عدلي Banned المشاركات: 1,221 الانضمام: Jan 2006

مشاركة: #1 قصيدة ظريفة جدا مين فيكم لا يعرف الشاعر احمد فؤاد نجم تتمتع قصائدة بكلام خفيف ظريف ممتع للقراءة يجعلك تقع على الارض من الضحك وترسم الابتسامة على وجهك على طول لهذا احببت ان ارسم الابتسامة على وجهوكم واخترت لكم هذه القصيدة (البتاع) [SIZE=5]يا للي فتحت البتاع فتحك على مقفول لأن أصل البتاع واصل على موصول فأى شئ في البتاع الناس تشوف على طول والناس تموت في البتاع فيبقي مين مسؤول ؟ وإزاي حتفتح بتاع في وسط ناس بتقول بأن هذا البتاع جاب الخراب مشمول لأنه حتة بتاع جاهل غبي مخبول أمر بفتح البتاع لأنه كان مسطول ! وبعد فتح البتاع جابوا الهوا المنقول نكس عشوش البتاع وهد كل أصول وفات في غيط البتاع قام سمم المحصول وخلا لون البتاع أصفر حزين مهزول وساد قانون البتاع ولا عله ولا معلول فالقاضي بتع البتاع فالحق ع المقتول والجهل زاد في البتاع ولا مقري ولا منقول والخوف سرح في البتاع خلا الديابه تصول ويبقي البتاع في البتاع والناس صايبها ذهول وأن حد قال دا البتاع يقولوا له مش معقول وناس تعيش بالبتاع وناس تموت بالفول وناس تنام ع البتاع وناس تنام كشكول آدي اللي جابه البتاع جاب الخراب بالطول لأنه حتة بتاع مخلب لراس الغول باع البتاع بالبتاع وعشان يعيش على طول عين حرس بالبتاع وبرضه مات مقتول

05-05-2006, 12:49 PM

{myadvertisements[zone_3]}

Hajer عضو رائد المشاركات: 3,003 الانضمام: May 2005	مشاركة: #2 قصيدة ظريفة جدا عدولة، هل نطمع في تفسير لهذا الشيريم الصعب:saint:
05-05-2006, 12:59 PM

{myadvertisements[zone_3]}

The Godfather Banned المشاركات: 3,977 الانضمام: Apr 2004	مشاركة: #3 قصيدة ظريفة جدا :lol: بس ايه هو البتاع المقصود في هذه القصيدة ؟؟ هاتلك قصائد اخرى للبتاع او هذا الشاعر وضعها في هذا الموضوع
05-05-2006, 01:01 PM

{myadvertisements[zone_3]}

عدلي Banned المشاركات: 1,221 الانضمام: Jan 2006

مشاركة: #4 قصيدة ظريفة جدا هذه هي المشكلة انو مش عارفين ما هو هذا البتاع :lol: خذ هذه القصيدة اسمها (الفول واللحمة) [SIZE=5]عن موضوع الفول واللحمة صرح مصدر ال مسئول ان الطب اتقدم جدا والدكتور محسن بيقول ان الشعب المصري عموما من مصلحته يقرقش فول حيث الفول المصري عموما يجعل من بني ادم غول تاكل فخدة في ربع زكيبة تسمن جدا تبقي مهول ثم اضاف الدكتور محسن ان اللحم دي سم اكيد بتزود اوجاع المعدة وتعود على طولة الايد وتنيم بنى ادم اكتر وتفرقع منه المواعيد واللي بياكلوا اللحمة عموما حيخشوا جهنم ده اكيد يا دكتور محسن يا مزقلط يا مصدر يا غير مسئول حيث ان انتوا عقول العالم والعالم محتاج لعقول ما راي جنابك وجنابهم في واحد مجنون بيقول انتوا سيبونا نموت باللحمة وانتوا تعيشوا وتاكلوا الفول ما راي جنابك وجنابهم مش بالذمة كلام معقول !!

05-05-2006, 01:14 PM

{myadvertisements[zone_3]}

العلماني خدني على الأرض اللي ربّتني ... المشاركات: 4,079 الانضمام: Nov 2001	مشاركة: #5 قصيدة ظريفة جدا (f) للفاجومي شكراً "عدلي" (f) واسلموا لي العلماني
05-05-2006, 01:22 PM

{myadvertisements[zone_3]}

mass عضو رائد المشاركات: 1,041 الانضمام: Nov 2002	مشاركة: #6 قصيدة ظريفة جدا الفاجومي يا جماعة .... قلم زي الفرقلة ما لهوش زي ياريت حد يدور لنا على قصيدة عزة بالمرة لاني بدور عليها من فترة شكرا ليك يا عدلي على الروائع دي (f)
05-05-2006, 01:26 PM

