نورس، ونحن أيضاً لدينا بستان صغير في سوريا فيه عنب وزيتون وتين...

الزيتون ما زال صغيراً، والعنب يزودالعائلة بالدبس للشتاء. وقد فاتني موسم القطاف هذا العام...

إيبلا، أقترح عليك بدل المضاربة وفتح مضافة ثانية أن تفتح محل فلافل(طعمية) وفول، حتى تطعم زوار النادي وتغذيهم أيام البرد. :lol:

ولا تنسى أن تبيع معه كازوز بارد حتى لا نغص أثناء الأكل.

وشكراً لملف الزمر الإلكتروني... ومع ذلك الأصل أجمل مع زمر ومجوز أو ربابة حقيقية!!! فما رأيك ؟

ناولني خرطوم النرجيلة من عندك... بينما أضع حطبة لمدفأة حطب المضافة...
(f)

اقتباس:  أبو إبراهيم   كتب  
 
إيبلا، أقترح عليك بدل المضاربة وفتح مضافة ثانية أن تفتح محل فلافل(طعمية) وفول، حتى تطعم زوار النادي وتغذيهم أيام البرد. :lol:

ولا تنسى أن تبيع معه كازوز بارد حتى لا نغص أثناء الأكل.

(f)

ياسلام على جمالك يا أبو ابراهيم, هو في اجمل من الفلافل الشامي مع كبيس وتومية وملفوفة في عيش سخن ومتشوحة عالصاج :D


بس بيقولوا الفلافل الفلسطيني أجمل, صديق فلسطيني قاللي كدا لما لقاني بتغزل في الفلافل السوري, شكله غيران :lol:


أقترح كمان بدل الكازوزة, أكواب ضخمة مليئة بلبن عيران الجميل, تقدم مجاناً مع الساندويتشات المشطشطة الجميلة!! واااااو جريتو ريقي, هي الدعوة هنا مش متضمنه غداء؟؟ طابخين ايه النهردة يا ابو ابراهيم؟؟



(f)

لأ لأ لأ روزا هيك خشينا ببعض :angry:

بس الفلافل الفلسطيني وخاصة الخليلي يا طنيب على الله

تخيلي معي ساندويشة فلافل من عند (ملك الفلافل) اللي في عين سارة مع شوية بطاطا محشيه جوه رغيف كعك بسمسم وعليها شوية شطة وشوية سلطات ومش غلط تندهن الساندويشه بشوية حمص وتاكليها الساعة السابعة صباحا مع كوب شاي (دبل) .... عيب عليك اذا بتنوي تاكلي هظاك اليوم .

او اذا مش مستعجله بتطلبي صحن حمص وصحن مسبحة وصحن فول مع شوية فلافل وخبز طابون محمر وابريق شاي صعيدي .

اخ اخ يمااااا يا معدتي هرشتني :lol:


نورس ( زيت وزعتر)

اقتباس:  النورس الحزين   كتب  
 
بس الفلافل الفلسطيني وخاصة الخليلي يا طنيب على الله  

 

:lol:

هو أنا لو أفهم بس معنى كلمة "ياطنيب على الله" أقبل عزومتك علطووووول..



(f)






















صباح الخير للجميع.. فين القهوة أبو ابراهيم؟؟ عاوزين نفوق..


(f)

حرام

رفقا بالجياع

:wr:

أهلين يانورس ..

إي هيك خلينا نتطمن عليكم .

هاي تاني مرة تحكيلي بدك تسمي بنتك مريم بس مو على إسمي :mad: .

ياللا إنشاء الله نرجس بتخلف بنت متل القمر وتسميها مريم كمان مو على إسمي :no:.. على إسم جدتك يانورس .. طيب وأنا أصلآ إسمي مش مريم :lol:.


تعا إشربلك قهوة .. أبو إبراهيم بيحطلي دايمآ قهوة وأنا مابشربها .. حاطتلك السطل عجنب منشان الأيام اللي عم تغيبها .

عندما كنت صغيراً، كان هناك ثلاث محلات فلافل مميزة في دمشق.
الأول أبو ناصيف بساحة العباسيين، ولكنه الآن خفض من نوعية سندويشه كي يؤمنها بسعر رخيص نوعياً ( 12.5 ليرة سوري).
الثاني ميامي بباب توما، وكانت فلافله مفتخرة. أغلق محله في أول التسعينات. وبعض الشائعات قالت بأن السبب هو أنهم وجدوا ذيل جرذ في أحد السندويشات... ولكن الناس غيورة، وأعتقد أن السبب الحقيقي هو أنه أراد أن يغير مهنته ففتح محل أحذية مكانه.
والثالث هو محل فابيان في الطلياني. ولا أعرف ماذا حل به الآن....

في الصيف الماضي تذوقت فلافل رائعة من عين الكرش، في فم حارة الورد... انتبهوا هناك محلان متجاوران، واحد جيد والآخر لا...

