كل مرة آجي اكتب الموضوع ده, ألاقي نفسي أوتوماتيكيا قافل الصفحة .. ماعرفش ليه

المهم النهاردة قررت إني اتحلى ببعض الشجاعة والتصميم

الموضوع ده ح يكون بخصوص الكتب والروايات اللي الزملاء قروها أو بيقروها دلوقتي

قد يكون الموضوع اشبه بنادي للقراءة, ولكنه ليس لمناقشة الكتب

ساعات الواحد منا بيروح للمكتبة بس يحتار بالكتب اللي يشوفها هناك, وطبعا مش هيقدر إنه يتصفحها كلها او يحكم عليها بإسم الكاتب أو بمجرد قرائته للملخص الموجود بالغلاف الخلفي

وساعات تانية (ودي بتحصل معايا احيانا) إن الواحد بيتصفح الكتاب على عجالة ويعجبه ويشتريه, لكنه لما يبدا يقراه بعدين يلاقي نفسه مش منسجم .. او بالأحرى خد بمبة كبيرة بالكتاب

عشان كده لما أنا (أو اي شخص تاني من الزملاء) آجي واكتب ملخص بسيط عن كتاب قريته وعجبني, ساعتها ممكن يكون في شخص تاني يستهويه الكتاب ده, فيروح ويشتريه ويقراه

طبعا فيه شروط (بس مش تعجيزية) للمشاركة هنا:
---------------------------------------------------

1) مش مهم نوعية الكتاب او الرواية .. حتى لو كنت تستسخف أو تتكسف إنك تعلن قراءتك ليها, إنشالله حتى لو كنت عاوز تكتب عن قصص المغامرون الخمسة (تختخ ونوسة ولوزة وعاطف ومحب)


2) الفشخرة ممنوعة منعا باتا, الموضوع ده مش معمول عشان الواحد يتباهى إنه قرأ كتاب مقدمة إبن خلدون أو مؤخرة المعري او حتى صدر نوال السعداوي!

3) ممكن الواحد منكم يكتب إسم الكتاب والمؤلف, ونبذة بسيطة عن ماهية المحتوى, وإن كان عجبه الكتاب من عدمه, وإن كان بينصح البقية بقراءته ... مجرد اسطر بسيطة وبلغة بسيطة, مش ييجي ويعمل لي فيها قص ولصق! (والله العظيم م اقصدش حد معين)


طبعا ممكن الزملاء يضيفوا قوانين تانية ....

شكرا زميل alexlloyd54 لموضوعك المهم والقيم بنظري

وساكون اول من ابدأ

قرأت قبل سنة رواية الطاعون للكاتب الفرنسي البير كامو وتدور احداث الرواية في مدينة جزائرية ينتشر فيها الطاعون ويكون الطبيب الشاهد على هذه الاحداث .....والذي اعجبني جدا في هذه الرواية ان البير كامو قام بتصوير مواجهة الانسان للموت وعبثية الحياة وعلى ما اذكر ان حوارا حدث بين شخصين احدهما مؤمن والاخر ملحد فطلب المؤمن من الملحد الهرب من المدينة والذهاب للقاء حبيبته قبل ان يموت لانه مؤمن بالحياة بعد الموت فله فرصة اخرى في نظره اما الملحد ففرصته هي هذه الحياة ..........رواية جديرة بان تقرأ.........ولا يخفى عليكم عظمة البير كامو في تصوير عبثية الحياة

لكم التحية

شكرا أخ الجواهري لمساهمتك (مش زي الـ 43 واحد اللي جم للموضوع ولا حد منهم عبره )





رواية (غايـب) للكاتبة بتول الخضيري
---------------------------------------

شايفين لما الواحد بيقرا رواية ويلاقي نفسه لا إراديا بيعيش أجواءها وكأنه إحدى شخصياتها

تتناول هذه الرواية أحوال عدة عائلات تعيش بعمارة سكنية ببغداد بفترة الحصار الإقتصادي للعراق, تصوير الكاتبة للنماذج الإجتماعية جدا رائع, أغلب شخصيات الرواية من النساء, مع وجود بضع شخصيات رجالية, وهذا يرجع لاختفاء الرجال الطبيعي بتلك الفترة وبصورة غامضة .. أو قد يكون السسب محاولة الكاتبة التركيز على العنصر النسائي ومعاناته

هل هذه الرواية موجودة الكترونيا ؟؟؟

اولا شكرا جزيلا على فتح الموضوع

انا حاليا اقرأ كتاب (ديني) اسمه (فلسفة الأبتلاء)

يتحدث هذا الكتاب من (منظور اسلامي) و الغاية منه و الاستنتاج الذي سيحصل عليه كل من قرأه هو لماذا هذا (الأبتلاء) حيث هناك الأعمى و المعوق و هناك الأمراض و هناك المشاكل الدولية و الأجتماعية و الاسرية ،، يعني كل ما يخطر على بالك من انواع الابتلاء ، و هو (هذا الكتاب) يؤكد على ان (الابتلاء) هو اختبار و هو احيانا من الله و احيانا يكون من ذنوب و معاصي العباد و يحتوي ايضا على قصص كثيرة و بصراحة ممتع جدا.