{myadvertisements[zone_3]}

عدلي Banned المشاركات: 1,221 الانضمام: Jan 2006

مشاركة: #7 قصيدة ظريفة جدا طلابتك اوامر يا ماس وهذه هي قصيدة عـَــــــــزه [SIZE=5]عَزه الغرام في الدم سارح والهوى طارح معزه والحنين للقرب بارح والنوى جارح ياعزه ياابتسامة فجر هلت بددت ليلي الحزين ياندى الصبح الللي سأسأ فوق خدودي الدبلانين بل شوقهم صحى لون الورد فوقهم كل خد وشم ورده مين يدوقهم غيرك انتي ومين سواكي ياحياتي ياملاكي يانسيم الحب لما هب هز القلب هزه ياهوى الاحلام ياعزه ... الليلادي جم خدوني ياملاكي جوز تنابله ونص دسته من التيران كنت باحلم ياحبيبتي كنت باحلم بيكي انتي كنا قال انا وانتي قال ف جنينه خضرا ومحاوطها البرتقان والسيسبان وانتي جوا قرنفلايه بالعبير بتستحمي اجري يمك ياهوايا تسبقيني وتجري يمي أحضنك واشرب عبيرك من شفايفك والغصون واقفه وشايفه بتراعينا بس خايفه م العيون والعيون بتقول كلام والكلام طاير حمام بينادينا بالاغاني ويهادينا بالسلام كنت بحلم ياحبيبتي كنت باحلم بيكي انتي ايوه انتي ومين سواكي ياحياتي ياملاكي يانسيم الحب لما هب هز القلب هزه ياهوى الاحلام ياعزه وانطلق في الجو فجأه ياحبيبتي صوت مفاجأه صوت يخلي الدم يجمد اصحى يا احمد اصحى يااحمد وانتهى الحلم الجميل وابتدا الهم التقيل _ فين امام _ انتوا مين _ احنا ناس مكلفين تيجي سالك مش ح تتعب واحنا طبعا معذورين _ انتو دود الارض واللآفه المخيفه انتو ذرة رمل في عيون الخليفه انتو كرباج المظالم والمآسي انتو عله ف جسم بلدي انتو جيفه _ سكتوه ابن الكلاب سففوه من التراب فتشوا كل الاماكن طلعوا رفوف الدولاب ... كمموني يا حبيبتي كتفوني يا حبيبتي قوموني..قعدوني كل شعره في جسمي بالعين فتشوها المخده من جنانهم شرحوها وانتهى التفتيش مافيش صدقيني ماتخافيش هو فيه ياعزه عندي ممنوعات غير باحب الناس وباكره السكات؟ ... بص واحد من التنابله جوا عيني وانتي عارفه عنيه صافيه وطيبين زي كل عيون بلدنا يا حبيبتي شباكين ع القلب دوغري موصلين كان مناه يلمح علامة خوف بسيطه طب حييجي الخوف منين ابن العبيطه هو مين فينا الجبان ولامين فينا الللي خان اللي قلبه بالمحبه و بالاماني وبالربيع لاخضر مزهر والاغاني ولاكلب الصيد واسياده الاباطره أكالين لحم البشر فوق الصواني؟ هو مين فينا الجبان ولامين فينا اللي خان هو بص في عيني بصه ارتجف وف حلقه غصه واتعوج ومال وقال جملتين مش مفهومين أصله شاف صورتين جمال في العيون الطيبين مصر في العين الشمال وانتي في العين اليمين

05-05-2006, 01:29 PM

{myadvertisements[zone_3]}

عدلي Banned المشاركات: 1,221 الانضمام: Jan 2006

مشاركة: #8 قصيدة ظريفة جدا يا فلسطينية [SIZE=5]يا فلسطينية والبندقاني رماكو بالصهيونية تقتل حمامكو في حداكو يا فلسطينية وأنا بدي اسافر حداكو ناري في أيديه وإيديه تنزل معاكو على راس الحيه وتموت شريعة هولاكو يا فلسطينية والغربة طالت كفاية والصحرا أّنت م اللاجئين والضحايا وألارض حنّت للفلاحين والسقايه والثورة غاية والنصر أول خطاكو يا فلسطينية والثورة هي الاكيدة بالبندقية نفرض حياتنا الجديدة والسكه مهما طالت وبانت بعيدة مدّ الخطاوي هوه اللي يسعف معاكو يا فلسطينية فيتنام عليكو البشارة بلنصرة طالعة من تحت ميت ألف غارة والشمعة والعه والامريكان بالخسارة راجعين حيارى عقبال ما يحصل معاكو

05-05-2006, 01:33 PM

{myadvertisements[zone_3]}

The Godfather Banned المشاركات: 3,977 الانضمام: Apr 2004	مشاركة: #9 قصيدة ظريفة جدا :o:o قصيدة عزة رائعة فعلا
05-05-2006, 01:35 PM

{myadvertisements[zone_3]}

عدلي Banned المشاركات: 1,221 الانضمام: Jan 2006	مشاركة: #10 قصيدة ظريفة جدا قصائدة كلها حلوه :cool:
05-05-2006, 01:49 PM

{myadvertisements[zone_3]}