تخيلى ليلى ..
كنت اقول دائما بأن الزملاء هنا غلسين والغلاسة تتعبى منهم فى قزايز ومتعبين وفيهم ناس نص كم وناس ربع كم يا ساااااااااااااتر على دمهم
ولكن فوجئت بالجميع يرد عليك بكل محبه وأريحية والجميع حتى القداح - بدون زعل - يحاولون التخفيف عنك وهذا يدل على الاحساس الانسانى العالى بها المنتدى رغم ما يقوله البعض عنه .
كما اكبرت فيك انك لجأت لأصدقائك على النت وفى هذا المنتدى لتفرجى عن همك وهذا لا يفعله إلا الأصفياء - مش جمع الصفى العضو بالمنتدى لاااااااااا -
ومن الشقاوة ان تحب = ومن تحبه لا يحبك
أو ان تريد الخير للانسان = وهو يريد ضرك
والكلام بالطبع على اجماله يعالج العلائق بين الاهل والاصدقاء والاحباء لا بالمعنى السطحى الذى قد يظنه البعض
والزمن جزء من العلاج ولعل الآتى يحمل الخير والدموع ليست كلها شر بل هى تزيل القشرة الصلبة وانا ضد عزيزى القداح ان الرجال لا يبكون لا عزيزى الرجال يبكون لانهم يحسون ويتأثرون وانا شخصيا أكبر الشخص الذى يبكى امامى بشده واعتبره شخصية غاية فى السمو الانسانى والقوة فعلا .
إذا تضايقت ثانية تذكرى سلومون وهروبه او طرده وكيف يطل بأنفه كل حين فى احدى الساحات وتجدى نسمة دى ايه شمامة درجة اولى بتشم ريحة الأعضاء قبل ان يدخلو المنتدى وتحدد العضو ولا أحسن برنامج للاى بى
لم يبقى إلا ان تضحكى جعل الله ايامك بهذه الدنيا كلها ضحك وراحة وطمأنينة
وللجميع ممنوع الزعل أنا اضاحككم:97:
10-06-2007, 08:30 PM
{myadvertisements[zone_3]}
-ليلى-
عضو رائد
المشاركات: 3,167
الانضمام: Feb 2005
بنى آدم(f)
من شوية شفت ردك على نسمة
و بعدين شفت اسمك عند الموضوع المتواضع دا
قلت فى عقل بالى
يا هلا
هدخل الاقى رد يخرم طبله ودنى اكيد
شكله هايستلمنا وحده ورا التانية:D
صدقنى لو قلت لك انا بهزر معاك بجد و مش زعلانه ولا حاجة
(بس كلمة فى سرك بتجيلى حاله ارتيكاريا لما حد يتكلم كدا عن الستات -بتروح بسرعه بعد ما اطلع شويه غلاسه -
لأنى عانيت كتير جدا من الموضوع دا
إن الست ما هى إلا شىء عبيط لا قيمة له
إلا إذا توافق رأيها مع رأى سبع البرمبه)
بس انا من الناس اللى دمهم يتعبى فى ازازة
لاء ازازة ايه
دا خزان اسوان ما يقضيش رزالتى:lol:
زى ما بيقولوا
رحم الله إمرء عرف قدر نفسه:blush:
موضوع الحكومة اللى عايز تعملها من المواضيع اللى بتضحكنى على فكره
بس حبيت اغلس عليك مش اكتر
فقستنى ليه بس
:D
عندك موهبه جميله فى الزجل
جميلة بجد
تسلم و تعيش بخير دايماً
شاكرة لك جدا كلامك الطيب و طيبة قلبك
ملحوظة
ماتمشيش فى وسط الشارع خلاص
ارجع تانى للمشى جامب الحيط:D
فى جزئية حبيت اضيفها عن موضوع بكاء الرجال
ماعلقتش عليه من زميلنا القداح لمعرفتى انه بيهزر
لكن فى زماننا الحالى اعتقد الرجال اكثر بكاءً من النساء
مش لضعفهم لكن لكبر المسؤوليات و الكوارث فوق رؤوسهم
الله يعينكم
من شوية شفت صورة فكرتنى بالموضوع دا
المتنى جدا
بكاء الرجال من الاشياء التى تبكينى شخصياً
قلت فى نفسى اللى يشوف بلوة غيره تهون عليه بلوته
الحمد لله على كل حال
و يكفينى انى يوم ما هاقول جاى
هلاقى اخوات و إخوان يقفوا معايا
تسلموا جميعاً
:redrose:
(تم إجراء آخر تعديل على هذه المشاركة: 10-06-2007, 09:09 PM بواسطة -ليلى-.)
بحث
قائمة الأعضاء
التقويم
وثائق المساعدة