الى الذين يجهلون الكثير عن (الدين الأسلامي) عليهم بقراءة هذا الكتاب و هضمه و التمعن فيه

لي عودة اخرى لموضوعك

تحياتي

شكرا أخ ذي يزن لمشاركتك, بس عندي سؤال

هل الككتاب ده بيتكلم عن الكارما؟ حتى لو كانت من منظور إسلامي

(01-24-2011, 12:55 PM)الجواهري كتب:  هل هذه الرواية موجودة الكترونيا ؟؟؟

أخ الجواهري

بصراحة معدنيش فكرة إن كانت موجودة أونلاين, اصل انا مش ب اقرا الا الكتب المطبوعة

أليكس ما بيحبش يعتدي على الملكية الفكرية لأي كان (باتكلم بجد)

بس لو ما قدرتش تلاقي الكتاب اونلاين, قول لي وانا هدور لك عليه

انا احب قراءة الكتب المطبوعة فهي ممتعة جدا واشعر بانني حقا اقرأ كتاب
ولكن يا اخي هل تعرف ان الكتب القيمة فكريا ممنوعة من الاسواق وان اصحاب المطابع يفضلون طبع كتب اهوال يوم القيامة وعذاب القبر وعلامات الساعة لانها مربحة .......اما الاولى فهي عليها منع في عديد الدول اضافة لعدم وجود جمهور لها ........

علما رواية الطاعون كتاب مطبوع لدي .......تحياتي

لقيت لك يا عم رابط لتحميل الرواية (وربنا يسامحني ويغفر لي)

إضغط هنا بس بشويش

على فكرة الكاتبة بتول الخضيري لها رواية تانية إسمها (كم بدت السماء قريبة)

إنشاء الله هاكتب عنها بمداخلة تانية, اصلها كمان بتستحق القراية

انا هقول الكتب العربية فقط , اذا لم تمانع :

قرأت : 1- من سرق مجوهرات محمد على. الكتاب ينشر لأول مرة مجمع من مقالات عن تحقيق صحفى. ( أحذر ان الكاتب متحيذ للسادات وتحامل على مراكز القوى ومخلفات نظام عبد الناصر , ولا تهتم بالروايات المرسلة التى لا يسندها الكاتب الى احد )

2- مرة 1 مسلم و 1 مسيحى. كتاب ساخر للكاتب الصحفى محب سمير , بيسخر فيه من الأفكار التقليدية اللى بيتناول فيها عنصرى الأمة بعضهم البعض. كتاب من الحجم الصغير , ودمه خفيف.

لسة بقى بقرأ مذكرات نوبار باشا , والصادرة عن دار الشروق ( سعرها غالى جدا , مش فاهم ليه ؟ )

فيرونيكا تقرر أن تموت

الكاتب: باولو كويلهو

مش من عوايدي إني اقرا كتب فلسفية, أصلي ما بطيقهاش ولا بافهم فيها .. باختصار مش اللون بتاعي, بس الإستثناء كان للرواية ديت, ولرواية تانية لنفس الكاتب تحمل عنوان (الخيميائي)

القصة تدو باختصار عن البت فيرونيكا اللي تقرر في يوم من الايام إنها تنتحر, لكن محاولة الإنتحار ديت بتفشل بعد ما الدكاترة ينجحوا بإنقاذها

تلاقي نفسها بعد ما فاقت, إنها بمستشفى للأمراض النفسية, والدكتور بيبلغها إنهم أنقذوها من محاولة الإنتحار بآخر لحظة .. لكن للاسف محاولتها ديت تسببت بضرر كبير damage لقلبها وإنها هتموت بعد كم يوم

هنا بس, البت فيرونيكا تبدا تفكر بحياتها اللي راحت وبالايام اللي فاضلة ليها, وتبدا رحلة البحث عن ذاتها





سمعت قبل فترة إن الرواية ديت تحولت لفيلم سينمائي