ما كنتش عارف أنك ليك في المحاضرات اللي من النوع ده ولكن بما أنك أعطيتني فكرة عن قراءاتك واللي يستهويك فسوف أضع محاضرات وكتب من هذه النوعية مستقبلا. بس مش عايز أدوشك. أنت قول وأنا أجهز على طول ولكن زي ما أنت شايف الهدف هو أننا نشجع بعض في المعرفة والنمو الفكري هنا. الجدل في أي شيء مش هايوصلنا لحاجة من وجهة نظري. ألف شكر على كلامك الحلو لك أحر قبلاتي الأخوية.

Array
أخويا الغالي أحمد:

أشكرك على كلامك الكبير واللي أكبر مني بصراحة. أنا مجرد تلميذ وباحاول ألقط من هنا ومن هناك.
برتراند رسل عالم غويط ولا تجد مفكر يضارعه. لكن اسمح لي أقترح عليك تبدأ بقراءة كتب زكي نجيب محمود ويوسف كرم بالعربي لو تحب قبل ما تبدأ في كتب برتراند رسل. لو عايز كتبهم عندي في صورة ملفات. مش عايز أغرقك. مثلا لما قريت كتب زكي نجيب محمود وخاصة كتابه عن تاريخ الفلسفة الحديثة حسيت أني أضع رجلي على أرض صلبة وأفهم مين هو برجسون ورسل وكانط وصاحبي "آمون" قال لي إن الجزء بتاع كانت أو كانط في كتاب يوسف كرم ممتاز من وجهة نظره. لكن عامة اي حاجة تجيبها لـ برتراند رسل هي دهب من النوع المصفي الثمين جداً. ساعات أقرا له مش عشان الفلسفة بتاعته ولكن عشان بس اللغة اللي بيكتب بيها وأسلوبه وطريقة تفكيره. كتابه غزو السعادة بالانكليزي أكتر من ممتع. العنوان بسيط بس فيه أفكار تشد الواحد. وبما أن تخصصك الفيزياء فهو على فكرة تكلم عن الربط بين الفيزياء والفلسفة والرياضيات. نفس الشيء تكلم فيه هايزنبرج في كتابه الفيزياء والفلسفة. لو عايز تقرا عنه تحت أمرك. مش عايز أغرقك ملفات والكتب مالية الدنيا وأكيد حياتك كلها كتب في كتب والواحد بس عايز يشم نفسه وينفس عن نفسه. تعمل رايت كليك وSave LinkAs هنا وتحتفظ على الدسكتوب بمحاضرة لبرتراند رسل بصوته عشان تسمعه.. طريقة كلامه حدقة ودمها خفيف. وبكدة تعرف أنك دخلت عالم شخص من لحم ودم زينا ومش أفكار وبس.
[/quote]

اقتراحك وجيه يا ابراهيم وياريت لو مفيهاش تعب يعني تبعتلي باي شكل يريحك كتب زكي نجيب محمود او يوسف كرم واكون ليك شاكر
وشكرا على محاضرة راسل حسمعها بكره ان شاء الله ودايما كده مظبطنا يا برهوم

الاخ احمد
يمكنك مراجعة هذا الرابط عن زكي نجيب محمود لتحصل على كتبه
http://www.nadyelfikr.net/index.php?showtopic=48560
وهذا ايضا للحصول على كتب برتراند رسل
http://www.nadyelfikr.net/index.php?showtopic=48467