اقتباس:  أبو إبراهيم   كتب/كتبت  
 
سوري،

يا خسارة القهوة والعصير والدلال اللي دللناك ياه...
بدك تحكي بالسياسة ؟
ما تموز ناطرك... بده يقدم تقريره...
شو مفكر الخمارة بتربح بس من المشروب ؟
:lol2:

إإإإإإ


(f)

_قلتلي انت عايش بفرنسا ؟؟ ماهيك:what:
و لا يهمك موقعك و اطلعنا عليه الرفيق القداح طارق رفع تقريره السنة الماضية..
ابقى خلينا نشوفك لكن:cool:

_عم تخوف المعارضة مني ما هيك .. بدك تقطع رزقتنا .. ماهيك؟؟ كله مشان شقفت هالخمارة؟؟
التقرير القادم رح اتوصى فيك خصت نصت {عبارة شعبية تعني : عن سابق تصرير و اصمام}..
لا تاخذني اليوم شربان عن مزح أنا.. قال الرفيق سوري شربان عن جد اليوم؟؟.. هئق ...

_كاسك سوري كاسك بوبراهيم
_كاسكن كلكن كلكن

و لنا عودة حين قليل ريثما يختمر الطاس في الطرنطاس




_هع.. تقارير قلتلي؟؟... و معارضة بالعارضة :23:... ياحراااااااااااااام

تمووووز وينك ..شكلك طابشها بالسكرة امبارح ....إذا هون اصرخ صوت يابي ...

وبلاها الرفيق يستر على حريماتك يعني ...أنا يميني فاشي انعزالي ..على مذهب أبي سعيد الميداني إقطاعي رأسمالي ...


وطيبة على طيبة ...
:D

سؤال للزعران شاربي الكحول...ماهو النبيذ الأحمر الحلو الذي تنصحون به...بس سعرو مش أكثر من 5 أويرو..شنو أنا بخيل

:97::97::97:

انصحك يا بسام بالبورتو PORTO
و هو مشروب برتغالي عبارة عن نبيذ حلو ..
هو من الأبريتيف مقبلات .. و يحبوه النسوان كثير لانه خفيف ..
و غيره في النبيذ الحلو تبع الخوارنة:97: بس خوارنة الأرثوذكس كثسر الله امثالهم
و لكن كل انواع النبيذ الحلو مقبلات و لا تؤخذ مع الطعام و لا مع الاجبان
_ و بون يونيفرسير دكتور= هابي بيرث تو يو



_سوري لكن طلعت اقطاعي راسمالي انبطاحي و متل ابو سعيد ؟؟؟:what:

_هه هه و ينك يا ابو سعيد عليم الله مشتاق لك ..
في موضوع عانن ع بالي بدي احكيك ياه ..

_موضع انت و سوري العزيز و ها انا لسه باول السكرة .. اليوم فودكا .. بس لو بتشوفوا شلون عم اشرب فودكا ..
لازم حط صورة
بس السكرة لسه ما فقست

_الموظوووووع هو: حول نص النعل الذي يجب ان نضعه للبسطار السوري ...
40 سنة دايس على رقاب الشعب الأبي حلّه يهتري ..
ف ف ف ف شو رايكم نركب له نص نعل او نستورد شي بسطار اجنبي بيلقى اكتر ..
بقى بدي ابو سعيد يشوفلي شي بسطار اميركي غير شكل بركي منستورده
البسطار الوطني اهترى من خشونة رقبتنا على ما يبدو:duh:


و بعدين هيك جرسه اكثر حين نقول كما قال لي صديق عراقي :
_ ياحرام انتم السوريين بعدكم على البسطار الوطني و اية وطني صناعة بعثية بائدة ... نحن تطورنا غير البسطار الاميركي المارينز الله وكيلك ما بيدعس على رقبتنا ...
فشو بسطار بعثي صار له 40 سنه اتطوروا يا جماعة
_ ولا يهمك خي عراقو نحن كمعارضة فايته بالعارضة سنحاول تركيب نص نعل جديد لان رقابنا تعودت البسطااااااار الوطني .. تحيا الصناعة الوطنية و تحيا.. هيه ..
بسطار العرب للعرب
بسطار العرب للعرب:aplaudit:



_سوووووووووووووووري وينك يا خيوووووووووو

_ ابو سعيد تعال شربك كاسة شاي بالنعناع على الطريقة المغربية غير شكل هاياها ايناس بتعملها ع الاصول و مع رغوة كمان

_ كااااااااسكم

:lol::lol::lol:

-أهليييييييييين تمووووووووووووز

-بس شو هاي قصة نبيت الأورثوذوكس ...هلأ نبيتهن غير نبيت الكاتوليك ....العفش إلي عمر بهالمصلحة وأول مرة باسمع هالسمعة ...

