(02-16-2011, 06:42 PM)بسام الخوري كتب:  http://www.youtube.com/watch?v=N2dS3tRZyGs

شفت الفيديو يا بسام
ولكن من المتحدث في هذا الفيديو ؟
مهو لو الشخص المتكلم في الفيديو ده مجهول الهوية فهو اذن غير موثوق فيه
لازم يقول اسمه وهو كان ايه اصلا - مش اي واحد يعمل فيديو على يوتوب وخلاص

وصلني هذا التحذير الآن :


إعزائى,
أود إبلاغكم بخبر هام
بالتأكيد كلكم تعرفون بوجود صفحتين لشبكة رصد أحداهما تم إختراقه من قبل الأمن و قد كنت حاضرة هذه الواقعة , و قد حذرت شبكة رصد و لا تزال تحذر من أن الصفحة الأولى لا تزال مخترقة و مسيطر عليها من قبل الأمن, و هى تعمل بطريقة دس السم فى العسل فهى تنقل الأخبار من شبكة رصد الحقيقية و تضيف عليها بعض الأخبار الجذابة من أخبار الفنانين قبل و بعد الثورة , بل و أضافت صفحة "رياضية" حتى تشغل الناس بأمور الرياضة كما هى عادة النظام كما تعرفون وإذا لاحظتم فى الأيام الماضية ستجدون أن إحدى الشبكتين تنقل الأخبار قبل الأخرى و بالتأكيد الشبكة الأسبق هى الأصلية واليوم وجدت مقالا مغرضا لا يحقق شىء سوى الفتنة و تخوين الناشط "وائل غنيم" و أعتقد أن هذه الصفحة المسروقة بعد أن عمدت على كسب ثقة الناس فى الفترة الماضية عن طريق نقل الأخبار من الصفحة الأصلية ستعمل الآن على بث الفتنة بين الناس حول أبطال الثورة خاصة قبل حلول جمعة ,لذا أرجو منكم تحذير جميع أصدقائكم من الفتن التى تبث من الصفحة المسروقة والتى للأسف عدد أعضائها أقل من الصفحة الأصلية
الصفحة المسروقة
http://www.facebook.com/RNN.NEWS

الصفحة الأصلية
http://www.facebook.com/photo.php?fbid=127511420654412&set=a.122753921130162.22767.122752104463677&ref=notif¬if_t=like#!/RNN.News2
و أنا أعرف أنه عند مقارنة الصفحتين و تحكيم عقولكم و ضمائركم ستعرفون إيهم المسروقه
لذا رجاء حااااار حذروا أصدقائكم من هذه الفخ الذى يراد بالثوار و مؤيدى الثورة أن يقعوا فيه.

تحياتى

لا سلام ولا كلام ، فلا سلام لمن يرتدى ويلبسى “الحظاظه”.. هل تعرف ماهو الشى الذى ترتديه؟.. إنها حظاظة مطاطيه تأخذ اللون البنكى ..فكل شئ قد إنكشف وبان أيها الماسونى العميل.. فلقد عرفنا الأن كل شئ.. إحنا جامدين أوى ؛ ثم تعالى هنا.. إنت مفكرنا لا نعرف شئ عن ماركة ونوع التى شيرتات التى ترتديها.. هأو..ياحالولي..لقد عرفنا من نوع الماركه.. وحللنا وشاورنا بعضينا كأسره تحارب الفساد وتكشفه..بأن نوع وماركة التى شيرت بتاعك…هو نفس الماركه واللوجو الخاص.. بمنظمة الماسونيه الكبرى ..التى وحياة أمى ماعرف هي فين ولا بتعمل اييه..وعليه فقد قام الفنان التشكيلي الذي قام بكشف تدعى مؤامرتك الدنئيه وفنَن وشكَل مؤامرتك بأسهم جغرافيه حمراء أشبه بخريطة استاد القاهره باستخدام تكنولوجيا جديده خرب بيت أبونا تدعي بالفوتوشوب..هأو ياحالولي .

