[quote name='طنطاوي' date='Dec 16 2007, 12:13 PM' post='455809']
§ الكهرباء لما بتتقطع بتروح فين؟! [/quote]
سؤال مالوش معنى
ايه علاقة القطع بانها بتروح حتة تانية
اقتباس:§ لو فيه شجرة وقعت على الارض فى الغابه، هل بقية الشجر هيضحكوا عليها؟
الشجر ما بيضحكش
اقتباس:§ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟!
بيقولوا ابتسم مش اضحك
اقتباس:§ لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟
جرب اطلبها وشوف
اقتباس:§ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟!
§ طيب لو كان الحب اعمى ..ليه واكلين دماغنا بالحب من اول نظرة؟
الحب اعمى بس المحبين بعيون
اقتباس:§ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟
اه
اقتباس:§ الأخرس بيكلم نفسه إزاى؟
مابيكلمهاش
اقتباس:§ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة!
يعنى مش مهموم
اقتباس:§ معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!
اه
اقتباس:§ ليه البنات بتفتح بقها وهيا بتحط (ماسكرا) ؟
لما يكون فيه رجالة بتبص بس
اقتباس:§ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟!
الاهلى فى الجزيرة مش فى الزمالك
اقتباس:§ ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟!
علشان الاقصر فيها اثار بس الاثار مافيهاش اقصر
اقتباس:§ ليه الناس مابتقولش (الرياضة فايز ومهزوم) غير لمّا تتغلب؟
من خيبتهم
اقتباس:§ ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
بيتوقف على نوع العصير
اقتباس:§ ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!
علشان مايصحيش اللى نايمين
اقتباس:§ ازاى تقدر تعرف المسند بتاع كرسيك فى السينما؟
بالتحسيس
اقتباس:§ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟!
معلومة غلط
بيقولوا الالقاب عشوايا وانت وحظك يا اسطى
اقتباس:§ ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة!
ش كل الاخبار بتبقى الساعة تسعة
اقتباس:§ ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟!
وانت مالك هوة حر
اقتباس:§ لما تيجي تتصل بواحد.. ليه الأرقام اللي بترد غلط.. ما بتكونش مشغولة؟!
لانها ردت
اقتباس:§ لو كانت الأرض كرة – زى ما بيقولوا – طيب الماتش هيبدأ إمتى؟!
ابتدى من زمان وشغال اهه
اقتباس:§ ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".
علشان اح فيها سكس وبررررر لا
اقتباس:§ إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!
كمان مش عارف نفسك وجاى تسالنا احنا
اقتباس:§ ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟!
علشان ماتعملهاش تانى
اقتباس:§ لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟
بيموت
اقتباس:§ لمّا الواحد بيعلّى صوت الكاسيت، هل ده بيسحب كهرباء أكتر؟
ايوة
اقتباس:§ لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟
ممكن ولو مهمة مستعجلة بيبلغ المركز يبعتوا حد تانى
اقتباس:§ هل الحيوانات بتعطس؟
ايوة
اقتباس:§ طيب العصافير بتتخلص من الميه اللى بتشربها إزاى؟، انا عمرى ما شفت عصفور بيعمل بى بى!
بيعملوا ركز معاهم ثم مافيش كائن بيتخلص من المية اصلا التخلص بيبقى من المخلفات
اقتباس:§ طيب هل حصل فعلا فى يوم من الايام أن فيه واحد (ضرب عصفورين بحجر)؟
لو الحجر كبير ممكن ليه لا
اقتباس:§ ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟!
دى مشكلتك انت
اقتباس:§ ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!).
بيقولك ان شاء الله لو مش هوة هيقولك ان شاء الله لا
اقتباس:§ ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!
هوة بيدور معاك على شئ يكون علامة مميزة الحق عليه يعنى
خلاص خليك تايه
اقتباس:§ ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟!
مش شرط ممكن حد تانى يرد
اقتباس:§ بيقولوا (لكل قاعدة استثناء)..طيب ايه الأستثناء بتاع القاعدة دى؟
القاعدة دى غلط
اقتباس:§ ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)!
لانه سمع المعلومة من حد تانى
اقتباس:§ ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟!
ماتبقاش تعدى عليهم تانى
اقتباس:§ ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟!
دايما فيه واحد اول مرة يشوفه
اقتباس:§ طيب ليه المذيعة بتقول أعزائي أفراد الأسرة.. وهى ما تعرفش حد فينا؟!
مه لو تعرفكم كانت قالتلكم باساميكم
اقتباس:§ ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟
بيشاور اشارة يرسم بيها باب
اقتباس:§ اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟
مابيشمش
اقتباس:§ طيب ليه اللي يسألني عن الساعة لازم يحلفني "الساعة كام والنبي؟!".
مش كل الناس اللى بيقولك و النبى روح اساله
اقتباس:§ ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!).
مش صحيح
اقتباس:§ ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".
العربى شكله وحش تشكيليا
اقتباس:§ ليه الواحد ما يشربش إزازتين "مزيل دهون" علشان يخس؟!
لان الدهون تحت الجلد مش فى المعدة
اقتباس:§ اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟
مكتوب عليه
اقتباس:§ لو " رُكب" الإنسان كانوا ورا مش قدام، كانت الكراسى هيبقى شكلها ايه؟
مافيش فرق
اقتباس:§ ليه الواحد بيدوس على الريموت كنترول بقوة وعنف لما الحجارة بتشطّب؟
التلامس الاكبر بيوصل شحنة الكهرباء الضعيفة
اقتباس:§ التوأم الملتصق لما بيدخل السينما ، بيقطعوا تذكرة واحده ولا تذكرتين؟
واحدة لانهم بيقعدوا على كرسى واحد
اقتباس:§ ليه الكبار بيطلع لهم شعر فى ودانهم؟
الشعر موجود عند الصغار وبيكبر مع الكبار
اقتباس:§ لمّا البوليس بيهجم على شقة ويكسّر الباب، مين المسئول إنه يصلّح الباب ده؟
قانونيا البوليس
اقتباس:§ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجب
بيشيلوه
بحث
قائمة الأعضاء
التقويم
وثائق المساعدة
