Array
حاول تفهم
ربما تكتشف انك كنت متسرع
وربما تكتشف ايضا ان جهلك في الموضوع الذي تخوض فيه هو جهل فاجر
بعدين يا فهيم
يا اللي معلوماتك الاولية عن العراق تقترب من الصفر المطلق
لأنك تمثل نوع من الكتاب المغرورين اللي فاهم انو فاهم كل حاجة خلاص وانو الاخرين اغبياء ولا يستحقوا منه سوى السخرية والاستهزاء.
ما دمت تقدم نفسك على انك ابو العريف وترى الجميع اطفالا صغارا وجهلة

سلام يا ابو العريف
[/quote]

ليه .. ليه, مش حلو كده.
ليه قلة الأدب في الكلام كده بس ؟
لا زعلتني يا شيخ. :(
المفروض إن إحنا كبار و عاقلين يابابا و إن إحنا نتكلم باسلوب أحسن من كده.
ما إنت كبير و عارف, هوه انا يعني اللي هاعلمك.

عموما أنا هاطلع أحسن منك و هاوريك الكلام إزاي يكون بأدب.

Array
العراق كان محاصر والاردن كان المنفذ الوحيد الذي يتنفس منه العراق والدولة الوحيدة هي وتركيا المسموح لها شراء النفط

يعني هذا التكتيك كان يخدم العراق ايضا ويساهم في رفع الحصار عنه ويوفر السلع التي يحتاجها العراق ويخدم البلدين في نفس الوقت وهو لم يكن قرارا تم اتخاذه في ظرف طبيعي ، لم يكن صدام يستطيع ان يبيع الاردن وتركيا بالسعر العالمي اثناء الحصار وإلا لكانت هذه الدول اشترت النفط من دول أخرى ، كان يجب عليه يا ابو العريف أن يعطيهم ميزة ما سعرية ،،، تجعلهم يشترون النفط من عنده ويستورد عن طريقهم السلع والخدمات .
[/quote]

و كأن حصار العراق كان سرا ..
هوه الديب اللي إنت جايبه من ديله و المعلومات الغير متداولة إلا اكاديميا ؟:lol22:

يا ناصح إنت بتدور في حلقة مفرغة ..
يعني إنت مصر إن صدام و العراق واحد و بالتالي إن كل ما ينفع بقاء صدام في السلطة يكون نافعا للعراق.
المفروض إن المجتمع الدولي كان بيربي نظام صدام لكن سلوك دول مثل الأردن و تركيا و روسيا و يقال غيرهم كان بيخسر التربية ديه و يخليها بلا معنى.
طبعا لازم يبيع بنصف الثمن ماهي تكية ابوه و لازم يتمسك بيها و يضحي بفلوسها.
ده لو كان راجل بحق كان ترك الحكم عشان مصلحة البلد ..
لو كان متمسك بالسلطة عشان الناس كان يقدر يضحي بالسلطة عشان الناس.
لكنه كان واطي و هاين عليه يبيع أبوه و بلده كلها عشان يقعد على الكرسي يوم زيادة ..

الغريب هوه ان يتمسك المتعصبين أمثالك بآراءهم مهما كانت و أن يستخدموا عناصر الضعف في هذا الراي و كانها عناصر القوة بمنتهى الصفاقة.
رئيس ورط بلده في حروب بلا معنى و قام بإبادات جماعية و تسبب في حصارها حتى الفقر حتى انه كان السبب المباشر في تعرضها للغزو فكان كاللعنة على شعب بأكمله و في النهاية مات مشنوقا كالفرخة الدايخة و مع ذلك تجد إنسانا المفروض انه طبيعي يجد فيه بطولة خفية و شموخا مستترا و رمزا لقيمة ما و يدافع عنه بطريقة غريبة.

