الشريحة العظمى من الشعوب العربية لا تستطيع الاشتراك في محطات "الشيخ صالح" لمتابعة ما احتكره سيادته من كافة الدوريات العالمية والكؤوس الرياضية التي حرم المشاهد البسيط منها ، هل المطلوب من المواطن البسيط ان يسرق مثلا حتى يوفر لابنه ما يبتغيه ...

ثانيا : سياسته تجاه المصريين بالذات تدل على عقدة مستعصيه على الحل ، اتذكر انه صرح مرة من جراء قيام الموظفين المصريين في الـ Art باضراب عن العمل بسبب خفض اجورهم وعدم مساواتهم بزملائهم العرب في الاجور بتفوهه بعبارات غير لائقة بحق المصريين ..

يا وضاح هو حر، يحب مصر يكرها هو حر

الراجل دا بيدفع فلوس و بيشتري بيها بضاعة.. و بيبيع البضاعة دي بسعر معين لشخص واحد فقط وأنت لما بتتعاقد معاه بتتفق على إن الرغيف اللي هتاخده منه هيكون ليك بس... و العقد شريعة المتعاقدين زي ما أنت عارف..يبقى بأي حق تخرج وصلات لغيرك ؟

الو سلام عليكم وعواف ع الجميع
الموضوع ده ليه عدة محاور نتكلم في محور محور يا نسمه تمام
1- المحور الاول - عمرو خالد كشخص يتحدث باسم الاسلام هو يصف نفسه داعيه تمام - ويصفه باتريك الباحث بتاع السيداج ايضا بذلك ويقول انه يقدم اسلام للطبقه البرجوازيه او بالبلدي اسلام للناس الذوات ، ولاني شاهدت وتعاملت واحتكيت وقعدت مع ولاد الناس الذوات اللي بيسمعوا عمرو خالد وبيحبوه ، لقيته فعلا ناجح في خطابه معاهم وبيديهم على قد اللي يستحملوه
مثلا مثلا
عاوزه وحده كانت بتلعب سباحه وبتلبس بكيني لما تحب تتدين تتدين على طريقة عباس بن فرناس وتلبس نقاب علطول او تبقى اخت وتلبس سدال ووحده وحده نلاقيها بقت تدي دروس للاخوات في البيوت
طبعا لا ينفع تمام فالراجل بيمشي معاهم وحده وحده مش احسن ما التنين يخطفوهم
المهم
كده كده اغلب من قابلتهم وتكلمت معاهم من ولاد الناس ((اصل بتوع شبرا قياسا لهؤلاء مش بني ادميين اصلا -لا نستعجل هنيجي للموضوع ده في محور اتٍ لا محاله))
اقول انا يجعله عامر ان معظم هؤلاء يعيشون فراغ ابن كلب قاتلهم موت فأسهل شيء يتكلموا فيه ايه الدين اصل مش محتاج علم حاجه كده بالفكاكه عجبني فيلم كان معمول جسدت فيه بت بتاعة اعلانات دور بنت بتسمع عمرو خالد وان كان الاعمال العربيه زفت في كل شيء بس تردد البنت بنت الضيق ( والخنقه في اللبس ) وبين البحبحه وتبقى على راحتها جسد لي حالات مماثله
فيه ناس نادره قوي منهم مخلصه لكنهم بالاساس ليسوا تربية عمرو خالد وانما ولاد أصول واهاليهم ناس محترمه وخطاب عمرو خالد مناسب ليهم فشغال ماشي الحال
هرغي كتير فننتقل ع المحور التاني .
2 - عمرو خالد قال كده فعلا شوفتوه وانا بتفرج ع التلفزيون من خلال الوصله المسروقه ام عشرين جنيه ( وهنيجي للموضوع ده حالا) وهو لما قال كده مش باعتباره فضيلة المفتي لديار الشيخ صالح لا بل ذلك باعتباره المستشار الديني (ساعتها مش عارف دلوقتي بقى ايه ) لقناة اقرأ ، فلازم يحامي عن الراجل طبعا مش بياكل عيش من وراه + ان هذا الفعل فاضح في طريق نهضة الاعلام الصالحي فوجب التنويه ,
3- بخصوص الوصله ام عشرين جنيه في الاول عمل الموضوع ده عندنا في شبرا سامح الكهربائي وكل شقه كانت تجيب وصله بالمبلغ المذكور اعلاه لكن بعد كده الناس اتنصحت كمان وبقى البيت الواحد يجيب وصله ويوصل لكل الشقق والاوض والكنبه والدكه وكل شبر وصله باريال صغير ويتقاسموا في العشرين جنيه رغم ان ممكن الواحد فيهم يشتري كل يوم سعتها يعني بكتة بانجو او جوانين ويدفع فيهم حق ايجار الوصله ناهيك عن اشتراك القناة ،، المهم مش عاوز اطول عليكي لحسن انا زهقت
جه ابراهيم بيضه بياع البانجو راح للظابط وقالوه يا باشا انا عاوز اتوب فقاله انا هاخد الدش في المنطقه ، وخد الوصلات تمام ، جه باقي الصيع اتخنقوا فقسموها شوارع والشمامين بقوا همه اللي قائمين ع الموضوع
وهبه رخص الدش وبقى اللي معاه 200 جنيه يبدل الاريل بتاع السطوح الى طشت كبير
لكن لسه برضوه فيه مشكله بعض القنوات ع الوصله ، لذلك هناك ضرورة مع الطشت لازم يكون فيه وصله للمهابيل بتوع الكوره الله يحرق الكوره واللي بيلعبوا الكوره في مصر والعالم العربي بأسره حبة مشاليل لو شافوا الدوري الانجليزي واللا كاس العالم مشيختشوا على دمهم لا حتى الكوره العرب بقر فيها المهم
.....
رايي انا بقى في الموضوع
التلفزيون العربي اوسخ شي في الدنيا كلها بكل ما فيه من برامج ( في هذه السنوات تحديدا - قبل كده كان مشرف عليه ناس مخلصه فكان كل سوق وليه مختصين كان بتاع العنب عنب وبتاع الفته فته وبتاع حمبوله القله قله ..
فالحال : جــــــــــــــــــــــَدبٌ أنَّـــــــــــــــى توجهت
وهل سيتغير الحال
رأي هيتغير بمشيئة المولى كما تقول هذه الايه من مقطع قرأني : إن يشأ يذهبكم ويأتي بخلق جديد .
أقتبس هذا النص لأقوله لأهل شبرا وامبابه وبولاق - وع الناحية التانية اغلب متديني مصر الجديده - ونلف ونروح تاني ع العجوزه وكام حته في القاهره الجديده والتجمع الخامس ..

