كاراكتوس:)

لاقيت حاجتين احترت اختار ايه فيهم
فهاجيبهم كلهم
بس عندى شرط بسيط
ماتسمعهومش إلا لو كان عندك إستعداد للضحك
غير كدا هايبقوا زى قلتهم






اتمنى تعجبك



تحياتى و تقديرى

:bouncy::bouncy::bouncy:
هههههههههههه
هههههههههه
ضحكت كتير قوي
متشكر جدا يا -ليلى- على الحاجات الجميله ديه
مش عارف انتي بتجبيها منين
ههههههههههههه
ابو لمعه كداب قوي:D:

يجعل حياتك عامرة دايما بالخير يا رب(f)

ابو لمعة دا تحفة لوحده:D
كويس ان الاختيارين عجبوك و كويس انى قدرت اضحكك
اما جيبتوهم منين فيا سيدى لما قلت عند فلان الفلانى موضوع" عمبر العقلاء" دورت و نخربت عن المونولوج بتاع "العقلاء"
فى الطريق لاقيت تحف كتير
المجموعه دى من هنا
http://www.sama3y.net/forum/forumdisplay.php?f=31
ألوان الغناء النقدي الفكاهي تسجيلات فكاهية ومونولوجات

:23:

عزيزتي - ليلى -
أشكرك على ردك وتوضيحك لما استعصى علىّ فهمه فيما ورد في ردك السابق.
أنت يا سيدتي كبيرة في كل شيء.

لقد ضحكت من أعماق قلبي فعلا مع " ابي لمعة " وكذبه والتحفة الثانية كذلك :lol2:وقد كانت هدية من ذهب أشكرك عليها كل الشكر .

ملاحظة : " صحيح انتي منين بتجيبي الحاجات الحلوة دي ؟ "

أسعد الله كل ثانية في حياتك.

ودمت لـ " فلاني الفلاني " ومناصرته حتى تشرق شمسه وقد بانت خيوطها في الأفق .

تحياتي

:redrose:

أعجبني جدا أن أجد في الموقع أغاني عمر الجيزاوي
العزيزه ليلى :redrose:
ممكن تخبطينا مجموعة أغانيه هنا
عشان شلة " العقلاء" :bouncy: تكمل ، ربما تحولت هذه الشله فيما بعد لجماعه ويتم اعتقالها .

نسيت أقرا الكلام الجميل ده كويس بعين الشعور لا بعين النتوء
Array

اغلب الذكور فى وقتنا الحالى نطلق عليهم لقب "رجال" بحكم العادة
لكن لا يملكون من صفة الرجال غير المظهر
خالينى اوضح لك اكتر معنى كلمة "رجل" عندى
*رجل يعنى اولا انسان على خلق و مش بس بكلامه لكن بافعاله
*رجل عنده مبداء يتمسك بيه و يدافع عنه بشكل متحضر حتى لو هوجم بسببة و ذم بالتخلف و الرجعية
*رجل يعنى ثقة فى النفس
*رجل يعنى يزن الأمور بشكل صحيح
*رجل يعنى عنده حس جمالى
*رجل يعنى لا يخجل من دموعه لأنها لا تقلل من رجولته
صفات كتير جدا جميلة
كتير من الصفات دى بشوفها فى كلامك اللى لا املك غيرة علشان احكم عليك بيه
فى شىء تانى انا قلته فى كلامى السابق احتمال تكون غفلت عنه و هو الجملة دى


فى كتير من ردودك بتقول نفس اللى بكون عايزة اقوله و ساعات لا اجروء على قوله
إما لأنى لا املك الشجاعة فى قولة أو لا اريد فى الدخول فى متاهات اعلم مسبقاً الى اى طريق ستاؤول
على راى عبد الحليم حافظ
طريقك مسدودٌ مسدودٌ مسدودٌ يا ولدى:D
نيجى لرابعاً
الفرق بين الرجل و المرأة كبير جدا حتى فى زماننا الحالى كاراكتوس
حتى لو ادعينا اننا فى عصر التحضر و حرية المرأة و اللستة المشهورة
مازال الرجل ينظر للمرأة ,لو قالت رأيها و لم يوافق رأيه, أنها مسكينة لا حيلة لها إمرأة لا ذنب لها فى قلة العقل و سوء التقدير - كلامى خاص بعالمنا العربى و ذكوره حتى و لو هاجروا لبلاد الفرنجة و الخواجات - و حتى لو تقلدوا أكبر المناصب و أمتلكوا أكبر الشهادات
للاسف:(
نفس الشىء قد يكون صحيح عن بعض ذكور بلاد الغرب
لاحظ انا قلت ذكور و ليس رجال:)
فلان الفلانى كاراكتوس هو أنا و أنت و غيرنا كتير
نسخر و قلوبنا متمزقة من حالنا
نضحك و ننكت على حالنا و نسخر منه لكن جوانا هم كبير و دموعنا مالينا عيوننا
[/quote]
.................................
صرف النظر عن جنس كاتب الكلام وهو ما لم يفضل الحديث عنه -( نوع [أنثى ذكر] مثله مثل دين الكاتب[..،..،..،..] )- هذا كلام راقٍ يدل على وعي وادراك لواقعنا الجميل .
..............
قلتي يا ليلى : كلامى خاص بعالمنا العربى ، لست اعرف مدى معايشتك واطلاعك على العالم الغربي ، لكن حسبما عرفت من خلال أعمال فاطمه المرنيسي ، فهيه هيه( اي الرؤيه ) لكن في لباس شيك .

وممكن الاخت "نسمه عطره" تعطينا هنا رأيها في هذا الشأن .
مش عارف اذاكنت اضع لكي هنا شيئًا لفاطمه المرنيسي تقرأيه سيكون جائز أم لا لكن ايدي بتاكلني
الكتاب الاول
الكتاب الثاني
وتقبلي تحياتي

كاراكتوس
عاجز لسانى عن شكرك على طيب كلامك و دعواتك:)

اتمنى لك كل الخير اللى فى الدنيا
و لفلان الفلانى كمان


بخصوص الحاجات الحلوة فهى من هنا
http://www.sama3y.net/forum/forumdisplay.php?f=31

ألوان الغناء النقدي الفكاهي تسجيلات فكاهية ومونولوجات
و اسعدنى جدا إنى قدرت اوصل الضحك لقلبك


يجعله عامر


Array هذا كلام راقٍ يدل على وعي وادراك لواقعنا الجميل . [/quote]


يمكن تجربة شخصية أكتر من فكرة إدراك و وعى
خبراتنا الحياتية هى اللى بتشكل أرآنا و أفكارنا و ردود أفعالنا

واقعنا بالفعل, لو استخدمت كلمات -نقول خفيفه – فهو بشع

مفاهيم مغلوطة بشكل كبير, تناقضات فوق الإحتمال فى حالات كتيرة.

بخصوص معايشتى للعالم الغربى, تقدر تقول معايشة كبيرة بحكم أمى – ربى يخاليهالى و يديها الصحة و طولة العمر- فهى من العالم الغربى
و بحكم كل مراحل دراستى بداية من الحضانه حتى المرحلة الجامعية
يعنى اتربيت و اتعلمت على ايد الخواجات و مش اى خواجات
خواجات فى قمة النظام و الشدة و الصرامة
و دى مشكلتى, اتربيت بطريقة و توقعت اتعامل بالمثل من المجتمع اللى انا عايشة فيه
لكن الواقع مختلف تماماً
و اللى بنتعمله فى المدرسة فى الكتب عن الرجولة غير الواقع
و مش لوحدى دى مشكلتى لكن كل اللى اتربوا نفس تربيتى
مشاكلنا تقريبا واحده مع المجتمع اللى حوالينا
اتربينا على نظام معين على إحترام الأخر
على إنه لا فرق بين الرجل و المرأة, لكلِ دورة فى الحياة و جنسة لا يقلل من شأنه
لكن اتصدمنا بواقع مختلف 180 درجة
اتربينا على النظام ,على الترتيب, على الحرية بشروط بحيث حريتنا تتوقف عندما تتعارض مع مصلحة الأخر و على إحترام حرية الآخر .
علشان كدا الصدمات فى حياة بعضنا -من خلال إحتكاكنا بالمجتمع- كبيرة .
بنبقى كدا بالظبط بعد كل صدمة

فى اللى بيقدر يتحملها و يتعايش معاها و فى اللى بيقع فى نص الطريق.
لكن فى نفس الوقت حكمى مش مطلق على كل العرب –رجالهم أو ذكورهم , أى كان التعبير اللى نحب نستخدمة هنا.

