وجدتها في أحد المواقع الظريفة (موقع حبايبنا) وفطستني ضحك ... أضحكوا معي .. واسلموا لي

العلماني (f)

----------

بحبك حب الشباك للبرداية
بحبك حب الأرنبيط للكوساية
بحبك متل ماالشلمونة بتحب الكولاية
متل ما كل طشت بيحب الكبجاية
تمنيتك تكوني شخبرة .. ـ وكون أنا المحاية
أو حتى تكوني بريات .. وأنا كون البراية
وبتذكرك كل ما قمت دولة قهوة من عالغلاية
بس يا ريت ما تحطيلي زء .. ـ لما كون أنا جاية
بروّق على صوتك يلي متل صوت المعزاية
وبتمناكي عوجا وكون أنا العرباية
يا ريت تكوني طربيزة ـ وكون أنا كنباية
يا مدلوئة حياتي وشعيبيات عمري ووربات بئشطة
يا أحلى زبدية محلاية
بحبك أكتر مالريموت بيحب التلفزيون
أكتر ما درفة الباب بتحب المندلون
ولك أكتر من حب بنت اختي الفصعونة لسبيس تون
وإذا حبيتيني نص هاد الحب ـ بكون أنا ممنون
بحبك حب أبو السوم للطابة
وأكتر من حب أبو حميد للألابة
بحبك اذا كنتي متنحة أو حبابة
بحبك حتى لو كان صوتك متل موتور الدبابة
سمعيني شوي لحتى احكيلك الأصة
يا ريت تكوني حنفية مي عم تشرشر ... وأنا بعصّا
انشالله ما يبلا هلطول ... متل عرئ الفصة
لك يا ريت تكون معي , هيك شي كمشة بزر وأعطيكي نصا
بحبك حب منير الجبان لكلمة صباح الخير
بحبك حب جهاد سعد لبرنامج خبرني يا طير
لك بتسدئي ؟؟
بحبك حب جورج بوش لتوني بلير
بحبك حب الزلائط للمعؤوود
بحبك حب بيشو لأبو الفوود
بحبك حب السعادين للقرود
بحبك اذا كنتي ساكتة أو عم تحاكينا
بحبك حب ابن عمتي الفصعون لبوظة كارينا
بحبك حب اللي طاشش قلبو .. للكرمنتينا
بحبك بس مشااان الله .. ـ حاجة بأه جننتينا!!!!!

:D

العلماني الأطيب
ذكرتني بنكتة عن واحد كركي*

يا سيدي هذا كركي بتغزل بحبيبته بحكي لها: بَحِبْكي ليتني Gــملة بكنفوشكي


كركي: أردني من جنوب المملكة الاردنية الهاشمية

وهذه لك (f)(f)

:lol2::lol2:
لك يئبشوني الشوام ما أهضمهم.
(f)

أنا لما قالولي العلماني طلع تقاعد قلت مامعقول... لساته بعز الشباب
ولاشك أنها إشاعة مغرضة

أتاريهم محقين

وتسلمولي

جميلة جدا يا علماني (f)

وعلى نمط العزيزة بسمة (f)
واحد فلاح بيتغزّل بحبيبته ويقول لها:يا ريتني شوال تبن وانتي حمارة تتفعفلي فيه :D

:redrose:

وأنا أيضا بحبها حبّ الزيت للمقلاية
وحب الكتشب للفرنش فراية
والخردل للهمبرغراية

يا ريتني صير إجر ، إذا كانت هي المشـّاية :D

مهضوم فعلا (f)

اقتباس:  بسمة   كتب/كتبت  
:D

العلماني الأطيب
ذكرتني بنكتة عن واحد كركي*

يا سيدي هذا كركي بتغزل بحبيبته بحكي لها: بَحِبْكي ليتني Gــملة بكنفوشكي


كركي: أردني من جنوب المملكة الاردنية الهاشمية  

وهذه لك (f)(f)

هاهاهاهاهها ..

وحياة الله يا "بسمه" انو أخذت معي يومين لحتى فهمت انو Gــملة تعني "قملة" :) ... (يمكن قد ما بحب "الحماصنة" صرت عم "أتحمصن" أنا :)) ..

ذكرني هذا كله ببيت "عتابا" "لزين شعيب" (أحد فحول شعراء الزجل اللبناني)، يقول "زين":

تعي دروس الهوى عالناس نِمْلي
ومن عيون المحبِّه قلوب نملي
يا ريتك غمر "حنطه" و"زين" نَمْلِه
وببيت النمل يجمعنا التراب

(f)

واسلمي لي
العلماني

اقتباس:  العلماني   كتب/كتبت  

يا ريتك غمر "حنطه" و"زين" نَمْلِه  
وببيت النمل يجمعنا التراب  

العلماني

هاهاها ناوي يقرقشها في المغارة

إميل
(f)

دينا يا حمصية

ليش محقين؟

(P.S = تتجوزيني يا بنت؟ ):)
(f)

كمبيوترجي

ضحكتني بجملتك أكتر ما ضحكت على كل القصيدة ... وذكرتني بأحد شعراء البادية العرب (لم أعد أذكر اسمه) الذي وفد على أحد الخلفاء مادحاً منشداً قائلا:

أنت كالكلب في الوفاء وكالتيس في قراع الخطوبِ

(f)


الكندي

مش ملاقي قنينة ويسكي ، دبر حالك بهالوردة اللي بتشبه "دينا الحمصية": :redrose:

واسلموا لي
العلماني