إن يشأ يذهبكم ويأتي بخلق جديد

هو ده الحل ويجعله خربان المره ديه

لا أظن صفاء لها علاقة بالفتوى من قريب او بعيد ولا اظن حتى أن الفتوى تعنى لها شئ من قريب او بعيد ايضا لسبب بسيط فالسيدة صفاء ابو السعود بهائية الديانة وهذا ليس سرا على ماقاله عمروعمرو خالد عنده حق فيه فهو حرام بمعنى انه سرقة لشقى ناس وتعبهم واستثمارهم واتفق مع امون فيما قال اظن ان السيد صالح كامل هو رواء الفتوى لحماية استثماراته وهذا حقه وقديما قيل عض قلبى ولاتعض قرشى

لحماية استثماراته وهذا حقه وقديما قيل عض قلبى ولاتعض قرشى

..........................

يا واااااااد يا برجوازيييييييي :aplaudit:
و,,,,,,,, يا ترى يا هل ترى :con_razz:
معتق ,,,,,,,,,,,,,,,,,,,,,,,,,,,,,,,,,,, والا مستحدث ؟؟؟؟؟
قصدي البرجوازية :P

يا واااااااد يا برجوازيييييييي
و,,,,,,,, يا ترى يا هل ترى
معتق ,,,,,,,,,,,,,,,,,,,,,,,,,,,,,,,,,,, والا مستحدث ؟؟؟؟؟
قصدي البرجوازية



ايه التفاهة دى<_<

اهرش انا كمان طالما محدش علق ع الكلام
<_<<_<<_<<_<<_<<_<

ايه الحلاوة دى يا نسمة ليكى فى الفوتشوب وياما تحت الجراب يا حاوى
انا حاسس انى وقعت وسط محترفين

المهم النت لا فيه وصله ولا دياولوا ......... لا تتصورى فيه وصله

عندنا واحد سلفى بالمنطقة قطع كابل الأيه أر تى ليس لأجل عيون عمرو خالد لا بل لفسقها وفجورها ( هذه الفاظه ) ولانها تمر على سطوح بيته

تعرفى بقى لو يعرف فتوى عمرو خالد ما كانش قطعه لأن السلفيين بيكرهوه موووووووووت
تحياتى وخلى بالك منا يا ابله نسمة شوية

الدين مش لازم ينفصل عن البيزنس

دائماً و على مر السنين و منذ ظهور التليفزيون تُذاع العديد من الإعلانات على مدار اليوم بل على مدار الساعة أيضاً.
و تكون بطلات الإعلان هن موديلز أو فتيات يعلنون عن السلعة المراد الإعلان عنها أو يكون الإعلان عبارة عن قصة قصيرة يُجسدها أبطال الإعلان سواء كانوا موديلز بنات أو شباب أو يمكن أن يكون عبارة عن فنان معروف يُعلن عن سلعة أو فكرة ما.
أما الآن و على غير المُتعارف عليه يظهر نوع آخر من الإعلانات و هو الإعلان الذي يُقدمه الداعية الإسلامي !!
فوجئنا من قبل بإعلان مثل إعلان الأستاذ "عمرو خالد" على قناة (إيه.أر.تي) .. والآن إعلان "محمد جبريل" عن حديد عز الدخيلة !!
قد تكون مصادفة سعيدة تلك التى جمعت فى نموذجين من الاعلانات قدمها ما يسموا بالدعاة الجدد (عمرو خالد ومحمد جبريل) وبين اسمين شهيرين تطاردهم بقوة أقاويل الاحتكار (صالح كامل وأحمد عز).
ليست هذه المشكلة الآن ..
المشكلة .. ماذا عن مصداقية الداعية هنا ؟ ماذا عن علاقة اقتناع الناس بآراء الداعية الدينية واقتناع الناس بالرسالة الاعلانية المقدمه؟؟

و لكي نصل لإجابة سألنا أحد الدعاة الذى يتردد اسمه كثيراً هذه الأيام و هو الداعية الشاب "مصطفى حسنى" والشهير بـ "تلميذ عمرو خالد" .. ولخطورة ما قاله الأستاذ "مصطفى" نعرض لكم النص الكامل للمحادثة الهاتفية التى دارت بينه وبين محررة "زمش" ..
_ السلام عليكم الشيخ مصطفى حسني؟
_ و عليكم السلام أنا الشيخ مصطفى حسني.
_ إذا سمحت أنا طالبة في كلية إعلام و كنت عاوزة اسأل حضرتك سؤال واحد بس بعد إذنك ممكن؟
_ أتفضلي .
_ إيه رأي حضرتك في الشيوخ و رموز الدين اللي بيقدموا إعلانات في التليفزيون زي مثلاً الشيخ عمرو خالد و الشيخ محمد جبريل؟
_ و عمرو خالد قدم إعلان إيه أنتي شوفتيه؟
_ آه إعلان على الإيه أر تي اللي بيحذر فيها من وصلات الدش و بيقول أنها حرام.
_ طب و الشيخ جبريل كان عن إيه؟
_ كان بيقدم إعلان عن عز الدخيلة.
_ كان عبارة عن إيه؟
_ كان بيقول دعاء و لما خلصه أعلنوا عن عز الدخيلة.
_ ده بتاع الحديد؟
_ آه.
_ بصي في فرق كبير بين الإعلانين عمرو خالد أساساً بيشتغل في إيه أر تي و لازم يكون ليه الولاء للقناه اللي بيشتغل فيها و بعدين هو كان بيقول للناس إن السرقة حرام و ده صميم شغله كداعي إسلامي ده غير أني عارف أنه مخدش أي مقابل للإعلان ده أما بالنسبة لإعلان الشيخ جبريل فأنا شايف أنه حاجة عادية.
_ يعني حضرتك شايف إنها حاجة كويسة؟
_ آه يعني معلش مش أحسن من مثلاً موديل أو راقصة تقوم بالإعلان هو شيخ محترم بيعلن عن سلعة بشكل محترم و كمان أحنا مش عاوزين نفصل الدين عن البيزنس، الدين لازم يكون شامل لجميع نواحي الحياة كمان في ناس معلش يعني- أنا مش بقول عليكي بس- بتبقى جاهلة أو فاضية مش عارفه أوي في الشئون دي لكن بتشغلها و تفضل تفكر فيها و تبدأ تنقدها نقد سلبي مع إنها حاجة كويسة لأن الدين مش لازم ينفصل عن البيزنس.
_ يعنى حضرتك موافق على موضوع الإعلانات و ممكن تنفذها؟
_ و الله هو الكلام اللي أنا بقوله ده هيتنشر في حتة؟
_ آه إن شاء الله في موقع اليكتروني على النت.
لحظة سكوت ..
_ هو في حاجة؟
_ لا أصل كان لازم تقوليلى الأول خلاص حصل خير و الله ؛ مش عارف أنا معرفش حاجة دلوقت بس إذا جت حاجة هسأل الشيوخ الأكبر مني و الأكثر مني خبرة و إذا قالوا إنها حاجة كويسة و مفيدة ممكن اعملها لكن أنا دلوقت معرفش.
_ طب أنا مُتشكرة أوى و أسفة على الإزعاج.
_ لا مفيش حاجة السلام عليكم.
انتهت المكالمة ..
يا سلام !! .. وبكده يا ساده .. أصبحت اعلانات الشيوخ والدعاة عن السلع والخدمات والوصلات عادي جدا .. وليس فيها اي مشكلة ..

