الموضوع اكثر من رائع .
بالرغم من خلافاتنا (ده ان سمحتولي احسب نفسي معاكم ) واحيانا سقطاتنا واهاناتنا لبعضنا البعض إلا ان الجانب الانساني اللي بيجمعنا فعلا عظيم .
مقدرش اوصفلكم مقدار فرحتي اني اشوف في الاخ جوكر (وانا معجب بيه .وبخفة دمه جدا) الجانب الانساني والشخصي ، ده حسسني اني وراء كل الدموية الموجودة في الحوارات اللي في النادي هناك انسانية عظيمة وطيبة .
وبرده مقدرش اوصفلكم كم الفخر اللي حاسس بيه ان فيه مصريات زي ديدو و وبسنت
بعقلايتهم المتفتحة وتفردهم وشجاعتهم ، للاسف زي ما قالت ديدو مستوى تفكير الفتيات في مصر متدني بشكل مؤسف .
اسمحولي اكتب بعض التعليقات وسامحوني لو اتكلمت عن نفسي لان الله واحده عالم انا بتقطع ازاي من صراعاتي وافكاري ومقدرش اقول لحد من اصحابي ولا اهلي وانتم اكيد تقدروا تتفهموا تعبيري عن نفسي خصوصا في عمري المهبب ده (15) .
اقتباس: و الحقيقة لم أتوصل لها بالعلم و انما بالفطرة ..و ان اعلنت حقيقة ما توصلت اليه ..
قد أفقد معنى السعادة الى الابد ليحل محلها الحسرة و التعاسة ، لذلك أتظاهر دائما بأني لازالت ابحث
لا احد يصل الى الحقيقة مهما حدث والاختلاف الفظيع في آراء البشر ومعتقداتهم يجعل الامر مستحيلا ، على رأي مستر هوكينج احنا لسه كائنات محتاجة تتطور .
اقتباس:و تشككت في وجود الله و عمري 17 سنه
منذ ابتلاني حظي بالمدعوق الي اسمه نت من الصيف اللي فات وانا حاسس_بالرغم من رؤيتي للمسيحية فكر مناسب _ ان ثقتي في ديني وفي وجود الله اتكسرت ومش هتتصلح ، كل ما احاول اصلي ابتدي افكر هل هناك اجابة لصلواتي وهل اصالي لاله حقيقي ام انني مخطئ واي وقت اقرا في الكتاب المقدس وخصوصا عهد قديم الاقي الشكوك عمالة تنزل زي المطر وفي اتفه الحاجت زي المدلولات اللغوية وتوافقها مع الزمن(زي استخدام كلمة باب في قصة قايين وهابيل) . انا بتمنى لو مدفعنيش الفضول اني اشوف ايه افكار غيري واوصل اني افكر في حاجات بديهية عند كل زمايلي ، واول نتيجة اني تركت الارثوذوكسية واصبحت انجيليا ، ولغايت دلوقتي حاسس بالثقة المكسورة تجاة الدين وحاسس اني بدخل هنا واحشر نفسي في الحوارات الدينية علشان اثبت لنفسي صحة قناعاتي مش ادافع عن قناعاتي .
اقتباس:الآن أنا لازلت مسلمة رغما عن أنفي .. أفعل ما يفعله المسلمين من طاعات و عبادات و لكن في داخلي لا اؤمن بما افعله ... و امقت الفكر الاسلامي بشدة
و أود لو أفر يوما ما من هذا العالم
و اعود للعدم حيث لا بشر لا دين لا عقول صممت من الحجر .
في خلال الاسبوع ده بنتين قاصرتين هربوا علشان يسلموا ، والموضوع ده حازن امي خالص على النفوس اللي ضاعت _حسب ما بتفكر_ ، امال لو عرقت اني بشك في المسيحية ممكن حالتها تتدمر .
وبالنسبة للعقول الحجر : ياااااااااااااااااااااااااااااااه كتيرة بدرجة مش عادية ، وبتقرف اي انسان يفكر في عيشته .
اقتباس:( خليني آخر واحد , وبشرط لا أسئلة شخصية )
هذا ما نريده من الموضوع .الاسئلة الشخصية .
اقتباس:الله الذي أؤمن به كاااااااااااامل فعلا
لايحاسب و لا يعذب ولا يكره ولا يغضب و لا يسخر ولا يسخط ولا يتكبر ،
و لا يبعث ببشر كي اؤمن به فهو أرقى من ذلك و اعظم
بالرغم من اني حاسس بقبولي لرأيك ده لكن نظرتي اللي بتمناها _واللي ارجو اني مش شايفها في المسيحية _ مختلفة قليلا يعني حكاية الحساب انا اميل للمطهر يعني عقاب يختلف حسب الخطأ مش ابدي بلا نهاية .
اقتباس:قد تسأل ما هو دليلي على وجود الله :
اقول ليس لدي دليل ..
لماذا اؤمن به اذن ؟
لانني بحاجة له حينما احزن اشكو له حينما تضيق بي الدنيا ..
اشعر بأن هناك قوى عظمى
تخفف من ضيقي و تمحو الحزن عني
لانني عرضت نفسي للموت اكثر من مرة ولا ادري لماذا يقدر لي دائما ان اعيش
لانني اشعر بوجود الله حينما ارى في منامي حلما و يتحقق
لانني كثيرا دعوته فأجابني .. اعلم أن ما اقوله قد يستخف به البعض
لكن أحب أن اؤكد بأن عقلي يأبى القناعة بوجود اله لكن قلبي متعلق به
اؤكد لك ان هذا شعورنا كلنا بوجود الله حتى الملحدين امثال مسيو جوكر اراهن انه لا زال ولو سنة يتشكك في هذا الموضوع ، لان خلفياتنا الاولية بتفضل مأثرة فينا ، وفي النادي هنا هتلاقي بعض الاعضاء بالرغم من الحادهم لا زالوا محتفظين بنظرتهم الاسلامية لاسرائيل .
اقتباس:الشخصيتين بداخلى
انا شايف اننا كلنا بنحمل جوانا الشخصيتين المتناقضتين .
في النهاية مسجل متابعة كبييييييييييييرة خالص .
بحث
قائمة الأعضاء
التقويم
وثائق المساعدة
فهو ممن ختم الله على قلوبهم ..
( صم بكم عمي فهم لا يرجعون)