أحذرك أيها العميل.. أن تتحدث بإسمنا.. فليس منا من يرتدى الحظاظات الماسونيه.. إذا كان أديداس ماشى

أنا شخصيا بلبس حظاظات بشتيرها كل سنه من شارع خالد بن الوليد.. يعني من صنع أيادى مصريه أصيله

كمان حاجه لابد من أن تعرفها جيدا

إوعى تفكر الدمعتين بتوع مني الشاذلى دول.. سجدونا ولا حاجه..هأو ياحالولي

منى الشاذلي أساسا بتعيط علي طول ولوحدها

ثم إن كل الناس عيطت.. وبكائها أثر فيها وفضل يأثر فينا..لحد مالتأثير ظهر علينا

وتقبلوا مني مش عارف ايه كده الإحترام

———

ياجماعه حرام علي أهاليكوا اللي انت بتعلموه فينا ده.. أبوس إيدكوا بطلوا بقي تطبيق نظريات الحزمبول اللي بتحللوها فى كل حاجه

أولا .. أنا شخصيا معرفش وائل غنيم ده.. وللأ سف منحاذ ليه جدا.. وده نادرا لما أكون مع حد معرفش عنه حاجه

ثانيا.. الراجل معملمش حاجه تضر البلد.. بالعكس..يكفي وقفات خالد سعيد اللي كانت فى كل محافظات مصر..يكفى كمان إنه بماسونيته.. حبب الناس فيه

ثالثا.. لو هو يهودي …. ذنديق… كافر.. ماسونى..صهيوني..أو حتى أهلاوى.. مش هتفرق…اللي هيفرق.. هو عمل إيه؟.. وليه؟.. مش أى حد يلعب بسهوله فى دماغنا.. إحنا بقينا بنشك فى بعض ياإخوانى

وكفايه الفوازير اللي بقينا فيها كل يوم.. وسيبونا بقي نعمر بلادنا ونفكر ازاي نبنيها من تانى.. وسيبوني بقى أعرف مين الراجل اللي وراه عمر سليمان.
http://www.hanghayar.com/index.php/2011/.../#more-840

احذروا اذا كل من يركب سيارة بيجو فهي تحمل شعارا مشابها.

تعالى اقولك..وائل غنيم ماسوني ولا مش ماسوني
=============
بقلم : هشام عفيفي
=============

...
بدايه..خلينا متفقين..ان في ميه وتلاتين الف واحد – ان مكانوش ميه واربعين - ..هيقولي..انصحك بانك تخش تقرا البروتوكلات الصهيونيه..وتقرا عن الماسونيه..وهيتهمني بالتخلف.....



----------



بعد الثوره المصريه بتاعت 25 يناير...انتشرت الكثير من الصور علي الفيس بوك...الحق وائل غنيم ماسوني...الحق ده لابس تشرتات..الحق ده لابس حظاظات...الحق بتاع البيت الابيض هو راخر لابس حظاظات !..





ارجع كام يوم للوراء كده..واتفرج علي التلفزيون المصري اثناء الثوره...الحق اجندات....الحق اخوان....الحق كنتاكي...

الحق..عناصر اجنبيه .- بالمناسبه كان في عناصر اجنبيه بالفعل..بس كانوا الصحفيين الي بيغطوا الخبر..اصلهم مبينجموش -



الماسوونيه...السيطره علي العااالم..اليهوووود...فووقوا يا مصر !!! ......



--------



خلينا انا وانت كده عزيزي القارئ..قاعدين علي القهوه وبنتناقش...ومعانا واحد رخم انا وانت مبنحبهوش



الصور الي علي الفيس..بتدل علي ان وائل غنيم ماسوني !! ..حلو....وكمان قالك في خبر من ويكيليكس.المشروع العجيب الي كنت بثق فيه الاول....قالك ان امريكا جندت وائل غنيم عشان يسقط النظام...!! حلو كده ..



استرجع معايا كام نقطه ..



يعني وائل غنيم..بالصلاة علي النبي كده..كان قاعد في امريكا...ولما حصلت حادثه خالد سعيد...راحت امريكا قالتله ايه ...



