ببساطة ايه هو معمول اسم الفاعل ?
هل هو بس اللي بعد اسم الفاعل العامل ؟
وايه المعمول في الجملة دي
"أمانح أبوك العامل أجره ؟"

اقتباس:ببساطة ايه هو معمول اسم الفاعل ?
هل هو بس اللي بعد اسم الفاعل العامل ؟
وايه المعمول في الجملة دي
"أمانح أبوك العامل أجره ؟"

( ببساطة كده يا مينا لو كان اسم الفاعل عامل بص لأصل فعله - بصة جامدة - من ناحية اللزوم والتعدي ويتعدي لكام مفعول لواحد ولا لأتنين
صاحبك اللي انت حاطه في المثال ( منح ) يتعدي لمفعولين , يبقي في الحالة دي معمول اسم الفاعل جوز مش فرد
فهمت اللون )

كوكو

(11-05-2011, 05:33 PM)coco كتب:  

اقتباس:ببساطة ايه هو معمول اسم الفاعل ?
هل هو بس اللي بعد اسم الفاعل العامل ؟
وايه المعمول في الجملة دي
"أمانح أبوك العامل أجره ؟"

( ببساطة كده يا مينا لو كان اسم الفاعل عامل بص لأصل فعله - بصة جامدة - من ناحية اللزوم والتعدي ويتعدي لكام مفعول لواحد ولا لأتنين
صاحبك اللي انت حاطه في المثال ( منح ) يتعدي لمفعولين , يبقي في الحالة دي معمول اسم الفاعل جوز مش فرد
فهمت اللون )

كوكو

فهمت اللون . انا بس كانت مشكلتي ان المدرسين دايما يقوله معموله اللي بعديه علطول وانا مبحبش اسلوب العيال ده ومع انه مستحيل تيجي جملة زي دي في الامتحان بس انا حبيت اتأكد ان فهمي صح .

وانا براجع درس الاستثناء _علينا السنادي_ استوقفتني الآية القرآنية ( إن هو إلا وحيٌ يوحى)
وحي هنا مضمومة الآخر .
أكيد الا هنا مش استثنائية لان الاسلوب ناقص مثبت وده مش حالة من حالات الاستثناء إذن ما موقع الا هنا ... هل هي زائدة تأكيدية مثلا ؟ وما هو الاعراب الدقيق لوحي أهو خبر ل(هو ) أم شيء آخر؟ وبالمرة إنْ _بكسر الألف وتسكين النون _ أهي مخففة ام هناك ايجاز بحذف شيء ما ام ان لها استخداما معينا هنا غير الاستخدام المشهور كأداة شرط؟