بعض ما جادت به قريحة أبو صياح بياع العرقسوس:

دشرو: يعني حل عنو

ماني غضران : يعني لست بقادر (وهي بالميداني)

يوه تشكلو آسي : يوه مفرده ياتي شرحها لاحقا، تشكلو آسي (بعيد الشر) تعبير يفيد
شدة حب المتكلم للمتكلم عنه ...

الواه الواه:تعبير نسائي قح يفيد التمسخر على شيء ما.

حمار معبا بنطرون: يعني واحد أجدب وجاية يحكي.

ولا: آداة تستخدم في النهر والشتم.

وخنان: مسبة مانها ظريفة بس وضعت للضرورةاللغوية.

دشرني: أي حل عني ... وحل عني يعمي أتركني بحالي.

إيدي بزنارك: تعبير يستخدم للتعبير عن الرجاء.

دخيل الله: أيضاَ تعبير والمقصود به هو الآستغائة بالله.

شعره متل الشوشة: أي أن شعره منفوش ومنكوش.

ضراب السخن: وهي مسبة...و تعني ؟؟؟ مابعرف مسبة وبس.

يوه الواه الواه: مفردة شهيرة جدأ عند النساء وتفيد الأوية.

كوكش: يعيني يفتش.

بحبش: ايضاً مفردة تعني البحث مع التمحيص.

ينمحق: ويعني ينضرب على قامتو... يسطفل.

يبعتلو حمى: أي تصيبه حمى ويمرض.

يتحورق: متل يبعتلو حمى.

يتقوص: بنفس المعنى.

يتأمع: كمان هيك شي.

عود يقعد رزك: يعني خيلتنا حاجة تحوص، و المعنى الأدق: يعني تموت والناس ياكلو رز، لانو من المعروف عندما يموت حدى بتصير عزيمة و بيطعموا الناس أوزي على روح الميت و الأوزي آكله معروفة بالشام.

وين غاطط: وين مو مبين.

و السبع تنعام: يعني النا الشرف.

حيط بياخذو و حيط بيجيو: تقال للي بيسكر من كتر الترنح.

مابيعرف الخمسة من الطمسه : عن الرجل اللي ماعندو ثقافة.

سري مري: عاللي بيخفق برات البيت.

شندي بندي: للي بيحكي بلا طعمه شروي غروي.

فايت بالحيط - طاقق الفيوز: للدلالة على انو ماعم يلاقى كلمة مناسبة.

مجنط: مفلس ولا قرش.

كحته: أيدو ماسكه ...بخيل.

شاطط ماطط: يعني مدلع زيادة.

نعيان: يعني قلبو بارد.

نايط : نعيان، بارد

شاضومه: بنت مجلوئة ...يعني كيف بدي الكن ... قليلة أدب ومصبينه.

شحاطة: مايلبسه المرء في قدمه عندما يكون في المنزل.

تعسيله: نومة بعض الظهر.

مسرسبة: يعني بتحب النظافة كتير.

أسسييع أوعى الزيت: بمعنى وسع و فسح طريق.

إغييييي: هي للأقبضايات وبس.

تأكلو الدودة العميا: يعني الواحد يموت و ياكله الدود بعيد الشر.

يبعتلو اتلو شو سمج: كمان يعني يموت وسمج يعني غليظ.

موسوس: مهووس بشغله.

عقلو جوزتين بخرج: يعني عقله صغير.

متل الأطرش بالزفة: يعني مالو علاقة بالموضوع.

حاج تحوص وتلوص: يعني حاجة تفتل وتدور.

شوية لرخار: بعد شوي.

بنت عمي: يعني مرتو وطبعاً العكس بالعكس.

مع ملاحظة قراءة كل حرف (ق) (أ)، مثال ((تمحق)) ((تمحأ))
هذه كلمات متداولة فقط عند أهل الشام(دمشق) الأصليين

اقتباس:هذه كلمات متداولة فقط عند أهل الشام(دمشق) الأصليين

26 عبارة مما ذكرت تستعمل في دمشق وحمص وحماة وحلب.

أي: العبارات سورية تماماً.
(f)

فاتني يا إبلا أن أذكر أن الموضوع منقول إلا انني لا أعرف صاحبه، وبعض هذه العبارات مستخدم في فلسطين ايضا! لذا فإن القاموس شامي!

أخي خالد

نعم
شامي
أنا خصصت فقط لأن الموضوع خصص دمشق.

إلا أن اللهجة الشامية تتضمن بضع كلمات أو اصطلاحات خاصة، واحدة منها تزعجني ولا أعرف لماذا وهي:

ع السوكة: أي على زاوية الشارع، او ناصيته. عندما أسمع هذا التعبير ( بيكزبر بدني ) :D

مين شان شو بكزبر بدنك؟

قلو مو مين شان شي، مين شان ما بيركب على القعل بنوب!