السيناريو الاولاني



"خد يا واد يا وائل..بص يا سيدي..اعمل صفحه..وسميها كلنا خالد سعيد...واقعد نمي فيها...وكبرها..وعليها..خليها زي بنتك ...حافظ عليها...وان شاء الله استني لما تونس تخلع بن علي ..وابقي هيج الشعب واسقط النظام..بس متتأخرش يا ولا !! "



السيناريو التاني



" خد يا واد يا وائل..بص يا سيدي..بما ان الشعب اسقط النظام في تونس..وانت صفحتك ماشاء الله كبيره وفيها ناس حلوين...فاحنا هنجندك..عشان تسقط النظام عندكوا انتوا كمان..وابقي خد معاك كام واحد كده ..عمرو سلامه علي محمد دياب..وبقوا قدوه للشباب يا حبيبي...واد يا وائل..امريكا بتعتمد عليكوا يا ولاد !! ..وائل راح قايل : حاضر يا طنت "





السيناريو الثالث



" واد يا وائل ..انت عارف يا حبيبي انك ماسوني..وان امريكا ماسونيه هي رخرا...وانت عاااارف يا حبيبيي...نظام مبارك وحش ..مش رادي يتعاون علي اسرائيل....قاطع عنهم الغاز والميه والنور....ومش راضي يقفل المعبر..ولا يبني جدار مع اسرائيلين عشان يساعد الفلسطينيين الوحشين ..ووضعنا في اسرائيل متأزم اوي يا واد...خد يا حبيبي الناس الي عندك علي الصفحه..واسقطوا النظام ...عشان نجيب واحد حلو مع اسرائيل ..في ظرف عشرين يوم تسقطوه يا ولا ...متتأخرش !! ..حاضر يا طنت "





ولك عزيزي القارئ تخيل اي سيناريو انت عايزه....حيث ان امريكا واسرائيل...كانوا متضايقين جدا من نظام مبارك الوحش الكخه...الي مكانش متعاون معاهم...فجابولنا وائل..عشان يسقط النظام ويضحك علي الشعب ويجيبوا واحد يخدم اسرائيل وامريكا





يا صديقي القارئ..بالله عليك كده...امريكا هتهم لأمرنا بتاع ايه ؟؟؟...يعني هتستفيد ايه لما النظام في مصر ..يكون ديمقراطيه...يكون حاجه محترمه...تحقق مطالب الشعب الي بينادي بيها بقالها تلاتين سنه



يعني مثلا ..وائل غنيم ده ..جاب مطالب من دولابهم الي في اسرائيل ..بافتراض انه ماسوني يعني ؟؟؟...



يعني مثلا ..الغاء قانون الطوارئ..وان الفتره الانتخابيه تكون فترتين اقصاهم...وتشيل الشروط التعجيزيه عشان الريس يترشح..دي مطالب اسرائيل مثلا ..وقالت لوائل اعمل كده يا وائل ؟؟؟؟





بلاش دي ..خد دي ...كرامتك الي كانت بتتهان مع الشرطه كل يوم..في اي مصلحه...مصالح البلد الي كانت واقعه...المليارات الي اتسرقت..الي تشكل ميزانيه دوله ...هل ده كان شيء بيزعل اسرائيل وامريكا والماسونيه فراحوا قايلين لوائل ..يا واد يا وائل..عايزين نعمل البلد حلوه..ونرفع راس وكرامه المصري عشان نعرف نسيطر عليه ؟؟؟





بافتراض افتراض خيالي علمي جاي من توم وجيري..وائل ماسوني...ها..وبعدين...اقصى حاجه ممكن يعملها ايه ؟؟

- وراعي برده انه كان مؤسس فكره خمسه وعشرين يناير او احد المساهمين فيها –





ها ..هيعمل ايه ...هيقولنا مثلا..يا جماعه ..اقلبوا ماسونيين..واحنا نقول..سمعا وطاعه يا وائل !!

