هذه بعض الأمثال الشعبية الفلسطينية الشائعة قد تكون مشتركة مع بعض البلدان الأخرى تبعا للتقارب الجغرافي و الأجتماعي و التاريخي و هذه بعض منها
[CENTER]
من الأمثال الشعبية :

الإسكافي حافي والحايك عريان

يا جبل ما يهزك ريح

ما في شدة إلاّ وراها فرج

العاقل وديه ولا توصيه

حظ يفلق الصخر

حلاة الزيارة غارة

القرد في عين أمه غزال

الفاضي بيعمل قاضي

جوزت بنتي لارتاح من بلاها أجتني وأربعة من وراها

لو بشوف الجمل حردبته كان بيوقع وبيكسر رقبته

اللي ما بيشقى ما بيلقى

الشحادة عادة

من أمّنك لا تخونه ولو كنت خاين

مثل القرعة بتتباهى بشعر بنت أختها

مثل البوم ما بنعق إلا بالخراب

زي السمك بس يطلع من المية بموت

الدهر دولاب يوم معك ويوم عليك

رعاية البقر ولا رعاية البشر

إسأل مجرب ولا تسأل حكيم

الديك الفصيح من البيضة بصيح

الصلح سيد الأحكام

عصفور في اليد ولا عشرة على الشجرة

صنعة في اليد أمان من الفقر

وجع ساعة ولا كل ساعة

جاجة حفرت على راسها عفرت

أعطي الخبز لخبازه ولو أكل ثلاثة أرباعه

ينام اللي ما على قلبه هم

العين بتعلاش على الحاجب

العز يليق بصحابه

اللي بتزوج أمي بصير عمي

ما بحرث الأرض إلا عجولها

اللي ما عنده زرع ما عنده قلع

فكرت الباشا باشا، تاري الباشا زلمه

الفلاح يبذر حبه وبيتكل على ربه

فت الشبعان على الجوعان فت بطيء

الموت بين الناس نعاس

اللي بعاشر القط يلقى خراميشه

معك قرش، تسوى قرش

قالوا للأربنه كلي، قالت تا أسلم بلحماتي

من خلى حاله حب أكله الدجاج

جاي من البرية وتاخذ الأولية؟

البدّار عارف شو طالع من ايده

الزيتون ملّك العاجز

صاحب الصنعة مالك قلعة

الجود من الموجود

بنت العم بتصبر على الجفا

حلم الجوعان عيش

جوعة على جوعة تخلي القلب لوعة

اللي بسعدها زمانها بتجيب بناتها قبل صبيانها

إللي إِلُه غايب بيظل قلبه ذايب

احترم كبيرك بيحترمك صغيرك

الخط الأعوج من الثور الأبرق

الدعوة بتدور بتدور ع سبع بحور وبترجع لصاحبها

الكبار بتاكل الحصرم والصغار يضرسون

العرق يسوس ع سبع جنوس

قيراط بخت ولا قنطار شطارة

من غربل الناس نخلوه

إن قوست (ظهور قوس قزح) صبحية خذ عصاتك والحق الرعية وإن قوست عصرية دوّر على مغارة دفية

مال الحرام ما بيدوم

اللي بيزرع الخير يحصد البركة

الفنجان الأول للضيف والثاني للكيف والثالث للسيف

الخال لولا الشك والد

رب ابنك واحسن أدبه، ما بموت تا يخلص أجله

الإبن الفاسد يجيب لأهله المسبه

الغصن مني ولو مال

سيف الأهل من خشب

اللي يطلع من ثوبه يعرى

أهلك ولا تهلك

اللي من دمك ما يخلو من همك

عمر الدم ما صار ميّ

الظفر ما بطلع من اللحم

أصلك يردك

الحر ما يتنكر لأصله

اللي ما لو كبير مالو تدبير

العرق دساس

ستر البنت زواجها

اخطب لبنتك قبل ما تخطب لابنك

خلقة باب بيرد الكلاب

اللي ما باخذ من ملته يموت بعلته

جارك القريب ولا أخوك البعيد

الجار للجار ولو جار

اللي يزرع زرعين ما يخيب

الباب اللي يجيك منه الريح سدو واستريح

- اللي يربط بقبتو حبل بيلاقي ألف مين يشدو

مين عندو أمثال كمان يشاركنا فيها؟؟؟؟

شكرا جزيلا

لست أدري لماذا علق ببالي المثل: ينام اللي ما على قلبه هم...

merci (f)

[CENTER]شكراً لك (f)

ولكنني أكره الأمثال وأتذكر قول مورفي :


Most general statements are false, including this one.
أكثر العبارات العامة .. خاطئة ... حتى هذه العبارة ...

[/CENTER]

زهرة فلسطين شكرا لك هذا الاهتمام بالتراث الفلسطيني حتى لا يسرقه الافاقون.:97: