iythar
عضو مشارك
![]()
المشاركات: 42
الانضمام: Feb 2005
|
الليدى إليزابث المستكاوى
السلام عليكم
تحياتى لجميع الزملاء الافاضل...
اختفيت من النادى لفترة طويلة لكننى لم استطع مقاومة العودة للكتابة والمشاكسة فيه :D
من لندن العاصمة اكتب لكم...لندن عبارة عن خليط غريب من البشر...ستجد هنا كل الجنسيات وكل الأديان..كلٌ متحد تحت لفظة واحدة...بريطانى الجنسية
كل أقلية لها مميزاتها وعيوبها ,لكننى بالطبع كعربية اصيلة , وكمصرية ثورية صميمة النيل رواها والخير جواها, سأبدأ فى الحديث عن نموذج منتشر...الليدى إليزابث المستكاوى...
ولدت الليدى المذكورة فى الحيتية او بولاق على أقصى تقدير
لا تجيد الإنجليزية (i am is ) لكنها تتحدث بها طيلة الوقت,خاصة لو كان محدثها عربياً...أطفالها لا يجيدون العربية بتاتاً (إنجليز بأه)
أكلتها المفضلة السمك والبطاطس المحمرة (ييجوا إزاى مع بعض متسألنيش) الأكلة الشعبية فى انجلترا,رائحتها تسبب الغثيان, وافضل ما يمكن وصفها به إنها أكل عيانين
لو سألتها عن جنسيتها فهى بريطانية...ترى الملامح العربية الواضحة وتسمع اللكنة المميزة فتسأل: أيوه قصدى من فين اصلاً؟
-من بريطانيا!
-بلد المنشا؟
-بريطانيا
-يعنى الوالد منين؟ :angry:
-من بريطانيا!
-المستكاوى الكبير منين؟ :mad2:
-من بريطانيا!
-حفظ الله الملكة يا ستى!
الملابس حدث ولا حرج...الليدى إليزابث المستكاوى واو! تسير على آخر خطوط الموضة..أيا كانت هذه الموضة..
مثلاً..لو كانت الموضة هى الجونلات القصيرة...لن تجد اقصر من جونلتها...فمن حق كل مواطن بريطانى رؤية أكوام الشحم وخطوط الدوالى وعلامات الروماتويد فى سيقان الليدى المذكورة...ليس من حقك الاستنكار فأنت عربى متخلف لا تفقه شيئاً عن طبيعة حياة الإنجليز
ملحوظة: فقط المواطن الابيض الإنجليزى الأصل والعرق يطلق عليه إنجليزى,أى مواطن ينحدر من أصل مختلف يطلق عليه بريطانى,الليدى إليزابث تؤكد كونها إنجليزية,وربما حارب جدها فى معركة العلمين كذلك, وبشرتها الخمرية وشعرها المجعد المصبوغ بلون الكركم أكبر دليل
الليدى إليزابث تحافظ على شرب شاى الساعة الخامسة رغم ان أغلب الإنجليز تخلوا عن هذه العادة...تسألها عن سبب تمسكها بهذه العادة فتقول وهى تغمس قطعة من الكيك الإنجليزى فى الشاى: أوه دير! آى آم إنجلش يو نو! (تنطق كلمة نو know كنو)
ماشى!
أطفال الليدى المذكورة لا يجيدون العربية كما أسلفت,وإن كانوا يعرفون بعض الكلمات العربية فإستخدامها محرم تحريم الدم مع الأقارب إن حدث وذهبوا إلى البلد الأصلى فى زيارة..
طبعاً! إنجليز! حتى لو كان إسم البنت هاجر المصرية والولد عبد العزيز آل سعود, وسيشكو زوج الليدى المذكورة من عدم مقدرته على القيادة فى البلاد العربية لأنهم, سبحان الله, يقودون السيارات على يمين الطريق لا يساره كانجلترا مع أن اللورد قد سافر لبريطانيا لأول مرة وهو فى الأربعين من عمره وكانت وظيفته فى بلده الأصلى سائق عربة نقل...كما ستتأفف الليدى إليزابث من الحر والناموس والذباب وهى من يحمل جسدها من العلامات ما يؤكد إنها كانت مصدر الغذاء الرئيسى لناموس بلدها قبل هجرتها
أين يمكن ان تصادف الليدى إليزابث وعائلتها؟
قد تصادفهم فى مطعم عربى-لبنانى غالباً- فى وسط لندن تتحدث الإنجليزية مع أطفالها سعيدة بكونها-أخيراً-ستتناول التبولة والخبز الشامى الذين سمعت عنهما كثيراً! ثم فجأة ستفاجأ بها تتحدث العربية بطلاقة مستخدمة ألفاظ تشف عن أصل غير كريم بالمرة وربما إقامة لفترة لا بأس بها بإحدى الإصلاحيات وهى توبخ أحد العاملين بالمطعم لانه لم يخلى لهم مائدة بجوار النافدة ...قلة أدب منه طبعاً
ما هو افضل شئ يمكن قوله لليدى إليزابث المستكاوى؟
ربنا يشفى!
والسلام عليكم
مع تحياتى
إيثار :97:
|
|
| 12-10-2006, 07:29 PM |
|
{myadvertisements[zone_3]}
{myadvertisements[zone_3]}
{myadvertisements[zone_3]}
iythar
عضو مشارك
![]()
المشاركات: 42
الانضمام: Feb 2005
|
الليدى إليزابث المستكاوى
[SIZE=4] اقتباس: bahaa1986 كتب/كتبت
صباح الفل يا أيثار .
والله فكرتنى بالرفيقة ( مديحة نقط ) :
الرفيقة المذكورة تلقيها فى مصر , فى كل حتة . بتتكلم كلمتين عربى وكلمة أنجليزى .
ولهذا يرجع المؤرخين كلمة نقط لهذا السبب ... لا تقلقى فالسبب ليس أنها تنقط اللى بيتكلم معاه :D
كلها نماذج لناس تهرب من واقعها , اذا كان اليزابيث المستكاوى , ولا مديحة نقط . ولا الجنتل مان ( زع بولة البرنس ) :D
لا حرمنا منك أبدا :hony:
شكراً لمشاركتك يا بهاء
لا تقلق فأنا أعرف مديحة نقط جيداً وقابلتها فى مصر كثيراً لكن هناك بعض العبارات التى اعتدت استعمالها معها وتعمل جيداً:
1- طبعاً الأب إنجليزى والأم أمريكانية والأخت خريجة الجامعة الأمريكية مش كده؟
2- على فكرة.. أنا عارفة إنك معذورة وإنى مش باين عليا...بس أنا مصرية والله و بأفهم عربى كويس قوى
3- انا مش عارفة سلو بلدكوا إيه, بس احنا سلو بلدنا لما حد يتكلم نرد عليه بنفس اللغة
أو عند استخدام لفظ إنجليزى أو فرنسى لكلمة عربية:
-على فكرة اسمها بالعربى كذا..
4- معلش اعذرينى, تعليمى وقف عند الإعدادية..إسمها إيه بالعربى؟
حاول استخدام هذه العبارات و ستستمتع كثيراً برد الفعل
وأى خدعة! :9:
الزميل النجم اللامع:
شكراً لمشاركتك
لم يسبق لى التشرف بمعرفة لورا زينهم, قل لى, هى من عيلة المستكاوى برضه؟ :D
مع تحياتى
والسلام
إيثار :97:
|
|
| 12-10-2006, 10:38 PM |
|
{myadvertisements[zone_3]}
{myadvertisements[zone_3]}
iythar
عضو مشارك
![]()
المشاركات: 42
الانضمام: Feb 2005
|
الليدى إليزابث المستكاوى
اقتباس: -ليلى- كتب/كتبت
:o
إيثار (f)
أخيــــــــــــــــــــــــــــراً رجعتى
حمد لله على السلامة
لك وحشة كبـيــــرة والله
بداية موفقه لرجوعك:D
زى ما بيقولوا اللى يعيش ياما يشوف
حمد لله على سلامتِك مرة تانية
ليلى
malaka سابقاً
:redrose::redrose:
السلام عليكم يا ليلى, وحشانى جداً
الله يسلمك,بس أنا مارجعتش,انا لسه هناك!
لو كنتى انتى مسلمتيش كنت حأسلم انا...يا رب تكونى بخير
ميرسى على ردك, صحيح اللى يعيش ياما يشوف, بس أنا شفت بعمرى والحمد لله!
لسه حاحكى على حاجات كتير بس انتى اتقلى عالرز!
الله يسلمك مرة تانية! :D
والسلام
إيثار :97:
|
|
| 12-12-2006, 01:22 AM |
|
{myadvertisements[zone_3]}
بحث
قائمة الأعضاء
التقويم
وثائق المساعدة