Array
صدام جعل العراق بالفعل قوة صناعية وعلمية وأرسل مئات آلاف البعثات ، وبنى جهاز يسمى التصنيع العسكري كان يصنع كل الماكينات والآلات العسكرية والمدنية التي يحتاجها العراق في المصانع والماكينات بل وصل الامر به إلى أنه صنع صاروخ مخصص لغزو الفضاء في نهاية الثمانينات مخصص لحمل قمر صناعي، وأنا مش عايز اتكلم عن انجازات ثورة تموز في العراق والخدمات المجانية التي كانت تقدم للمواطن حتى في ظل الحصار وبضمنها الطعام والشراب لأني المجاني لكل عائلة وهو ما لم تقدمه اي دولة في العالم لأنو انبح صوتي وانا احكي عنها ولأنك ... ألخ ألخ (قباحة و قلة أدب) [/quote]

لا ياخويا إحكي خلينا نسمع ..
يااااااه
كل ده عمله صدام و أنا مش عارف ..
يا نهار أبيض يا جدعان, اتاري العلم نور و إحنا مانعرفش.

هوه صدام اللي إنت بتتكلم عليه هوه ذات نفسه صدام الديكتاتور الفاشي بتاع الإبدات الجماعية بإستخدام الغاز و الأسلحة الكيماوية و بتاع الإعدامات عمال على بطال.
هوه نفسه صدام بتاع كل الحروب اللي ورط فيها العراق من إيران للكويت للعرب لأمريكا رايح جاي ..
يا سلام يا جدعان ..
شوف إزاي أنا طلعت جاهل و مش عارف حاجة ..
بقا كان بيصرف على البلد من فلوس أبوه و يأكل الناس الغلابة عشان تدعي له ..
بطل والله ..
و يا ترى العراق كانت قوة صناعية و علمية قبل الحصار و لا بعد الحصار ..
قبل الحروب و لا بعد الحروب ..
يعني خلاص صدام خلص على كل مناحي التنمية و كان داخل على الفضاء ..
بسم الله ما شاء الله .. الله أكبر.
مستفز إنت بشكل ..
عايش في ملكوت وحدك ..
لا و عايز الناس كلها تيجي تعيش معاك فيه .. شوف الجبروت. :97_old:

بلد عائم على مخزون بترولي لأكثر من ربع قرن لديها ثروات طائلة ..
و عن طريق تلك الثروات إستطاع صدام أن يحقق تنمية في التسليح و التعليم و الصحة.
طبعا لو كان بلد ديموقراطي لكان إستطاع أن يحقق تنمية أفضل بكثير و أن يتجنب الحروب و الحصار و معاداة كل الجيران ..
دولة تعادي و تعلن الحرب على معظم جيرانها تباعا .. انا متاكد إن صدام كان عنده خبل او جنان.
أنا مش مصدق إني بحاول أثبت لبني آدم إن صدام ده كان لعنة و أيام سودا شافتها الناس في عهده.
اصلا انا لا أفهم لماذا يضع شخص أردني علم العراق في العصر البائد .. إنت ماتعرفش إن العلم إتغير ولا ايه ؟
ولا تكون عراقي و انا مش داري ..
أعذرني أصل السن عامل عمايله معايا يابني ..

حتى ستالين المستبد بتاع الإعدامات الجماعية و حملات التطهير إستطاع أن يجعل من الإتحاد السوفيتي القوة الثانية إقتصاديا و عسكريا و نوويا رغم ديكتاتوريته و أساليبه القاسية.
إلا صدام ..
هو لم يكن سياسيا و لا مفكرا و لا صاحب مبدأ ..
العراق أو السعودية أو الكويت أو أي دولة خليجية لو نجحت في الماضي في أي منحى من مناحي التنمية فهو بسبب النفط و خير النفط.
طبعا دولة زي الإمارات أو بعض دول الخليج الأخرى قد تكون ناجحة في التنمية الرأسمالية بطريقة تدعو للإعجاب ..
و لكن في النهاية حين دخل الأمريكان البلد و حين وجدوا صدام في حفرة زي الكلب لم تكن العراق قوة و لا يحزنون.