ولا غضييييييب!

اقتباس:  Khaled   كتب/كتبت  
مين شان شو بكزبر بدنك؟

:what:
من طريقة اللفظ والنغمة!


لكن لفظ "قعلي" بدلاً من "عقلي" ظريف.

هناك أمر مميز جداً في لهجة الدمشقيين الأصليين وهو لفظ حرف "الزاي" مثل حرف "الجيم".

أحياناً، وفقط في كلمات محددة مثل:

قجاز = قزاز
وإجاكان = وإذا كان
بجاز = بزاز
مجعوز = مزعوج
إجعاز = إزعاج


يقابل ذلك استبدال حرفي السين والجيم ( فقط إذا تتاليا مباشرة) بحرفي الشين والزاي عند أهل طرطوس فقط:

شزن = سجن
مشزلة = مسجلة
شزادة = سجادة
شزق = سجق

وللناس فيما ينطقون مذاهب.

فما قولكم دام فضلكم فيمن يبدل القاف كافا والكاف تشافا كما يصنع أهل الجنوب الأوسط الفلسطيني، أو من يصنع القاف شيئا لا هو كافا ولا هو قافا بل بين ذلك كأهل طولكرم وأعمالها؟

طبعا ناهيك عن الإمالة في اللهجة

فماذا تفهم من

نزل الديتش عالدتشانة طلع يكرط كظامة
الله يهنيتش ابو محمد ذباح الفرخة العتكية

اقتباس:  Khaled   كتب/كتبت  
 
فماذا تفهم من  

نزل الديتش عالدتشانة طلع يكرط كظامة
الله يهنيتش ابو محمد ذباح الفرخة العتكية

هذا مايعرف بعلم اللهجات بالتشتشة.:lol:

وأنا من قرية أهلها تتشتش باحتراف، أذكر عندما كانت تزورنا جدتي وأنا صغيرة لم أكن أفهم عليها شيء، وكنت أحتاج لأركز كل حواسي معها حتى أستطيع الخروج بجملة مفيدة.

زارتنا منذ ثلاث سنوات، وقتها لاحظت تحسنا كبيرا عليها، كنت أفهمها جيدا، واحترت في أمرها، لا تشتشة!!!
حتى اتضح أن هذا من معجزات الجنسية الأمريكية، بخرت التشتشة. :lol:

بنقول

عقلاتو برغشتين على جمل: يعني عقله صغير أو مهبول.
تعجبني الصورة الموجودة في هذا القول، تخيل البرغشتين على ظهر جمل.

باي
(f)

اجمالا كثير من المصطلحات الشامية موجودة بفلسطين

نزل الديتش عالدتشانة طلع يكرط كظامة
الله يهنيتش ابو محمد ذباح الفرخة العتكية


يعني نزل ( راح ) الديك على الدكان طلع ( رجع ) ( يقرط ) ياكل قظامة

الله يهنيك يا ابو محمد ذباح ( اللي بيذبح) الفرخة ( القديمة )


طيب شو رايك يا جارة في ...


بتشي بتشي يجعلتشي ما بتشي

مثل الشخاخه في الرجم ( بضم الجيم )


اجمالا المصطلحات في فلسطين تحتلف بعض الشيء ما بين الشمال والجنوب

من مصطلحات الجنوب :

زي : مثل
هزي : هيك
هوناكو : هنالك هو
هظاكو : هنالك هو
هرعيته : هنالك هو
ارتشد ، اهجع ، قر : اهدأ
بحر (بكسروتشديد الحاء ) ، بحلق ، لفت ، لد ، شن ،اطلع : انظر
الحماطة : شجرة التين
الشنق : السطل
الهرابه : البئر
المعاتشة : الخلاط ، الغسالة
الطنطشة : المنطقة المرتفعة
السقاعة : الثلاجة


من مصطلحات الشمال :
طاسة : طنجرة
جزوة : غلاية
عرد : بول ( بفتح وتشديد الواو )
دشع : هجم



بكفي هلقد والمرة الجاية بجيب كمان


تحياتي

هادا فيه واحد نفر هادا اخو مال أنا دكان بيفتح مال كافيه وسيكاريت إنت فيه معلوم؟

أظرف لهجة سمعتها بحياتي، الآسيويين يتكلمون العربية ... الحديث السابق لسائق تكسي باكستاني في دبي.

عبارة ظريفة باللهجة نفسها قرأتها في كاريكاتير في مجلة PC العربية، ولأنني فقدت العدد، قلدت الصورة، أقدمها لكم.

تعرفون رسالة الويندوز Illigal Operation: "قام هذا البرنامج بعملية ممنوعة وسيتم إيقافه"
، يبدو أن هناك كومبيوترات مخصصة للآسيويين في الخليج: