By مغسل ومشحم حمص الدولي للدبابات
Yamen A'Shami
بالمشرمحي || يا ولادين بلدي ..

كل شي فهمتوا بالثورة الا شغلي وحدي .. كرمال اللـــه مرقولي ياها ..

أنو كيف ثورة بالداخل بتختار ممثلين الها بالخارج .. أو حتى معارض صرلوا اربعاوعشرين مليون سني برا البلد ولا عرفان باب الدريب من النزهة من كفرنبل ..كيف !!
عنجد ما بعرف !!

اقسم بالله بوقتها اول ما اسمع واحد يقللي فلان لا تحكي عليه .. وهالتجمع اوعااا هادا شريف .. وهادا مدري شو .. اسكت .. قلت اسكوت يا ابني خلقة صوفتك حمرا ..

بس بقلبي .. عم حرقص .. انو كيف برا .. ما عم افهم .. جد غريب ..

ولحتى ما انلام .. ما عم احكي عن المغتربين .. هني بيعرفوا قديش غلاوتون و اهميتون ..

من البديهي يكون الموعارضين برا كل واحد راي .. لانه كل واحد بقرنة و بلد و تحت تأثير نفوذ فلان و علتان ..

يا ولادين بلدي .. لازم المعارضين اللي برا هني يختاروا مين بيمثلون جوا .. وحاج يلعوا قلبنا انون بيمثلوا الشعب ..

يا ولادين بلدي .. رح تجي الايام و تعرفوا .. انو الفنادق صوتها خافت و إن علي ... والشوارع صوتها بيلعلع .. وان خفت ...

يا ولادين بلدي .. اكره شي بالحياة السياسة و الاحزاب و التنظيمات ( هيك رايي طبعا ) و احلى شي انك تكون حر من اي التزام .. تحكي شو ما بدك بما يرضي الله .. وتقول للغلط غلط ..

يا ولادين بلدي .. عم نموت .. عم نبرد .. عم نجوع .. .. وانتو عنجد غريبين يا هالمعارضة ..

يا ولادين بلدي ... الثورات ما بتعرف سياسة .. يمكن السياسة بتلزم .. بس بعدين ..

يا ولادين بلدي .. في عالم صدقوني بدها تخليكن تترحموا ع أيام الفراعنة ما بس ايام النظام ..

يا ولادين بلدي ... الخونة ما بس يللي حكوا العدو .. و قتلوا الشعب او غلطوا بحقو.. الخونة هوي كل واحد بدو يستفيد من هالازمة لصالحو ...ع حسابنا ..

يا ولادين بلدي .. هاي البلد والله مليانة عالم والله ...

يا ولادين بلدي .. معي حق ؟

يا ولادين بلدي .. نيالك علينا يا وطـــن