طب ما دام الكلام بأه ع المكشوف كده .. نقول اللى عندنا ..
ما رأيكم يا أساتذه .. عمرو خالد ومحمد جبريل ومصطفى حسني .. فى الاحتكار؟؟
هل هو حلال أم حرام ؟؟ وما رأيكم أيضا فى استغلال الدين والأدعية الدينية فى الترويج للسلع ؟؟
وطالما انه لازم ما نفصلش بين الدين والبيزنس .. يبقى ممكن حضراتكم تقولوا لنا بتاخدوا كام فى الحلقة .. وبالمرة بتاخدوا كام فى الجلسات الخاصة لرجال الأعمال والفنانين ؟؟
وايه رأيكم فى التجارة بالدين ؟؟؟ وما حكم من ينقل للناس ما يعلمه من معلومات دينية أو فقهية (إذا كان يعلم ما يستحق) مقابل مبالغ من المال ؟؟ أليست هذه تجارة بالدين ؟!
لقد أعلن السيد (مصطفى حسني) - والذى يعلن فى كل مكان أنه فخور بأنه تلميذ عمرو خالد - أعلن بكل وضوح أنه يمكن استغلال الدين فى التجارة وانه لا عيب فى ذلك (الدين مش لازم ينفصل عن البيزنس) .
أليس هذا نص كلامك يا سيد (مصطفى) والذى من الواضح أنك تخشى نشره كما يظهر من المحادثة التليفونية .. هل هذا يا أستاذ
"عمرو" هو ما تعلمه لتلاميذك النابهين ؟؟

كلمة أخيرة..
هل وصلت الأمور لهذا الحد الخطير من افتراض الجهل والغباء فينا ؟
هل وصلت الأمور لهذا الحد الذى يدفع هؤلاء السادة (الدعاة الجدد) إلى الدفاع بوجه مكشوف عن مواقفهم الغريبة وتصرفاتهم الخطأ ؟
هل وصلت الأمور للدفع بمبررات ساذجة من عينة (كمان في ناس معلش يعني- أنا مش بقول عليكي بس- بتبقى جاهلة أو فاضية مش عارفه أوي في الشئون دي لكن بتشغلها و تفضل تفكر فيها و تبدأ تنقدها نقد سلبي مع إنها حاجة كويسة) والتى لا تعكس سوى قصور فكرى وثقافى رهيب؟
معلش مش فاهم يا استاذ مصطفى الجملة الملخبطة دى ..وكمان أرجوك .. لا تتحدث عن الجهل يا سيد (مصطفى) .. أرجوك
كانت هذه أسئلتنا .. التى لا نتوقع لها إجابة من السادة المحترمين (الدعاة الجدد)..
كانت هذه أسئلتنا .. التى لا نريد لها إجابة من شبابنا المنقادين بكل انصياع وراء أفكار وبرامج ولقاءات هؤلاء (الدعاة الجدد) .. فقط نريد منهم أن يفكروا ويقرروا بأنفسهم ..
وأن يجيبوا على هذا السؤال الجميل: هو صحيح الدين مش لازم ينفصل عن البيزنس ؟
منقووووووووول