هيقولنا مثلا..يا جماعه..تفرقوا ..وكسروا في بعض..واعملوا مشاحنات..ومتنضفوش الشارع !!! ..سمعا وطاعه يا وائل ؟؟





يعني مثلا مثلا ..اقصى حاجه ممكن يعملها ايه....اقصى اقصى حاجه..هيقولهم يا جماعه البسوا حظاظات ؟؟



الشخص الرخم الي كان معانا في القهوه : ..



طب بص يا سيدي...تفسر بايه الحظاظات والتشرتات ادي واحد



تفسر بايه ..ان انت بتقول ..التلفزيون المصري كان بيقول اجندات...واهو دلوقتي مفيش حكومه..الحكومه بردو الي بتقول علي وائل انه ماسوني ؟؟ ..ادي اتنين



يااااابني..- ولازم يطول فيها كده - ..فووق بقي..وائل ده ماسوني...ماسووني..يعني عايز يسيطر علي البلد عشان اسرائيل تحتلنا !! انتا مبتقراش بروتوكولات صهيونيه ؟؟





---------



الحظاظات كل لون بيرمز لرمز...يعني الاخضر الي كان وائل لابسه..بيدل علي السلام وسلام البيئه ..

رمز بيستخدمه...زي علامه النصر كده V ...



التيشيرت...الماركه ماركه عالميه معروفه...شبيهه بعلامه البوجو – مش بيجوه عشان بتقولوها غلط - ..علي كده الي راكب عربيه بوجو وعليها الاسد اياه..يبقي ماسوني كافر زنديق !!





الجمله الاخيره والمطلوب انك تستوعبها كويس :



وانا اسف يا وائل ان كنت بتقرا هذا الكلام...ولكن لو افترضنا فرض ان وائل ماسوني



الشعب المصري مش شعب متخلف...احنا شعب قمنا بالثوره في عشرين يوم ...نعرف نفرق..اذا كان الشخص في مصلحتنا ولا لا ...محناش قطيع غنم...لو واحد قالنا روحو هنروح..وارجوا هنرجع...



عمر ما كانت الديمقراطيه وكرامه المصري خدمه لمصلحه اسرائيل



النظام السابق..كان اكبر خادم وحامي لاسرائيل...



وتأكد ..انه لو مكانش حامي وخادم لاسرائيل..مكانش قعد 30 سنه ...زي صدام كده ..راحوا وجابوه



اسلوب التفرقه ..وتخوين الجميع ...هو احد الاساليب الاسرائيليه فعلا ..

لما تلاقي الصحافه والاذاعات الاسرائيليه ..عماله تقول في اخبار عشان توقع بين ده وبين ده



هي دي اساليبهم..هتلر كان بيحرق فيهم عشان كده...كان هتلر ينتصر..يقولوا هتلر خسر

كان كل شيء ..عكسه...



اكرر مقولتي الاخيره..



نحن ليس بقطيع غنم..عشان حد يتحكم فينا



وائل ماسوني مش ماسوني ..- وبالمناسبه فكره ان يكون في احتمال انه ماسوني دي تدل علي عدم الوعيي ..وعدم الوعيي الي احنا فيه هو اكبر خادم لاسرائيل - ...مش هيفرق معانا..ولا حد هيتحكم فينا..ولا احنا هننساق ورا اي رأي...فاحنا عندنا عقل ..بنحكم بيه...غياب العقل..هو الفكره الي عايزه تطبقها اسرائيل علينا...





اعتذر اعتذار كبير لوائل غنيم.



--------



منتظر الناس الي هتقولي روح اقرا البروتوكلات الصهيونيه



هشام عفيفي

16-فبراير-2011

لايعقل كل هذا الكم من العته والهيافة والهبل!

(02-16-2011, 09:30 PM)الحكيم الرائى كتب:  
لايعقل كل هذا الكم من العته والهيافة والهبل!

اللي حصل هو أن ناس تبع الحزب الوطني وتبع الأمن سيطروا على صفحة ( شبكة رصد ) الأولى
وبعد ذلك بداوا يكتبوا أخبار وتقارير مزيفة ضد وائل غنيم - وفي نفس الوقت بدأوا يعملوا حملة لترشيح عمرو موسى لرئاسة الجمهوية
وفي نفس الوقت على الأرض هناك بقايا من الحزب الوطني بداوا يلفون على البيوت ويجمعون توقيعات الناس من أجل إنشاء حزب يسمى ( حزب 25 يناير )

بينما ائتلاف ثورة الغضب المكون من الحركات الداعية ليوم 25 يناير أعلنوا بوضوح رفضهم التام لإنشاء أي حزب يحمل اسم 25 يناير - لأن هذه الثورة ملك للشعب المصري كله ولا يصح أن يحتكرها فريق

تقدر تقول بأن الكلام على وائل غنيم واتهامه بالعمالة - ومحاولة إنشاء حزب يدعى 25 يناير - وغيرها من المحاولات هي آخر تقيؤات النظام البائد وزبالة الوطني

واليوم سيظهر وائل غنيم على التلفزيون المصري اعتقد الساعة 11 بالليل لكي يرد على الكثير من هذه الاتهامات التي قيلت ضده

---

أنا مــاســوني يا جـماعـة
===============
بقلم : محمد جمال الفقي
===============

...
الناس اللي صدقت ان ملايين المتظاهرين بيجيلهم وجبات كنتاكي و 200 يورو يوميا (يورو.. ها ..مش مصري عشان طبعا يقولك ان الخوا..جات بيمولونا ) و أكتشفوا إنهم مضحوك عليهم

سبحان الله هما نفس الناس اللي صدقت إن الإخوان هما اللي بيحركوا الثورة و هما اللي عايزين الحكم ..و ظهر مسيحين و شباب علماني و مسلمين و مسلمين إخوان و ملحدين و سلفيين كله في المظاهرات و إكتشفوا إنهم مضحوك عليهم

سبحان الله ..هما نفس الناس اللي صدقوا ان فيه كتائب من حماس و مسلحة كمان في قلب ميدان التحرير و قالك أوعى تنزل التحرير عشان هايكون فيه ضرب نار و قنابل و تفجيرات و إحتمال المسيخ الدجال يطلع من مجمع التحرير..و برضو إكتشفوا إنهم مضحوك عليهم

سبحان الله ..هما نفس الناس اللي صدقت إن قادة الثورة أجانب و جابلك فيديو و صورتين لأجانب متعاطفين مع المتظاهرين و موجودين معاهم في التحرير ..و طبيعي يكونوا سياح أو صحفيين ..و واحد عبقري طلع يقولك انهم بيوزعوا منشورات بالإنجليزي ..على أساس أن الشعب المصري كله خريج الجامعة الأمريكية و بربنط انجليزي و نسيوا ان احنا بنتكلم العربي مكسر أصلا ..ياراجل اتقي الله في ودانك ...و في الآخر اكتشفوا ان كل ده كذب و انهم إضحك عليهم ..

سبحان الله ..هما نفس الناس اللي قالك ان عناصر من حزب الله مدربين جيدا في إيران لإحداث بلبلة في مصر ..أصلا بلبلة دي كلمة أبيحة ..مايصحش يا جدعان ..بلبلة و ايران ايه بس ..و لما إكتشفوا ان المتظاهرين مصريين ولاد ستيين مصريين عرفوا إنهم إضحك عليهم

سبحان الله هما نفس الناس اللي صدقت إن فيه بوراج أمريكية دخلت قناة السويس للسيطرة عليها ..على أساس إن قناة السويس دي ترعة مثلا و احنا شوية فراخ ...أمريكا تسيطر على القناة على أساس ايه ..و مين اللي قال أن القناة خرجت عن السيطرة ؟؟ هو إحنا في حرب أهلية ؟؟ ولا إيه مش فاهم ؟؟ و على أساس إن أمريكا داخله صالون بيتهم ..الجيش المصري هايقولهم اتفضلوا القناة قناتكم ..و دخلوا كده من غير طلقة تتضرب حتى

