أحد الأطباء الملاحقين من قبل الأمن في حلب روى القصة التالية ودموعه تسبق حروفه .. قال :

إجا لعندي شب فقير مسكين معتر بحياتو بيشتغل عامل ،, وأصر إنو يبقى عندي مشان إذا إجا الأمن ليعتقلوني يطلع هو بوجهن بينما أنا دبر حالي وأهرب .. وأصر إنو يبقى عندي ,، وصار يقلي : إنت دكتور وعم تعالج المرضى ،, يعني الناس بحاجتك ،, بعدين إنت مثقف ونحنا بحاجتك لتدلنا كيف بدنا نتصرف بالمرحلة الجاية ،, بس أنا إذا رحت لا وراي ولا قدامي،, أنا بفديك وبفدي سوريا بروحي وبعمري ..
وتابع الطبيب كلماته وبكاءه : بس أنا ما قبلت أبداً خليه يتعرض لهيك مخاطرة مشاني .. وحاولت كتير إني خليه يروح على بيتو وهو ما كان يقبل .. لدرجة إني اضطريت بالنهاية أدعي القسوة وأتصرف على إني انزعجت من وجودو وقلعو تقليع من البيت من خوفي عليه .. وقضيت الليل وأنا عم أبكي على موقف هالشب البسيط وعم حاكي حالي أديش السوريين عظيمين .. أديش هالناس البسطاء بيستاهلو الخير والحب والسلام !!!

تاني يوم الصبح ،, فتحت باب البيت وبدي أطلع على شغلي .. شفت الشب نايم بهالبرد قدام باب البيت ... لما سمعني طلعت فاق .. اطلع فيني بعيونو التعبانة وهو عم يرجف من البرد وقلي : والله يا دكتور ما بتركن ياخدوك وأنا عايش .. حتى لو بدي قضي كل عمري قدام باب بيتك !!!

هل أخجل منك أيها الشاب ؟ هل أفتخر بك ؟

هذه هي سوريا يا من تسأل عن سوريا .. هذا هو الشعب السوري يا من تستخف بالشعب السوري .. هؤلاء هم نحن .. وسنبقى نحن يا من تسأل من نحن.

هذا شعب عظيم سيكتب حريته بالذهب والمسك والعنبر، بل أغلى، سيكتب حريته بدم الأبطال.

شعبنا في سوريا يأبى عبر التاريخ المديد المتطاول إلا أن يكون حجر الزاوية، يتأخر ليبدأ حتى يصل قبل الجميع.