أبو إبراهيم
مرحباً

عندك شي مطرح فاضي لسّه؟
أو المضافة كومبليه؟
الحميمية عندك غير شكل، صحيح إني متأخر، بس شو أعمل هلّق تعبت، ومالي غيرك.
أنا مابشرب قهوة، عجبني ذوق طارق وسوري.
بموت بالمعسل والشاي.
ويللي بينشرب مع جنب ...
ومنشان الزمر أنا جاهز، عندي مجوز كهربائي وربابة إلكترونية بيجنننوا! وبيقسموا لوحدن ***

شو؟
مقبول؟

























***
ما عم إمزح، الموضوع جدي
سمعت بالمجوز الكهربائي؟ عندي واحد ياباني بيطير العقل.


وهذه لأحلى عازف عود:
لاعب الريشة و اهوى و اضفر العمر ورود
و اهوني من ليس يهوى لم يزر هذا الوجود
لك هذا الريح عود و الغمامات وتر
دع تبددك الجرود و يجمعك القمر
بي، بشعري، بالغدائر، بالحلى حول يديه
طر و خلي المجد طائر كسر الغار عليه
أنا حبي سيف ظافر حمل الدنيا إليه
سلب البحر الجزائر قال شكيها عقود

[RAM]http://song4.6rb.com/Leb/fairouz/fairouz-la3eb_alreesha.rm[/RAM]

(f)

اي والله ابو ابراهيم .... بعد في عندك محلات ولا قفلت؟؟


حطنا بقائمة المسموح لهم بالدخول ... الحراس بدهم هيك



(f)

عزيزي عبدالله عصام
تحية طيبة

أنا وصلت معي لل -274
شو قولك؟ تماديت كتير؟
إيه زنطرت ...

بلكي في دفا عند أبو ابراهيم.
(f)

تحياتي لكل زبون القهوة قصدي المضافة

ها ها وانا من زمان بقول القعدة بدها طراوه بدها نعومة لازمها ملطف وهي البنات بلشن يهلن

على سيرة الطراوة جرت عندي عادة وسخه وهي عند سفري من الخليل الى رام الله ما بحب اركب في السيارة الا اذا بكون فيها بنات ،،، مش مشان اشي فقط مشان الطراوة وتلطيف الجو:kiss:


كيفك مريومة عيني مرياما ازك يختي وازاي الحال انا ما زلت على قيد الحياة على الاقل بتنفس في السجن الكبير والله يستر من السجن الصغير تراها الشغلة على حرف الخا(خ) يعني على كف عفريت

بس والله قرفان ومشغول في موسم قطف الزيتون بروح بعد شغلي وما بروح الا لما ابطل اشوف القط اي حبة وبنام زي الحمار اللي الو اربع ايام في الحراث .

نرجس كويسه عايشة برضو هيها شغالة بالتسجيل للانتخابات
سلامك ان شالله صباحا راح يوصل .

احمد العربي شفراتك وماكيناتك ما بينفعو لواحد مثلي مربي لحيته ومخليها على حل شعرها.


وينك يا بو ابراهيم هاظا يا خوي قبل يومين الزملاء في العمل جابو مشروب اول مرة بذوقه قال اسمه ( كابتشينو) ومثل ما بتعرف انا فلاح متخلف ما بعرف غير الشاي الصعيدي والقهوة
المهم يعني اذا ما فيها الشغلة ثقلة دم بالله عليك تجيب منو خلينا نجرب طعمه كمان مره


تحياتي للجميع:bye:

صحيح مريم انا عمري حكيتلك ولا اقلك سواء حكيت ولا ما حكيت
انا بحب اسم مريم جدا جدا جدا لدرجة انو بعد عمر طويل لما اتزوج راح اسمي بنتي مريم هاظا اذا ظل في حيل اخلف .

طبعا مش مشانك راح اسمي مريم

مشان ستي الله يرحمها ويحسن اليها كان اسمها مريموكنت احبها كثير وهي كمان كانت تحبتي ومن كثر حبهاالها علمتني التدخين وكانت تصرف على تدخيني لما كنت عيل عمري ( 15 سنة)


:wr:

نورس

اقتباس:  EBLA   كتب  
عزيزي عبدالله عصام
تحية طيبة

أنا وصلت معي لل -274
شو قولك؟ تماديت كتير؟
إيه زنطرت ...

