في احدى حانات الحنين المفرط حنين المهاجر و حريق تموز اللاهب جرى هذا الحوار بين تموز و النادلة الجميلة كارمن

ملاحظة : الحوار باللهجة السورية يمكن لنا الترجمة لما يغيب عنكم من معاني:)


تموز:
_يلعن ربك كارمن و ينك انتي من شي اسبوع ..عين تلاتة؟؟؟

كارمن:
_و لو تمتوم كنت مشاركة بالمظاهراااااااااااااااااات اللبنانية


_و الله و حزر مهاجر كاسك مهاجرو,,, و دخلك بأي مظاهرة كنتِ؟؟؟ تبع ساحة الحرية

_إحزر تمتومتي... انت و شطارتك ...

_انت و الله بساحة الشهدا لينتفوك تنتيف ماشفتي الخناشير و الدقون يلي فيها......... انت ساحة الحرية اللبنانية خلقت الك و لك انتِ انتِ.. لازم تصيري نُصبا تذكاريا في ساحة الحرحريرية... عفوا الحرية ...

_لا مظبوط متل ما عم تقول الحرية حرحريت الشعوب .... ما هو بينحَرّ بدنها هالشعوب مشان الحرية فبتتحَرْحَرْ ومن ثم بتتحرَر ... بس انت غلطان حبيبي انا كنت بالمظاهرة الاولى تبع الحرية بتعرف شرب بيرة و رقص طبعا بدي اطلع فيها .
و كنت بالتانية كمان تبع الخناشير.


_ و لك كارمن شو يلي اخدك عهالمظاهرة و كيف بتروحي ع التنتين؟؟؟


_و الله مظاهرة الحرية رائعة بس المشكلة انه و قت خطر على بالهم الشباب شي سيكارة حشيش .. يعني هيك لتقطيع الوقت بهالخيم المنصوبة ليل نهار ما عرفنا من فين بدنا نجيب ...

_ايه و ليش بقى ما عرفتوا ما هو سهل عكار و يا ماشالله ثلثين اقتصاد لبنان ...؟؟؟

_يا فهمان انت.... ما سهل عكار كله كان بالمظاهرة التانية تبع الخناشير وساحة عمو رياض الصلح

_ايييييه و شو عملتوا يا روح عمو رياض ؟؟

_قام الشباب تبع المظاهرة الأولانية تبع الحرحرة اقترحوا علي بما اني اجنبية و شكلي مناضلة ثورية اني روح على المظاهرة التانية تبع الخناشير كموالية قومية تقدمية سورية اجتماعيات بعثية جبهوية تقدمية ثوروية على شوية فلسطيني و عطوني صورة بشورة ...

_مين بشار الاسد ؟؟ انتِِ حملتِ صورة بشار الاسد؟؟؟

_ايه تموزي و ليش منفهش كثيرا؟؟؟ و لك تاري الملعون عيونه زرق و انا مش عارفي

_ايه عيونه زرق و اسنانه فرق و دقنه كوساية... المهم رحتي على مظاهرة الشهدا و اسمعتي الخطاب تبع نصرالله؟؟؟


_وااااااااااااااااااو حسونتيهيدا تبعكم انتو الختيارية الثورجية ... يمكن هيدا حسووووووووووووووون غيفارا جيلنا بدك تقووووووووووووووول ؟؟؟؟


_الله يلعن يلي خلقك شو مشفّطة


_ايه و الله وقت يرفع إيده هيك و يجعر و يقول : نتحدى البوارج الامريكية كما تحديناها سابقا و جعلناها تفر صاغرة................
وااااااااااااااااااااااو شو هالحسون و الله بده مش سيكارة حشيشة بده شي شمة غير شكل

_شمة؟؟؟

_ايه شمة عمي ما عرفت ان البقاع صار إهم منتج في الشرق لانتاج الكوكايين ... وكله تحت الحماية الثورية و اذا مش مصدقني تمتم اسأل : حازم صاغية

_اي بعرف مقالاته الخمسة عن حزب الله لاعن سما ربهم... بس انت لقيتي الحشيشة .. و كيف؟؟؟

_حزير من مين اخدت الشقفة ؟؟؟


_من مين يا ضنااااااااااااااااااي؟؟؟


_من عنصر مخابرات سورية... هع هيع هوع ... لقيته مشعل هالصاروخ و صفنان بهالمظاهرة

_ايييييييييييييييه؟؟


_ايه شو فقربت منه و سألته بكل عنف ثوري:- ممكن شحطة رفييييييييء؟؟؟
و طبعا بعد صاروخين و نص ساعة حكي قلي :

-بدي قلك سر خطير؟؟
-خير رفيء شو هالسر ؟؟
-بتعرفي شو بكون انا؟؟
-لا و الله ؟؟ شو بتكون؟؟
-انا مخابرات سورية و عم راقب العناصر تبعنا و العمال هون ؟؟

طبعا انا صرخت بملئ حنجرتي :
بالروح بالذم نفديك يا بشووووووووووورة

_الله لا يعطيك العافية فوق تعبك


_طبعا قبل ما ودّع الرفيق عطيته رقم تلفون اي كلام فقام مناولني شي نص ربع يعني هالقد هيك... من أطيب ما يكون من الحشيش الوطني من ارض بلادنا و خيراتها
لفلّك شي صاروخ يا تمووووووووووووووووووووووزي؟؟؟




_الله يلعن يلي نفضك نفض يا كاااااااارمن
قومي جيبيلي قنينة هالتكيييييييييييييييييييييييلة قبل ما أسْكَر من دمك







_واااااااااااااااااااو