أمريكا يا مؤمنين كانت مرعوبة على عرش الحليف الأول ليها في الشرق الأوسط ..و حاولت تهدي الأمور..مش معقول هاتولعها هي و تعلن حرب على أقوى دولة عسكريا في الشرق الأوسط ..مش لعبة هي ...و المهم ان الناس دي برضوا إكتشفوا إنهم اضحك عليهم

ثورة ايه دي يا جدعان اللي توحد أمريكا مع الإخوان مع الملحدين مع الجواسيس مع حزب الله مع حماس ؟؟ ايه المعجزااااات دي ؟؟

المهم ..هما نفس الناس اللي قالت إن البرادعي جاسوس و عميل و انه هو اللي ساعد على ضرب العراق ..و نسيوا ان البرادعي قالها قدام قادة العالم أجمع في الأمم المتحدة أن العراق خالية من أسلحة الدمار الشامل ..و فيه مقاطع فيديو كتير على اليوتيوب بتأكد الموضوع ده ده لو محدش بيقرأ كتب أو مقالات أو مكنش متابع أخبار وقتها أو مواليد 95

و نسيوا أن اللي فتح قناة السويس لضرب العراق هو حسني مبارك ..و اللي أعطى معلومات دقيقة عن العراق كان حسني مبارك طبقا لوثائق ويكلكس ..و اللي قفل المعبر على الغزاويين في فلسطين عشان يموتوا و حماس تنتهي كان حسني مبارك ..و الأمر بالحرب على غزة طلع من القاهرة بحضور أحمد أبو الغيط ...نسيوا كل ده و قفشوا في البرادعي ...

(للعلم بس أنا مابحبش البرادعي لأني عندي شعور أنه لا يصلح لحكم مصر ولو لفترة انتقالية حتى )

بس الحق يقال هو أول من نادى للثورة على النظام و إحداث تغيير و هذا يشهد له ..و ماحدش ينسى انه مصري و ليه حق في البلد دي زيه زي أي حد ..بس أنا مابحبوش بشنبو ده ...المهم نرجع للناس اللي بيضحك عليهم ..بعد كل الكلام ده اكتشفوا انهم مضحوك عليهم ..بس في ناس قافشه لسه في البرادعي مش عارف ليه ..بس كلها كام يوم و يكتشفوا انهم اضحك عليهم

سبحان الله و لا إله إلا الله ..هما نفس الناس اللي صدقت إن وائل غنيم عميل و(( ماسوني)) و مدسوس و متجوز أمريكية (طبعا اللي متجوز أمريكية في نظر البعض يبقى عميل ..مع ان نص الناس دي نفسها تتجوز أمريكية ) و عنده تقوس و غازات ...و كل ده بسبب تيشرت من (جيوردانو و حظاظه ) الراجل عايش في الإمارات و دي فعلا موضه و أنا أشهد عليها لأني موجود في الإمارات..

و بالنسبة للنظرية المستحدثة بتاعة الناس دي.. أنك ممكن تعرف ميول شخص السياسية و الدينية من لبسه ..يبقى ولا مؤاخذه أي حد بيلبس من (أرماني) يبقى ولا مؤاخذة (بيتبسط) عشان أرماني (بيتبسط) و أي واحد يلبس تيشرت عليه علم أمريكا ..يبقى جاسوس .. و أي واحد يلبس فانلة رونالدو يبقى لاعيب كورة أو قريب رونالدو ..و أي بطيخ في أي حاجة

نسيبنا من التيشرت و الفنلة الحمالات و ناخدها بالعقل كده ..ينفع واحد ماسوني شباب الفيسبوك يكتشفوا انه ماسوني و قادة القوات المسلحة اللي قعدوا معاه مايعرفوش ؟؟ ينفع واحد ماسوني شباب الفيسبوك يفضحوه و المخابرات العامة اللي هي أقوى جهاز حاليا في المنطقة ..تسيبو يعدي من تحت اديها ؟؟ هيصه هي ؟؟

و بعدين مع احترامي للجميع ..اللي يقول على وائل ماسوني ..أنا متأكد أنه ما كلفش نفسه أصلا يعمل بحث على أهداف الماسونية على الجوجل ..لأنه لو عنده ربع فكرة عن الماسونية هايعرف ان اللي وائل بيعمله و معاه شباب كتير يمكن أحسن منه و أنشط منه ...ضد كل مبادئ الماسونية ..