فى الوقت الحالى صدمتنا من نوع تانى,
صدمتنا فى المجتمع الغربى اللى علمنا إن الحرية لها حدود و الكلام الكتير عن تقدير الأخر و الشعرات الرنانة
كله "ذهب مع الريح"

ربنا يخرجنا منها على خير,
بس يفضل فيوز واحد نكمل بيه المشوار , دى اقصى امنياتى حالياً.


اسفة على الإطاله
اصلك فتحت عندى جروح كتيرة






بالنسبة للكاتبة" فاطمه المرنيسي"
للأسف مش عارفه احمل الكتب اللى ارفقتها :(
لكن دورت عن سيرتها و لاقيت حاجات كتير عنها
الرابط دا مجرد مثال عنها
http://www.diwanalarab.com/spip.php?article822

اتمنى نلاقى طريقة نقدر ننزل بيها الكتب


نرجع لشىء فرايحى شوية

بالنسبة للجيزاوى
بما إن الموضوع فيه "خبط ", فادى خبطة من نوع مختلف بس لحد ما اخد وقتى فى تنزيل منولوجات له
دا الجيزاوى
محتاجه شوية وقت و إن شاء الله و اجيب له كام عمل
التنزيل من الموقع دا بياخد وقت
ما اقدرش انزل غير مونولوج واحد كل 10 دقائق
فهحتاج شوية وقت
فكرت افتح موضوع للتحف دى فى "سمعت لك"
مارأيكم دام فضلكم؟

اروح اشوف شغلى بقى

تحياتى و تقديرى للجميع
:redrose:

Array

بالنسبة للكاتبة" فاطمه المرنيسي"
للأسف مش عارفه احمل الكتب اللى ارفقتها :(
لكن دورت عن سيرتها و لاقيت حاجات كتير عنها
الرابط دا مجرد مثال عنها
http://www.diwanalarab.com/spip.php?article822

اتمنى نلاقى طريقة نقدر ننزل بيها الكتب
[/quote]

أسعد الله أوقاتك وحلاها بما تريدين يا ليلى
اسمحي لي ان اكتب لك هنا شيئًا عن تحميل كتابين فاطمه المرنيسي :
الكتابين في الاصل مصورين من زمان في موقع ليلاس واغلب كتبها الاخرى باعتبار انها ممنوعه يعني .
لكن ان وضعت ليك رابط موقع مكتبة المصطفى الالكترونيه
ممكن حضرتك تخشي عليها وتعملي الاتي :
1- تقومي بكتابة كلمة : [ مرنيس ] في خانة البحث
2- سيظهر لكي بعدها الكتابين اللي وضعتهم لكي
3- تقومي عامله كليك يمين على الكتاب اللي عاوزه تحمليه وتختاري copy shortcut ، وتخدي الكوبي شورت كت ده وتضعيه في اي برنامج تحميل مثل Internet.Download.Manager
سيتم بعدها تحميل الكتاب
وللاسف لا ينفع تحميل كتابين في وقت واحد زمان انا كنت بحمل ما لا يقل عن عشرة كتب في وقت واحد من ع الموقع لكن تقريبا بتصرفي وتصرف اللي زيي الموقع كان بيسقط كتير حسب ما قالوا فعملوا الاختراع الجديد ده بتاع كتاب كتاب .
ارجو ان تستطيعي تحميل الكتابين
وان لم تعرفي فقط اخبريني وممكن ارسلهم لكي بالايميل
دمتي في نعمه وسعاده ويجعله عامر

يجعله عامر(f)
أولاً مشكور على تعبك معايا
دخلت
الموقع اللى ذكرته و كتبت فى البحث مرنيس
طلع لى التالى

www.al-mostafa.com مكتبة المصطفى

http://www.al-mostafa.com/

Arrayمكتبة المصطفى-www.al-mostafa.com Title & Link اسم الكتاب و رابطه Author المؤلف التصنيف النوعية WWW
يتم البحث عن`:مرنيس ` في: كل المحالات
لم يتم الحصول على نتائج. حاول مره اخرى بكلمات مفرده او جزء من كلمة واحدة او بدون ال ...الخ
Nothing found, please try again with single words [/quote]

:huh:

الموقع مظبوط و أنا دخلت مكان غلط؟