-بعدين يا منظوم حتى وأنت عم تتقرب بدك تمزمز :lol::lol: ..طيب انه أطيب قربان هدول ولا هدول ...الموارنة ما بيقدموا نبيت بالمرة ..بس مقبلات ..بيغبوه الخوارنة يمكن ...

-هاد أب سعيد اليوم الويك-عيند تبعه بيختفي عن الساحة إلا للضرورة القصوى ..لولا هيك كنا جبناه موجوداً ...
-بعدين مشان البسطاااااااار ..لك اييييييييه بدنا نغيره بقى ...بدنا نغير طعمة ***نا شوي يعني ...ما بيحقلنا ...
بدنا لللل ..لنلحس أصبعنا سيد نور ...سيد تموز قصدي ..

-بسام بذمتك بدك نبيت ب5 أورو ...ردهن على جوعتك هدول :D:D
منتوف وبده يسكر ....اشرب اسبيرتو أوفر أو باستيس منيح
:lol:


نعود لاحقاً

i feel so dezzy @!!!!@#@#:97:
wallahi fade7a !!!

if it is wine , beer or any alcoholic drink !!!!
i cant enjoy going out to bars becoz i cant drink !!!!!

:saint:

اقتباس:  سوري   كتب/كتبت  
:lol::lol::lol:
-بس شو هاي قصة نبيت الأورثوذوكس ...هلأ نبيتهن غير نبيت الكاتوليك ....العفش إلي عمر بهالمصلحة وأول مرة باسمع هالسمعة ...

-بعدين يا منظوم حتى وأنت عم تتقرب بدك تمزمز :lol::lol: ..طيب انه أطيب قربان هدول ولا هدول ...الموارنة ما بيقدموا نبيت بالمرة ..بس مقبلات ..بيغبوه الخوارنة يمكن ...
نعود لاحقاً

له له له !
بزعل منك هاه!
نبيت الأرثوذكس غير، لأنه معتق أكثر، ليش مين قبل؟ :D

على فكرة، تقربت مرة عند الكاثوليك، انطعجت، طلعت القربانة برشامة بيضا :lol:

ذكرتني بالخوري الجديد يللي بعد انتهاء صلاة الأحد جاء للمطران يسأله رأيه فقال المطران:
يعني، في شي غلطتين تلاتة:
أولاً: المسيح انصلب بالقدس مو بتكساس
ثانياً: أم المسيح مريم العدرا، مو مريم يللي بسجن عدرا
ثالثاً: يا أخو الشليتة قلت لك اشرب لك قدح نبيت ليخف خجلك ما قلت لك تغب الإلفية كلها.

كاس الجميع
كاستليتا

صباحو
ايناس ... كيفك حبيبة قلبي !!
ايناس: أهلين بوشهاب .. وين هالغيبة..؟
بوشهاب: أهلين يا روحي ويا شقفة من قلبي .. جوابا على سؤالك .. شوي مشغول بالهدني !!
ايناس : شو جاي على بالك تشرب ... ولا أصبلك على ذوقي!!؟
بوشهاب : يسلملي ذوقك .. بدي كاسة شيفاز مع الجنجرآل مع شوية تلج ... بس وينن الشباب ما عاد شوف حدا!!!؟:what:
ايناس : كلن مشغولين بالهامصايب !!!
بوشهاب : :nocomment:
بوشهاب: طيب ... انتي مشغولة ؟؟؟!!!:devil:
ايناس: ايه شوي عندي غسيل من على بكرة !!:no2:
بوشهاب: ايه طيب !!:emb: سلملي على تموز ..
ايناس : تكرم بوشهاب ..:23:
وكاسك يا وطن !!!:rose:

_احلى شباب و الله

_ايبلا و سوري
ما عم اعرف على ايش عم يتخانقوا:what:

_و احلى عصير يافاوي ل female

_كاسك عمي ابو شهاب عم اشرب كونياك اليوم

_عم حاول أهضم هالحالة العويصة بلا جدوى

فقلت لحالي هيك بضرب كونياك و بضرب عصفورين بحجر
دواء بدني و دواء روحي ..

_حطيلك تلجة ايناسو... ايه ايه مع الكونياك بس انتبهي اتدوب بين ايديك ..
ايديك نار يا حبي

_ و اله هيدا بو شهاب مبين عليه رايق و فايق
من طلبه لقدح الويسكي باين غير شكل:9: اتوصيلنا فيه ايناسووووووووو وأول قدح ضيافة ..روووووح

_مية مسا.. صبح و مسا و فلة حمرا و كاسك بو شهاب



(f)

كاسك يا وطن

مابعرف كل ما أسمع قدح وأقداح، بتذكر اسم عيلتي. :D

وهات كاس الراح واسقني الأقداح.

قدح بوردو معتبر 2001 (شاتو سان ليون)

(f)