بسم الله الرحمن الرحيم

من أساليب ملاعبة الوالدين لأطفالهم الترانيم التي تحوي مفردات كثيرة - ليست بالضرورة مترابطة أو تحمل معنى - بل هدفها بالإضافة إلى التسلية واللعب تعليم الكلمات للطفل وإثراء قاموسه بالمفردات الجديدة - غالباً عند بدء تعلمه النطق والكلام

من تلك الترانيم في الشام - جاجة سمينة - ليمونه يا ليمونه - كعب الغزاله - حصان حصان حصان - بلبل بلابل - حكاية الدبانه - ومن عنده أكثر فليزدنا

"جاجة سمينة"

جاجة سمينة
نطت عا لمدينة
كسرت الءنينة
يا ستي عرجا عرجا
يا مفتاح الساكرجا
خبيتو ورا السندوء
إيجا خالي ساراءو
لبسني من حالاءو
حالاءو شءلي بءلي
حالاءو طير عءلي
يا بنت الملوكي
جايين يخطبوكي
على درب مدينة
يا كعكة ويا تينة
كعك الشام غالي
تسلم دءن خالي
خالي بالبرية
عم ياكل تمرية
ألتللو طعميني
أللي عند عشيه
جيت عند عشية
نسفني بالططرية
شعل ضو طفا ضو
ءال المدفع بووووو

حكاية الدبانة

أحكيلك حكاية الدبانة؟
إن قلت ايه وان قلت لأ بدي أحكيلك حكاية الدبانة
إن قلت ايه يللا وان ما قلت ايه يللا بدي أحكيلك حكاية الدبانة
إن قلت طيب وان ما قلت طيب بدي أحكيلك حكاية الدبانة
إن قلت مابدي وان ما قلت مابدي بدي أحكيلك حكاية الدبانة
إن قلت خاصني وان ما قلت خلصني بدي أحكيلك حكاية الدبانة
إن قلت اف بقا وان ما قلت اف بقا بدي أحكيلك حكاية الدبانة
إن سكتت وان ما سكتت بدي أحكيلك حكاية الدبانة


آل كان في دبانة صغييرة صغيرة
مقشتها صغييرة صغيرة
قامت لتكنس
لقت فليـّس
اشترت فيه دبيـّس
لحست لحيّس
وخلت لحيّس

أجت لعندا خالتا الدبانة الكبيرة
قالت لها: وين منخلك
قالت لها: عالفريّن
مغطى فيه دبيّس
الحسي لحيّس
وخلّي لي لحيّس
قامت لحست كل الدبسات

راحت الدبانة لعند عمّا القاضي
قالت له: يا عمي القاضي يا عمي القاضي
وزززززز يا عمي القاضي يا عمي القاضي
قال لها: إيييييه ، شو بدّيييييييك
قالت له: قمت لكنس
قال لها: تنشّطتي
قالت له: لقيت فليّس
قال لها: زنكلتي
قالت له: اشتريت في دبيس
قال لها: تحليتي
قالت له: لحست لحيس وخليت لحيس
قال لها: وفرتي

قالت له: أجت لعندي خالتي الدبانة الكبيرة قالت لي وين منخلك قلتلها عالفرين مغطى فيه دبيس الحسي لحيس وخلي لي لحيس قامت لحست كل الدبسات

قال لها: ها هاااا - مادام هيك - كل ما بتشوفي دبانة واقفة بشي محل بتشلحي سكربينتك وبتضربيها
قام و هو عم يحكي أجت دبانة وقفت على دقنه قامت الدبانة الصغيرة شلحت سكربينتها ورمتها عليها قامت أجت على دقنه قام قال: أي أي أي أي
قالت له: مو أنته قلتللي!!

وهذه ترنيمة من دولة الإمارات , ولا ادري إن كانت دارجة في باقي دول الخليج ام لا , وهي كالتالي :

لا إله .. الا الله
محمد يا .. رسول الله
مكة مدينة ارض الله
??? يحفظه / يحفظها الله

تحياتي (f)

شكراً لمشاركتك وتشجيعك يالحر

ترنيمة جميلة ومختصرة مع محتوى ديني

ذكرتني بترنيمة تلت حمامات (ثلاث حمامات) - يقولها طفلين وتترافق مع تصفيق الأكف:

حمامة حمامة - تلت حمامات
وحدة بتصلي - والتانية بتصوم
والتالتة بتعبد الله - وبتحب الرسول

.
.
.
.

بلبل بلابل - على روس الشجر
غمزتو بعيني - صفق وطار

صفوا الكراسي - يا معلماتي
جايين رفقاتي - على ضو القمر

ليمونة يا ليمونه
بابا جاب لي ليمونة
قشرتا وآكلتا
ما طعميت حدا منها
يلي رايح على مكة
يجبلي معه دربكة
والدربكة بالصندوق
والصندوق ماله مفتاح
والمفتاح عند الحداد
والحداد بدو بيضة
والبضة عند الجاجة
والجاجة بدا قمحة
والقمحة بالطاحونة
والطاحونة مسكرة
فيها مي معكرة
هون مقص وهون مقص
وهون عروس بترقص رقص

طلعت عالسطوووح
رماني الهوااااااا
رحت عالدكتوووور
وصفلي دواااااا
قلتلو شو هالدوا
قللي فستق وبندق على كعب الغزالة
غزاله غزالة طاب جرحي طاب
والقمر خلاني محلو بنص الليل وغاب
والقمر خلاني يا عيني بنص الليل وغاب