بلكي في دفا عند أبو ابراهيم.
(f)

ياسيدي يا ايبلا .. الشاشة الفضية للفكر العربي :lol2:
الظاهر عمنا ابو ابراهيم مو موجود .. بتعرفلك مضافة تانية؟؟
حاجة وقوفنا .. متنا برد وملل
ماتفتحلك انت شي مضافة :23:

لاه يا عبد الله، أهلاً وسهلاً بكم كلكم.
والمثل يقول : مطرح الضيق يتسع لألف صديق....
فادخلوا وتدفؤوا واشربوا ما يحلو لكم.
وللمضافة لا يوجد لا حراس ولا حتى باب...

نورس الحمدلله على سلامتك... طولت الغيبة علينا هالمرة.
كيف كان موسم الزيتون هذا العام ؟
وعندكم بيارات برتقال أيضاً أم لا ؟
أنا أيضاً أحب اسم مريم، ولكن أظنه لم يعد مناسباً لأطفال الغد... أو خليها ميريام، حتى إذا طلعلها فيزا على أمريكا، ما يوقفوها على الحدود... :D
منشان الكابوتشينو، متوفر من وقت ما فتحنا المضافة... يكفي أن تطلب...

إيبلا، شكراً على المجوز والربابة الإلكترونيين، ولكنني أفضل الأصل... هل سمعت أغاني أم كلثوم تعزف على الربابة ؟ أنا شخصياً سمعتها وكان العزف متقناً...
على كل حال لا أصدق أن هناك زمراً كهربائياً حتى أرى بعيني :o
تفضل ودخن، ودع طارق يضيفك من الوينستون الذي معه... :D

(f)

العزيز أبو ابراهيم
شكراً على كرمك، وكما توقعت، فالحميمية أصيلة.

بالنسبة للزمر الإلكتروني: إنو تشوف بعينك صعبة، ممكن تسمع بدانك مثلاً.
استمع للملف التالي، إنه زمر إلكتروني، ملف صغير، بس متل ما بيقولو: (أشانتيون) يعني :D
وعلى فكرة، كل الأغاني الشعبية الدارجة حالياً تستعمل هذا الصوت وأشباهه، فكلها زمر إلكتروني، من الحاصودة إلى علوش إلى آخره، اسمع:

الأخ عبد الله عصام
تحية طيبة

[QUOTE]ياسيدي يا ايبلا .. الشاشة الفضية للفكر العربي
الظاهر عمنا ابو ابراهيم مو موجود .. بتعرفلك مضافة تانية؟؟
حاجة وقوفنا .. متنا برد وملل
ماتفتحلك انت شي مضافة

:D
إيه نعم، أنا شاشة، وبشعل وبطفي بس مو متل أبو لطفي!
بس ما في إلى ريموت كنترول، بدّك تمد إيدك وتكبس :lol: ، وبعدين خود على بث ... :present:
وبث بأه ... خلث الإرثال.

عزيزي
فتح مضافة تانية مشروع خاسر، أنا لا أحب المضاربات. أحب الاستثمار بما هو جديد. وبعدين أبو ابراهيم فتح الباب ويا سلام دفا غير شكل ومعسّل بيجنن، وينك إنت؟
(f)

سلاماتي للجميع

ومن نرجس لمريومه (f)(f)(f)(f)

والله يا خوي يابوي ابراهيم موسم الزيتون يعني مش بطال بس مش بوضعه الطبيعي وبعدين احنا في منطقتنا الزيتون بالنسبة النا تسالي شغلنا الاصلي هو العنب اللي بنعمل منو بلاوي ( دبس ، ملبن ، خبيص ، مربى ، عنبية ، زبيب )
وعندنا الخوخ والدراق والجرانق والبرقوق والصفرجل .

الزيتون بس شغل رام الله ونابلس وبيت ساحور

يا ريت لو في بيارات برتقال يلعني اذا ما شعت ومتت واندفنت فيها
البرتقال تخصص قلقيلية وغزة ويافا وحيفا ويبنا وجولس والمجدل .


احكيلك هالشغلة والله ما استطيبته هالكابوتشينو هاظا ما في بعد القهوة


نورس