لأن الماسونية من أهم أهدافها الحفاظ على الدولة اليهودية و إفناء كل الديانات الباقية و الدول المعادية ..و هل حسني مبارك معادي لهم ؟؟ ده ابن خالتهم يا جدعان ..ده بيبعلهم الغاز أرخص ما احنا بنشتريه ..ده كانوا مرعوبين وقت الثورة و بيضغطوا على أمريكا عشان تدعم مبارك ضد الثورة ..لأان ده ضهرهم و هو اللي حامي حدودهم ..تدمير أنفاق و غلق معابر و جدار عازل ..ده بتاعهم يا جدعاااااااااااااان ..بتاعهم ...المهم يومين تلاته كده و هايعرفوا انهم اضحك عليهم تاسع و عاشر

أنا بس بطلب منهم قبل ماتتفقع مرارتي و حاجات تانية ..((ممكن تبطلوا يضحك عليكوا شوية ؟؟ شكلكو خــره ...أيوا خــره))

الثورة نجـــحت.. و مبارك بح ..و الظلم بح و الفساد بح و الواسطة بح و العمالة بح و الخيانة بح و الذل بح و قلة القيمة بح و الفضايح ظهرت و الحرامية اتعرفوا ...بطلوا يضحك عليكو..انزلوا الشوارع و إعملوا حاجة تفيد البلد ..نضفوا البلد ..صلحوا اللي اتخرب و اتكسر ..فكروا في حاجة تفيد البلد ..شوفوا مطالبكم ايه و اعرضوها على الحكومة أو شباب الثورة و هما يعرضوها على الحكومة و قيادة الجيش ..

و خلوا بالكم ..الحزب الوطني مانتهاش ..و رجال الأعمال و الحزب مش هايسكتوا .دي قضية حياة أو موت بالنسبة ليهم ..شغالين تشكيك و طعن في شباب الثورة و أهدافهم

يا جماعة هو خلاص يعني ..لازم كل واحد يعمل حاجة يبقى مدفوعله و جاسوس و عميل ؟؟ هو مفيش حد وطني خلاص في نظركم ؟؟؟؟خلاص ؟؟ كله بيتحرك بالفلوس ؟؟ كله بايع بلده ؟؟ اتقوا الله ...اتقوا الله ..اتقوا الله في مصر و شباب مصر ..و خلونا نعمر البلد اللي اتنهبت و اتخربت و بقت أسفل سافلين..و سيبكوا من وائل غنيم ..و لو عندك حاجة تفيد بلدك ..روح اتكلم مع شباب الثورة و قولهم انا عايز كذا و كذا ..حاسس انك مكنش ليك دور ؟؟ لو سكت هايكون موقفك أحسن من انك تشكك في ناس شريفة ...عشان التاريخ بيتكتب دلوقتي ..و هايبقى شكلك خره قدام عيالك لما الناس تقول عليك كنت بتشكك في أبطال الثورة ..غيران منه ؟؟ عشان شاب خنفس هو و شوية عيال اصحابه غيروا شكل مصر ؟؟؟ معلش ياعم تعالى على نفسك و متشتمش فيه ..إعمل انت حاجه أحسن منه ..إتحرك ..روح أنضم و شوف الماسونيين دول بيعملوا ايه ..مش هايقولولك لأ ..و هايتكلموا معاك و هايفهموك و تفهمهم ولو طلعوا زي مانت بتقول ..يبقى أعداء الوطن ..سيبك من الفيسبوك ..مش هايوقفهم ..لم شوية عيال و روح اقتلهم ..لكن ماتبقاش شاب تنح و تطلع اشاعات وانت مش عارف هي صح ولا غلط .و لو طلعت صح برضوا انت مابتعملش حاجه توقف الغلط ..راشق على الكيبورد وخلاص ..أنا عن نفسي اتكلمت مع واحد فيهم و ناس مثقفة و عاقلة و فاهمه هي بتعمل ايه ..فوقوا بقى