فعلاً اشتهيت الفلافل... :what:

في قريتي (ديرعطية)، يوجد بائع فلافل ممتاز(الزحيلي) فوق الرابية... وهو يقدمها مع الخس والطماطم والبقدونس والكبيس (المخلل) والمسبحة (حمص مطحون) ولبن وطحينة السمسم ورشة من السماق... :confused::confused::confused:
بإمكانكم الثقة بنظافة البقدونس عنده... فكلوا هنيئاً مريئاً دون خوف... :D

أنا في باريس الآن بحكم دراستي، وأشتهي الفلافل فعلاً... :( وكلما مررت أمام دكان مواز (اليهودي) تسول لي نفسي بشراء سندويشة من سندويشه الشهي، حيث يحتشد الناس عنده عليها... ولكن أعدل عن الموضوع، إذ لا تغيب عن مخيلتي ما يفعله هؤلاء بأخوتنا الفلسطينيين... أعرف أن الموضوع نفسي بحت، فلا ضرورة لإقناعي. :D

أما بقية بائعي الفلافل في باريس من العرب فمعظمهم غشاشون، يبيعونك ثلاثة أقراص غير لذيذة على الإطلاق مع القليل من الخس... ويقولون لك : اجري من هنا... :bye:

أفضل نصيحة أن تشتري الأقراص فقط (فرط) ثم تقوم بلف السندويش بنفسك وعلى ذوقك وبحجم بطنك. ثم تتعشاها بالهناء والشفاء مع كأس شاي إكرك عجم. ثم تقعد أمام المسلسل التلفزيوني اليومي وأنت تقرمش البزورات (اللب) مع رشفات شاي خفيفة وتساير بقية العائلة حتى تغفو مقابل التلفزيون... فعلاً أجمل شعور... :9:

- ملاحظة : كأس اللبن العيران محبب ولذيذ، ولكن يحتاج بعده إلى مضغ علكة، أو أكل نوع من الحلويات حتى تزول رائحة الثوم منه... :D

تحياتي روزا

( يا طنيب على الله ) بدك الصحيح ما بعرف بالزبط شو معناها

بس كلمة طنيب تعني جار وهنا المقصود على ما اظن استجارة بالله

او مثل ( دخيل على الله )
ممكن تعني المناشدة
ما بعرف المهم انت الك الفلافل وما عليك بالطنيب والجار كمان

مريومة :
يحرق حريشك كان عمري احكيتلك اني بدي اسمي بنت مريم :lol:
بس يلا راح امشيها

شكرا على سطل القهوة يا خوفي رمضان يضيع علينا شوية قهوة :9:

الختيار ابو ابراهيم :
كنت بدي اطلب منك انو ما تفتح المضافة الا بعد الافطار بس ياعمي ممكن في كثير من روادها ما بصوموا ،،، بلاش يعتبروا طلبي عنف وارهاب ديني احنا ماشيين الحيط الحيط وبنقول يارب السترة

بتعرف احسن شي بالنسبة للفلافل هي تلك الاقراص المصنعة بيتيا وخاصة اذا كانت من تحت ايدين واحد معدل مثلي


(f)(f)

نورس ..

لك والله مابتبلى عليك :mad:.

والله حكيتلي برسالة خاصة هاداك الزمان عندما قررنا أن نواصل موضوعآ بدأناه يتعرض لمعاناة الفلسطينيين على الحواجز ويوثق الإعتداءات الإسرائيلية ضدهم وكنت ونرجس من تكفل بتقديم المعلومات الأرضية وقلتلي لو خلفت بنت بدي سميها مريم بس مش على إسمك هاه :mad: .

صحيح وينو الموضوع ؟

شفت كيف عم نخذل بعضناوتسرقنا الأيام حتى من أقل واجب تجاه أهلنا في فلسطين : أن نحفظ لهم مآسيهم وألامهم في فضاء لايعرفهم إلا عندما تنفجر قنبلة في بعض اليهود كي يلعن الإرهاب المتأصل فيهم ؟

رمضان مبارك يانورس .. خلص أنا بعلن صيامي معك وبنشكل قوة ضغط على أبو إبراهيم يفتحلنا المضافة بعد الإفطار :) .

:lol::lol:

احكيلك هالشغلة لو ما بعرف شو تعشيت قبل ثلاث ايام ( الهارد ديسك ) عندي ضارب شكلو بضاعة مغشوشة

والله انو ( RAM ) عندك (256 ) شكلها

الموضوع اياه فعلا اشتغلت عليه وعملت اتصالات مع عدد من الصحفيين المحليين وجمعت بعض المادة وبعض القصص والروايات من الناس بس والله المشاغل كثيرة والهموم كبيرة

بتعرفي حاليا توجد ظاهرة سرقة محافظ وفلوس وحتى ذهب النساء في المنطقة الخليل .
بعين الله



على فكرة ما زلت مستعد متابعة الموضوع اذا ناوية خلينا نبلش


رمضانك مبارك
يلا خلينا نضغط على ابو ابراهيم مشان يفتح المضافة بعد الافطار بس بشرط يكون في قطايف وفطاير وهريسة وكنافة
يعني ما خفاك الامر شوية حلويات تليق برمضان

(f)