دلوقتي الحكومة العراقية بتشحت من كل دول العالم لحذف ديونها او جدولتها بالإضافة لتمويل إعادة إعمارها.
و كل ده بسبب كلب عقور تربع على قمة السلطة لمدة طالت جدا ..

Array
أما موضوع اليسار والاشتراكية وفشل النظام الرأسمالي في العالم العربي والعالم الثالث في احداث اي تنمية ونجاحه الباهر في سحق الانسان فلن اناقشه الآن معك وافضح عيوب الرأسمالية ما دمت تقدم نفسك على انك ابو العريف وترى الجميع اطفالا صغارا وجهلة ، علما أنني كتبت دراسات كاملة حول هذه الموضوع لأن الاقتصاد هو صلب تخصصي
[/quote]

بقا النظام الراسمالي فشل في التنمية ؟ :puzzled:
و النظام الراسمالي يسحق الإنسان ؟

ماشي يا سيدي ..
هناك عيوب طبعا في النظام الراسمالي ..
لكن الإشتراكية ليست بديل طبعا ..
و إلا لماذا إنهار الإتحاد السوفيتي برأيك ؟
و لا تكون ماتعرفش ديه كمان ؟

بقا إنت كتبت دراسات كاملة في صلب الموضوع ..
و كتبت عن ايه ؟
العمالة الزائدة او البطالة المقنعة في الإقتصاد الإشتراكي ..
و لا تشابك البيروقراطية و تعقد الجهاز الإداري ..
و لا تهالك التكنولجيا في وسط غير تنافسي بسبب إحتكار الدولة ..
و لا فشل التخطيط المركزي في توجيه و ضبط الإقتصاد بدلا من السوق.

العالم كله الآن يتوجه نحو اقتصاد السوق بخطى حثيثة و حتى دول شيوعية كالصين و روسيا تخلت عن شيوعيتها مرة واحدة و إلي الأبد.
الإتحاد السوفيتي كان أنجح دول الشيوعية و قائد الإشتراكية في العالم و مع ذلك سقط إقتصاديا ..
لماذا لم يستطيعوا تجبير الإشتراكية خاصتهم بكل علماء الإقتصاد و الإجتماع بتوعهم ؟

Array
لدي أسئلة يمكن أن تحرجك وكل أنصار اقتصاد السوق في هذا المكان وفي العالم

سلام يا ابو العريف
[/quote]

و في العالم كمان .. يا سلام سلم :lol:
هتاخد نوبل في الإقتصاد خلاص ؟
عندك نظريات جديدة لم يعرفها العالم ؟

و أنا اللي أبو العريف .. يا شيخ حرام عليك.
ده انا طلعت شوربة خالص و قاعد بكلم نبي الإشتراكية الجديد و الذي سيضحد كل أئمة الإقتصاد الراسمالي حول العالم.
ديه بارانويا ديه ولا ايه ؟
يعني لو انا طلعت أبو العريف مش مشكلة .. بس جنون العظمة ده صعب قوي.

و عموما يا سيدي ماتسمعنا كده الأسئلة الجبارة اللي هتحرجني و تخلي وشي يحمر - بس بلاش أسئلة سكس عشان بتكسف:emb:-
لأ و إتوصى بالإسئلة اللي هتفحم بيها كل انصار إقتصاد السوق في هذا المكان و في العالم.

ماتنساش "وفي العالم" :nocomment:

يلا عشان إنتا شوقتني قوي على فكرة.

Array
علما أنني كتبت دراسات كاملة حول هذه الموضوع لأن الاقتصاد هو صلب تخصصي ، ولدي أسئلة ومعلومات وحقائق عن اقتصاد السوق يمكن أن تحرجك وكل أنصار اقتصاد السوق في هذا المكان وفي العالم

سلام يا ابو العريف
[/quote]

في ايه يا عم ؟
إنت زعلت ولا ايه ؟
و لا خايف تسأل الأسئلة الجبارة ؟
و لا تكون نسيتها مثلا ..

عموما ماتزعلش و خد الوردة ديه (f)

دلوقتي بقا خش ع الأسئلة الرهيبة.