و في النهاية لو الماسونية و الخيانة هي إني أطالب بالحرية و الديموقراطية و العدالة الإجتماعية و محاربة الفساد و الفقر و الجهل و القمع و السرقة و التزوير و النهب و قلة القيمة ..يبقى أنا مـــاســـوني(كده و كده) ...خــــايـن

وحسبي الله و نعم الوكيل و أشهد أن لا إله الا الله محمد رسول الله

محمد جمال الفقي

another time

من فتح صفحة كلنا خالد سعيد هو شخص من داخل مصر وليس من دبي ...متى وكيف استلمها وائل لا أعرف ...


وهو يدعي أنه أنشأ الصفحة من الصفر ....لو خيروه بين عمله بغوغل وقوميته ماذا سيختار ....غوغل ويوتيوب كانت الى جانب إسرائيل بحرب غزة وأغلقت مئات مواقع يوتيوب لأسباب تافهة ....وائل إنسان جيد عموما ولكنه ليس بطل أو ملاك ....

(02-16-2011, 10:49 PM)بسام الخوري كتب:  another time

من فتح صفحة كلنا خالد سعيد هو شخص من داخل مصر وليس من دبي ...متى وكيف استلمها وائل لا أعرف ...


وهو يدعي أنه أنشأ الصفحة من الصفر ....لو خيروه بين عمله بغوغل وقوميته ماذا سيختار ....غوغل ويوتيوب كانت الى جانب إسرائيل بحرب غزة وأغلقت مئات مواقع يوتيوب لأسباب تافهة ....وائل إنسان جيد عموما ولكنه ليس بطل أو ملاك ....

لا يوجد أي شيء مما رأيته وقرأته هنا يعطي أي دليل ملموس على أن صفحة كلنا خالد سعيد تم فتحها على الفيس بوك من داخل مصر
بصرف النظر عن وائل غنيم وشخصيته
لكن لا أستطيع أن أرى أي دليل على أن صفحة كلنا خالد سعيد فتحت أولا من داخل مصر
وهذا شيء لا يمكن لأحد أن يثبته إلا القائمون على موقع الفيس بوك نفسه عن طريق تتبع الآي بي
أي شيء ورد في ملفات يوتوب أو مقالات التضليل المنشورة على موقع رصد المخترق لا يمكن أن يعتمد عليها

http://www.facebook.com/#!/topic.php?uid...4996294040&topic=18135

كشف د.شادي الغزالي حرب عضو ائتلاف ثورة 25 يناير عن مفاجأة مدوية بأن مؤسس جروب خالد سعيد الذي كان أول من دعا للخروج في مظاهرات يوم 25 يناير، هو الآن مجند في القوات المسلحة ويدعى "عبد الرحمن منصور".

وأضاف حرب في تصريحات لبرنامج العاشرة مساء بأن "عبد الرحمن منصور" كان صاحب الفكر السياسي وراء جروب كلنا خالد سعيد ودعوة الخروج في مظاهرات حاشدة تطالب باسقاط نظام الرئيس السابق حسني مبارك، وأن الناشط وائل غنيم كان مسئول الجانب التقني في الجروب.

وقال حرب- في حضور ثلاثة من أعضاء المجلس الأعلى للقوات المسلحة- أن ائتلاف الثورة اخفى اسم عبد الرحمن منصور طوال هذه الفترة بسبب حساسية موقفه كونه أصبح مجندا في القوات المسلحة منذ يوم 17 يناير الماضي أي قبل الثورة بثمانية أيام فقط، وطالب حرب أعضاء المجلس الأعلى للقوات المسلحة عدم اتخاذ أي إجراء تجاه منصور وهو أمر كان الرد عليه من قبل أعضاء المجلس بأن الفيصل في ذلك هل ما قام به لمصلحة الوطن أم لا، مؤكدين أن مافعله هو لمصلحة الوطن بكل تأكيد، كما أكد أعضاء المجلس.
http://dostor.org/politics/egypt/11/february/22/36758