أين ذهب وضاح رؤى ؟
شئ يدعو للحزن جدا , لما تلاقى أثنين مفترض انهم على نفس الصف وتقريبا بيحملوا نفس الاتجاه
نظرة مشرقة الى عالم اسود نعيش فيه , او ربما أرتبطنا بيه فى فترة من الزمن . عالم يحمل جزء من أحلامنا وذكرياتنا , همومنا واحزاننا , فرحتنا وسعادتنا . عالم نعيش فيه أكيد , سواء كنا فى الخارج او فى الداخل - لانه يعيش بداخلنا , مهما أبتعدنا عنه نحمل منه ما يذكرنا بيه ..
طبعا العالم ده هو نادى الفكر العربى , مش العالم العربى ولا العالم المصرى ولا العالمة سهير رمزى - واللى هيكون شئ مميز لو حملنا حاجة طرية منها , لكن ما علينا , انا عندى كلمتين وهقولهم والاجر على زيوس :
انا لا ألمنى ولا زعلنى ولا حتى هز شعرة من رأسى ان طنطاوى يقع فى وضاح , اصل عادى - احنا فى منتدى بنتعارك فيه بالكلام , يعنى الناس فى الجزيرة بيحدفوا بعض بكوبيات المياه , احنا بقى هنا نتعارك شوية , نهزر شوية ... عادى يعنى , شى فى منتهى العادية والبساطة .
لكن اللى زعلنى جدا جدا جدا جدا جدا ( لما أسمع ان وضاح عايز يمشى , وبيقول انه هيقاطع النادى ... طبعامش محتاج اقول ان الاجزاء هنا اكبر من المجموع الكلى ( كل شخص هنا بيأثر بطريقته وبأسلوبه وبيدفع يمكن النقاش او الحوار او يمكن الافكار اى افاق اخرى , وكلنا مع بعض بنكتشف العالم الاسود اللى عايشين فيه . يمكن دلوقتى افتكر كثير من الزملاء لا نراهم - بسبب مشغوليات الحياة طبعا , ومنهم اللى زعل ومشى من النادى ورجع تانى ... مهما جه ناس حاولت ان تملاء فراغهم , لن يمتلا أبدا بل هيتكون مكان جديد بأسم جديد , بذكريات جديدة للوافد الجديد .
ومهما حدث , مهما اختلف ذلك الشخص ومشى وزعل - لازم يعرف ان مكانته فى قلوب جميع رواد هذا النادى موجودة . وأن ارتفعت وانخفضت تلك المكانة من شخص لأخر , فالمعلم وضاح الرؤئ من الناس اللى ليهم فى قلبى كرســـــــــــــــــــى كبير قوى .
وحتى لا يبقى ذلك الكرسى فارغا - يعلوه التراب وتمر رياح الهجر والنسيان بين رجليه , أتمنى ان لا تغادر المنتدى او تزعل من اى احد . ولو يريحيك رأى صديق وهو رأى طبعا - ايه اللى حصل بينك وبين طنطاوى كان غلط منكم انتم الاثنين , ومكنش يصح لا يحصل منك ولا منه ... بس عادى , كلنا بنغلط وبنصالح , وبنرجع نغلط تانى ونصالح .
لا عايز منك تعتذر لطنطاوى , ولا طنطاوى يعتذرلك - وكفى زيوس شر القتال
( أرجع للمنتدى ولكرسيك الكبير فى قلبى , وطنطاوى على فكره معندوش اى شئ ناحيتك )
لـ وضاح رؤئ (f)
لـ طنطاوى (f)
لسهير رمزى (f) ( لعدم قدرتها على التواجد معانا عشان ترقص رقصة - أرجع يا على , ما ترجع يا على ):lol::lol:
|
بحث
قائمة الأعضاء
التقويم
وثائق المساعدة
