{myadvertisements[zone_1]}

نظام المشاركات الشاطر حسن

Reef Diab Ziyad Diab المشاركات: 290 الانضمام: May 2011 مشاركة: #1 الشاطر حسن دنيا وعشناها سلم لا انت قدرت تختار ولا انا أمري انحسم صدفة وكنا باهالحلم مدري حلم مدري علم مدري حقيقة تكتم أنفاسي كتم الشاطر حسن قاعد بقلب النار وأركيلة وكاس ... اللبن راجع بمواويلو القديمه ومسبحه كل حبة لحبة تنقل شجن وحكايات من هوى بغداد ومكرره بكل حي وكل نخلة من شام ويمن وشوية مواويل وعينين متل الليل تقتل قتل و تنشر فتن قالوا جن وقالو حب الله والرسول وقالو مات وقالو حزن وقالو نهر يرسم على ضفافو حلم وعاقد السما يرسم وطن شو بخبرك يا شاطر حسن نحنا بزمن يموت العشق كلما عابالو عن صواري منزلي خيبة سفن بحار عالشاطئ غفي وحورية بحر ترقص بفن مين يرجع الحكايات آه لو الحكايات تندفن ترى يالشاطر حسن هيدا انت انت انت بكل زمن تفتق من جديد ويزهر على غصنو الحزن شو بخبرك يا شاطر حسن أنا بعرف انك بتبكي والعينين متل الجمر تشعل حطب وبعرف انو بيوم ما هزك طرب وبعرف انك متل الجسد ممدود من عمان ومن الجنوب من الموصل من شاطئ عدن من تونس لحلب وعلى الحدين الموس بينبلع قابض عا جمر النار والموس على عنقك سكن عناقيد من حصرم حلم الزمن ومن الشر عرايش عنب و نشتهي الموت على صدرا ويعز الطلب وتوعى مواجع ليل ويجن ويشعل لهب متل الجدايل ما هي مضفرة قاعد عم ضفر حزن وحدي أنا.. مرود كحل ضايع عا دروب الجفن شو بخبرك يا شاطر حسن شو فينا نحكي تا نحكي وشو فينا نبكي تا نبكي حط بالجرن والبطل بهاك الوقت بينحني كلما عدّت ريح ويمرق مرحلة متل شراع السفن وانت متل الرمح صامد بوجه الريح عمرو ما صابك وهن والصبايا تجمعو تا يغزلون طرحة فرح ما عدت تحتاج الكفن شو بخبرك يا شاطر حسن كثيرون هم الذين سيفهمون كثيرون هم الذين شاهدوا وعرفوا كيف تسجن الغمامة وكيف تعتقل الفراشة وكيف تصلب الزهرة وكيف على حبة المطر يطلقون النار توضأ بحلمك يا صديقي من أول مالايد مسكت قلم من يوم كنا صغار وانتي ببالي حلم مرسومه بالاشعار متل حورية بحر وحكاية سندباد جن بالأسفار متل الغريب ولدت ما بين نور ونار تفتش عن عيونا والدار دار العز ما عادت هي الدار تركتها بلا لحظة وداع ولا قطرة أمل لما الواجب نده حملتها بالقلب وبين المقل وحتى الخندق البردان عنها سأل ونسيت بينها وبين الواجب عهد... ما بيوم انفصل بعدك بالمنفى وبعدها على الشباك ناطره زوادتك ملح و خبز تنور وقلبك سفينة تدور سبع بحور ومكانك بقلب الصبية العاشقة وما بتنتسى لوغبت عنها سبع دهور ولما رجعت ليقيتو حبيبك تاه بدو دهب وقصور وشاب الشعر والقلب صفي مهجور وخيك سكر عليك الباب وبينك وبينو علا سور وبالبراري تمرح الغربان والنسر بات مأسور والمرجلة ماتت وابن الليل صار ناطور تزحف على كل المدن قبور شاهدتين ومن الجنبين محفور سودا على كل العرب 10-20-2011, 08:38 AM {myadvertisements[zone_3]} Free Bird عضو مشارك المشاركات: 14 الانضمام: Jul 2010 مشاركة: #2 الرد على: الشاطر حسن الله الله أبداع 12-03-2011, 10:27 AM {myadvertisements[zone_3]}

« السابق | التالي »

يتصفح هذا الموضوع من الأعضاء الان: بالاضافة الى ( 1 ) زائر
{myadvertisements[zone_2]}

Translation by Arabic support - Ver: stable 1.0
Powered by MyBB, © 2002-2025 MyBB Group.