثالثه اللي الناس فيها لحم علي لحم وبعد ان نقلت الصناديق الثمانيه وجدت مكان ملائم تقف فيه امي بقي ان انقل بلاص العسل وكنت قد استنفذت خلال ذلك كل ما بقي لدي من صبر وحكمه , واثناء مروري ببلاص العسل اصطدمت بفتاه وبدلا من ان اعتذر سبيت لها الدين حتي قبل ان تنطق هي بكلمه وهنا ثار احدهم وحاول يعمل فيها عنتر فكسرت بلاص العسل علي دماغه , واتبعت ذلك بروسيه ولكمه في وشه وسبيت 100 دين للي موش عاجبه وملابسي اتغرقت عسل وباقيت ماشي اعوص الناس , لغاية ما وصلت ام محمد
ودي بصلت لي وعوجت بقها ومصمصت وقالت كسرت بلاص العسل
وهنا رحت سابب لها الدين هي واهلها وبلاص العسل الاسود اللي ما يستاهل شيلته من جرجا الي الاسماعليه , اكتر من 800 كم وهو ثمنه لا يزيد عن 12 جنيه , هزت دماغها وقالت اصلي انا معرفتش اربيك وراحت حالفه بشعرها انها هتعلمني الأدب من اول وجديد , وكل اللي فات ده كوم ولما وصلنا البيت اكتشفت ان معاها اكتر من 500 جنيه ورفضت تديني 5 جنيه ادفع فرق التذكره ونفضل قاعدين في مكاننا معززين مكرمين , مع انه من ساعة ما خرجنا انا وهي من البيت لغاية ما رجعنا كل مصاريف الرحله والهديا اللي اشترتها انا اللي دافعها غير الشحططه وحرق الدم اللي شفته معاها وطبعا دي كانت اخر مره اخرج معاها في مشوار .
ومحدش يقولي اصلها امك برضه , وهي يعني عشان امي يبقي مسموح لها تمرمط في علي كيفها
(تم إجراء آخر تعديل على هذه المشاركة: 03-22-2009, 01:32 AM بواسطة fares.)
|
بحث
قائمة الأعضاء
التقويم
وثائق المساعدة
